ذكرت ايام ماضينا وجلسات حضنها السو

ذكرت ايام ماضينا وجلساتٍ حضنها السو
وذاك المنزل الي كم رسمنا فوق جدرانه
صبرت وضاق بي وقتي وذوقني مرار الجور
وذوقني الزمان المر اشكاله والوانه
وجلست لحالي احاتي حزين وخاطري مكسور
وبقت فيني عروق الشوق والاشواق ضميانه
اعيد ايام ماضينا ولا اسمع غير (بنت النور)
واردد هالشريط امرار ونصت له علشانه
يطربني ليا من قال (عقد من الوله منثور)
احس انه جمع هالفن في صوته وألحانه
قبل يرحل يوصيني واقول امر وانا المامور
يقول إن غابت ايامي تلاقيني فشرطانه
مريض البعد ما يبغى علاج وروح الدكتور
مريض البعد ياصاحب علاجه شوفه خلانه
صحيح ان وقتنا قاسي صحيح إن الليال تدور
صحيح إن كل عاشق فالزمن هذا له احزانه
يا ليت الحب له مرسم وله مبدء وله دستور
عشان احكم على المزيون احطه وسط زنزانه
واحط القلب له قاضي واقوم اشهد عليه بزور
واحط عيوني الحارس لاجل ما تفارق اعيانه
ما هو من طبعي القسوه ولكني بعد مجبور
اخاف يطول به صده وياسرني بهجرانه
زمانا راح ما نقدر نعيده بس انا مقهور
ماهو بالمقصد اعيده .. ولكن كيف نسيانه ..!!
تحياتي لاكسجين حياتي




منقووووووووول
 
عودة
أعلى