تاج راسك


(حال البنت اللى واثقه من حبيبها بتقوله)

هفضل اقربلك من ناسك
مهما اتغريت .
منا ستك برضه وتاج راسك
ولا انت نسيت .

عرفاك عاشق وهواك
باين فى كلامى معاك
ولو تعند هعند وياك
وهتبقى انت اللى باديت .

مشكلتى ان انا بهواك
وعشان كده عاشقه أساك
بزعل منك فى حجات
وبضحكه الاقينى نسيت .

حبك ياحبيبي مش راسي
وتعبت معاك احساسي
بتتقل وبتعمل ناسي
ولما اتقل الاقيك حنيت .

ويبان فى عنيك احساسك
وبترجع وميل راسك
منا دهبك برضه وماسك
وعشقك ما انت اللى هاويت .

وهفضل اقربلك من ناسك
مهما اتغريت .
منا ستك برضه وتاج راسك
ولا انت نسيت .
 
ليييه افتقدنا شاعرنا المبجل اين اختفى
اعثر عليه يا جني شعشوع :k:
كلمات جميلة متنوعة يوم تشتم بالنساء
ومره تانية تكرمهن
حقيقة رهيب سلمت
 


هلا بك استاذ عبد الحميد ..


جميل جدا ما باح به خاطرك
نص ادبي انيق فائق الجمال
احساس وشعور رائع يعانق الكلمه
ويعانق احساسنا ايضا
بأنتظار كل جديد لك بشوق

اطيب واسما التحايا لحضرتك


 
عودة
أعلى