صفحة 68 من 71 الأولىالأولى ... 185859606162636465666768697071 الأخيرةالأخيرة

رواية يا خاطفي وين ألقى عزتي في زمان المذلة ! / كاملة

إرسال إلى Facebook ارسال الى تويتر
  1. رد: رواية يا خاطفي وين ألقى عزتي في زمان المذلة ! / كاملة


    البارت التاسع والخمسون
    صمت وعذاب ,
    وحزن طآغي للملامح
    يكتب آلعبرة... | أختنآ آ آق )
    ويرسم آلموقف غياب !

    رغد دفتهآ ودموعهآ على خدها: بس أنــآ من جد ابيه يخطبني
    شهد وعلى وجههآ تجآعيد الصدمه: شنوو ؟!.. وليييه يارغد انتي الحين بوقت مضغوطه فيه قرارك هذا لما تهدين بتتراجعين عنه
    رغد جلست ومسحت دموعها بأطراف اصابعها: ماراح أتراجع عن قراري هذا
    شهد تسايرها: طيب لما يصير وقت هذا الكلام نتكلم فيه بس الحين نامي

    في بيت باسل
    مر اليوم بثقل وكسل عليهآ .. فتورهآ زآيد هذا اليوم انبسطت برجوع أم فهد حتى تتنشط وتسولف معهآ .. بعد ما الكل دخل غرفته بقت هي وأم فهد بالصاله
    أم فهد: هنآدي رغد اختك وإلآ بنت عمك
    هنادي استغربت سؤالها: أختي
    أم فهد: كم عمرهآ ؟!
    هنآدي: امم الحييين بحدود الـ 25 او 26
    أم فهد: ماشاء الله الله يحفظهآ
    هنادي: ليش تسالين خالتي ؟!
    أم فهد ابتسمت: مجرد فضول حبيبتي لو كآن عندي ولد قدهآ خطبتهآ له
    هنادي تضحك: أصلا هي رافضه الزواج قبل ما تخلص دراستهآ
    أم فهد هزت راسهآ: الله يوفقهآ بدراستها
    هنادي ( غريب ليش تسألني عن رغد بالذات اكيد ورى سؤالهآ مغزى .. بس ياترى ويش هو مدري !!..لايكون من جدهآ نآويه تخطبها ..بس لمين ماعندها غير مراد وصغير يمكن براسهآ شي هالحرمه ... يالله مصيرنآ نشوف ) : تبين أسويلك شي خالتي ؟
    ام فهد وقفت: تسلمين حبيبتي رايحه أنام تصبحين على خير
    هنادي : تلاقين الخير
    انتظرتها لين دخلت ودخلت هي غرفتها طلعت جوالها واتصلت على البيت وهي تعدي ان سمر ترد عليها
    ..: الوو
    هنادي: صباحوو
    سمر : هلا هنوده
    هنادي : أوووش وطي صوتك .. كيفكم
    سمر تنهدت: الحمدلله .. وينك اليوم ماجيتي والا اتصلتي فاتك الأكشن اللي صار
    هنادي عقدت حواجبها بحده نبرة سمر ماريحتها:خير ويش فيكم
    سمر : صارت مشاكل كبيره في البيت
    هنادي شهقت : اوووف مشاكل ويش؟!
    سمر بنبره اقرب للهمس: بين مها ورغد .. والحين رغد بالمستشفى طلعت من البيت واغمى عليها ووصلها جلالي للمستشفى
    هنادي حطت يدها على قلبها: يؤؤؤ وكيفها الحين ؟
    سمر: شوق رجعت من عندها تقول بتظل للصباح تحت المراقبه مدري ويش وبتطلع عاد
    هنادي بحده: كل هذا يصير وماتتصلون علي صدق مافيكم خير
    سمر بخوف: خفت من مها تسويلي سالفه تصدقين صايره متوحشه
    هنادي: طيب ليش تهاوشوا
    سمر: دقيقه بسكر باب المجلس عشان اتكلم زين
    هنادي جلست على السرير وتربعت وانتظرت سمر ترجع تكمل لها الحكايه
    سمر: الو
    هنادي: كملي يالله
    سمر: بيني وبينك لاتقولين سمر قالت
    هنادي عصبت: اخلصي
    سمر: رغد كانت تكلم واحد ومها عرفت بالسالفه وقلبت البيت على راسها
    هنادي شهقت: أفـــآآآآ رغــــد
    سمر: شوفي هي السالفه طويله بس هذا اللي عرفته بقية الموضوع عند مها وشوق وشهد وطبعا رغد
    هنادي: طيب طيب بكره راح اجيكم إن شاء الله ولاتقولين اني اتصلت
    سمر: طيب .. يالله باي
    سكرت الخط وحطت الجوال على الكمودينه وسرحت لبعيد
    ( عشان كذا سألتني عن رغد ... بس معقوله عرفت بالسالفه والله فضيحه لو تدري .. ولا بعد تكمل زين لو تدرين بقصتي مع باسل بتصير درآآمآ لا يعلى عليها )
    أتصلت على شهد لكن أعطتهآ مشغول .. دخل باسل
    باسل: ويش تسوين ؟
    هنادي تميل فمها وتلعب بشعرها: استناك تجي
    باسل: انا بسهر مع فهد نامي انتي
    هنادي هزت راسها: زين تصبح على خير
    باسل يطفي النور: وانتي بخير
    ::
    ::
    ظهر اليوم التالي
    صحت على صوت جوالها وكانت شهد تخبرها بجيتهم للبيت بعد الصلاه
    شوق: ميري غيري شرشف سرير رغد عشان ترتاح اكثر واقفلي الشباك والستاره
    ميري: أوك مدام
    شوق لفت على مها اللي تحضر الغداء وفكرها مشتت بين رغد وكيفية اعتذارها وقبولها له
    شوق : مها اتمنى ماتزعلينها او تضايقينها بكلمه
    مها هزت راسها: طيب
    شوق: اذا شفتيها تصد عنك خليها على راحتها لسى النار ما طفت
    مها اخذت نفس طويل: تدرين عاد ... بتصل على بندر يجي ياخذني انا ورنيم لبيت اهله منها انا اريح اعصابي ومنها تهدأ الأمور بيني وبين رغد
    شوق رفعت حاجبه: اعتبره هرووب؟!
    مها: هروب رحيل اللي هو انا بعد متضايقه
    شوق ميلت فمها: اذا يومين اوك بس اكثر لا
    مها: بروح اتصل عليه يمكن يجي قبل يوصلون
    شوق: طيب حاولي تلحقين عليه
    طلعت بسرعه لغرفتها واخذت جوالها ... بعد نص ساعه كانت جاهزه لبست عبايتها ولبست بنتها وشالت شنطتهم الصغيره اتصل عليها عشان تنزل .. وقفت بأخر الصاله
    مها: انتبهوا لنفسكم والله الله بشوق ترى محتاجه تراعونهم

    ريم وسحر وسمر: إن شاء الله
    مها: مع السلامه" مسكت يد رنيم " وقبل يوصلون للباب أنفتح ودخلت شهد وهي ماسكه رغد بيدها وأثر المغذي فيها .. تلآقت نظرآتهم وبدأ الموقف يزدآد سوء كل وحده ترمي للأخرى نظرآت كبرياء وزعل .. تداركت شهد الموقف
    شهد: السلام عليكم
    الكل: وعليكم السلام
    مهآ تصد بوجههآ عن رغد اللي بعد صدت عنهآ: عن أذنك شهد زوجي تحت وتأخرت عليه
    شهد وسعت لها: تفضلي
    انقذت ريم الموقف: هلا رغد الحمدلله على سلآمتك "قربت منهآ وضمتهآ "خوفتيني عليك
    رغد ابتسمت بذبول: تسلمين ياعمري
    سحر : تعالي اجلسي تبين نجيبلك شي
    رغد: كأس مويه الله لا يهينك
    شهد جلست على الكنبه وهي حاسه بتعب وأرق: وانا بعد هلكانه على الأخير
    سمر تمسح على وجه شهد: يؤؤ باين عليك التعب ادخلي نامي
    شهد هزت راسها: ايه بنام مآ أشوف طريقي"طالعة رغد" حتى رغد محتاجه ترتاح وتنام
    شوق : هلا وغلا برغوده ..الحمدلله على سلامتك
    رغد: الله يسلمك
    جات سحر : تفضلي
    شربت كأس المويه ومدته لسحر ووقفت: عن إذنكم بروح ارتاح
    غمزت ريم لشهد اللي قالت: وأنا بعد ببدل ملابسي وأنآم
    شوق: مابترجعين بيتك؟
    شهد: لا يوسف طلع دوامه اليوم طويل ... يالله بروح انام وانتبهوا لميشو
    شوق: اوك حبيبتي

    بالغرفه
    دخلت وشافتها تبعد شرشفها عن السرير وتنسدح
    شهد: ماتبين تأكلين شي ؟
    رغد بدون نفس: اذا صحيت أكلت
    شهد تقفل الضوء: براحتك
    رغد بعد ماغمضت عيونها: وين راحت مها ؟
    شهد :مدري والله

    *مزون شمر*

  2. رد: رواية يا خاطفي وين ألقى عزتي في زمان المذلة ! / كاملة

    بعد صلاة العصر
    دخلت الغرفه ولقته يرتب شنطته بهدوء ... سكرت الباب وتكت عليه
    هنادي بنبره هاديه: باسل وديني عند خواتي اشتقت لهم
    باسل بدون مايرفع راسه: بكره بتروح وتشبعين منهم لآننآ بنمشي بكره الصباح
    هنادي كشرت: بس ابي اروح لهم اليوم " وشددت بنطقها "
    باسل طالعها : هنادي قلت لك بكره بنمشي وبتجلسين عندهم يعني لازم تروحين اليوم
    هنادي مشت وجلست بزعل: ايه لازم اروح اليوم وانا جالسه طفشانه هنا
    باسل بحده: قلت بكره يعني بكره لاتخليني اخذك معي لجده
    هنادي طالعته بقهر وتخصرت: ماشاء الله تهددني بعد
    باسل بحده رمى بنطلونه بالشنطه: ايوه اهدد مين حضرتك عشان مآ أهددك ؟
    هنادي ردت بنفس حدته: باسل لآ تكلمني بهذا الأسلوب ...انا ماني صغيره تنفخ عليها
    باسل بنفس حدته: دآمك تعرفين أنك مو صغيره افهمي كلامي من أول مره
    هنادي بتأفف: أنت صاير لآ تطاق
    أنصدم من كلمتها وصرخ: أنــآ لآ أطاق ... وإلآ أنتي اللي لا تطاقين
    هنادي ميلت فمهآ وقالت بنبره ساخره:كل واحد عارف نفسه ... مايحتآج المح لك
    مشى لهآ بسرعه وعصبيه مسكهآ مع كتفهآ وشدهآ عشآن توقف وعيونه تطلق نظرآت بركآنيه .... بدون أي مقدمآت صفقعهآ كف
    صرخ عليهآ بصوت عالي سمعوهآ كل المتوآجدين بالبيت أشر على الباب: تبين أهلك روحي لهم... أنتي طالق
    تعلقت عيونهآ فيه بعدم تصديق .. مآ تخيلت بيوم أنه يلفظ هذي الكلمه لأجل كلمآت أتفه من أن يكون هذآ عقابهآ ... نزلت دموعهآ من قوة صدمتهآ شهقت بألم مشت للكمودينه سحبت جوالهآ ,اتصلت على جلالي
    هنادي بصوت باكي: جلالي تعال بيتي بسرعه
    جلالي: مين انتي ؟
    هنادي تصرخ: هــنآآدي " رمت جوالهآ على الأرض وتبعثر لكسر ... طالعهآ بعين محتقره وطلع من الغرفه وسكر الباب ...كآنت بالصاله مع مرآد وسمعوآ صوته وهو يصرخ عليهآ
    طلع على وجهه معالم العصبيه الجنونيه عض على شفايفه بقوه وضرب الطاوله الخشبيه برجله المصابه بقووه
    سحبت مرآد ومشوآ لعند فهد بالمجلس وتركوه لحاله حتى يهدأ شوي
    بعد ربع ساعه كآن الهدوء هو المسيطر على البيت ... والكل بأنتظار مجهول أندق الجرس وفتح مرآد
    ..:السلام عليكم
    مرآد: وعليكم السلام
    ..: وين هنآدي ؟!
    مرآد: مين أنت ؟
    ..: أنآ جلالي
    مرآد ابتسم: طيب الحين اقول لماما تقولها " دخل واعطى امه خبر "
    وهي بدورها مشت للغرفه ودقت الباب لكن مآجآه رد .. فتحته وشآفتها تسحب شنطة ملابسهآ ورآميه ملابس باسل على الأرض ولابسه عبايتهآ
    هنآدي تبكي: بعدوآ عني
    أم فهد بحزن: أستني حبيبتي هو كآن معصب اكيد ندمآن
    هنآدي تبكي بصوت عالي: ندمآن وألا مو ندمآن انا قرفت منه مابيه .. مابيه الحمدلله أنهآ جات منه مو مني
    كآن جالس على الكنب ومتمدد بحيث انهآ ماتشوفه وسمع كلامهآ اللي طعن قلبه
    أم فهد تحاول تمنعهآ: صلي على النبي يابنتي ... كل شي بتصلح
    هنادي بتعدهآ عن طريقها وتسحب شنطتهآ:اللي أنكسر مايتصلح .. مـــآ يتصلـــح هو كسر كل شي فيني ..مشت لحد الباب وسحب جلالي منهآ الشنطه ونزلت وهي تبكي بحده وصوت بكآهآ يتردد بالمكآن
    دخلت السياره وزآد بكآهآ اكثر ... مره تشهق ومره تصارع كتمآنهآ ..وصلت للبيت نزلت من السياره وطالعت البيت وأنهمرت دموعهآ بغزآره ...دخلت للمدخل ومرت من شقة أهل عبير تسمع صوت ازعآج ورجه وقفت وهي تتذكر كيف تزوجت من باسل .. ضغطت على نفسهآ وطلعت الدرج وجلالي ورآهآ ساكت ... فتحت باب الشقه ودخلت رمت طرحتهآ بعيد وجلست في بدآية الصاله منزله راسها.. كآن طالعه من المطبخ بالصدفه وشافتهآ شهقت
    ريم: هنآآآآدي ؟.. متى جيتي
    ماردت عليهآ وهي تبكي بصمت ... قربت منها ونزلت لمستوآهآ رفعت راسهآ وأنصدمت
    ريم بتردد: هنادي ويش فيك ؟
    هنادي أبعدت يدهآ عنهآ ووقفت ودخلت غرفتهم المشتركه رمت عبايتهآ على الأرض وأنسدحت على سريرهآ غطت نفسهآ ..وأشهمت في بكاء متواصل دون رحمه
    دخلت عليهآ شوق اللي اتصل عليها فهد ووقال لها عن اللي صار خوفا منه على هنادي
    شوق بصوت اقرب للهمس: هنادي
    هنادي تبكي: طلقني ياشوق
    شوق دمعت عيونها بحزن : ماعليش حبيبتي شده وتزول قالها بلحظة غضب
    هنادي بعدت البطانيه عنها وجلست تبكي: بعد كل اللي صار يطلقني ؟! عشان ابي اجي هنآ يطلقني ... قليل الخاتمه مافيه خير
    شوق : لالا هنوده مهما كان هذا زوجك وابي طفلك مايصير تقولين عنه كذا
    هنادي تبكي: مايصلح يكون أب والله مايصلح

    شوق قربت منهآ وجلست جنبها وحطت يدها على كفها: هنادي انتي الحين معصبه وزعلانه وكلامك من قهرك وغضيك صح هو غلط بس كمان انتي غلطتي يعني اثنيناتكم غلطانين بعد يومين كل واحد بيعرف غلطه وتتصالحون
    هنادي : مستحيل ارجع له لو يمتر لي البحر مارجعت له اصلا انا كرهته اناني ومايهمه ألا نفسه مابيييه
    شوق: انتي الحين اجلسي مع نفسك وراجعي أخطائك ويصير لنا حكي ثاني
    هنادي بحزم: كلامي واحد ماراح يتغير
    شوق سآيرتهآ وطلعت عنهآ .. ودقت على فهد
    شوق:سلام
    فهد بعصبيه:أكلمك بعدين .. قفل الخط بوجهها
    رمى جوالها ومسك باسل مع كتفه بقوه: تستهبل انت ؟ مافي سفر قبل تصالح زوجتك
    باسل يدفه بقوه: ويش دخلك بيننا أنت .. بساقر اليوم وخلها عند أهلها عشان تتربى
    رفع يده بيضربه لكن وقفته امه اللي تكلمت بصوت حآد: بس أنت وهو ... مآ نقص ألا تتضاربوا مع بعض
    باسل يأشر لفهد: أسمع فهد مشآكلي لا تتدخل فيهآ انا عارف ايش اسوي
    فهد ميل فمه بسخريه: تطلق بدون سبب وتقول عارف ؟.. انت مدري ويش صار لعقلك
    نسرين: باسل اذا تبغى نسافر الليله بنسافر
    فهد يطالع امه بنظرات ناريه: ويش هذا التصرف اللي يطلق زوجته ويتركها ويهرب لمدينه ثانيه
    نسرين: فهد الحين الجو متكهرب خل نفوسهم تهدأ بعدين بيرآضوا بعض
    فهد يطالع باسل: مآ أضن
    باسل يرفع حاجبه:مايخصك .. امي جهزي نفسك انتي ومرآد بنمشي بعد العشاء
    فهد يجلس على الكنب ويحط رجل على رجل: درب السلامه

    *مزون شمر*

  3. رد: رواية يا خاطفي وين ألقى عزتي في زمان المذلة ! / كاملة

    بعد العشاء
    كآنت واقفه بالمطبخ تطبخ العشاء وهي سارحه ... صحت على صوت ميري تسحب الصحن منها
    ميري بترجي: مدآم انتي تعبان روحي انا اطبخ
    شوق ابتسمت: لا خليني كذآ مرتاحه
    ميري برفض وأصرار: لآ مدآم بابا فهد يزعل
    شوق أتسعت ابتسامتها اكثر: طيب بس انتبهي للعشاء لا ينحرق
    ميري تهز راسها: أوك مامي

    طلعت من المطبخ ووقفت ببدآية الصاله البيت هآدي لأبعد حـد الكل في مرحله سكون مفاجئ ... استندت على الجدآر بعد مآحست بألم يعآودهآ من جديد .. تحملت الالآم المفاجئه ومشت بخطوآت متثاقله لغرفتهآ ... مشت في ممر الغرف وقبل توصل غرفتهآ مرت من غرفة رغد وشهد ...جذبهآ طرف الحديث الهآمس بينهم
    شهد: رغد فكري زين لاتتسرعين
    رغد :شهد ويش قلت أنا من البدايه ؟..هذا قراري وانا مقتنعه فيه
    شهد: لا مانتي مقتنعه فيه انتي تبين تثبتين لمهآ انهآ غلطانه وبس وبحركتك هذي ترى بتخلينهآ تتأكد انه فعلا كان بينكم شي فعلا
    رغد تنهدت:أنا عارفه اللي هو يبي من زمآن ويحاول لمح لي فيه حتى بنظراته انا جبتهآ له على طبق من ذهب
    شهد بعصبيه: رغد لا تجننيني انتي كذا تقللين قيمتك بعينه بكره بيقولك انتي اللي خطبتيني
    رغد بسلبيه : عادي واذا ؟
    شهد بترجي: رغوده حبيبتي الامور هذي مصيريه تعرفين ويش يعني ؟!
    رغد بحده: شهد لآتحاولين انا شايفه انه بيكون زوج مناسب لي ويش اللي يمنع اني اتزوجه
    شهد ردت بنفس حدتها: طريقتك المجنونه ... تتوقعين لو عمي عايش بيسمح بذا الشي ؟
    رغد يتأفف: يووووه منك ماصارت بشوف حياتي
    شهد وقفت بتضجر: قلعتك أنتي وحياتك وانا ويش ينوبني الا وجع الراس اووووووف

    ::
    ::

    بمكآن أخر من المدينه مخصص للجلسات على الطريق العام ... وقف سيارته على جنب فتح الباب وأخذ نفس طويل وكأنه ينفس كل خليه بجسمه ... جلس على مقدمه سيارته ويده تحت دقنه وجل تفكيره بمآ مضى في أمسه
    بكره تجي تخطبني
    بكره تجي تخطبني
    بكره تجي تخطبني
    آآآآآآه ياربي ايش هذي الحيره ..راسي بينفجر من امس قد مافكرت وفكرت ما أطلع بنتيجه ماني قادر اقرر ...هي قالتها بلحظة غضب واكيد ماتقصد يعني لو بتقدم لها بترفض وتعتذر واساسا كيف برتبط فيها وقلبها ما يميل لي لو وآحد بالميه ...اممم يمكن مع الايام بتحبني لو حست اني احبها واحترمها يالله هي الوحيده اللي حسيتها تناسبني فيها اشياء كثيره تخليني اتعلق فيها اكثر واكثر وما أضيعها من يدي .. انا لازم اتأكد من رغبتها وبعدها اكلم اهلي ويصير خير كلام عمي ريحني شوي ولو انه كله تلميح اني اتزوج من غيرها وانساها ...آآآآآآه ياربي هي اللي سكنت قلبي بس جفافها بالتعامل معي يرددني كثير ... كثير
    غمض عيونه وتذكر شكلها بالأمس ولآم نفسه انه كان سبب في حزنها وتعبها ... رجع ركب سيارته ومشى بأقصى سرعه

    كآنت منسدحه على سريرها بعد ما حست باللآم مرت عليها اخذت من ادويتها وارتاحت لفتره من الوقت .. مدت يدها للجوال وتاففت من تاخره بالاتصال بدأ قلبها بالقلق ودب فيه الخوف
    شوق: عسى ماشر ياليته يدق ويريحني
    مآ أنتهت من لفظها لجملتها والا واهتز بكتفها معلن رنينه برقم من أسر قلبها
    شوق بلهفه: هلا فهد .. خوفتني عليك ليش تاخرت مااتصلت
    فهد تنهد: كان في سوء تفاهم بيني وبين باسل
    شوق بنبره حزينه: وطلاقهم ويش صار عليه ؟
    فهد: موعشان كذا تهاوشت معه ... خليهم يومين يروقون وينسون بعدها نصالحهم
    شوق: الله كريم
    فهد: انتي كيفك وكيف ركوني
    شوق ابتسمت: الحمدلله كلنآ بخير
    فهد: تراني مشتاق له بعدين بمر اشوفه
    شوق: خلآص
    فهد: وبعد ماراح نطول بنسافر للرياض
    شوق شهقت: ليييش؟
    فهد: خلاص امي وباسل قبل شوي سافروآ لجده بس بحاول اصالح باسل على زوجته نسافر
    شوق كشرت: اللي تشوفه
    فهد ابتسمت:كأنك زعلتي
    شوق: توي ماشبعت من اهلي ومن المدينه
    فهد: امم خلاص بطولها أسبوع مو اكثر
    شوق ابتسمت: اوك


    بعد خمسة أشهر
    مرت ببطئ مميت للبعض ... او بسرعه البرق للبعض الأخر
    كآنت مليئه بخليط من المشآعر والأحزآن ولآ ننسى الأفرآح .... صقلت بدآية لحيآة أناس وتوقفت عليهآ حيآة أخرين ...بعضهم أستوحد بنفسه وأستقل بعزلته والبعض طغى عليه فرحه ومؤثرآت حيآته الأيجآبيه
    خمسة أشهر غيرت الكثير والكثير ...مرت ولآ يمكن أن تعود
    *مزون شمر*

  4. رد: رواية يا خاطفي وين ألقى عزتي في زمان المذلة ! / كاملة

    بـ الرياض
    نزل من الدرج وهو مبتسم والفرح يسكن قلبه وكأنه بنتظآر شي مآ يسعده ... وقف قبال المرآيا الذهبيه التي على مقربه من الباب الخشبي والقى أخر نظره على أناقته الهآدئه رفع يده وعدل شمآغه بحرص قفل أعلى أزرآر ونآظر في كبكآته ..تنحنح ولف لجهة الدرج ورفع صوته
    فهد: شـــوق الساعه صارت 9 ونص يالله تأخرنآ
    نزلت مع الدرج وبيدهآ عبايتهآ وشنطتهآ الفضيه الصغيره وخلفهآ ميري شايله راكان
    وصلت لأخر الدرج وبعدت شعرهآ عن كتفهآ وسألته بحيره: كيف كذآ
    فهد تنهد: والله حلوه تجننين
    شوق تمرر يدهآ على شعرهآ ضيقت عيونها الفآتنه بعد وضع الكحل عليهآ: وشعري ؟
    فهد قرب منهآ : والله والله والله حلوو يالله تأخرنآ على الزواج
    شوق تلبس عبايتهآ: يالله خلآص جهزت .. هيآ ميري اركبي السياره
    دقآيق ومشوآ للقآعه اللي فيهآ زوآج ندى على حآزم وهزآع على لينآ
    في السياره رقت نفسهآ وطفلهآ ولفت على فهد: فهد أقرأ على نفسك عن الحسد والعين
    فهد: ويش هذي الخرافات
    شوق بحده: مو خرافات يالله ارقي نفسك
    فهد ابتسم: طيب طيب
    شوق : لايكون ماتعرف
    فهد ضحك:ههههههههههه أي والله ما اعرف
    شوق بعصبيه: لاحول ولاقوة الا بالله شلون ماتعرف ..أقراء المعوذآت وأية الكرسي
    فهد: طيب خلاص بقراها لا وصلنا وقبل أنزل
    شوق : مو تنسى
    فهد يهز راسه: والله ماراح انسى ان شاء الله

    وصلوآ للقاعه بعد نص ساعه من مشوآر طويل نزلت ودخلت مع البوآبه المخصصه للنساء نزلت عبايتها وشيكت لأخر مره على شكلهآ .. سمت بالله وطالعه في ميري
    شوق بهمس: روحي بزآويه اجلسي
    ميري هزت راسها: اوك مدام
    شوق: أذا بكى راكان تعالي لي
    ميري:اوك ..راحت لكراسي جانبيه وجلست وحطت راكان على الكرسي اللي بجنبها
    لمحت أم رياض وبناتهآ واقفين في الأستقبال قربت منهم
    شوق: السلام عليكم
    الكل: وعليكم السلام
    شوق سلمت على الكل وباركت لهم وجلست جنب أم فهد وصفاء بالأستقبال
    صفاء : اهلين بشوق كيفك حياتي
    شوق: الحمدلله بخير .. شخبارك انتي ؟
    صفاء تأشر على بطنها: زي مانتي شايفه
    شوق تضحك: الله يقومك بالسلامه حبيبتي ..كيفك خالتي
    ام فهد : بخير حبيبتي .. طمنيني عنك وعن فهد
    شوق: كلنا بخير
    ام فهد: انشغلت ماقدرت ازوركم
    شوق : عاذرينك الايام جايه المهم ماترجعين جده قبل ماتزورينا

    في المدينه
    وقفت جنب الشبآك تسمع كلام اخوآتهآ وضحكهم وتخيلآتهم عن خجل لينآ اللي كآنت تنتظر زوآجهآ بفارغ الصبر ..تأملت الشارع الشبه خالي من الحركه والنآس
    ريم أنتبهت لشرودهآ وبعدهآ عنهم:هنوده ليش واقفه عند الشباك تعالي اجلسي
    هنادي لفت وعلى شفاتهآ ابتسآمه ذابله: شوفيني جايه
    رغد ميلت فمهآ: خساره لو صار العرس هنآ ونآآسه
    سحر تطالع الجوال :شوفوآ معآذ ويش راسل لي شكله بيحسر فيني من صدق
    اجتمعوآ جنب سحر اللي توريهم صور القاعه اللي راسلهآ معآذ وسائط
    ريم كشرت: من جد خطيبك هذا نذل
    سمر :انتي ريم المفروض طلبتي زوجك تسافرون للرياض تحضرين عرس لينا ومنها تزورين شوق
    ريم ميلت فمهآ: ياربي منك ياسمر زوجي لو طلبته بيرفض
    سمر تتخصر:أجل اسمه زوج على أيش
    رغد تمد لسآنهآ: على الفاضي
    الكل:هههههههههههههههههههههههه
    سحر لفت على هنآدي اللي باين عليهآ الضيق: هنوده ويش فيك اليوم ؟!
    هنادي : والله مافيني شي
    ريم حطت يدهآ على كف هنآدي: زعلآنه علشان باسل مآ أعتذر أو حآول يرجعك ؟
    هنادي تمالك دموعها التي على وشك الآنهيار..ردت بتضجر:خلاص لاتجيبون سيرته
    رغد: هنادي ليش كارهه سيرته مهما صار بينكم يضل زوجك وابو الطفل اللي قرب يجي للدنيآ
    قبل تنطق بكلمه دق جوال رغد ورفعت راسهآ بأستغراب: يوسف متصل ؟
    سحر بشك: ردي لايكون صاير شي
    ردت :اهلين يوسف
    يوسف : هلا فيك رغد .. كيفكم
    رغد: الحمدلله بخير ... انت كيفك وكيف شهد من امس ماكلمتني
    يوسف يضحك: متصل أبشركم صارتم خالات للمره الثانيه
    رغد نقزت بفرح: صـــــــدق ؟!! قووول والله
    يوسف: والله شوفيني أنا وميشو بالمستشفى ننتظر يطلعونهآ
    رغد بربكه: لآ ميشو .. هآآآه .. يوسف جيبه عندنآ
    ريم تدقهآ بخوف: ويش في
    يوسف: طيب بجيبه لكم بس ماكملت لك الخبر
    رغد استغربت: باقي شي مآ اعرفه ؟
    يوسف :ههههههههههههههه ايه
    رغد بتوتر: يوسف طيحت قلبي قول
    يوسف: شهد جآبت توآئم أولاد
    رغد صرخــت: لآآآآآ
    ريم وعيونهآ مدمعه: ويـــش ؟
    هنادي بتوتر: رغد قولي ويش صار؟
    رغد تبعد الجوال بفرحه: شهد جآبت تؤآئم
    سحر بلعت ريقهآ: شنوو؟!! توآئم ؟!
    رغد: يوسف خلآص جيب ميشو عندنآ عشآن أروح معك اتطمن عليهآ
    يوسف: طيب ربع ساعه واجي لكم تبون شي اجيبه ؟
    رغد : لا بس لا تنسى اغراض ميشو
    يوسف : اوك
    قفلت الخط والكل مو مستوعب حتى هي
    سمر تبكي: تؤآئم ؟.. حرام والله
    رغد بفرح: وجع ليش تبكين افرحي وزغرطي يختي
    سحر بعصبيه: شلون تفرح يامجنونه وهم مو كآملين نآسيه انو باقي شهر على موعد ولادتهآ ؟
    رغد سكتت وردت : أي صح نسيت .. عآد اهم شي ولدت بالسلامه
    هنآدي وقفت: سلمي عليهآ واتصلي طمنينآ
    رغد وقفت بعد: أوك بس انتبهوا لميشو عآد اوك
    ريم: لآتشيلين هم ..الآ تعالي بكره عندك جآمعه
    رغد: شبعآنه نوم بروح موآصله وبكره وحده فيكم يانتي يا هنادي تروح لهآ
    هنآدي: طيب ماعندي مانع بروح أنآم الحين تصبحون على خير
    سحر: هنوده بدري أجلسي معنآ
    هنآدي ابتسمت بذبول:تعبانه شوي بروح ارتاح
    ريم: على راحتك حبيبتي

    بعد سآعتين وصلت المستشفى .. ووقفوآ برى القسم
    رغد بقلق: غريبه مآ طلعوهآ للغرفه بعد العمليه
    يوسف بخوف: أنــآ خآيف عليهآ من العمليه
    رغد تهديه: لآ هي أسهل عمليه وبسيطه مره لاتخآف
    يوسف: الله يسمع منك
    رغد تبي تغير جو القلق اللي هم فيه: مآ قلت لي ويش بتسمونهم ؟
    يوسف : محمد وتركي
    رغد طالعته بتعجب : محمد !!!
    يوسف ابتسم: ايوه حآب اسمي وآحد فيهم محمد على أسم العم محمد الله يرحمه ويسكنه الجنه
    رغد : الله يرحمه يارب ... اكيد بيطلع يجنن زي جده
    يوسف يضحك: ليش مآيطلع يجنن زي ابوه ؟!
    رغد تأشر بسخريه: أنت وشهد مدري على ويش شايفين نفسكم الله يرئف بكم ياشيخ
    يوسف انطلقت ضحكآته وطلوآ فيه الممرضآت مستغربين وحآول يكتم ضحكته: يالله على الحقد
    رغد: مآني حآقده ولآشي بس تقهروني

    *مزون شمر*

  5. رد: رواية يا خاطفي وين ألقى عزتي في زمان المذلة ! / كاملة

    قبل يرد عليهآ دق جواله رد بترحيب:هــلآ ابو عآبد .. كيفك
    عبدالله: بخير كيفك أنت
    يوسف: الحمدلله بخير
    عبدالله: مبروك التوائم
    يوسف ابتسم: الله يبارك فيك عقبالك
    عبدالله: وينك الحين ؟
    يوسف: والله بالمستشفى ابي اشوف عيالي
    عبدالله يسخريه: ياناس على الحنان الزايد ..ارحمنا
    يوسف:هههههههههههههه الله يقع شرك ياعبدالله ويش فيكم اليوم علي انت ورغد ماخذيني مهزله
    طالعته بنظره غريبه مافهمها لكن ادرك معناها متاخر وحاول يرقع اللي قال:أي خلاص
    عبدالله استغرب: خلاص ويش .. انت معك رغد ؟!
    يوسف: طيب يمكن اجيكم مو اكيد ...يالله سلام
    قفل الخط وطالع رغد ونزل عيونه
    رغد بتردد: كيفه عبدالله
    يوسف استغرب سؤالها رفع راسه ورد: بخير
    رغد تطالع الناس: اكيد مبسوط بحياته
    يوسف ميل فمه: الله يوفقه بحياته
    رغد : امين ...شوف الدكتور واسئله بديت اقلق
    يوسف: طيب بروح اشوفه خليك هنا
    رغد هزت راسها: طيب
    اختفى من عندهآ وأتصلت على اورى
    رغد: اهلين اروى كيفك
    اروى: بخير .. فينك مآشوفتك اليوم ؟
    رغد: طلعت بدري
    اروى: بكره لازم اشوفك اوك
    رغد : اصلا انا بالمستشفى شكلي مطوله هنا
    اروى: سلآمآت
    رغد: الله يسلمك بس شهد ولدت وجايه اشوفها
    اروى: على البركه يختي على بالي في حاجه
    رغد:اوك اشوفك بكره توصين على شي ؟!
    اروى: لا سلامتك .. سيو
    رغد :سيو ... شافت يوسف رجع وقامت له ..بشر ويش صار
    يوسف: يقولون ممنوع احد يشوفها اليوم بكره الصباح عادي
    رغد ميلت فمهآ:يعني جلستنا مالها داعي
    يوسف بتافف: خلوني اوقع على فحوصات للاطفال
    رغد بلهفه: مانقدر نشوفهم
    يوسف كشر: لا
    رغد بقهر: اجل جلستنا بدون فايده بتصل على جلالي يرجع ياخذني
    يوسف: تبين اوصلك؟
    رغد: لالا خلك هنا وانا بتصل على جلالي
    يوسف: على راحتك
    *مزون شمر*

  6. رد: رواية يا خاطفي وين ألقى عزتي في زمان المذلة ! / كاملة

    صباح اليوم التالي
    صحت على صوت بكاء راكان ...فتحت عيونها بكسل وقامت شالته من السرير أستغربت عدم وجود فهد .. بعد مارجعت نومته طلعت جوالها ولقت مكالمآت من هنآدي
    دقت على طول عليها .. بعد رنين طويل وصلهآ صوت هنآدي الناعس
    شوق: صباح الخير
    هنادي بهمس: صباح النور
    شوق: نآيمه ؟!
    هنادي: ايه
    شوق: لقيت لك مكالمات .. في شي؟!
    هنادي: كنت بقولك ان شهد ولدت
    شوق شهقت: ويش ولدت ؟!
    جلست على السرير وعدلت مخدتهآ خلفها: ايه وجابت توآئم اولاد
    شوق بصدمه: من جــــد ؟
    هنادي تضحك: ايه شفتي اختك النذله مآقالت لآأحد انها حامل بتوائم
    شوق بحنيه: ياقلبي عليهآ متى ولدت
    هنادي: اممممم مدري بس بعد العشاء اتصل زوجها قال لنا الخبر
    شوق: وانتي كيفك وكيف حملك؟
    هنادي تطالع بطنها وحطت يدها على بطنها: زينه الحمدلله
    شوق :اممم ايوه واخبارك ؟
    هنادي: ابد ماعندي اخبار
    شوق : يالله بروح افطر اتصل عليك بعدين
    هنادي : شوق قبل تقفلين
    شوق ردت: هلآ
    هنادي بتردد: أسـ..ـئلي
    شوق: فهد عن باسل ؟!
    هنادي تنهدت: ايه
    شوق ابتسمت عليها: هنادي اذا جآء وطلبك ترجعين توافقين ؟!
    هنادي: مدري ...اللي سواه مو شويه طول الشهور اللي فاتت ماكلف نفسه يسال علي
    شوق ضحكت: تطمني وربي كل يوم يتصل على فهد عشان ياخذ اخبارك منه
    هنادي بعدم تصديق: احلفي
    شوق: والله يعرف كل شي عنك بس مشكلتكم تكابرون مدري ليش
    هنادي: هو ماجرب يعتذر وانا لو يموت مارجيته لانه هو اللي غلط علي
    شوق : كلكم غلطانين وصراحه طلاقكم سخافه المفروض انتي تسايرينه هنو
    هنادي كشرت: ليش هو مآ يسايرني
    شوق بتضجر:هنو ويش فيك أنتي ؟! كبري عقلك شوي
    هنادي: خلاص خلاص انسي اللي قلت
    شوق: طيب حبيبتي لا تضايقي نفسك ..اخليك ألحين
    هنادي : طيب مع السلامه
    قفلت منهآ وبقلبهآ ألم عليهآ ... غيرت بجآمتهآ ونزلت قبل تكمل نزول الدرج سمعت صوت ضحك من الصاله الدآخليه رجعت لجنآحهم وأخذت طرحتهآ ونزلت بشويش دخلت غرفة الأكل ونادت على ليزآ
    شوق بهمس: مين دآخل ؟
    ليزآ: بابا باسل وبابا فهد ومدآم نسرين
    شوق بأستغراب: ليش جايين بدري
    ليزا تهز أكتآفهآ بسلبيه : مدري
    شوق: طيب جهزيلي شي خفيف
    ليزآ: أوك


    بـ المدينه
    كآنت جآلسه تتصفح بعض الأورآق مع أسيل وأروى ...رآح الوقت بدون مآتحس طالعت الجوال وشهقت
    رغد: تأخرت يالله أشوفكم بعدين
    اروى تسحب منهآ الأوراق: الحين خليتك تأخذينهآ يالله روحي
    رغد تتوعدهآ: شغلك بعدين .. سيوو
    مشت بالممر ودقت على وحده من زميلآتهآ تسألهآ عن موقعهم قبل تكمل طريقهآ سمعت نبرته خلفهآ
    ..: لوسمحتي
    لفت وعيونهآ من تحت الغطاء : نعم
    وليد نزل راسه: ابي اتكلم معك
    رغد: بس انا تأخرت ومابيننآ كلام
    وليد بأصرار: ألا بيننآ ... حددي وقت نتكلم فيه
    رغد لفت عنه: افكر .. طنشته ورآحت عنه
    أنقهر ولحقهآ وقال بحده: أنتظر بعد الدوآم
    اعطته نظره قويه ودخلت مع بوابه حديديه وهو دخل ورآهآ بمآ أنه الدكتور المشرف عليهم

    بعد أنتهآء الدوام
    كآنت طالعه من المصعد ومتجهه لبوآبة المستشفى الرئيسيه وشآيله شنطتهآ وكتبهآ وقفت برى تنتظر جلالي ...لمحته يقرب منهآ وينزل نظآرته عن وجهه
    رغد بتافف: ياربي ويش جايبه ذا
    قرب منها أكثر وقال: ســلآم
    رغد تصد : وعليكم السلام
    وليد : رغد لازم نتكلم
    رغد: لو سمحت روح عني لا أحد يشوفنا وتصير علوم
    وليد : اوك بجلس بالسياره وامشي وراكم
    رغد طالعته بصدمه: ويـــش؟!
    وليد: قلت لك لازم نتكلم
    رغد تطالع في اروى واسيل اللي طالعوا ووقفوآ لما شافوهم: طيب طيب خلاص روح
    تركهآ بعد ماشاف ارتبآكها من شوفة اسيل واروى وركب سيارته البعيده عنهم وطلع من الباركنج الخاص بالمستشفى وانتظرهم بعيد شوي بحيث محد يشوفه
    جوآ اروى واسيل
    رغد: اهلييين صبايا
    اسيل بشك: خير ليش دكتور وليد كآن هنآ
    رغد باربكه: مدري جاء ينافخ علي وراح
    أروى : أنتبهي منه ترى هالدكتور مدري ليش تصرفه معك غير يختي شديد معنآ كلنا بس انتي احسه غير
    رغد بشك: كيف يعني ؟
    اروى بصراحه: احس وراه شي والايام بتثبت لك
    رغد بنبره حاده: ويش بيكون مثلا
    اروى تسايرها: ولاشي
    رغد ميلت فمهآ وشآفت سيارتهم :عن اذنكم وصلت السياره
    اروى واسيل: الله معك
    مشت للسياره وقلبهآ يرجف من الخوف .. وطلعوآ من حدود المستشفى لمحت سيارته السودآء تنتظرهم قبل الأشاره
    رغد: جلالي وقف على جنب
    جلالي : ليييش رغد
    رغد بحده: انت وقف وبــس
    وقف السياره خلف سيارته ...اتصل على جوالهآ وردت :نعم
    وليد: بتنزلين وألا أنـآ أجيك ؟
    رغد بعصبيه: يامحلاني واقف قدام سيارتك اذا ينفع الكلام بالجوال ياليت تقوله
    وليد: رغد مرت 5 اشهر مآ جد مافيهآ أي جديد بيننا
    رغد ببرود: أي لأن مافي شي من الأسآس
    وليد انقهر: ناسيه ايش سويتي اخر شي ؟
    رغد غضت على شفايفها: ايه نسيته لاني كنت معصبه وتعبانه
    وليد:بس انا اخذت الموضوع بجديه ..وحآب اني اتقدملك
    رغد سكتت : بـس انا كنت من جد مو عارفه اللي أقوله اذا عشان اللي صار خلاص اللي فات مآت
    وليد: لآ مو عشآن اللي صار
    رغد همست: عطني وقت افكر
    وليد: خذي وقتك بس رجاء لاتتأخرين بالرد
    رغد : يصير خير باي.. قفلت الخط وعينها على سيارتها تحركت سيارتهم ومشوآ بأتجاه البيت... وبراسهآ الف فكره وفكره
    صحت على صوت جلالي: وصلنا
    رغد: يسلموو جلالي
    نزلت ودخلت بيتهم...طلعت الدرج بكسل وتعب لقت الباب مفتوح وأستغربت دخلت وشآفت ريم وهنادي لابسين عبياتهم
    رغد بأستغراب: وين؟
    ريم: بنروح لشهد ؟
    رغد تطالع الساعه: تونا الساعه ثلاث
    هنآدي: على مانوصل المستشفى تكون بدأت الزياره ....ترى سمر تأكل ميشو انتبهي لهم
    رغد تنزل عبايتها بقرف: والله ميته نعآس وتعبانه بحط راسي وأنــآم
    هنآدي : خلاص نامي اصله مانطول بالمستشفى
    رغد: أوك ... رايحه انام
    ريم: ترى سحر نايمه بس سمر اللي صاحيه
    رغد: اوك
    دخلت الغرفه ولبست بجآمه مريحه ورمت نفسها على السرير بقوه وكآنهآ ترمي بهمومهآ عليه ...تذكرت كلامه وتنهدت
    رغد بحالميه: مقعوله اوافق واصير زوجته ؟ يعني بيكون زوجي وشريك حياتي وفارس أحلامي ؟!..هذي الفرصه جات لحدي مقدر اضيعهآ من يدي
    غمضت عيونها تهربا من وآقعهآ
    *مزون شمر*

  7. رد: رواية يا خاطفي وين ألقى عزتي في زمان المذلة ! / كاملة

    بـ الرياض
    كآنت جالسه بالدور العلوي تتفرج على برنامج ديني يزيد ثقافتهآ الدينيه ..حست بخطوآت على الدرج وخفضت بصوت التلفزيون .. لمحتهآ وابتسمت على طول
    شوق وقفت: هلآ خالتي .. كيفك بعد امس
    نسرين تسلم عليها: هلا حبيبتي الحمدلله بخير
    شوق : حياك تفضلي
    نسرين:ايش الحلاوه اللي امس ابهرتيني
    شوق بخجل: عيونك الحلوه حتى انتي بصرآحه كنت نجمة الحفله والآ رقصك شي ثاني
    نسرين تضحك: نسترجع الشباب شوي وبعدين هذا ولد زوجي لازم ارقص وافرح له خصوصا انه مآخذ أخت فهد حبيب قلبي
    شوق : ياعيني
    نسرين : تركت راكان مع ابوه وعمه تحت
    شوق ابتسمت: راح يتعبهم
    نسرين تغمز لها: خليه يتعبهم وأحنآ ندردش شويه
    شوق: صآدقه نبي ناخذ راحتنآ بالكلام
    نسرين بجديه: شوفي حبيبتي انا جايتك ابيك بموضوع
    شوق: امريني
    نسرين: انا وباسل بنروح المدينه يبغى يرجع مرته
    شوق ميلت فمهآ: امممم
    نسرين: أبغآك تكلميها وتخبرينها حتى يسهل الموضوع علينا
    شوق: بصراحه خاله انا اتكلمت معآهآ شكلها بتمارس عنآدهآ
    نسرين كشرت: طيب والولد ايش ذنبه هيا لسى ماطلعت من ذمته وزوجته شرعا
    شوق هزت اكتافها: ادري بس هي عنيده
    نسرين: عقليهآ ياشوق إحنآ بنروح لمدينه عشانهآ بس
    شوق : ان شاء الله ماترفض
    نسرين: الله يسمع منك يابنتي والله حرام ينخرب بيتهم على شي فاضي ومايستاهل
    شوق: لحظة غضب


    بالمستشفى
    دخلوآ الغرفه وتحمدوآ لهآ بالسلامه ... ردت بذبول: الله يسلمكم
    هنآدي: يتربون بعزكم
    شهد ابتسمت بتعب: آمين
    ريم : كيفك الحين ؟
    شهد: حآسه بشوية تعب
    هنآدي مررت يدها على شعر شهد: مالومك ياقلبي
    ريم بلهفه: وينهم الصغار بشوفهم
    شهد: بالحضآنه
    ريم : خساره ودي اشوفهم
    شهد: بنادي النيرس تجيبهم حتى أنآ ماشبعت منهم والله
    هنآدي بحمآس: ياليت
    ضغطت زر قريب منهآ ودقآيق جآت لهآ النيرس ..وطلبت أطفالها
    ريم شافت باقة الورد: ياحياتي ورد واحمر
    شهد ابتسمت: هذآ من زوجي الله لا يحرمني منه
    هنآدي: الله يخليكم لبعض يارب وربي انه آدمي وولد حلال هـاليوسف
    ريم ضيقة عيونها: حتى زوجي ولد حلال وطيوب لبى سمآره
    هنادي تضحك: يعني حتى بالمدح تغارين روقينآ بس
    شهد مسكت يد هنآدي: وانتي متى نآويه تحلين مشآكلك ؟
    أضطربت ملامحهآ وانقلبت للنقيض ردت بهمس: شهد مو وقته
    شهد: الله يهدي قلبك ويسعدك ياهنوده
    هنادي: آآآمين
    شهد : اذا كلمك وآفقي وأرجعي له ترى اذا انفصلتوآ محد بيضيع غير الولد اللي ماله ذنب فكري فيه
    هنآدي كشرت: شههههد خلاص مو وقته
    دخلت النيرس وهي تدف السرير .. سمعوآ صوت بكآهم المشترك
    ريم نقزت من مكآنهآ وصرخت: مآشاء الله يهبلووون
    هنادي قربت منهم: بسم الله عليهم يهبلون
    ريم: شوفي كيف صغار كأنهم فيرآن
    شهد: مآ أسمحلك تغلطين على عيالي
    ريم تدف السرير وتقربه لشهد: بالله شوفي كيف صغار ما أقدر حتى اشيلهم من صغرهم
    شهد طالعته بعيون دآمعه: ياحياتي عليهم طبيعي يجون صغار اولا انهم توائم وثاني شي ناقصين
    هنادي :بيضلون زي ميشو بالحضانه؟
    شهد: أي تخيلي
    هنادي شالت وآحد وباسته : ياحليله فمي اكبر من وجهه كله هههههههههههه
    شهد: هنو بشويش عليييه
    هنادي: بحطه وي
    *مزون شمر*

  8. رد: رواية يا خاطفي وين ألقى عزتي في زمان المذلة ! / كاملة

    بعد يومين

    شوق بترجي: ويش قلتي هنوده ؟!
    هنآدي بحده: قلت لآ ياشوق لآ
    شوق:هنو حبيبتي فكري زين تكفين ترى حتى انا جايه للمدينه عشان شهد
    هنادي: لو العالم كله يجي ماني راجعه له هو طلقني بكيفه وانا ارجع له بكيفي
    شوق بزعل: هنو اخاف تبين ترجعين له ويكون الوقت راح
    هنآدي بحده: مو يبي ولده .. خلاص أنـآ اذا ولدت يجي ياخذ ولده ويربيه ويفكني
    شوق بحده: ويش تقولين أنتي اكيد أنهبلتي
    هنادي بتأفف: شوق وبعدين يعني نعيد ونزيد بالموضوع على الفاضي ؟ اللي عندي قلته
    شوق: طيب عشان خاطر خالتي نسرين
    هنادي: لا ياشيخه هي اللي متطلقه وألآ أنا ..هذا الموضوع خاص فيني لحالي وبس
    شوق بقلة حيله: هنو ترى بتصحين بعد مايفوت الفوت
    هنادي ضحكت بسخريه:ههههه يفوت الفوت ماعاد في شي اخسره ياشوق جآت على الطلاق يعني اصلا انا كرهت وماعاد له مكان بقلبي اكتفيت من جروحه لي اكــتــفييييت
    شوق : الله يصلحك ويهديك الكلام معك ضايع
    هنادي بزعل حاد: اذا ضايع لآعاد تدقين " قفلت جوالها ورمته على السرير قدآمهآ وشهقت ببكآئها ..حست بألم في بطنهآ من رفسة جنينهآ حطت يدهآ ولمست المكآن وبصوت باكي
    " أنــت بعد معهم "
    تكت على ديكور سريرها وتفكيرها كله بباسل وطلاقها الذي ربما يكون ابدي دون رجعه

    بالغرفه الثانيه
    سحر تكلم معآذ: اوك حبي اذا خلصت مذاكره كلمتك .. مع السلامه
    رغد رفعت راسها: سحر
    سحر: هــلا
    رغد: عندك بكره اختبار ؟
    سحر تفتح الكتاب اللي بيدها: لا بس ابي اذاكر شوي
    رغد تطالع في الباب وتتأكد من خلو الممر: بقول على سالفه
    سحر قفلت الكتاب وبأهتمآم: قولي
    رغد: بالاول سمر وين ؟!
    سحر بهمس: تغير لميشو وبترضعه
    رغد تربعت زين: اشوى ...تعرفين دكتور وليد ؟
    سحر فتحت عيونها على الاخير: هذاك ماغيره اللي سوت.." وسكتت"
    رغد بتكشيره: ايه هو اللي مها سوت لي سالفه عشانه
    سحر: ويش فيه ؟
    رغد: يبي يخطبني .. هو كلمني قال فكري واتخذي القرار عشان يتقدم رسمي
    سحر بصدمه: وانتي موافقه ؟
    رغد بحيره: والله مدري اوافق والا ارفض يعني بصراحه هو يلمح لي من اول ويلاحقني بعد بس انا كنت سافهته وماني معطيته وجه .. لكن بالفتره الاخيره حسيت انه من جد يحبني ويبيني
    سحر رفعت حاجبها: انتي تحبينه ؟
    رغد ميلت فمهآ ورفعت حوآجبها: لا بس الحين اكذب عليك اذا اقولك ما احترمه واميل له
    سحر: خلاص اجل ويش تستني يشحذك وافقي وشوفي حياتك
    رغد: ودراستي ؟
    سحر: هو متعلم وواعي اكيد ماراح يبعدك عنهآ
    رغد: يعني استخيرك ؟
    سحر طالعتها بنص عين: على بالي انك مستخيره قومي استخيري ربك واطلبيه الخيره في امرك
    رغد تركت اللي بيدها : بروح الحين وانتي ادعي ربي يكتب لي الخير
    سحر ابتسمت:شكلك حابته من قلب
    رغد قبل تطلع من الغرفه: لا رجعت اوريك
    دخلت سمر: ويش في ؟!!
    سحر: ولاشي

    بهذا الوقت في الرياض
    قالت لهم عن رد هنآدي ... كآنت جالسه بعبايتها وغطآهآ خافت من ردة فعله المجنونه
    باسل يصرخ: يعني أيش؟
    امه وقفت ومسكته مع كتفه: أهدى حبيبي
    باسل: كيف أهدى ماسمعتي أيش قالت لأم راكان ؟
    شوق بهدوء: استهدى بالله ياباسل وان شاء الله مايصير الا اللي تبيه
    فهد برواقه: مثل ماقالت شوق اهدى الامور ما تنحل بالعصبيه والقوه
    باسل جلس وهو يهز رجوله بقوه: يعني كل الشهور اللي فاتت مآ أثرت فيهآ ولآغيرت لها رائيها وخلتها تندم ؟
    امه: كيف تبغاها تندم وانت اللي غلطت ... لازم تتحمل غلطتك
    باسل بحده:بس انا مابي الموضوع يوصل للانفصال معآهآ لحد الولاده عشان تتراجع
    امه: يمكن لو تروح انت تتكلم معهآ بدون أي واسطات ترضى
    باسل نزل راسه وضرب رجله بقوه على الارض
    وقفت وتركتهم يتناقشون بأريحيه أكثر وطلعت غرفتهآ طالعت الساعه تأخرت بأخذ علآجهآ .. فتحت الثلاجه الصغيره وطلعت لها علبة مويه وشربت منهآ وبلعت خلفهآ اقراص من أدويتهآ المعتآده

    أتصلت على بيتهم وردت عليهآ سحر
    سحر: أهلين شوق وحشتيني
    شوق : وأنتي اكثر حبيبتي ..كيفكم ؟
    سحر: الحمدلله بخير انتي كيفك
    شوق : بخير ولله الحمد ..شهد شخبارهآ والبيبيآت كيفهم
    سحر: كلهم بخير .. هنآدي مصورتهم صغآآآآر بشكل ماتتخيلينه
    جآت رغد بعد غيابهآ لفتره ليست ببسيطه :تكلمين مين ؟
    سحر ابتسمت: شوق
    سحبت منهآ السمآعه بدون مقدمآت: حي الله أم راكان وحشتينا
    شوق ضحكت: لو صدق وحشتك كان تدقين تسالين على الأقل مو كل شوي انا ادق عليكم
    رغد: سآمحيني منشغله بدراستي
    شوق : ذبحتينآ بذا العذر بس يالله بمشي لك بكيفي
    رغد: اقولك عندي موضوع مهم بشآورك فيه
    شوق : شنو ؟!
    بدأت تقول لهآ سالفه وليد من البدآيه

    دخلت عليهآ سحر وشافتهآ تبكي
    سحر ضمتهآ: هنو ويش فيك ؟
    هنآدي: متضايقه شوي
    سحر: هونيهآ وتهون ...قومي معي نتسلى شوي
    هنآدي طالعتهآ بعيون دآمعه : طيب يالله
    *مزون شمر*

  9. رد: رواية يا خاطفي وين ألقى عزتي في زمان المذلة ! / كاملة

    { شوق }

    بعد مآكلمتهآ حسيت براحه كبيره أنهآ مرتاحه لوليد وحآبته كشخص ومتقبلته كزوج وبما انه صديق فهد من زمآن هنا يجي دوري أسئل عنه وان شاء الله يكون يستاهلهآ وربي ييسر لهم زوآجهم ... ماراح انآم قبل مآ اسئل فهد عنه
    غيرت لبسهآ وجلست تستنآه بعد دقايق بسيطه دخل فهد والتعب على وجهه
    شوق: الله يعطيك العافيه حبيبي
    فهد : الله يعافيك
    شوق : بتنآم ؟!
    فهد جلس على الكنب وتمدد: مدري والله حاس جسمي يوجعني
    شوق جلست جنبه: فهد بسئلك عن صديقك وليد
    فهد باستغراب: وليد ؟!... ليييش؟
    شوق تفرك يديها ببعض: بسئلك عن اخلاقه انت صديقهم وتاكيد تعرفه زين
    فهد بنفس الأستغراب: طيب ليييش؟
    شوق: يمكن يتقدم لرغد عشان كذا حابه اعرف عنه كل شي تدري رغد غاليه على قلبي واتمنى ترتبط بشخص يستاهل
    فهد: بصراحه وليد رجال وماعليه كلام وحركات النسوان ماهي عنده
    شوق تضحك: شمعنى هالشي قلته
    فهد: ههههههه عشان ترتاحين صح عمله يفرض عليه الآختلاط لكن هو انسان عملي جدا وشديد في عمله واسئلي رغد عنه اكيد عارفته هي بعد ... واهله كمان ناس طيبين امي تعرفهم اسئليها عن امه
    شوق بمكر: يبيلي اسئلهآ صح نسيت انه ولد اخو زوجها
    فهد يرجع راسه لورى: ياطول اللفه اسئليها وبتجاوبك
    شوق: هههههههه .. اقول فهد متى نسافر
    فهد: انا عندي شغل تبين تسافرين لحالك براحتك
    شوق: أي أي ابي
    فهد يرفع حآجبه ويقلدهآ: أي أي ..افكر وأشوق
    شوق بترجي: فـــهـــد عآآآد
    فهد بنذاله: بنام وأصحى يمكن يتغير رائي
    شوق: لا عااااد ويش هذي النذاله
    فهد يضحك: طيب مالك الآ اللي يرضيك


    بدأ سكون الأروآح يجتآح أروآحهم وتهدأ أيامهم ويبتسم لهم زمآنهم .. بدوآ كمآ لم يكونوآ في بدآية العمر ... تهآوت قوآهم وشكلتهم الظروف بتركيبه لم تعتآد النفس عليهآ ... لكل حيآه بظروفهآ ومشآكلهآ تبدل الحال من سيء إلى أفضل أو من سيء الى أسوء



    { فهد & شوق }
    تجآنسوآ وتحآبوآ بعد مآ كآن الكره والبغض طآغي على أيامهم في حين لم يغب عنهم الماضي بألم ذكرآه الذي تنآسوه لأجل أن يهتنو بحيآه أفضل وأجمل




    { يوسف & شـهـد}
    حكآيه لحب لم يخلو من الزمآن وأحساس صآدق مآزال يسكن أهل القلوب الوفيه المخلصه لمشآعرهآ وأحاسيسهآ





    { رغــد }
    عآنت من تقلب أيامهآ العاصفه التي جردتهآ من بعض معتقدآتهآ الوآهيه واجبرتهآ على تقبل الحياه بحلوهآ ومرهآ .. تخطت كل عتباتها التي تركت أثر ملحوظ في مسيرتهآ لكن قوتهآ وأرآدتهآ اقوى

    { هنـآدي & بـآسل }


    صدمت احلامهآ بمرآرة وآقعهآ التي لم تحظى بتحقيقهآ لو بالقليل ... أغتصب الحب في قلبهآ واجبرهآ على عنآق حبه لهآ ..أستسلمت لرغبته والأن هي على مفرق الطريق







    " على الأطلال أغني يآ خآطف أسكنته عيني "




    *****
    **
    *

    أنتهى البارت مآقبل الأخير لـ روآيتي
    وبقى البآرت الأخير المكون من جزئيـن
    لـ أختم " يآخاطفي وين ألقى عزتي في زمآن المذله"
    *مزون شمر*

  10. رد: رواية يا خاطفي وين ألقى عزتي في زمان المذلة ! / كاملة


    البارت الستون والأخير

    " الجزء الأول "

    بعد يومين من وصولهم للمدينه
    بدأت تسترد عآفيتهآ تدريجيا تحسنت نفسيتهآ للأحسن ... تعلقهآ براكـان أزدآد شيئآ فـ شيء تكره ابتعآده لو للحظآت عن أحضآنها
    مستلقيه على وسآدتهآ التي تعشقهآ بجنون منذ أيآم سهرهآ عآنقتهآ بالدموع والفرح والحزن
    تحوي ذكريآت لآتنسى أيام ونسآئم من مآضي يرتعب قلبهآ له ..نقلت عينهآ إلى طفلها الذي بجوآرهآ .. بدأ يتغير وتزدآد ملامحه براءه و حده واقرب شبه له أبيه لمست خده الوردي بنعومه لآ تذكر ابتسمت على تجآعيد الضيق التي أرتسمت على جبينه طبعت بوسه خفيفه على جبينه وتفكيرهآ بمن تشآركهآ أوكسجينآت هذآ المكآن ..لفت وشآفتهآ ترمش بعيونهآ
    شوق بهمس: ليش مآ تنآمين ؟!
    هنادي مسكت بطنهآ: مدري ماجايني نوم
    شوق: تبين اسويلك شي ؟!
    هنادي : تسلمين حبيبتي .. وانتي بعد ليش مآتنآمين
    شوق لفت كامل جسمهآ على جهة هنآدي: امممم افكر بفهد تتوقعين بينآم لحاله بالفندق؟
    هنادي تضحك: اووه ويش هذا الآهتمآم ؟
    شوق : طبعا لازم اهتم فيه هذا زوجي وابو ولدي يهمني يكون مرتاح
    هنادي لآزالت مبتسمه: الله الله
    شوق تجلس: بشوف رغد شكلهآ مآنآمت وتفكر ببكره هههههههـ
    هنادي توقف: بروح معك النذله ما انتظرت شهد مستعجلين على الملكه والزواج
    وقفوآ ورآحوا لغرفة رغد دقوآ الباب ووصلهم ردهآ
    رغد: تفضلوآ
    شوق فتحت الباب بشويش وشآفتها لابسه وكآشخه على الأخير: ماشاء الله تبارك الله ... ليش مسويه بنفسك كذآ
    رغد تلف : ويش رآيك ؟!
    هنادي تتكي على الجدآر: نعوم الفستآن
    رغد ابتسمت: قلت بمآ اني ماراح أنام اسوي بروفه لبكره
    شوق : اهم شي أنتي مرتاحه له ومستخيره
    رغد بملامح جديه : الحمدلله مرتاحه
    شوق جلست على طرف الكمودينه: الحمدلله هذا اللي نبيه انك تكونين موافقه بكامل قناعتك وبدون أي ضغط
    رغد نزلت عيونها وجلست على السرير وهزت رجولها: حآسه بخوف وتوتر .. شعوري غريب ماقدر اوصفه
    هنادي ضحكت: مرينآ بهذا الشعور طبيعي تكونين متوتره هذي خطوه بتغير لك كل حياتك
    شوق تنهدت براحه: الحمدلله كل وحده فينآ مشت في حيآتهآ مابقى الا سمر الله يوفقهآ .. صدق اللي قال هم البنات للممات
    رغد : تصدقون حاسه بيصير شي بكره يخرب الملكه وجية اهل وليد
    هنآدي وشوق: اعوذ بالله منك
    شوق بتكشيره: تفائلي بالخير
    هنآدي رفعت حوآجبها بكره: بديتي تهلوسين من الحين
    رغد تطالع الفستآن وغيرت الموضوع: بالله تقولون الفستآن حلو؟
    شوق ضحكت: حلو والله حلو ارحمينا الف مره سألتينا اليوم
    رغد توقف وتتخصر: ارحمكم هآه .. يالله لو سمحتوا بغير ملابسي


    ::
    ::

    ..: ويش قآعد تقول أنت أكيد أنهبلت والا صار بعقلك شي
    ..: أيه صار بعقلي ألف شي ... مستحيل أخلي الموضوع يمر على خير
    ..: أشك أني اعرفك .. انت ويش اللي صار فيك ؟
    ..: قلبي تعرف ويش معنى قلبي بيروح مني ؟..قد شفت أحد عآيش بدون قلب
    ..: لاحول ولاقوة الا بالله انت اكيد انجنيت
    ..: اوووف منك صاير زي الحريم بس تزن علي
    ..: شوف ويش قاعد تقول الحين .. صدقني لو صار اللي قلت عليه بيكون اخر يوم تشوفني فيه
    ..:بس هذي حب عمري متمسك فيهآ لأخر لحظة

    في بيت بآسل
    فهد يقفل الجوال ويطالع بأمه وبآسل
    امه: ميين ؟
    فهد: أم رآكان
    باسل بتحطم: خساره ماسألتهآ عن هنادي
    فهد يطالع امه: امي بكره بتحضرين ملكة رغد ؟
    أمه تركت المجله من يدها: أكيد بحضرهآ وإلآ أيش رايك ؟
    فهد يضحك: حبه حبه علي بس عشآن أحسب حسابي تروحين من بدري
    امه ضيقة عيونهآ: كيف اروح بدري عيب ايش يقولو النآس عني ؟
    فهد: هذا كلام شوق تقول خل خالتي من بدري تكون عندنا
    امه بأريحيه: اذا كآن كذآ ماعليش اروح من بدري
    بآسل بتودد: امي حاولي بهنآدي شوي يمكن معك توآفق
    أمه تميل فمهآ: بحآول والله كريم يا ولدي


    بـ النسبه لرغد
    نزلت الجوال من يدهآ بعد مآ قرأت المسج .. عضت أبهآمهآ بقوه من كثر القهر والغيض الساكن قلبها
    رغد: ويش الحظ النحس هذآ حتى بيوم اكون على وشك أفرح أتنكد .. يارب يارب يسر ولآ تعسر ياكريم
    نزلت راسهآ بتألم تنهدت وهي تتذكره بكل تفاصيله خوفهآ بدأ يزيد اضعآف وقلقها يزداد نزلت دموعهآ بصمت ... أشياء كثيره تفتقدهآ في فرحتهآ .. ابيهآ الذي ودع الحياه قريبآ وأم لم تزف أحدى عرآئسهآ الى بيوت كآنت بمخيلتهم من خزف
    " يارب أحفظ لي خوآتي اللي بدونهم حيآتي مآ تستآهل أتنفس فيهآ ..يارب لاتحرمني الفرح وأبعد عني شر كل ذي شر يارب ..يارب ..يارب "
    قطع تفكيرهآ أتصال اروى المتأخر .. اخذت نفس طويل تجدد معه أملهآ وثقتهآ بالله عز وجل
    رغد: اهليين
    أروى: هلا والله .. اموت على السحبات اللي كذا
    رغد بأستغراب: أي سحبه ؟
    اروى: ماتتصلين علينا شفتي نفسك علينا من البدايه خلآص
    رغد: هههههههههههههه حرام عليييك عاد مالقيتي إلآ انا أشوف نفسي وأتكبر
    اروى تضحك: يالبى الضحكه والله لو تضحكين هذي الضحكه غير يموت دكتور وليد
    رغد بتلقائيه: بسم الله على قلبه .. لاتتفاولين عليه
    اروى ماتت ضحك: ايوه اطلعي على حقيقتك كلكم ميتين على بعض بس ياكرهي للي يكابرون
    رغد كشرت: رورو بدون نغزات بليييز
    اروى:اوك خلاص ..بشريني كيف استعدادتك
    رغد: ماشيه الحمدلله تعرفين فكرتي بكون سمبيل في كل شي
    اروى: أحسن والله خلي الكشخه زين في الليله الكبيره يعني كلها شهر وانتي في بيته
    رغد بتحطم: يؤؤ لاتذكريني ترى اخاااف
    اروى: الا اقولك مين عزمتي
    رغد: انتي واسيل وفاتن صديقتي من زمان وطبعا اخواتي وأهله بس
    اروى: حلو تكون عائليه مالك ومال كثرت الناس
    رغد بتهددي: ايوه بس خليك ماتجين
    اروى: لا وربي جايه إن شاء الله من الحين مجهزه اغراضي ما ناقص الا انام واصحى واجيكم
    رغد:زين بس مو تجين من صباح الله خير
    اروى بحده: عـــــمــــــى
    رغد :هههههههههههه
    اروى: روحي موتي
    رغد شهقت: وه يآني ..تبغين دودي حبيبي يموت ورايآ
    اروى بنرفزه باينه على صوتها: ووع مولايق مو لايق ووووع
    رغد ميته ضحك عليها: بشويش لا يصير فيك شي
    اروى : اقول عاد نجي للجد كيف تتوقعين بكره د وليد ..أمم يعني شكله مرتبك ثقيل زي العاده
    رغد غمضت عيونها: تصدقين ماخطر ببالي يالله قفلي عشان افكر واحلم وأطيرر لبعيد
    اروى: انتبهي بس لا تطيحين
    رغد: وجع يالله عاد ماني فاضيه
    اروى: هين يجيلك يوم سيوو تومورو
    رغد: سيو بيبي
    قفلت بعد هذي المكالمه اللي ريحتهآ وأبعدت عنهآ كل حزن والم كانت تشعر فيه سابقآ وسبحت في تفكير وخيآلات بطلهآ " وليد " متخيله ردة فعله وشكله وووو..الـخ
    *مزون شمر*

صفحة 68 من 71 الأولىالأولى ... 185859606162636465666768697071 الأخيرةالأخيرة