كلمات عن فراق الام مؤثره

شعر, قصيد, شعراء, قصائد مسموعة إرسال إلى Facebook ارسال الى تويتر
  1. كلمات عن فراق الام مؤثره

    /////
    خايف عليها من الثرى غطاها..
    وإلا الحصى حافيه أخاف أذاها..
    أكرم عليها بالكفن يامطوع
    .. بالبيت ظل فراشها وغطاها..
    أكرم عليها بالكفن هذي(أمي )..
    وأشهد عليها بما عطت يمناها..
    هذا الضحى والليل يتحرونه ..
    هذي السماء ونجومها تنعاها..
    هذي السوالف مثلنا تبكيها..
    والأرض تنشد عن أثر لخطاها..
    هذي الكبيره كبر هذي الدنيا..
    هذي العظيمه جل من سواها..
    أبكي عليها مو نهار وليله..
    ولا سنه تمشي وأعد قضاها..
    أبكي عليها كثر ماشالتني..
    وكثر الحنين اللي أختلط بغناها..
    وكثر الاسامي وكثر من سموها..
    وكثر النجوم وكثر من يرعاها..
    أبكي عليها من القهر يادنيا..
    من لي أنا..من لي عقب فرقاها..
    من فتحت عيني ولا خلتني ..
    شوفو ولدها بالقبر خلاها..
    هل التراب بوجهها ماقصر..
    شوفو ولدها كيف هو جازاها..
    لو انها بمكاني ماسوتها..
    لكن أعز عيالها سواها..
    "يالدووود" شفها ذابله جنبها..
    أنا ولدها وحاضر وأفداااها..
    قطعني هاك اللي تبي من جسمي
    .. بس الكريمه لاتجي بحذاها..

    أوصيك أمانه قلها تعذرني..
    وتكفى ترووح تحب لي ماطاها..
    أبيها تغفر لي مثل ماكانت..
    كل خطوه مني تصيبها ترضاها..
    يالله عساها بالنعيم الخالد ..
    وعسى في جنة عدن سكناها..
    يافضي هذا الكوون ياهو خااالي ..
    ياضيق هذي الدنيا يامقساها..
    يامر طعم فراقها يامره..
    ماني مصدق أرجع وماألقاها..
    ياليتها ماراحت وخلتني..
    أو"وسعت لي بالقبر وياهااا"..
    ســـاحره القـــلوب

  2. رد: كلمات عن فراق الام مؤثره

    قصيده مؤثره
    يعطيك العافيه عالنقل

    عزيزتي
    ارجو منك التقيد بالقوانين بكتابة اسم الشاعر او كلمة منقول عند النقل

    وطرح قصيدتين باليوم
    ولك شكري
    *مزون شمر*




  3. رد: كلمات عن فراق الام مؤثره

    رحم الله امهاتتا و حفظهم و اشكننا و اياهم فسيح جنانه

    بارك [COLOR="rgb(255, 192, 203)"]الله
    فيك اختي ~ ابيات جد مؤثرة

    دامـــــــــــــــ تألقكـــــ
    [/COLOR]
    minanfel

  4. رد: كلمات عن فراق الام مؤثره


    يعطيك العآفيةة يالغلآ ع النقل الذوق ’

    تقبلي مروري

    دمتي بخير ’
    εηđмa̶j Ω̴̩Łν̵яώa7