شعر غزلي رائع

العيون الواسعه .. يا هي بلاوي
............. خص لاطلت تحت برقع حلا

طلته الترف .. ومنظرها بداوي
............. وطرفها إسل قلبك ما سلا

تتعب المزيون وماله من يخاوي
............. هي الاولى وبعدها كل الملا

كل ما شفته وأنا بفكري خلاوي
............. قلت مرحب بلا شعور ويا هلا

صايبه مبسوط منها ما يداوي
............ يستلذ الجرح منها والبلا

نظرة بالعين ..وصابتني مكاوي
............. وما يداويني سوى غمزة غلا

فاتنتني .. ما هي مكياج كيماوي
............ زينها ما حتاج حمره أو طلا

ربي أعطاها ولا كل العطاوي
............ عين ريم عايشه وسط الفلا

تظلمه لو قلت هي بدر سماوي
............ وما توافي وصفها شمس الخلا

يا عيون كاحله تحت الغطاوي
........... ليت حظي مثل حظ المكحلا

تحياتي...

منقول
 
35228_01198498521.gif
 
عودة
أعلى