احترام الجرح

x.png


((((احترام الجرح))))


ياضحيه في دهاليس الغرام
ارحبي في دار عاشقها طريح

اقبليني حلم عابر بالمنام
حلم كله بوح بالمعنى الصريح

جاهري بالجرح والدنيا ظلام
وفك صدرك لاتخبي واستريح

قول وش ضايقك لاتسكت حرام
لايمس الضيق هالوجه المليح

قوم فضفض ايه فضفض ياسلام
شوف ليل وكون للشكوى فسيح

لاتخلي الصمت يغتال الكلام
قدر ماتقدر معي صارخ وصيح

اشتم العذال باصناف الملام
لاتجامل نعنبو ذل المديح

حط جرحك فوق جرحي بالتمام
الجريحه دارها صدر الجريح

شفت رعشات الشفايف فاللثام
ليه خوفك لايحل ولايبيح

قول كلي سمع مصغي باهتمام
بالنهايه مايصح الا الصحيح

المشاعر مالها قيد ونظام
خلها لاهنت بالراحه تسيح

بعد جيتي لازم اوقف باحترام
احترام الجرح للقلب الذبيح

===================

ودمتم بخير،،،،،،،،،،،،

اخوكم :

جب الخو111طر ر

====================


م ن ق و ل ...


x.png
 
لاتخلي الصمت يغتال الكلام
قدر ماتقدر معي صارخ وصيح
اخوي جبر كلام معبر يدل على احساسك المرهف
سلمت يداك خيو
 
يعافيك ربي ويخليك

قصيده أثبتت الشكر لصاحبها ..

والى الامام وبانتظار جديدك



أخوك//ابوندى
 
عودة
أعلى