الرجيم الصحي و المثالي و ينزل 2 كيلو بالأسبوع

*عبير الزهور*

Well-known member
خواتي العزيزات .... وانه اتصفح انواع الرجيمات الموجودة بالمنتدى لقيت بعضها غير صحي ولاينصحون به اخصائييون التغذية فلقد اخذت عدة رجيمات كنت شاكة انها غير صحية وتضر أكثر من إنها تفيد وطبعتها واخذتها لاخصائية التغذية اللي اروح لها وحذرتني تحذير شيدي من هالنوعية من الرجيمات لان لها اثار جانبية على المدى القريب والبعيد وطبعا انتوا خواتي وما ابي ولا وحدة منكم تنضر لاني فعلا أحبكم واستفدت على يد الكثيرات منكم اللي يجزاهم الجنة ويجعل حياتهم كلها نعيم قولو امين وعشان جذي حبيت أحذركم لاتسوون اي رجين لانه مجرد انه ينزل الوزن بزمن قياسي وتأكدي اختي انك راح ترجعين هالوزن بمدة اقصر ويمكن ازيد من الوزن اللي نزلتيه ونزول الوزن المثالي في الاسبوع هو 1 او 2 كيلو بالكثير عشان تضمنين انه ما يرجع مرة ثانية وطبعا هذا مو كلامي كلام الدكتورة والمفروض الرجيم الصحي يحتوي على جميع العناصر اللي يحتاجها الجسم (من بروتين ، نشويات، فواكه، خضروات، البان) لانها وايد مهمة للجسم ولازم لازم لازم يا بنات تاخذون حبوب الفيتامينات لانها ضرورية جدا جدا جدا لمنع تساقط الشعر ولتقوية الاظافر وللاهتمام بالبشرة فنشوف كثير من البنات اتسوي رجيم بس لما تنحف انشوف شكلها يتغير للاسوء مو للاحسن بشرتها جافة ما فيها حياة والشعر شوي وتقرع من كثر التساقط والاظافر تتكسر وتصير رقيقة جدا وثالث نصيحة يابنات الماء ثم الماء ثم الماء لازم لازم لازم لازم لازم 8 أكواب ماء يوميا والله يابنات انك راح اتلاحظين التغيير على بشرتك في اسبوع لازم يابنات اتعوظين السوائل اللي تفقدينها وأخيرا يا بنات الرياضة وهي على الاقل مشي نص ساعة وتمرين البطن ابتدي 10مرات وزيدي إلى 50 مرة لاتقولون ما عندنا وقت ولا ماحب اسوي رياضة لان الرجيم بدون رياضي ماينفع وراح اتشوفين جسم مترهل وتتمنيين لو انك تمتنيين مرة ثانية نص ساعة باليوم مشي ما اعتقد وقت كبير لمدة 4 ايام وخلي الاربعاء والخميس والجمعه راحه من الرياضة وتمريين البطن وانتي اتشوفين التلفزيون برنامجك المفضل سويها ماراح تخسرين شي غير هال****ت اللي بتختفي من بطنك ولا شرايكم

الحين نجي للتطبيق راح اكتب لكم الرجيم اللي امشي عليه من اخصائية التغذية لمدة اسبوع واذا عجبكم وحابين اتواصلون راح اكمل معاكم ****لله

وقبل بدأ الرجيم حابه انصحكم نصيحه للبنات اللي يخبصون في الاجازات الخميس والجمعه لاتبتدون من يوم السبت ابتدي من يوم الاربعاء او الخميس عشان الحماس يكون عندك عالي وما راح تخبصين اما اذا بديتي السبت نهاية الاسبوع راح اتحسين انك مليتي وراح اتخبصين

نجي للرجيم




الفطور:
- حليب خالي الدسم او شاي بحليب قليل الدسم أو كوفي مع حليب قليل الدسم
- 1 توست + 1 سلايس جبن قليل الدسم او جبنه قريش خالية او قليلة الدسم
أو كورن فليكس قليل الدسم أسمر مع حليب خالي الدسم وأفضل شي كورن فليكس Fitness طعمه لذيذ
أو 2 بيضة مسلوقة

اختاري اللي يعجبك من الشراب او الاكل للافطار بس شي واحد من الشراب وشي واحد من الاكل

الضحا: تفاحة أو خيارة أو قطع اناناس أو اي فاكهه اتحبينها
ماعدا ( الموز او المانجو أو التمر او التين )
واذا حابة منهم شي ممكن تاخذين بس بكمية قليلة يعني ربع موزة ونص مانجاية و2 او 3 حبات تمر وحبه تين

الغدا :

- سلطة
- سمكة مشوية او صدر دجاج مشوي او قطعة لحم مشوية او تونه في ماء او خضروات مسلوقة
- اتوست او ربع خبز او نص كوب رز كمية قليلة بس يكون مسلوق بدون دهن او زبدة او ماجي
وانه افضل الابتعاد عن النشويات في الغداء يعني اكلي سلطة ولحوم وقللي النشويات واللي ما تقدر تستغني عنهم تاخذ بالكميات المكتوبة بدون زيادة

العصر : 2 قطع بسكويت دايجستف قليل الدسم او حبه فاكهه
واذا حسيتي انك مو يوعانه لاتاكلين بس اذا يعتي ما في مانع انك تاكلين عشان ماتحسين بالجوع

العشاء :
- كوب بليلة او ا توست مع جبن قليل الدسم او شيش طاووق 5 قطع او دجاج مشوي (صدر) او قطع تكة لحم مشوي او زبادي قليل الدسم مع خيار
- سلطه
- عصير برتقال فرش او عصير تفاح بدون سكر​






هذا بالنسبة للرجيم وراح اتلاحظون انه مو صعب بس لازم ارادة وهو مو رجيم مجرد تعدييل لنظام اكلنا

الماي لازم كل ساعة او ساعتين تشربين ماي مو لازم تكونين عطشانه عودي نفسك انك رايحه جايه تشربين ماي راح اتحسين نفسك تشبعين بسرعه بس الماي مع الاكل ممنوع على الاقل قبله بنص ساعة وبعدة بساعة

المشي يابنات وما ادراك ما المشي والله يابنات انه له مفعول عجيب في تنسيق وشد الجسم جربوة وراح اتقولون مولا قالت لنا وتمرين البطن اذا تبون هالكروش تروح ضروري تمرين البطن لان ما في شي ايودي الكرش لا ادوية ولا اعشاب ولا اي شي سحري اللي ايودي الكرش هو الرياضة سوي تمرين البطن وانتي اتشوفين التلفزيون وراح تنسين انك اتسويين تمرين ابتدي ب10 مرات وكل يوم زيدي 10 وراح اتلاحظين ان الكرش راحت مع الوقت

الفيتامينات يا بنات ضرورية لتعويض النقص الناتج عن اتباع الرجيم وراح اكتب لكم اسم الفيتامينات اللي عطتني اياها الدكتورة وسعرها رخيص ومفعولها روعة سعرها 3 دنانير ونص يعني 35 ريال اعتقد سعر حلو لاتقولون ان الفيتامينات تسمن لاني استعملها ووزني ينزل ولا سمنت ولا شي ولو تسمن جان ما كتبت لي اياها دكتورة التغذية واهي تدري اني ابي انزل وزني اسمها Skin, Hair & Nail لون الكرتون وردي والكتابة بالبنفسجي وهي عبارة عن جميع الفيتامينات والمعادن التي يحتاجها الجسم ضروري يابنات مع اي رجيم انك تاخذين فيتامينات عشان ما تتاثرين بطريقة سلبية في المستقبل

وأخيرا أتمنى موضوعي عجبكم واتمنى الصحة والعافية للجميع

تحياتي

(منقووول )
 
يعطيك العافية يارب
هلاء ازا بدك الصراحة أنا بعرف بنات بياكلو ربع الاكل يلي مذكور بنظام الريجيم
ومع هاد مش عم ينزل الوزن 2 كيلو بالأسبوع
ومع العلم انو كمان عم يمشو ويلعبو رياضة

ف بعتقد انو 2 كيلو مع الدايت هاد شوي مبالغ بالقصة
تحياتي الك عبير الزهور
 
عودة
أعلى