تناهيد شعرية

أوراق الخريف

V - I - P, , , ,
تنــــــــاهيـــد شعرية






بسم الله الرحمن الرحيم

في سماء عبير ارتقيت وبلغ بي حبها حتى لامست نجوم الإبداع

لايسع العاشق تجاه معشوقه الا أن يقدم قلبه هدية اعجاب وحب

(مدونة تناهيد شعرية)

هديتي لمعشوقتي عبير والتي ستكون بإذن الله خالية تماما إلا من بوح
مشاعري


ارجوا أن تستمتعوا بجمع أوراق الخريف ورقة ورقة في

تناهيد شعرية

دمنا متحابين في الله

هنا ‏
البدايه







أ
الصبر فيني انتحر


ما جيت أعاتب لا أبشرك هونت =ترى العتب بيني وبينك مضى وفات

وابشرك ماصرت أنا مثل ما كنت =كلي تغير والفضل للخلافات

قلي متى لا جيت يمك تنازلت =وخفضت من راس(ن)تعالى مسافات

والا متى ياشايف النفس طمنت =قلب (ن)بحبك ذاب وامسحت دمعات

ما اقول اني بالخطا ما تكوفنت= واني منزه عن فعل ربع زلات

لكن إذا أخطيت جيتك و برهنت = كل البشر في كف وانت بكفات

أحس بعض أحيان انك مثل ما أنت=مثل الجبل ما يحركه دمع واهات

وأنا أحاسيس ومشاعر أنا بنت =ودي تبادلني بالأشواق بسمات

عمرك غرست زهور في قالب اسمنت=والا ارتويت بماي بحر ومحيطات

جيتك أوضح موقف (ن)سيده انت =والصب� فيني انتحر قبل لحظات

ما جيت أعاتب لا أبشرك هونت =ترى العتب بيني وبينك مضى وفات



أوراق الخريف
 
التعديل الأخير بواسطة المشرف:
رد: تنــــــــاهيـــد شعرية

يا سارق ألوان الزهور وطاغي على ضو القمر= يا معتلى عالى المشاعر وبفؤادي موطنك

تعال حقق حلم طال وانتظاري له دهر= يمك تمنيت الحلال يكون لجل اني احضنك

لو تختصر في بتر روحي ان كان باقي لي عمر= كرامتي ارخصتها وانت غرورك جننك


أوراق الخريفै‏ ै‏
 
التعديل الأخير بواسطة المشرف:
رد: تنــــــــاهيـــد شعرية

نادر تحقق حلم أو ترتجيني



البارحة جاني مع الوقت هوجاس = طير لذيذ النوم عن جفن عيني

قمت أتخيل طلته وعشت الإحساس =صرت اتغنى فيه وانظم دواويني

الصبح كنه ليل ما كن به ناس = ماشوف غيره يبعدني ويدنيني

وقت اتبسم لحد ماتبين الأضراس =ووقت تشوف الدمع بوسط عيني

احترت في حبه ترى ماله قياس =ا ن جيت اعرفه تخطي به قوانيني

لمحت ظله على صف الحنايا داس = ويقطع فؤادي الغظ بحد السكاكيني

يقول الناس على كثرها أجناس =انسى حلوم الليل و وانسى سنيني

أنا رفيق الليل أنا بس هوجاس =نادر تحقق حلم أو ترتجيني


أوراق الخريف
 
رد: تنــــــــاهيـــد شعرية

مرسال حب


يا ورد خبرني عن علوم راعيك = طمن فؤادي وللمسرات دله

هو مرسلك ياورد يرسم أمل فيك=والا يمهد للوداع وسعا له

ياما تذكرني بعيون تناجيك= والدمع بأوجانه غزير يهله

فرحت بك ياورد ودي أداريك = لانك هدية من قليبي محله

ليتي عن الذبلان ياورد احميك = وتبقى من الغالين ذكرى نجله

ياورد لاشفته يضمك ويبكيك = خله يعبر عن بدايات ذله

كان يتغلى عن هوى من يناجيك = سبب له أحزانه ومليون عله

اثره يعاند في مشاعر تواليك =يخفي بقلبه عشق محد فطن له

ما يدري اني فاهم فيه وافتيك= انه بهجره زاد في الطين بله

ابرفق بحاله وحالي واخليك = مرسال حب بين قلبي وخله

ياورد لامس خد ناعم يباهيك = ويم الشفاه الدرب وكد تدله

واهمس له ان الخل ينظم شعر فيك = وانه على عهد الهوى وواصل له

والله لأبقى دايم العمر أغليك = مادام بين الورد كادي وفله


أوراق الخريف
 
التعديل الأخير بواسطة المشرف:
رد: تنــــــــاهيـــد شعرية

ياصاحبي




يا صاحبي يافرحتي ياهنايا = لك اشتكي بعد الإله بهمومي

جيتك ابرسم جرح ليل الرعايا=معه الدموع الوان تنهي رسومي

حنا البذخ عشناه فوق البرايا= نحمد اله (ن) منعم كل يومي

ويلي على حال يزيد الدعايا= ما كن به أخوان واهل الجسومي

اخواننا ماتوا بصيف وشتايا=والجوع احدى اسباب تفتك بقومي

ليت الفقر انسان كان ابتلايا =اني ابقتل فقرهم بالسهومي

ليت التمني يفيد كامل رجايا = لقاسم اخواني بمالي وطعومي

دارت بهم ايام مثل الرحايا =ما ترحم كبار وصغار وهرومي

ابنشدك ياصاحبي في شكايا = ودي تقاسمني بفرحي و لومي

في افريقيا اخوان دين ولوايا= صومال ضمتهم وحكم ظلومي

الأم ترمي فلذة (ن) بالحشايا= طال السبيل وصاب منه السمومي

ياصاحبي لو شفتهم بالدعايا= أكيد منك الدمع يسبق كلومي

لكن ابدعي رب كل البرايا = يرحم بكل انسان لأنه رحومي

ونرفع لهم بالمال من منتدايا= وانساهم بتمرة تصد الجحومي


أوراق الخريف
 
رد: تنــــــــاهيـــد شعرية

شفت الأميرات؟


محسود ياشعب الأميرات محسود

كل طمع في سبيهن والإمارة


غنى لها شيطانهم لازم تقود

وتصير مثل ا دم بسوق وسفارة


يقولون مسجونة بزنازين وقيود

لازم تواكب عصرها والحضارة


دسوا لنا سم مع الحلو معدود

وأعطوه حواء مغلف بالقذارة


مسكينة تسعى وراء علم مردود

خير لها نسيان أمر وقراره


قلي متى شفت الأميرات تقود

وسواقهن مرتاح بأقصى العمارة


والا متى خولة تونس مع اسود

تطعن بها الأنياب ليل ونهاره


نار توهج والأحاسيس رعود

منها فؤادي يشتعل وسط ناره


هذي أمانة دونها أعناق وجنود

ما يكون اللولو بدون المحارة


مثل الذهب تيجان وأقراط وعقود

ويزيد باثمانه ورابح عقاره


من بعد أمر الله ترى مالكم زود

والحكم منزل مايريد استشارة


أوراق الخريف
 
رد: تنــــــــاهيـــد شعرية

وش عاد باقي من سهامك سليمة
ماصابها من دم قلبي علامات

ووش حيلة اللي قلب روحه سقيمة
جسمه مع الأحياء وبداخله مات

لامن صفا وقتك وزاد بنعيمة
ارقى تري ماينفعك ماضي (ن)فات


أوراق الخريف
 
رد: تنــــــــاهيـــد شعرية

منت الوحيد ...




ياطير ياللي فوق سحب تحايا=اقبل سلامي قبل ردك يجيني

أحملك أشواق قلبي هدايا= ودي تطمني عساه متهني

حبيت أبين صدق ذيك النوايا =واسمعك اهات روحي وحنيني

مشتاق لك يابدر زين سمايا= ودي مثل ماأبيك انك تبيني

ضيعت عمري انتظرك ورجايا= تصدر قرارك والعفو يحتويني

شكيت من حب (ن)سكن بالخلايا=سيطر على التفكير ماعاد فيني

همس (ن)من العذال قيد خطايا= واعدم بي الإحساس واحيا أنيني

رحل حبيب الروح عالي السجايا= لا تنتظره بيوم يمكن يليني

أوصيك بالنسيان زين السوايا =والجأ الى الخلاق رب (ن)يعيني

منت الوحيد اللي جروحه عرايا= ينهر دموع الليل لا تفضحيني

تراك محسوب بسجل الضحايا= تون لأشواقك كفى ارحميني

احبس همومك بين صف الحنايا= وارحل عن الماضي وحب دفيني


أوراق الخريف
 
رد: تنــــــــاهيـــد شعرية

خليه يبعد مايهم

CENTER]

منك السموحة ياقلم = دون لنا جرح(ن) جديد

سجل على لوحي ألم =يخضع له القلب العنيد

اسألك ياحرف الكلم = من هو عن الفرحة بعيد

من هو الذي منا ظلم = ومن الخطاوي مستفيد

رقعة فؤاد والحبر دم = اكتب سطور الاه عيد

امحي فرح ابدل بهم = وأسمح يدون مايريد

ماعمره بيوم رحم = ماجرب احساس الطريد

لف الوشاح وبه التثم = معلن عن الرحلة أكيد

بين الضلوع قلب انعدم = مشنوق بحبل الوريد

الدمع بأوجاني رسم = درب الذي تايه ببيد

خليه يبعد مايهم = مادام باذلالي يزيد

أوراق الخريف
[/CENTER]
 
رد: تنــــــــاهيـــد شعرية

مجنون حبك


قالوا تحبه قلت ياحلو طاريه =قلبي على ذكراه يبدي اهتمامه

انا ما أحبه لا انا ميت فيه= اعطش ويرويني مجرد كلامه

غرقان في عينه أدور موانيه=ودي أتوه أكثر وازيد بغرامه

أذوب في صمته اذا جيت أحاكيه = وافز كلي منجذب لابتسامه

مثل الفرس لاجيت ودك تجاريه= يستوجب العاقل يشد بزمامه

ضاعت بي الخطوة تدور خطاويه= قلبي في بحر الاه باقي حطامه

ليت القدر يمهل اذا جد طاريه = واخفي عظيم الام وقعت سهامه

الجرح عمقه زاد ودي تداويه = لا يزيد جرحي جرح بكثر الملامه

وكانك تغليتي تراني ابكويه= نارك ولا نيران حرق الكرامه

قالوا العقل ما ظننا عاد هو فيه =مجنون ليلى عاد ياهل الشهامه


أوراق الخريف
 
رد: تنــــــــاهيـــد شعرية

الشوق أضناني ولا فاد هيهات= والنفس عافت كل غالي انطرا به

فاقد حبيب مسكب الدمع بسكات= مجروح بحساسي أدور سرابه

مكسور خاطر والتفاكير اشتات= احمل معاناتي ويسقط عذابه

ياخذ بي التنهيد وقت ومسافات = واخذ من الأحلام ما علم جابه

هذي رسالةمحملة دمع واهات = عله يحن لخافقي في غيابه

بهجر عقب فرقاه كل الكتابات= لا ضاع عشقي ضاع فن الكتابه

أوراق الخريف
 
لا تلمس جروحــــي



تلامست يده مع ظاهر الكف =تراجع وضمه لصدره ندامة


تراقصت دمعة برمشه ومارف =يخشى تسابق دمعته والكرامة


مايدري إن الحزن قد لفني لف =مثل الذي يحسن بلف العمامة


لاصرت عاجز عن خطاك تأسف =فحزنك غدا بنظرتي كالدرامة


تمثيل(ن) ورقص(ن) على الناي و الدف = وكل السبل ياصاح ماهي بسلامة


خلك معي قابض على الكف بالكف = وانسى الذي أخطى وخف الملامة


إن كنت غلطان (ن) أنا جيت اسف = اسف على حبك ياسيد الشهامة


كفكف دموعك ياحياتي وكفكف =دموع مني تقتل ألف ابتسامة


لا تمسح دموعي بكفين ترجف = جرحي بلمسك مبطي في التامه



[SIZE="4"[COLOR="Indigo"]أوراق الخريف[/
COLOR][/SIZE]​
 
دنيتي مالهــا لــزوم

يالله اغفر زلتي وارحم الحال =وارزقني ياربي مخافتك على الدوم

ذنبي عظيم (ن) اشغل الفكر والبال =ماعاد يفرق عن خطا فرس أو روم

دنيا ارهنتني عندها عبد للمال= أعد في ليلي ونهاري سوم في سوم

وعيني تراقب كل من حولها جال =ماتكسر النظرة وترضى بمقسوم

ونيت من ذنبي أنا صرت رحال =عابر سبيل ودنيتي مالها لزوم

هذي فتن والكل بميدانها صال =وشفت من قرب القيامة لنا علوم

بالشرق بركان وبالغرب زلزال =وخسوف خلى الليل حالك ومكتوم

كل فزع طفل مع أمه مع رجال =يدعي الهه ليتني اليوم مرحوم

والدين في يمناي جمر الغظا نال=لهيبه الروح القصية وله وسوم

يالله يامنان ياعالم الحال= اغفر خطايانا يا خالق رحوم



أوراق الخريف
 
هذا قراري عن قناعه كتبته

هذا قراري عن قناعة كتبته = ما يلزمه شور و تبديل عنوان

حاولت أعيش ومر وقتي شربته= والهم رافقني مرافقت خلان

حتى الفرح لازارني ما عرفته=غريب عني عافني قبل أزمان

في كل لحظة حر دمعي سكبته= حزني عظيم والمعاناه طوفان

هذا سعيد بالسعادة لمحته =يحدد لعمره مدينة وعنوان

وهذاك محزون (ن) لصبره شكرته = يجامل ببسمات والقلب عتبان

دنيا غريبة ما تجاريك بته= تباعد الخطوات وان كنت تيهان

كل على حاله يلوح بكرته=وينسى عزيز في مصالحه لو كان

تسعى تمهد والغني لو كسبته=كنك ملكت الكون وقصور وأفنان

وان طاح حظه رحت عنه وتركته= تخشى يطالب بالمعونه والامان

عهد قطعته وفي يمينك مسكته= دفنت أشلاءه شهيد لخوان

والصدق عزف نادر ما سمعته= كل يشفر موجته وسد الاذان

لا تسألوني عن عظيم كتمته= لانه وكاد شيب برووس ولدان

واصل رحم من يوم يومه عرفته=امه وابوه بعالي الراس تيجان

كمل نصف دينه وتزيين بيته = واستخلف الزوجة على لذ الألبان

وش عاد باقي دونكم ما ذكرته= وكل المسايل واضحة دون برهان

اصبحت خايف من طريق رسمته = حوله ذنوبي ترتقي والخطا بان

يا خالقي الذنب اللي سترته = ادعيك ترحم فاعله وزود غفران

استغفر الله عد خلق خلقته = واستغفره واستسمحه حيل غلطان

عبد أنا مخلوق طين قبضته= ارحمه لا جالك مكفن ووجلان

ابرجع بقلبي لرب عبدته= وادعيه يغفر زلتي وكل انسان

المصحف الغالي بيدي لمسته = ابكي انقطاعي عنه بالحيل ولهان

من كثر شوقي مسجدي من دخلته= خريت ساجد والمداميع طوفان

القلب مشروح لرب طلبته= والهم اصبح في خبر كان ما كان


أوراق الخريف
 
رد: تنــــــــاهيـــد شعرية

يا نفس كفي عن ذنوبك وتوبي = يمكن تعيشي اليوم وباكر وفاتك

دنياك تفنى ورب عرش (ن) يطوبي= لو ترتجيه يفك شيطان ذاتك

استغفر الله يالنفس من ذنوبي= امارة بالسوء حتى مماتك

ادعيه من خافق يستر عيوبي= ويرحمك لا جاه باقي رفاتك


أوراق الخريف
 
27/9/1432هـ

باقي لضيفي ثلاث أيام ويوادع =مدري اتلاقى معه من بعد ترحالي

ضيف(ن) كرمني وانا لي بالكرم طابع=لبيه وقت (ن)قضيته وانصلح حالي

علي قضيت على شيطاني القابع =واكون معتوق من النيران بفعالي

عود دخيلك يارحمة الواسع= والغي الرحلة لعل الوقت يصفا لي

أوراق الخريف​
 
عاد عيدك يا شذى الورد العبير

عاد عيدك ياشذى الورد العبير =وانكتب لك ألف عام في سرور

كل عام وانت يالدرة بخير = وينقرن اسمك مع اسمي في سطور

جيت أعايد كل عضو في عبير= أحمل أشواقي ووردي والعطور

ورد جوري لكل من حبك عبير = وكل من زارك ابهديه الزهور

البسي واتزيني بحل وحرير= انتي عروسة عيد واحنا لك حضور

وانقشي الحنا في يدك ان يصير=لين ما ياصل كتوفك والنحور

خل عذالك يولووون بسعير = ونار غيرتهم تولع بالصدور

أنا أشهد انك يالغلا غير غير = واحمد الله ما أحب أشهد بزور

عند وصفك ينتهي حبري الكثير = والشعر عاجز يبين ذالشعور

أوراق الخريف
 
صباح الخيـــــر يــــا أمـــــة محمد

يا صباح الخير يا أمة محمد جاوبيني
ليه ليلك طال وانتي في سباتك


الشروق أشتاق وفي لحظات عند فهميني
ليه نور الشمس مال عن دربك وفاتك


الكسل حرق هممنا لين رمد في يميني
واحترق قلب الحضارة واستحال من سكاتك


يابلادي سارعي للمجد وانا لك لو تبيني
اتمنى لو أنال من رضى ربي ورضاتك


يابلادي أفتخربك مهبط محمد و ديني
لك تحية والسؤال كلي شوق(ن) وش سواتك


صوت الضماير تنتحب في تجمد اسعفيني
اروي جذور (ن) ذبال وادرجيها مع نباتك


المدارس خاوية كل من فيها تبلد مستهيني
ضاع فن الدرس وما عاد الا احتفال حب ذاتك


الوظيفة تنشرط لسعود أخو مهند له يعيني
واسطة نعلبوها متى تزال وتخاف دعواتك


كل بيت فيه عانس في تردد بين دنياها وديني
في طلاق تعيش أو ترمال وين فزعاتك


ياديار من أعاتب ومن أجند كل فرد(ن) ما يبيني
انبش الماضي واطالب بالكمال ووين هماتك


ليه صرتوا مثل أخشاب(ن) تسند والنهاية محرقيني
ما لكم بصمة بواقع أو خيال والتردد هو سواتك


في نشيدك سارعي للمجد حرف(ن) حيل يرضيني
ليت من له ليل طال يذكرالنور بصفاتك


يالحبيبة جيت بأشعاري أضمد جرح أمة ساعديني
وارفعي الراية ترفف عالتلال وفوق هاماتك



أوراق الخريف
 
تخيل تندفن بتراب !!!!

أنا أتحداك يابن ادم تخلد يوم بالدنيا = وانا اتحداك ا تقدم حياتك أو تأخرها

تعجب خاطري من علم مجرد ذكر يتعسنا =نسينا رحلة الأموات ولا نبغي نذكرها

تخيل لو تكون الميت واعز الناس شيعنا=تخيل تندفن بتراب باياديهم محفرها

مربط بالكفن ياهيه وش اللي عاد ينفعنا= دموع أحباب رقراقة على الخدين محدرها

بكوووك بأول أيامك الى الثالث وودعنا =وبالرابع قضى ذكرك من الدنيا ومظهرها

تعال بسألك ياميت عن الأحلام علمنا = تحقق كل امالك من أصغرها لأكبرها

وش اللي ودك انه صار اذا رديت للدنيا = ومن ودك تونس به اذا ليلتك تسهرها

اذا عود للدنيا ترى التسبيح ينفعنا = وجليسي في الدجى قران وايات (ن) نرتلها

وبمسح دمعة المسكين وهالأيتام مكفلنا=واموالي اذا زادت بزكيها واطهرها

تذكر يا خوي الدين وحب الله يجمعنا= تذكر قبل ما تحجز وأكيد انك بترحلها


أوراق الخريف
 
10-10-1432

عفت كل الناس حتى انعزلت بلا جليس

خفت أكشف عن جراحي وارفع لهم دعوتي



خفت تسبقني دموعي تحكي عن حظي التعيس

خفت تنهار الحصوووون حين ضاعت قوتي



نعلبوا من لام ليلى في هوى المجنون قيس

ليتهم عاشوا زمانه ورهوته هي رهوتي


غصب عنها تكون ليلى وأنا المجنون قيس

وغصب عنهم وعن أبوها وعن قبايل عزوتي





أوراق الخريف
 
عودة
أعلى