اللي جرح مره وخان .. بقلبي ماله مكان .. بقلمي

مدت ايدها ..
تدور سلام ..
تحسب ان ممكن .. أنا ..
أخضع لعيونها ..
وأرد بيدي السلام ..
مدت ايدها ..
تحسب ان الجرح .. طاب !!
وان النفس عافت ..
وان روح صفحت وتسامحت ..
مدت ايدها ..
تبي تحاول .. ترد الغرام ..
وبعد مدة من الهجر ..
تدور على اللي كان بينا ..
وتشتاق للحب والحنان ..
تبي تحرجيني ..
وتقولي انت تحت الامر الواقع ..
انا رديتلك .. وأبيك ..
لا تردني خايبة ..
وبدت تحكي .. وتشكي ..
وعن الماضي .. تدافع ..
اسألك .. باللي كون سبع سماوات ..
ونثر على اكتافك أجمل الخصل ..
وكونلك العيون السود بوسط الحدقات ..
يوم جبتي السكين ..
وبديتي .. تغرزينه بيدك بين أضلاعي ..
وانا أبتسم ..
وانت تزيدين .. وتفتحين الجرح أكثر وأكثر ..
وقتها ..
وين كانت مشاعرك ؟
ما تذكرين ساعتها احساسك ؟
واللا طمعتي بطيبة قلبي ..
وبعد ما فكرتي ..
وحللتي ودبرتي ..
رديتي .. تطلبين الغفران ..!!
اه يا زمان .. لهدرجة رخيصة بعيونك مشاعر الإنسان ؟؟
ما سألتي نفسك .. لو كنت أنا الجارح مو المجروح
بساعه هجرتك .. وبين أحضانها مرغت خدودي ..
وعلى شفايفها .. رسمت خريطتي وحدودي ..
وتركتك بين الاه .. والقلق والخوف .. تتساءلين ..
حبيبي وينه شهور ما طل !!
حبيبي وينه عايش واللا تحت التراب ظل ؟؟
ورديتلك .. وبيدي حبيبة جديدة ؟؟
بالله عليك .. ساعتها بتمدين يدك للسلام ؟؟
بتصفحين .. وتحسبين حساب للذكرى اللي كانت ..وللي كنا .. نسميه غرام ..
الحمدلله ..
الحمدلله اني انا المجروح ..
والحمدلله اني انا المغبون ..
الحمدلله اني انا اللي بقلبي مطعون ..
لأجل أوريك .. كيف دعوة المظلوم ..
وكيف من ظلم .. لا بد له من يوم ..
يرد .. ويطلب الصفح بوجه حزين !!
وانا ببساطه ..
أناظرك من فوق لتحت ..
وأقولك بكل .. برود ..
خلاص .. ما عاد للصفح بهالدنيا .... وجود ..

بقلمي ... 22/06/2011​
 


:

:

هون عليك وكن بالحب عنوان للمتسامحين

لا تنثني ولا تثني بالكلام يكفي الصمت
يكون لظالم عنوان

كعنوان مرامي بحضرتك


دمت للفرح اقرب

ै‏
‏ ‏
 
عودة
أعلى