ليل الهواجيس

بركان المشاعر

Well-known member
راقت لي ه الابيات وحبيت انقلها لكم


ياليل ياللي عليه صرت دايم ثقيل
بالله قلي ياليل متى تبري الجراح !.


قصير عند البشر وانا عليه طويل
لانامت الناس انا سهران حتى الصباح ..


خاويت فيك النجوم الجدي ويا سهيل
والشعر باللي يكن الصدر ياليل باح ..


هواجس كنها البراق عرض المخيل
ياضامي اشرب حقوق السيل عذب قراح ..


تقهو من صافي الهاجوي بن وهيل
شبت بصدري معاميله وبالشعر فاح..


ابدع بيوت الشعر واختار منه الجزيل
في الهزل يا أهل العقول الشم مالي صلاح ..


العبد لو طال عمره يقتفيه الرحيل
يعيش ما عاش في الدنيا هموم وكفاح ..


والناجح اللي عن الاسلام ماله بديل
ثابت على الشرع ماهزته كثرالرياح ..


راعي عزوم قويه للثقيله يشيل
طلق الحجاجين في وجهه تشوف السماح ..


حاتم زمانه لضيفه لو معاشه قليل
سموه من كثرة ضيوفه بمخلي المراح ..


وان جيت له في لزوم الناس راعي جميل
يقضي اللوازيم صقر من صقور الفلاح..


مايكسب المدح رجال بجاهه بخيل
والا ليا جت للمده يدينه شحاح..


هذا كلام العقل ماهو بقال وقيل
من كان هذي فعوله يستحق المداح ..


واهل الحسد والنذاله ماوراهم حصيل
حاذور سدك لهم طوال الزمن لايباح..


النذل لاتصحبه رفيق والا زميل
يضحك بوجهك وفي غيابك عطيب الرماح ..


اعطيتك اوصاف بعض الناس والله وكيل
ماقلت غير الصحيح الي حسبته صراح ..




اليا ضميت اشرب الجمه وكب النثيل
هذي نصيحة مجرب خلها لك وشاح ..


يالله يالواحد المعبود مالك مثيل
تغفر ذنوبي نهار فيه خسر ورباح ..


وتجعل لنا في نهار الحشر ضل ظليل
وفي جنتك بعد قبض ارواحنا المستراح ..
 


صح لسان قايلها \ و سلمت يد ناقلها

قصيده جميلة و أكثر من رائعه
عذبة المضمون و المعنى
إختيار موفق أخي الكريم
شكرا لك لوضعها بين أيدينا
\
الله يعطيك العافية
و دمت بخير
imagesqtbnANd9GcRqXPO26WMMJnRcM2UPcWjsnB-1.jpg




 
عودة
أعلى