فرقة صكات بقعى خليل من خليل

فرقة صكات بقعى خليـل مـن خليـل

بسم الله الرحمن الرحيم

اتمنا ان ترتقي لذائقتكم
كل ماغنيت قافي وميلت العقال
السعاده فارقتني وعزمة الرحيل

أشهد (ن)الحظ مايل ومال الحظ مال
مالقى وصفة علاجه سوى القلب العليل

انطوت صفحة وجوده وهمه لايزال
واغتنمني حلم(ن) ادها وانا بطراف ليل

اتوقع بالحقيقه وفي نسج الخيال
ساكنا قلبي وشوفك عليه مستحيل

ايه حبك غير بالقلب مايقبل جدال
والله انه صافي النبع عذب السلسبيل

ادري ان الموت زلزل حكيمين الرجال
فرقة صكات بقعى خليل من خليل

ماحسبت الوقت بدري بساعات الزوال
لين باح السد مني وانا عابرسبيل

وانتهت رحلة وجودك وانا في كل حال
شايل هم(ن) مظاعف ولايقبل بديل



بقلمي
 
رد: فرقة صكات بقعى خليـل مـن خليـل

صح لسانك واعتلاشانك
مبدع وراقي بقووه
دمت بود
 
رد: فرقة صكات بقعى خليـل مـن خليـل

صح لسانك ويعطيك العافية عز الله قصيدة
 
رد: فرقة صكات بقعى خليـل مـن خليـل

مشكور
يعطيك العافيه أبيات جميله.
تقبل مروري على قصيدتك.
تحيات أختك.
عزة نفس.
.
 
عودة
أعلى