خواطر - أبد مانساك ولا يمكن ولا فكرت في يوم أنساك

أبد مانساك ..
ولا يمكن ولا فكرت في يوم أنساك ..
ومهما غبت عن عيني أشوفك وأنت بغيابك ..
أشوفك صوره حلوه تصبرني بعد فرقاك ..
ونار الشوق تحرقني بدمع صار بسبابك ..
ولو جسمي يصير بعيد ترى قلبي جلس وياك ..
وقلبك صار من حظي ومهما صابني صابك ..
أحبك يابعد عمري وشمعة حبنا ذكراك ..
أحبك حاضر وغايب وأحب الليل لاجابك ..
خيالك هو رفيق الليل الا سبحان من سواك ..
جميل أخلاق لك صوره جميله تقتل أحبابك ..
حزين وطالت الفرقى وأنا صابر وأقول أهواك ..
غريب الدار ياحبي وأقول أموت وأحيابك ..
ترى الهاتف يقربني ولكني أبي لقياك ..
أبي شوفك ولو نظره تكفيني على بابك ..
ومهما قلت ياحبي حياتي كلها تفداك ..
أنا ودي أقرب لك وأصير أقرب من أهدابك ..
بواصل وحدتي وأطلب من المولى عسى القاك ..
ترى حبي رضى حظه وأنا ياحظي برضابك ..​
 
رد: خواطر ...

اول مره اكون اول الحاضرين

وهذا شرف لي اخوي

واللي يسرق ان شاء الله ربي ياخذ جزاه منه

لكن قلمك لو ميزته وتفرده اللي يعجز الاخرين عن سرقتها

لانه بمجرد قراءة المكتوب نعرف الكاتب

وهذي ميزه تتصف فيها بدون شك

وبالنسبه لهالخاطره

فانا اسجل اعجابي الشديد فيها

وهذا الابداع مو جديد عليك

الله يحفطك ويحفظلنا قلمك

وسوري عالاطاله


ارق التحيات
 
رد: خواطر ...



ولو جسمي يصير بعيد ترى قلبي جلس وياك ..
وقلبك صار من حظي ومهما صابني صابك ..
أحبك يابعد عمري وشمعة حبنا ذكراك ..
أحبك حاضر وغايب وأحب الليل لاجابك ..



بعيد لكنك تسكن

في كل زوايا الروح

تكلمني أطيافك حين تغيب

وترسمني الفرحة

حين تكون من نفسي قريب

وأحب عندما يحملك أليّ الظلام

وتجمعني بك اللحظات سرا

أو وهما حتى

حين تمرني ألأيام
0
0
أخوي الخافي
0
0
من يحبه القلب لا يبعد عنه

مهما كانت مسافاته بعيدة

أو أخذت الظنون منه

شكرا لك على روعة كلماتك العذبة
 
رد: خواطر ...

ومهما قلت ياحبي حياتي كلها تفداك ..
أنا ودي أقرب لك وأصير أقرب من أهدابك ..
بواصل وحدتي وأطلب من المولى عسى القاك ..
ترى حبي رضى حظه وأنا ياحظي برضابك

تسلم يالخافي كلمات رائعه وحلوه ويعطيك العافيه
 
عودة
أعلى