قصيدة شعر عراقي شعبي رائعه(بس المحترك يعرف حجي الدخان

ترس روحي الضباب وبينت وياك
كلي بروحك امشي وجرحي ما شفته
انه بالنسمة أعثر وانت قيس الحال
مو جدمي وراك خيالي ما شلته
وأجي بواهس عذر وحروفي مني تطيح
واتبده اعلى وجهك مستحى وسكته
وأنخل غير وجهك واليطيح تراب
وانكتهم واهزهم بس تظل انته
رمح فركاك إجاني مسابك ويا الريح
ماقصرت تسلم بالنفس جبته
بس المحترك يفهم حجي الدخان
ويعرف حرورته ويفهم سبب علته
مثل عاشك بغربة ومره وكت غروب
يفرفح من يمر طاري الهوا يموته
انه بخصر السنابل جم حلم ضميت
وطعم شبكة المنجل من رحت ضكته
الندى عمره مسافه ومن يطيح يموت
وانه بعمر الندى وفجرك وصل وكته
اذا فوك الورد لو فوك صخرة يطيح
ما تفرق بعد لو عمري طيحته
انه مبلل عشك يل يبست ملكاك
رحت وخيال وجهك عيني حاضنته
واظفر بالخلك بلكت كصيبه يصير
وضوا جفوفك بصدري الكاها ظافرته
واغص بليل واكصر والمسافه تطول
واجي وتعثر عيوني بكل أثر عفته
واجي مغيم سهر يمك وانكط ليل
وطرت مو بالسما لا بالحجي الكلته
وعكس جية الضوا روحك بروحي تطير
وعبرنا السابعة وجناحي ما درته
ولحد ثامن سما وصلت الشهكة وياك
واسافر والتراب بجدمي ما دسته
ونكت ثيابي يمك جان بيهن غيم
من ثامن سما للكاع وصلته
على غصن انتظارك ريح ما هبيت
وزرعت الميل بيه وخضرت دكته
انته العلمتني شلون افك ذرعان
بالملكه الموادع ما تعلمته
من يكبر فراغك صدري جان يضيك
وانه البد بعطرك ما تنفسته
واكدر بالضوا بس ما رهم وياك
وعلى كد الشمس ملكاك فصلته
وافك نشاب صدري لكل سهم بي روح
واكفر بالحنين الما اجه بوكته
الترس راسي بغيابك ريحة البارود
ساتر والرصاص يخيط بكصته
طفه وجهي بخيالك لو بعد موجود
من نجمة اعلى نجمة الليل ورثته
المطر يوكع مغمض والتراب يشوف
ما بللت وجهي وسافرت سكته
مو ما شفت وجهك ما شفت مكفاك
شأمد ايدي وكفاك بعيني ما لحته
ينسمه وسافرت يم ناس مخنوكين
الهوا ضيك عليهم وانته كبرته
تعال اشلع الطين البي عرك ملكاك
بيا صحرا حنينك مشا قافلته
جبروك وطفيت واهسك وياي
كفرت بكلشي بعدك والعشك صمته
على برد العطش وتبده وجهك ماي
على كل حال كلبك روحي عاذرته

بقلم المبدع الشهيدImageUploadedByمنتدى عبير1447268930.788884.jpgImageUploadedByمنتدى عبير1447268953.162162.jpgImageUploadedByمنتدى عبير1447268975.151510.jpgImageUploadedByمنتدى عبير1447268998.816725.jpg علي رشم ,
 
قصيدة رائعة
الله يرحمه ويسكنه الجنة
اللحين عرفنا من يكون علي رشم إلي داخله بإسمه
يعطيك العافية إختي
 
عودة
أعلى