إنتهينا والزمن يضحك علينا

--------------------------------------------------------------------------------
وإنتهينا ,
والزمن والزمن يضحك علينا..
لا بكينا !

والوداع { اللي دريت إنه نصيبي ..
يا حبيبي ..
مو بيدينا !

ماعلينا..
أدري ظروفك قوية يا حبيبي ..
يا حبيبي ..
يا حبيبي ..
يا حبيبي ..

وأكثر اللي بأفقده كلمة " حبيبي " .
كانت شفاهك ..
تهاجاها علي .. كنها قصيدة !
مب جديدة ..
بس ما مرت علينا!

كل أمانينا ..
وأحلام الحبايب !
طيرتها الريح ..
طالبك .. ما تصيح !!

دامنا ..
صدق انتهينا
والزمن يركض وهو يضحك علينا
لا بكينا !!


صرت قاسي ..
صرت أصب أحلامي الحلوة بكاسي .
وأكسره !
صرت أخاف أتذكره ..

وقبل ميلاد الظروف اللي احصلت لك ..
بعت ناسي !!

ماأحس ..
برقة القمرى وهي تضوي جبينك ..
أو احس ..
برقة القمرى .. ولا أدري إنت وينك !!

يا { حبيبي ..
ظنك الدنيا تنسينا بعضنا ؟!
لك معي بأكثر تفاصيلي .. ملامح ..
إمسح أبياتي من الدنيا ..
وأنا والله مسامح !!

من زمان اتخيل إحساسي وانا أودعك .. \ راحل ..
للحنين !
لاخر حدود المدينة والسواحل ..
{ للسنين !
اللي مثل جسمي وأنا .. \ ناحل ..
يا حبيبي ..
يا حبيبي ..
يا حبيبي ..

يا أعز إنسان يطعني وأنا راضي عليه ..
يا أحن أحضان ضمتني وأنا غارق بعيبي .. قول: ليه !

ليه أحس إنك تحاول من زمان ..
واخر أيامك قدرت !
لين بان ..
نظرة الواقع بعينك ..
صورتي وانا أدور عنك وينك ..
قلي بس .. وش صار فينا !
وين كل وعودنا ؟
وين اثار البكى بخدودنا ؟
وين حلفك لي :
إذا طاري على الهجران طاري ..
ما تصد !!

تشرح أعذارك ..
وأنا والله مسامح !!

ما علينا..
يمكن العشق القديم يظل فينا !
أو يموت إليا بكينا ؟!


المهم ..

إنا انتهينا..
والزمن يضحكعلى باقي حكينا ..
والوداع اللي دريت انه نصيبي !
يا حبيبي ..
يا حبيبي ..
يا حبيبي ..
مو بيدينا !

منقول
 
التعديل الأخير بواسطة المشرف:
يعطيك العافيه على النقل الجميل احساس
وذوقك الجميل..
دمت بود
،
ولكن يجب تذييل النص بعائدية الطرح
ان بقلمك او ان كان منقول
تقيدا بالقوانين
وعدم طرح اكثر من مشاركه او اثنتين في اليوم
ومراجعة قوانين بوح الخواطر
 
عودة
أعلى