رواية (ابوي ابوي لو صد عني ما ترجيته) كامله

فارس : شو استوا ما اتذكر شي ..
خالد: احسن علشان ما اتعب حالك ...
فارس: من متى انا هني ...؟؟

خالد: من3 شهور و اسبوع ..
طالعت برع : يالله كل هالفتره انا راقد بالمستشفى ..
خالد: هي كنت بغيبوبه..بسبب حادث ..

رن موبايل خالد .. كانت المتصله مها تطمن علي ..طالعت الدريشه حادث انا سويت حادث هي صح ..كنت ابا الحق نوره .. نوره !! وينها نوره ...دمعت اعيوني ..و غمضتها ..نوره شو سويتي فيني نوره ..يالله هالبنيه سبب عذابي بكل شي في الدنيا ...و المشكله اني احبها ...بس بعد ما سوت سوتها ..حتى الاحتقار شويه عليها ...خالد: بو الفوارس .

طالعته
خالد: الاهل بيون يتطمنون عليك..
فارس: ابا اطلع من هني ..

خالد: ان شاء الله بس اكيد مب اليوم ...
فارس: ليش انا ابخير ..هاه "و يلست احرك ايدي و ريولي ...بس حسيت ابويع يوم حركت اريولي فصرخت صرخت الم "

خالد: قلتلك يبالك شويه اصبر ..
فارس: عندي وايد حسابات لازم اصفيها ..

خالد: اصبري الايام يايه ...
فارس: ابوي من زمان ما سرت له اكيد بحاتيني ..
خالد: فارس صل ع النبي شو بلاك ..

سكت ..شويه و دش منصور و خالي حسن و بو منصور ..اتحمدوا لي بالسلامه ..و كانوا الممرضات كل شويه اييون ياخذون مني تحاليل و هالسوالف ...

بها اليوم مر من دون ما احس بالملل ..لان اهلي كانوا معاي طوال الوقت غير ربعي الي يزوروني ...و عليا ما قصرت يابت معاها مسجله و حطت شريط قران علشان احس بالراحه و حالتي النفسيه ترجع احسن عن قبل ...
في اليوم الثاني ياني منصور
فارس: اخوك وليد وينه ...؟؟

منصور: سافر الكويت اونه يبا يروح مهرجان هلا فبراير ...
فارس: ابروحه ...؟؟
منصور: ويا ربعه ليش ...شو سالفتك ويا وليد..


فارس: ماشي ..؟؟
منصور: فارس انت باليوم الي سويت فيه حادث اتصلت تبا رقم وليد و كنت معصب شو السالفه وليد سوا شي ..
فارس: لا ..بس كنت ابا اتاكد من شغله ..دخيلك منصور عطني موبايلك شويه ..

منصور: اندوك بترمس منوه ..
فارس: برمس ابوي ...
اتصل بموبايل ابوي زين اني تذكرت رقمه ابسهوله ..

ابوي: السلام عليكم..
فارس: عليكم السلام ابوي شحالك..
احمد: فارس اخبارك انته وينك ..ما من شر قطعتنا مره وحده ..

فارس : اسمحلي انشغلت و كنت امسافر ..
احمد: الله يا الدنيا زين اتصلت طمنا عليك..
منصور: قوله انك امسوي حادث ..

اشر له فارس انه يسكت علشان ما يسمعه ابوه ..
احمد: اخبارك و اخبار نوره ..هاي القاطعه قولها خالج احمد زعلان منج يلي ما فيج خير ..
فارس مصدوم : هاه ..

يسال عن نوره ليش اذا مب معاهم وين راحت !!
احمد: هي نعم خبرها كلنا متضايجين منها حتى خالاتها ..

صار فكر فارس بعالم ثاني يعني وين راحت نوره محد بيعرف غيره وليد ...يمكن سافرت معاه .لالالا عيل باجي الاوقات وين اتكون ..
فارس : ما عليه ابوي سامحها تعبانه هي و اوعدكم اني ايبها لكم..
احمد: بنجوف ...

فارس: يالله سلم ع الجماعه و ع قوم خليفه ..عمور شخباره ما ياه
احمد: عمور يتصل بي بس علشان يسال عنك الظاهر انت قاطعت الكل ..
ما عرف فارس شو يرد عليه فسكت ..
احمد كمل كلامه: عمور و خوله ان شاء بنزلون بالصيف عقب ما اتربي خوله ..
فارس : الله يردهم بالسلامه... زين ابويه سلم ع الجماعه..

احمد: الله يسلمك عاد لا تقطع ..
فارس : ان شاء اللهابويه فيمان الله ..

احمد: مع السلامه ..
منصور: ليش ما اتخبر ابوك عن حالتك هاه عيل ليش ابوك ..

فارس: ما ابا اخليه يحاتي زين انكم ما خبرتوه ايام كانت في الغيبوبه ..
منصور: دورنا رقمه بس مالقيناه ..فكرنا انروح راس الخيمه ...بس الحمدلله انت فقت من غيبوبتك ..
اتنهد فارس : الحمدلله ..

يا الله نوره وين اختفت ..؟؟ دام ابوي يسال عنها وين سارت ...؟؟شهرين وين بتكون ...؟؟؟انا لازم اطلع من هني و ادور عليها لازم ...شو اقول عمور لو اتصلت به ..شو اقوله اختك شردت ..اختفت ضاعت شو اقول ..
فارس: منصور روح خبر الدكاتره اني بظهر من المستشفى اليوم ..

منصور: شوه اتخبلت انته ..
فارس محرج: رووووووح خبرهم ..
منصور: كيف بتظهر و انته ما اتروم تمشي حتى ..

فارس: شوه !! ما اروم امشي ...
منصور: لازم علاج طبيعي علشان اتروم تمش .
فارس: شو بلاها اريولي انا تشللت ..!! بس انا احس فيها احركها ..

منصور: فارس انته ما اتروم تمشي ..
فارس يصرخ عليه: انته شو اتقول ..روح ازقر الدكتور روح..

منصور: زين هدي لا اتعصب جي ...
فارس: اقولك روح

طلع منصور من الحجره ..و ضرب فارس بقبضت ايده ع الشبريه ..مقهور من كل شي صار ..شو السالفه ..شو الي يصير ...شويه و دش الدكتور ..
الدكتور: خير يا فارس ..
فارس: شو بلاها اريولي دكتور ..

الدكتور : الحمدلله ما فيهاش حاجه..
طالعت منصور و رجعت اطالع الدكتور : شو نتايج الفحوصات و التحاليل..
الدكتور: كلها و الحمدلله سليمه..

فارس: عيل ليش ما اقدر اطلع ...
الدكتور : لازم تعرف يا فارس انت كنت في الغيبوبه مدة 3 شهور مش شويه يعني ..
فارس: شو يعني ..؟؟

الدكتور: يا ابني هو انت عصبي ليه ..
فارس: افففففففففففففففف

الدكتور: خلاص ما تزعلش..بعد يومين حتخرج بس حط في بالك انك بتطلع من المستشفى و انت بالكرسي المتحرك..

فارس مصدوم: ليش ..ليش ما اروم امشي و انت اتقول كل شي سليم ..
الدكتور: طب خليني افهمك هو انت معطني فرصه ..

منصور: فارس صل ع النبي ..
فارس: عليه الصلاة و السلام بس انا ابا اعرف كل شي ..

الدكتور: طيب بالراحه ..اسمع يا فارس ... رجليك محتاجه تمارين خاصه علشان تقدر تستعيد العضلات رجليك قوتها ..انا مش ح اقول انك مش حتقدر تمشي لا يا ابني كلهم شهرين او ثلاث بالكتير و ترجع زي ما كنت ...

فارس: شهرين ولا ثلاث بتم في كرسي متحرك .. و نوره !!
الدكتور: مين نوره ..
فارس: خلك من نوره ..الحينه بتم ثلاث شهور في كرسي متحرك..

الدكتور: قول الحمدلله يا ابني غيرك ما طلعش منها سليمه ..

سكت فارس هو متخوف انه ما بمشي ع طول ...أأأأأأه يا نوره ..محتاجنج بجنبي بها الوقت بس انتي ما فيج خير ..خنتيني .تركتيني ..نار قلبي موليه ما بتبرد الي سويته فيني مب شويه

الدكتور : رحت فين يا فارس ..
فارس: دكتور انا اروم اتعالج برع و ع احسابي بس دخيلك قول لي اذا ما بمشي لا اتحط امال و هناك ما في شي ..

الدكتور: لاء لاء يا فارس ... انا بقولك الحقيقه.. و بعدين مين ال انك حتفضل ثلاث شهور بالكرسي المتحرك..
فارس : و ابوي منصور جوف هالدكتور بخبل فيني ..

منصور: الله يهداك فارس شو بلاك مستوي عصبي اسمع رمسته ..انته..
الدكتور: هههههه ايه مالك يا فارس ... كل شي بالتدريج...يعني كرسي متحرك ..بعدين بالحديد و بعديها ان شاء الله حتمشى لوحدك ..

فارس: و كم كل ها ياخذ وقت ..؟؟

الدكتور : ع حسب نفسيتك بطل العصبيه دي و ان شاء الله زي ما قلتلك خلال ثلاث شهور بالكتير حتتعفى باذن ربنا ..
كلام الدكتور ريحني ...كنت اشوف الثلاث شهور دهر بس لازم اصبر علشان اقدر امشي و اجوف و اعرف وين اراضي نوره ..


**
طلعت نوره من غرفة الدكتور ه بعد ما تطمنت ع حملها ...ابتسمت يوم جفت بطني ...باجي اربع شهور ونص تقريبا بربي ...حسافه ان فارس ما يجوف ولده و هو يكبر في بطني تنهدت .. رحت الحمام .. و انا طالعه ..انصدمت طاحت اعيوني بعيون خلود بنت خالوه مريم ..

طالعتني امبهته و كأنها متشككه اذا كنت انا نوره او لاء ..كنت بخطف عنها ما ابا اتجوفني و انا جي حالتي بس لي متى يا نوره بتهربين من العالم و من الناس 3 شهورو انتي وحيده
زختني خلود من ذراعي و حسيت الغبنه بصوتها : نوره !!

ابتسمت لها وحضنتها مدري ليش يتني الصيحه ..تمينا حاضنات بعض و الحريم واقفت يبون يدشن الحمام..ييرتني و يلستني ع كرسي الانتظار ..

خلود: نوره انتي هني براس الخيمه !!
هزيت راسي بمعنى هيه ..طالعت بطنها خلود حامل ...؟؟
نوره: ما شاء الله حامل باي شهر ..؟؟

خلود : التاسع عاد بربي و انتي ..؟؟
ابتسمت لها : انا بشهر الرابع جريب ادش الخامس ...
خلود: ليش جي مستوي حالج شو بلاج بسم الله الرحمن الرحيم ..

نوره: شو اقولج يا خلود ...منوه يايبنج..؟؟
خلود: خليفه فرني و حرمته و قالوا عقب بمرون علي ..
نوره: خليفه و شيما شو اخبارهم ..

خلود: الحمدلله ...انتي شو اخبارج شو مستوي فيج نوره ..خبريني عنج ..وفارس شو اخباره ..
رديت مصدومه : فارس !!
خلود: هي فارس شو بلاج..؟؟استغربتي ..؟؟

نوره: شو رايج اتيين معاي اوصلج ...
خلود: صبري بتصل بخليفه ..

نوره: لا اتخبرينه انج بتردين معاي ..دخيلج خلود..
طالعتني مستغربه : زين ما يهمج ..

وصلنا الشقه كنت اجوف علامات الاستغراب و الاستفاهم بعيون خلود بس ما قلتها ولا شي لاني افكر ليش سالتني عن اخبار فارس معقوله ما يزورهم !! رحت المطبخ و سويت لها شاي ...

نوره: اشتقت لايام قبل ...كل شي تغير ..
خلود: كل شي امايه كل يوم اتحن تبا اتجوف خوله ..
نوره: شو اخبارها ..؟؟

خلود: الحمدلله ..نوره شو مستوي ليش جي انقطعتي عنا حتى خوله كانت تتصل و تسالنا عنج شو بلاج ..شو مستوي ..؟؟
يلست العب باستكانة الشاي محتاره شو اقولها سالتها: فارس كان يزوركم صح..

خلود: هي كل اسبوع ايي يسلم و يروح من خذج بوظبي ما قام ايي يتغدا ولا يرقد..كنا نساله عنج..كان يقول ان الحمل متعبنج ..؟؟ علشان انا مستغربه كيف انتي حامل بالشهر الرابع و فارس من تزوجج يقول ان الخط يتعبج ابسبب الحمل ..؟؟

اتنهدت : بخبرج بس بالاول انتي خبريني شو اخباركم خالاتي و خالي احمد خليفه نهله كلكم ...
خلود: حرام عليج انشدي عن جسوم ...
نوره: ههههه فديته و الله كم عمره صار ..؟؟

خلود: غدا ريال يمشي و يراكض ...و يغار من الي ف بطني ..
نوره: الله يعينه ...

يلسنا انسولف انا و خلود ..ما في شي تغير في حياتهم ..عرفت ان شيما للحين ما احملت ولا نهله .. و ان خوله بتربي بالصيف عقبها بتنزل الامارات و بترجع اتسافر بتقعد سنه مع عمور و بردون يستقرون في الامارات ...
و حميد للحين ما يبا يعرس الريال صامد ..ولا بعده ما شبع مغازله..

خلود: شخباره فارس ترا صار له كم شهر ما يانا شو سالفتكم...
نوره: تدرين انا هني براس الخيمه ثلاث شهور..
خلود: مصدومه: ليش ...؟؟​
 
نوره: تزاعلنا انا و فارس ..اكتشفت انه ما يباني و وحده غيري في حياته و ما خذني الا علشان ينتقم مني..
خلود: شو هالرمسه الماصخه نوره ..مستحيل فارس يحبج و الله ..
نوره: انتي ما تدرين عن شي ..و ها السبب الي كان مخلني ما ايي راس الخيمه او حتى اتصل بكم كان يبا يحرمني منكم .."ترجيتها" دخيلج خلود ما ابا حد يعرف اني موجوده براس الخيمه لي ما اعدل اموري ..
خلود: اهلج شو ذنبهم..
نوره: ما ذنبهم شي بس ما ابا حد يتشمت فيني ..اتني نسيتي فسخت خطبتي من حميد و ع طول تزوجت فارس ..
خلود: الله يعينج بس خلينا ع اتصال ...و اوعدج محد بعرف انج موجوده هني ..بس امانه نوره ..جان محتاجه بيزات خبريني ..
ابتسمت لها: ما اتقصرين ..الحمدلله الي عندي كافيني ...
طالعت بطني و ابتسمت: ما عرفتي شو فيج ..
هزيت راسي و قلت: سبرايز... و انتي..
خلود: ولد شو بعد كان خاطري في بنت ..
نوره: ههههههه ان شاء الله في المحاوله الثالثه ..
خلود: بعد سنين...يالله بروح عنج..
نوره: تعالي بوصلج
خلود: اوكى
وصلتها و عطيتها رقم موبايلي يمكن احتاجها او تحتاجني في شي ..حسيت ابراحه ..رجعت شقتي ..و يلست اسوي الصوف ع شكل صورة فارس ..علشان اسويها مخده حق ولده ...صحيح اني احاول انساه بس صعب ..علشان جي قررت اني اكتم حبه في قلبي ...الي سواه فيني مب شويه ...
حطمني..اضطريت استخدم البيزات الي كان ينزلها لي كل شهر بس الحينه للاسف وقف من رجعت راس الخيمه ما قام ينزل لي بيزات..الله يستر من الياي ..يوم بتخلص بيزاتي .. و يوم برجع عمور و خوله .. بالصيف اكيد بتفاجئون بجوفتي بس بعد بكون توني امربيه ..

اتنهدت و كملت اشغل نفسي بالصوف الي عطتني اياه زينب ...ما اتريا الا اني اجوف شكل البيبي يشبهني ولا يشبه فارس و ما اتريا الا ورقة طلاقي متى بتوصلني
" تكون ظالم تكون خاين..تكون مهما تكون انت..أنا أهواك يا روحي..ومهما تكون انت حبيب غدار انا راضي...ومهما راح يطول البعد واحس بنار من الماضي...انا صاين هواك انت..انا اهوى هواك انت..تكون ظالم تكون خاين....تكون مهما تكون انت...انا اهواك يا روحي.."
وقف منصور بسيارته جريب بنايه فارس ...رفع فارس راسه فوق طاحت اعيونه ع دريشة شقته...كيف ادخل هاي الشقه ما اروم ما اروم ...
منصور: يالله بساعدك ..

فارس: صبر منصور ما ابا اروح الشقه ودني بيت خالي حسن ..
منصور: زين ما اتسوي هني ما عندك حد يساعدك و خاصه انت بها الكرسي ...يالله سرينا ..

بلعت ريجي ..يا ليت كانت جي السالفه..بس كل السالفه اني ابا اهرب من كل شي يذكرني ابنوره ...اه يا نوره ...وصلنا بيت خالي حسن ..نزل منصور ..

و نزل الكرسي من دبة السياره ... و ساعدني ع ايلس عليه..عمري ما تصورت اني اكون عاجز ف يوم ...ما قد تخيلت اني اكون محتاج ل حد ..يالله شو سوت فيني هالانسانه ..

بالاول دمرتني و راغني ابوي البيت بسببها ..عقب ما اعترفت لها و سامحتها ...قامت و شردت مني ...أي كرهه يملي قلبها و أي حقد .. و أميرة الاحساس و لحن الخريف و ربعها..يلوموني ابكل شي صار من بينا.دخلنا انا و منصور بيت خالي ..حسيت بنظرات الاشفاق بعيونهم نزلت راسي بالارض ..
اتجربت مني خالتي حصه ..
و حضنتني و اتحمدت لي بالسلامه..كنت احس شكلي غلط..كنت عارف انهم يبيون لي ان ها الشي عادي بس علشان ما يحرجوني بس عيونهم كانت تفضحهم واحد واحد...سلم علي خالي حسن..
و خالد و مهايه و زينب ..حتى عليا كانت موجوده ..طالعتها و لو تزوجتها زمان كنت مرتاح...صدق من قال ارتبط بواحد يحبك ولا اتفكر تاخذ واحد اتحبه ...شو سوت فيني نوره ...
خالي حسن: شو بلاك فارس من ييت كل سرحان ما تكلمت ولا كلمه ..

فارس: شو تبغيني اقول ..
خالتي حصه: يمه احط لك الغدا ..خاطرك تاكل شي ..
فارس: ما ابا ..ابا اروح حجرتي ارتاح ...
عفد منصور : تعال باخذك ..هاه ترا عقب ما الله يشافيك بإذنه تعطيني احسابي ..
الكل: ههههههههههه
ودني حجرتي ...و كانت تحت مجابله المكتبه ..ساعدني منصور و سدحني ع الشبريه ...غمضت اعيوني و تنهدت تنهيده طويله ..
منصور: فارس بترقد..
هزيت راسي بمعنى لا ..
منصور: ابشرك جان بتم ع حالتك هذي ترا بطول في علاجك..
فارس: شو تبغيني اسوي منصور..

منصور: حرمتك وينها محد سمع عنها شي من سويت حادث ..وينها ..؟؟
فارس: ليش ما دقيتوا ع موبايلها ..؟؟
منصور: يعطينا مقطوع شو السالفه فارس ..

فارس: ماشي نوره طرشتها عند اهلي في راس الخيمه ..
منصور: ع بالك بصدقك .انت نسيت بهاك..

قاطعه فارس: منصور بس لا اتذكرني ..
سمعنا دقه ع الباب ..شويه و دشت عليا.. و شايله معاها صينيه ..
عليا: الحمدلله ع السلامه فارس ..
فارس من غير نفس : الله يسلمج..
منصور: شو يايبه تراني ميت يوع ..
عليا: عيل روح عند حرمتك اتزهب لك غداك ها الصحن خاص اب فارس ..
فارس: قلتلكم ما ابا شي ..

عليا: بس شوربه يعني بتردني ..؟؟؟
منصور: خلاص عيل انا بروجح اتغدا .. و بطرشلك خالد ." وطلع من الحجره"
عليا : يالله اساعدك علشان تقعد ...و تشرب شوربتك..

فارس: ما اشتهي عليا .
عليا "بدلع" عشاني
حاول يقعد فارس عفدت عليا و ساعدته..
فارس: اروم ايلس ..ابروحي مشكوره ..
عليا: ما عليه اعتبرني ممرضتك أي شي بس تحملني ...
و نشت قامت يابت صينيه الشوربه .. و الغاشوقه..في البدايه ما عيبني الوضع بس بعدين استانست حسيت اني امدلع .. و يلست عليا اتشربني الشوربه بايدها ...جني ياهل ..كنت اطالعها و ابتسم ..بس اختفت ابتسامتي يوم قالت :هني و عافيه ..
غابت صورة نوره في خيالي كنت اتخيلها نوره ..نوره نوره متى بتنجلع بالي و تفكيري .. شرات النخله انغرست في تفكيري و صعب اني اشيلها من بالي ..

عليا: شو ما عيبتك الشوربه..
فارس: امبلى مشكوره عليا ..
عليا: العفو ..تراني انا مستونها لك..
فارس : تسلمين ...
عليا: شو رايك اخليك ترقد الحينه ...؟؟ و عقب برد اتطمن عليك..
فارس :..................."ماشي رد"
اترييت عليا تظهر من الحجره ..غمضت اعيوني ورقدت ع طول ..
عليا: خالد ممكن اتوصلني ...؟؟
خالتي حصه: يالسه ..؟
عليا: خلاص بروح عقب المغرب بيي ..
خالي حسن: ما قالج شي عن حرمته ..؟؟
منصور: نوره ف راس الخيمه . .. ما تدري عن فارس ...؟؟

زينب: عيل لازم نتصل فيها ..لازم اتكون جريبه منه ..هوه الحينه محتاجنها اكثر من قبل ...
مها : منوه قالكم نوره ما تدري ..انا ابروحي اتصلت ابها بس قالت ما تقدر اتيي ..لان خالتها بعد تعبانه .. و محتاجتنها..

حصه محرجه: شو هالرمسه الماصخه بعد ريلها طاح 3 شهور ف المستشفى ما تدري عنه ...
مها: كانت تتصل فيني و اطمنها عليه..
زينب متشككه بكلام مها: نوره من متى قامت اترمسج بالتلفونات ..؟؟
مها : امبلى كنت ارمسها بس الحينه قطعت لان موبايلها انقطع فجأه ما اعرف شو السالفه ..
خالد: خلاص خلوها ع راحتها ..يالله عليا مها يالله انروح ..
بعد ما روحوا زينب: انتوا مصدقين مها ..؟؟
حسن: و شو الي يخليها تجذب ..؟؟

حصه: و ليش ما نصدقها ابرايها الواحد ينعرف معدنه و اصله وقت الشدايد..
زينب: امايه انتوا ما اتعرفون نوره ..

منصور: خلاص انزين ..فارس موجود بين اهله .. خلوه مرتاح و ان شاء الله عقب ابروحه بحل مشكلته ..خلوه ع راحته ...
حصه: هي و الله ما بنقصر فيه ..وا عليه عليا محد يسواها ..
زينب اتنافخ : منصور يالله نش خلنا نمشي ...
حسن: وين تو الناس ...؟؟
منصور: ما عليه بنيي ع المغرب نتطمن ع فارس ...
حصه: الله يحفظكم ..
فتح فارس اعيونه ..جاف عليا قاعده جريب منه ..
عليا: صباح الليل ...؟؟ ها الكثر ارقاد ...
فارس: جي جم الساعه
عليا: خمس العصر ..شو رايك نظهر برع ..عند عمي حسن .. و عمتي ..
فارس : مالي نفس ..
عليا: فارس ما يصير جي ..
فارس يصد الصوب الثاني : ابا ارقد تعبان ..
عليا وقفت: ع راحتك..من ساعه اخوك فيصل كان موجود .. انا بروح اسوي لك شي تاكله..
فارس: ما ابا شي خليني ابحالي ...
عليا: انا مقدره حالتك النفس
فارس مقاطعنها : لو سمحتي عليا لا تدخلين بشي ما يخصج ..
عليا شويه و بتصيح مجروحه من كلام فارس فهمست: اسفه..
سارت صوب الباب وقفت يوم زقرها فارس : عليا ..
وقفت من غير ما اتصد صوبه: انا اسف سامحيني ..
عليا اطالعه : ابشرط.."ابتسمت" نطلع برع في الحوي ...شو قلت ..؟؟
فارس يرد الابتسامه : اموافق ...
عليا اتجدم الكرسي : خلني بساعدك..
فارس : ما يحتاي بس انتي بطلي لي الباب ..
راقبت عليا فارس و هو يتصارع مع نفسه علشان يقعد في الكرسي كانت اتحس ان قلبها يتقطع عليه ..ارتاحت يوم طالعها و قال : جفتي كيف انا قوي ..
هزت راسها مبتسمه و راضيه و فجت الباب و قالت: خلني ادزك ..
فارس : اوكى ..
طلعوا من الحجره و راحوا صوب الصاله ...جافوا ما فيها حد ...
فارس : وينهم..

عليا: يمكن برع ...امممممم تقدر طبعا اتروح ابروحك برع ..
فارس: وين بتروحين..؟

عليا: امسويه لك فطاير بروح اييبها ..لك ..لا اتقول ما ابا ..
راقبها يوم ركضت صوب المطبخ ..فطاير نوره ما كانت اتعرف اتسوي شي الا الفطاير ..طلع برع في الحوي ..جاف مها يالسه ع المريحانه و سرحانه من جافت فارس ربعت صوبه ..
فارس : يعني انتي هني جي ما ييتي داخل..
مها: ما حبيت ازعجكم ..
فارس: تزعجينا..؟؟!!
مها: هي انته و عليا ..
فارس: مها ..نوره بعدها حرمتي ..
مها : وينها عنك انزين ..
فارس ............"ماشي رد"
مها : جوفني صرت شرات البطه ..
فارس : متى بتربين..
مها: عقب ثلاث شهور بالضبط ..
فارس : الله يسهل عليج ..
يت عليا و معاها الفطاير ..حطتها ع الطاوله و قعدوا يسولفون ..دش فيصل ..سلم ع فارس بس الكل لاحظ انه هادي و من غير عوايده ...فكر فارس يسال فيصل عن وليد بس غير رايه و قرر انه ما يفتح الموضوع الين يتشافى موليه ..
فيصل: لين متى بتم ع هالكرسي ..
فارس: شكلي غلط صح !!
فيصل : ما اقصد جي ...
فارس: ما عليه كل صبح بروح المستشفى بسوي تمارين ..علشان تستعيد عضلاتها ..."وضرب ركبته"
عليا: باجر متى بتروح ..؟؟
فارس: ع الساعه عشر الصبح..
فيصل: تباني انا اخذك و اييبك ما عندي مشكله..
فارس: ما يحتاي الدريول موجود ..
عليا: انا باجر عندي موعد ب عيادة الاسنان ...عادي اتمر علي ..
فارس يطالع مها الي ابتسمت له : هي عادي ..
عليا: مشكور ...
فارس: وينه ريلج مها ..
مها: قال بيي عقب ساعه ..
فيصل: انا رايح حجرتي ..
كلهم طالعوا فيصل عقب ما اختفى ..
فارس: شو بلاه اخوج ...؟؟
مها: مدري عنه ..
عليا: الظاهر متضارب مع عايشه اختي حتى عايشه متضايجه مدري شو السالفه ...
فكر فارس يسولف مع فيصل و يعرف شو مضايجنه بس ما كان في مجال لانه ما جفته طوال اليوم ...في اليوم الثاني ..كان فارس واقف عدال بيت عم اخوانه بيت خالد ..علشان ياخذ عليا معاه المستشفى..غياب نوره من حياته فتح المجال وايد ان عليا تجرب منه...صج انتي بنت اصيله يا عليا ...الواحد ما ينعرف الا بوقت الشدايد..
عليا: صباح الخير ..
فارس: صباح النور ..بطينا عليج..؟؟
عليا تبتسم: لا بالعكس ....بس انا الي خايفه اني مثجله عليك..
فارس: هاي رمسه ترمسينها عليا تبيني ازعل عليج..؟؟
عليا: طبعا لاء ..يهمني رضاك ...
ما عرف شو ايرد عليها ..وصلوا المستشفى ...راحت عليا صوب قسم الاسنان .. و اما فارس راح صوب العلاج الطبيعي ...
عقب ما خلصوا ...و هم رادين البيت ...
عليا: فارس شو رايك اتروح الضاحيه ..هناك نفسيتك بتكون وايد احسن..؟؟
فارس: اتصدقين اني فكرت بالموضوع بس قلت بعد ما اعتمد ع العصى و اودر هالكرسي ..

ماحد يعرف اشكثر الضاحيه عنده غاليه ...اهناك ..ذكريات حلوه له مع نوره.. محد يدري بهاك المكان ..الوحيد الي احسن ان نوره اتغيرت و صارت تتقبله ..بس كل شي طلع سراب و جذب ..بس المكان يتم ابمكانه و عمر الذكرى ما بتخفى عن باله اتنهد
طالعته عليا: يعورك شي ..؟؟
فارس: لا ..شو رايج تتغدين في بيتنا ..."فكر ان عليا تستاهل الواحد يفتح له صدره لانها صج راعيه واجب"
عليا: بس ما خبرت امايه ..
فارس : و شو يعني انتي مب رايحه مكان غريب ...دقي لها و خبريها ..

 
طالعته بنظرات ..حس انه وايد غلط لانه يحسس عليا انه تعنى له شي ...طالع برع لازم يبين لهم ان ما تغير شي و انه للحين يبا زوجته نوره و بس رغم كل الي صار ..طالع فخذه متى بس اروم امشي .. و اعرف نوره وين اختفت ....و الله لاطلعج لو كنتي تحت الارض ..
دشوا فارس و عليا بيت خاله حسن.. و كانت مها و خالد قاعدين ...و فيصل معاهم ...
مها : وين كنتوا تاخرتوا ..
عليا: من المستشفى للبيت ...صح فارس ..؟؟
فارس يهز راسه بمعنى نعم ..
خالد: شحالك فارس اليوم..
فارس:الحمدلله ابخير ...بس وايد تعبت..
فيصل: يمكن علشان اول مره ..
مها: ليش ما اتسافر برع فارس يكون احسن لك..
فارس ما يطاوعني قلبي اودر البلاد و قلبي هني و لا اعرف وين راحت ولا اعرف وين اراضيها ...فجاه اختفت هذي هي نوره دوم شقاوتها امعذبتني ..
مها: فارس شو قلت ..؟؟
فارس: ما ادري افكر ..
خالد: زين قرر ..جان تبا بنرابعك..
مها: الله ..
عليا: لحظه لحظه وين تبين انتي بتربين نسيت موعد ولادتج..
مها: خساره ..عيل خلاص لا اتسافر ..

فارس: هههههههه
فيصل: انا و خالد و منصور برابعك بس انته قرر ...
عليا: و انا ..

خالد: انتي وين داشه عرض ..
فارس: وين خالي ..

فيصل: راح يبا يتغدا بيت اختك.. و الوالده في المطبخ اتعابل بالغدا..
عليا: عيل بروح اساعدها ..
مها: برابعج..

و في الممر مها: عليا شو سويتي مع فارس ..
عليا زخت ايد مها من الوناسه: وايد تغير علي احسه قام يتجرب مني ..

مها طايره من الوناسه: قلتلج بس تختفي نوره من حياته و فارس بيرجع لج ...
عليا: ياخوفي من باجر ..؟؟

مها: ما عليج انا بزن عغليه يخطبج..بعد ما يطلق نوره..
عليا مصدومه: ليش ناوين ع الطلاق..

مها: هههههه انتي ما تدرين بالي صار ..هم خلاص انفصلوا..
عليا: شدراج..؟؟

مها: ترا نوره ردت راس الخيمه عقب ما عرفت ان فارس يحبج ...
عليا تحضن مها: فديتج مهايه محد يحس فيني و يدور سعادتي غيرج..
حصه: شو عندكن ...

مها و عليا متروعات : ماشي ..كنا ياييات نساعدج ..
حصه: لا و الله عثقب ما خلصت طوفن الصاله ...يالله جدامي ..
عليا و مها = ههههههههههههه

عقب الغدا....وبعد ما روحن قوم خالد و مها و عليا ...
حصه: فارس يمه تبا شي ..
فيصل: يا ويلي حالي نسوني خلاص ..
فارس: هههههههههه
حصه: حتى انت غالي بس امك زعلانه عليك..
فيصل عفد من مكانه و باس راس امه: افا ليش يا الغاليه كل شي ولا ام فيصل ..
حصه: ههههههه يا العيار ..
فيصل يرجع يبوس راسها : فديتج ..
حصه: بس زين هههههههه تبون شي قبل ما اروح ارتاح شويه ...
فيصل +فارس = سلامتج..
حصه: زين عيل بروح حجرتي...
طالع فارس فيصل عقب ما روحت خالته : فيصل شو بلاك ..؟؟
فيصل: اه يا فارس الدنيا شو اقولك عن الدنيا..
فارس: انت بتخبرني عنها ..كلها بلاوي ..بس انته شو صابنك ..ترا الكل ملاحظ انك متغير ..
فيصل: و شوه بعد..؟؟
فارس: حتى الكل املاحظ ان عايشه بنت عمك ما قامت اتيي البيت ...شو مستوي ..
فيصل: قبل ما اتقولي شو صار بينكم و بين نوره ..ليش اختفت ..
اتغيرت ملامح ويه فارس ...شو اقولك يا فيصل ...شوه ...
فيصل: طبعا ما عندك رد ...
فارس : فيصل صار لي ايام ابا اسالك عن وليد وينه...
فيصل : ما قالك منصور انه امسافر كويت...شو دخله وليد بالسالفه..
ما عرف فارس شو ايقوله ...طبعا مستحيل يقوله ان نوره زوجته وليد كان يشك ان بينهم علاقه و ان نوره ردت راس الخيمه مع وليد مستحيل يقوله هالرمسه ...

فيصل: فارس شو بلاك ..و جنك شايل هموم ما اتشيلها جبال...شو رايك نطلع نتمشى بالسياره ..
فارس : احسن شي انسويه ..
طلعوا بسيارة فيصل ... و راحوا صوب البحر ...وقف فيصل سيارته صوب البحر و نزل درايش السياره ...خذ نفس طويل ...تم فارس يتأمل البحر و يتذكر كل موقف عاشه مع نوره ذكريات حلوه بس وايد تجرحه ...
فيصل : فارس ودي اقولك شو امكدرني بس خايف ..خايف ..
فارس: كلام يحسسني ان المشكله الي بينك و بين عايشه تتعلق فيني صح..؟؟
طالعته فيصل مستغرب فكمل كلامه فارس: لا اتقول لاء لان هاي النظرات تثبت صحة كلامي ..؟؟
اتنهد فيصل و قال : في يوم عايشه يتني و قالت انها سمعت وليد يرمس مع نوره بالتلفون ..
حس فارس برجفه هزت كل جسمه طالع فيصل حست ان الدموع بتنزل من عيونه بس قاوم لان الكلام الي قاعد يقوله فيصل وايد مهم بالنسبه له
فيصل: انا بالاول ما اهتميت برمستها لان نوره تعتبر وليد شرات ما تعتبرني اخوها ..بس قالت لي انه كان يتودد لها ..و كأنه كان يترجاها لانها زعلانه ...
ما يدري فيصل ان كلامه كانت طعنون مسمومه في صدر فارس ...بس فارس كان ماسك اعصابه و متحمل ..عذابه غمض اعيونه و فيصل يكمل من غير ما يسوي حساب لمشاعر فارس ..
فيصل : ما صدقتها و اتضاربت معاها ... لان مستحيل نوره اتسوي جي .. و عايشه زعلت مني لاني جذبتها و صدقت نوره ... و من هذاك اليوم و نحن مقاطعين بعض ..
حاولت اسال وليد..بس كنت خايف عايشه فاهمه السالفه غلط و مب حلوه بحق نوره ارمس جي عنها و من غير دليل ... لكن مدري شو صار من بينكم انت و نوره و تمت السالفه امعلقه..
فكر فارس حتى لو كانت نوره اترمس مع وليد لازم يدافع عنها و يحفظ سمعتها
فيصل: شو رايك بالسالفه..؟؟
فارس: نوره مستحيل اتسوي جي..
فيصل منفعل: و انا قلت جي علشان عصبت ع عايشه
فارس: نوره انا رديتها راس الخيمه كانت مشتاقه لاهلها و بالرده سويت حادث نوره ما اتعرف شي عني ..
فيصل: و ليش ما تتصل فيها و اتخبرها ...؟؟

فارس يتنهد: ما اباها اتجوفني و انا بها الحاله ..بس انت يا فيصل لازم اتفهم عايشه ان نوره ما كانت بينها و بين وليد ..أي شي ولا اتحاول تشوه سمعت حرمتي
و حلف في خاطره لو اتاكد ان نوره صج اترمس وليد بجتله و بجتلها ..بس هوه ما عنده شي يثبت هالشيء أأأأأأأأخ بس لو اجوف وليد ..حس فارس انه مخنوق خاطره يعرف شو الي يصير حوليه...حس بتعب فضيع ..محد يعرف شو يصير له محد يعرف اشكبر الهم الي شايلنه ..
رجع راسه وسنده ع سيت السياره .. وحاول يفج فصم ثوبه لانه مب رايم يتنفس ...
فيصل: فارس شو بلاك فارس ..
فارس بصوت ضعيف": مخنوق يا فيصل مخنوق ..
نقزت من مكاني حسيت اني مخنوقه حطيت ايدي ع رقبتي و كأني ادافع عن روحي طالعت اتذكر انا وين ..مر شريط في بالي ابسرعه..رجعت و حطيت ع الكنبه اطالع السقف كان فارس ..

.حتى بنومتي ما رحمي طيفه يزورني ليش دايما احلم انه يخنقني ليش لها الدرجه حاقد علي .. زين هوه الي ما يباني شو اسوي له كل البشر اتغلط طلبت من السماح بس هو الي باعني بالرخيص علشان وحده..يا خسارة كل لحظه حلوه مرت علينا .

يا حسافة كل شي كان حلو من بينا..حسيت بحركه في بطني طيرت افكاري كلها..حطيت ايدي مكان الحركه ..ابتسمت و همست شو ما ترضى ما ع ابوك انته بعد..

حتى انا ما ارضى عليه بس ها قدري شسوي ...نشيت من مكاني كنت رايحه المطبخ اشرب ماي ..بس رن موبايلي نقزت و كانت المتصله خلود..محد ايعرف رقمي غيرها و نوف ..بس نوف رجعت بوظبي دار خلي هناك...غمضت اعيوني اففففف نوره عن الخبال ها مب وقته ..

نوره: مرحبا الساع...
نهله: هلا و الله شحالج ..؟؟
نهله ! فكرت اصكر التلفون ابويها بس شي بداخلي منعني ...
همست: خلود وعدتني انها ما اتخبر حد عني ..
نهله: لا اتخافين ..حتى انا وعدتها اني ما اخبر حد...لا اتلومينها اهي مضطره اتخبرني لانها تعبانه
رديت ابخوف: شو بلاها ....؟؟
نهله: خلود اليوم الصبح ربت ..بعمليه ..
نوره: و الله ...ليش ..شو حالتها ..؟؟
نهله : الحمدلله الحينه ابخير ..اهي قبل ما اتسوي العمليه طلبت مني اخبرج...و انا ما فضيت الا الحينه ..
نوره: شو اخبارها انزين ..؟؟ و البيبي شو حالته ..؟؟
نهله : الحمدلله ابخير ..يابت عبود ..سوا لها عمليه لانها طوفت وايد عن موعد ولادتها غير ان راس البيبي كان فوق ..
نوره: اها ...
نهله: شو اخبارج نوره طيبه ..؟؟
كنت افكر لو نهله خبرتهم اني موجوده في راس الخيمه شو بيصير الله يستر هاي ام المشاكل منوه بسكتها ..
نهله: الو
همست: انا ابخير انتي اشحالج.و شحاله ريلج..؟؟
نهله: كلنا ابخير ..ليش جي اختفيتي ..؟؟

اففففففففف ها السبب الي ما خلني اخبرهم اني موجوده هني في راس الخيمه الحينه ليش و كيف و مدري شوه ...
نهله: الظاهر انج مشغوله ..؟؟
نوره: اشويه ...
نهله: ادريبج ما اتدانيني بس تسمحيلي ازورج لاني صج مشتاقه لج..
حسيت اني بصيح و انا اسمع رمسة نهله ...ما ادري اني فرقت بين اقلوب و دمرت حياتي ابسباب افكار كنت اجهلها اه هاي يدخل شي ما يخصه يلاقي شي ما يرضيه و انا ابد مب راضيه عن حياتي ..تذكرت نهله معاي ع الخط..
قلت ابسرعه: نهله
نهله: ها ع بالي صكرتي..
نوره: هههههه لا انا موجوده حياج وقت ما تبين بس دخيلج نهله اترجاج
قاطعتني: ادري ادري محد بيعرف ...امانه ..
نوره: خلاص عيل بترياج ..
نهله: اوكى متى اييييج..
نوره: حبيبتي وقت ما تبين انا ما عندي شي ..
نهله: نوره تغيرتي !!!
نوره: ههههه شكرا ..
نهله: ههههه يالله عيل سلمي ع فارس ..
نوره حست ان قلبها تقطع في لحظه فهمست: يوصل ..
نهله: مع السلامه ..
صكرت ابسرعه ..سلمي ع فارس و انا الي كنت اظن زمان انهم بينهم علاقه ..طلعت بينها و بين عمور و فارس يداري عليهم اه يا ربي ...

.زين نهله بتييني بسالها و نهله بتاكد لي اذا ظلمت فارس صج او لاء ..​
 
(( الحلقة الثامنة و العشروووون ))

خلصت تنظيف الشقه حسيت اني هلكانه يلست ع الكنبه ارتاح ...

شعور جميل انج تترييين طفل و شعور اروع و انتي تتمنين انج تضمينه بحضنج بس لازم تتحملين التعب ما بقى لي غير اسابيع و بربي ...بصير ام ..

ابتسمت و انا احط ايدي ع بطني ابكل حنان..رفعت راسي يوم سمعت باب الجرس هذي أكيد نهله ...

نشيت افتح لها الباب ...تدرون ما اعرف شو شعوري اتجاه نهله..بس بغيت اوضح لكم شي نهله وايد طيوبه بس انا كنت اغار منها يوم كنت اظن شي علاقه بينها و بين فارس !!!

ليش اغار معقوله ..كل الكرهه الي كنت اكرهه ل فارس لانه تجاهلني و التفت صوب نهله يصير جي !!

مدري بس شو الفايده خلاص صرت بطريج و فارس بطريج....انا ما اقدر اكد احاسيسي و شعوري بها الفتره ابسبب الظروف الي امر عليها ..

فجيت الباب ...دشت نهله ..ابتسمت لها حضنتني و حضنتها صدقوني ما كنت انافقها حسيت ابشوق لاهلي ..سنه كامله تقريبا انحرمت من شوفتهن ...

نهله: وحشتيني نوره ..احلف لج وحشني لسانج..
نوره: هههههه انا بعد مشتاقه لكم وايد ..حياج دخلي ..

نهله: امممممممم حميد برع ..

ضاقت بي الدنيا كافي ارجوكم حرام عليكم...من بقى ما عرف اني موجوده بداري منوه...

نهله: سوري نوره ترا ما اثق الا ب حميد محد غيره بوصلني عندج ...

حسيت مرتبكه مدري شو الي تغير فيني زمان كنت اعطي بالويه لكن الحينه ادور كلمات مجامله..اه يا فارس شو سويت فيني ...جلبتني فوق و تحت شرات ما جلبت حياتي ...

ابتسمت : زين خليه يدخله بروح البس عبايتي ..فشله يطالعني جيه..
نهله: هههههههه ما شاء الله ...





رحت حجرتي و صكرت ع نفسي الباب تمنيت اكون وحيده ..ابا اعبر عن مشاعري ابراحتي ..حميد ما غيره ..ابا كل العالم يعرفون قصتي مع فارس الا حميد...ما ابا يشمت فيني ..غمضت اعيوني و هزيت راسي بقوه .. و جني ابا امنع ذكرى يوم خططت و رتبت لي ما صار حميد خطيبي بس الله راواني و بلاني ابفارس ...بلعت ريجي . لبست عبايتي و شيلتي .. و طلعت دشيت الصاله كان هدوء حتى اتوقعت ان نهله و اخوها طلعوا من الشقه بس كانوا يالسين .. و الصمت كان سيد المواقف ...
نوره: السلام عليكم..
وقف حميد مصدوم يوم جافني حسيت بالاحراج طالعت نهله ابعد نظراتي عن حميد..
حميد: عليج السلام شحالج نوره عاش من جافج..
ابتسمت: عاشت ايامك اعلومك حميد..اتفضل استريح..
حميد: اعلوم الخير انتي شو اخبارج ..ما صدقت نهله يوم قالت لي انج هني موجوده براس الخيمه..
ما عرفت شو ارد عليه فجذبت: اتفجت مع فارس ايي ارتاح هني لي ما اولد..
نهله: الله يقومج بالسلامه و عقبالي ..
نوره: امين ..و انت حميد بعدك عازب ..
حميد: و مصر ..
نوره + نهله= هههههههههه
حميد: بس الزواج وايد يغير ما احس الي قاعده امجابلتني هذي نوره الشيطانه ..
ليش ما تدري ان احيانا الظروف و القدر ايحط ابمواقفك ايخليك تنسى انت كيف اصلا ..
نوره .................."ماشي رد"
نهله : صدقك حتى انا احس اني اتغيرت ..
حميد: هي انتي تغيرتي للأسوء
نهله: يالله عاد حميد عن المصاخه..
حميد+ نوره = ههههههههههه
وقفت : بروح ايب لكم شي تشربونه ..

حميد وقف: لا لا ما يحتاي قلت بيي اسلم عليج .. و عقب بمر ع نهله عقب ما تشبعون رمسه ..
استانست من الخاطر ها الي اباه ابا اسولف مع نهله ع راحتي ..
نوره: ما شربت شي ..

حميد: يالله اليايات اكثر من الرايحات ..

شو قصده لا يكون ناوي يعسكر هني بالشقه لا ابوي خلوني ادور لي مكان غيره ...مدري ليش خطرت ع بالي ضاحية فارس ..بس شلت الفكره من بالي ابسرعه ...
اترييت احميد يظهر من الشقه رحت المطبخ و لحقتني نهله ...

نهله: اخبارها خوله اترمسينها ..
سوي عمري مشغوله بالشاي: طبعا اهي ابخير ... ليش ما تتصل ابكم..؟؟

نهله: امبلى من فتره ل فتره ...متى بردون ..

جاوبتها و انا اتذكر كلام خلود: بعد ما تولد خوله ..بتربي الشهر الياي و الي عقبه بيوون ..
نهله: و انتي ما شاء الله متى بتربين ..؟؟

ناولتها استاكنت الشاي : امممممم ان شاء الله عقب خوله ...شيما ما احملت ؟؟؟
نهله: سالتها من جم يوم قالت شاكه ..الله يعطينا..
نوره:امين..وحشني خليفه .. قوم خالاتي كلهن وحشوني ...
نهله: ليش قطعتينا و حتى الحينه ما تبينا انعرف انج موجوده ابراس الخيمه..
يالله هاي الحينه ارد عليها ...

نوره: ماشي اسباب محدده ...بس ان شاء الله افكر عقب ما اولد بفاجأ قوم خالتي مريم و عايشه اضمن انج ما بتخبرين حد نهله مثل ما خبرتي حميد..

نهله ابتسمت متلومه : اوعدج صدقيني ...تعالي انروح نقعد في الصاله ..
نوره: اوكي تعالي الا بسالج ريلج شخباره مرتاحه معاه انتي ..؟؟

نهله ردت جنها توها عروس : وايد وايد مرتاحه باجي الله يرزقنا ب النونو و تكتمل وناستنا انا و سيفاني "سالتني"..حلو الزاج صح..

هزيت راسي بمعنى نعم.. انا بداخلي احس ان قلبي يتقطع و اتذكر كل شي حلو مر بيني و بينا فارس
نهله: الا روعه ...الحمدلله اللي رزقني بسيف ..همه راحتي و سعادتي ...
سالتها: مب ندمانه انج خذتيه..

نهله: لا طبعا حرام عليج نوره لا اتقولين جي ..
نوره: هههههه تراني اذكر في البدايه كنتي رافضه..

اختفت ابتسامتها: تدرين كانت لي اسبابي "رفعت راسها و طالعتني" بس الحينه مرتاحه ..
حسيت انها فرصتي اسالها عن سالفه زمان ..

نوره: مدري عن عمور و خوله ...مدري شو حياتهم بالضبط..
نهله: اكيد مرتاحيين قولي ان شاء الله ..

نوره: امممممم نهله في بالي سؤال ابا اسئلج بس لا تفهميني غلط بليز ..
طالعتني مستغربه : شوه ..؟؟
نوره: شي مضى و انتهى بس بالنسبه لي مهم ..

حسيت انها فهمت قصدي مدري ليش ملامح ويها اثبتت لي هالشي ..
نهله: .............."ماشي رد"
يوم جفتها ساكته: خلاص عيل انسي الموضوع ..

نهله: لا عادي قولي ...اتقولين شي مضى و انتهى يعني بالنسبه لي مش مهم ..
سالتها ابسرعه جني ما صدقت سمعت رمستها : تذكرين سالفه خالي احمد يوم راغ فارس ..
جفتها تبلع ريجها ابصعوبه هزت راسها بمعنى هيه ..

نوره: فارس كان مظلوم ..بس قولي هي ولا لاء .. صدقيني ما بسالج سؤال غيره..
شلت نظراتها من ويهي و قعدت اطالع الارض و كأنها متلومه فقلت بصوت مرتبك : اتبين الصراحه فارس مظلوم

رديت عليها بعصبيه: و ليش ما تكلممتي بهذاك اليوم ليش سكتي يوم انا اشرت ع فارس ..
حسيت بها بتصيح: لاني كنت خايفه و كنت خايفه اكثر ان تنكشف علاقتي ب عمور ..
غطيت ايدي بويهي اخ انا حماره يوم سالتج ..يا ليتني ما سالتج يعني السالفه صج..فارس ماله علاقه ..

نهله: نوره شسالفه ...؟؟هاي السالفه انتهت زمان ..كنا يهال ..

ما قدرت امسك عمري فيلست اصيح معقوله الحمل يخلي الوحده حساسه !!
نهله: انا اسفه نوره ..
حسيت ابعمري هبله مسحت دموعي ابسرعه : لا ما عليج انا الي اسفه ..
نهله مرتبكه: بتصل بحميد بخليه ايمر علي ..

هههههههههه كنت بضحك ابصوت عالي توني كنت بقول نهله انتي تغيرتي بس تبون الصراحه هذي هي نهله جبانه و خوافه طلعت موبايلها و رد عليها احميد و قالته ايي ايمر عليها
...ابتسمت لها: ما بتتعشين معاي ..

نهله: خليها وقت ثاني ..
نوره: خلود طلعت من المستشفى ..

نهله: لا بعدها ..بعد جم يوم بتطلع..
نوره: ابا اروح لها بس ما ابا خالتي مريم ولا عايشه يجوفوني عندها ..

نهله: اممممممممم ما عليه بندبرها لج انا و خلود ..
نوره : مشكوره ..

يلست احاوط في الشقه و انا ليش مستويه جي ع أي شي بصيح و بتضايج..خلاص ظلمتي فارس و فارس دفعني ثمن غلطتي ..حق شو افكر و اتعب روحي ما يهمني غير الي في بطني ..لازم ما اتعب علشانه ..ولا فارس خلاص انا و ياه تعادلنا ...

و انتهى من حياتي ..و هو ما همه شي حتى ما فكر يدورني او يسال عني بالعكس حتى قوم خالي احمد قطعهم طقاق ..

هو الي خسران ..انا خسرته صح و خسرت حبي بس كسبت شي كبير و غالي علي وايد...و طالعت بطني و ابتسمت ...

في اليوم الثاني ...اتصلت بي نهله تسالني اذا بمرون علي اهي و حميد علشان اروح ل خلود ..طبعا وافقت ...و في السياره ..
نوره: حميد ابا امر أي مكان اشتري شي حق عبود ..

نهله: وين تبين بيبي شوب
نوره: أي مكان المهم يكون راقي ..
حميد: ان شاء الله اوامر ثانيه..

نهله+نوره: هههههههههه
نوره: ما اتقصر ..
مرينا كذا محل لللاطفال ما كنت مقتنعه بشي اخرتها اختار لي حميد و اصر اني اشتريه و رضيت ..

حميد: اممممممم جنى هذي نوره الي انعرفها قبل ..
طالعته: انا ما اتغيرت حميد..

نهله: يالله متى بنوصل متفيجين..
نوره: بسالج انتي وين ريلج عنج لاصقه ب حميد ..
حميد: هههههههههههه

نهله: توج يا حلوج امممممم ريلي بالدوام ما اجوفه الا باخر الاسبوع ..
نوره: الله يعينج..
حميد : حتى انتي نوره الله يعينج..

رفعت راسي اطالعه جفت نظره غريبه انرسمت ابعيونه كان يقصد شي بس ما فهمته ..مستحيل يعرف عني و عن فارس شي محد يعرف الا جان فارس خبره يمكن ليش لاء ..

.طنشته و ما رديت عليه ..وصلنا المستشفى ..قبل كنت وايد اخاف عن حد يجوفني بس الحينه احس ما صار يهمني ..

سلمت ع خلود و كانت اتبين الحمدلله انها ابصحه و عافية ...
خلود: عقبالج بس ولاده طبيعية ان شاء الله ..

رديت مستانسه: ان شاء الله ..
شليت عبود حسيت ان حميد قاعد يراقبني مدري حسيت ان في باله نوايا شينه من صوبي بس ما اهتميت .. و ليش بضرني دام اني للحين ع ذمة ريال ..

نوره: خلود عبود يشبهج ما يشبه جسوم ولا ابوه ..
خلود: اقولهم بس ما يصدقوني ..
حميد: لا لا يشبهني ..

نهله: انتي بالاول حاشرنا جسوم يشبهك و الحينه افتريت صوب عبدالله ..
حميد: كل الاطفال يشبهوني لان ويهي طفولي..

نوره: يا حافظ..
خلود: هههههههههههههه
نهله: يالله عرس و ييب لك واحد..

حميد: ان شاء الله بس عقب ما اتربين ..
نهله: اتنكت اونك..

خلود: هههههههههه
نوره: محمد وينه..
خلود: من شويه كان هني راح اييب خالوه عايشه..
شهقت: حميدان الشرده ..

صخيت طلعت مني كلمة حميدان عفويه بس النظرات الي جفتها بعيونه خوفتني وايد ما اباه يفهمني غلط..

نهله: صدقت بك حميدان يا ويه الطفولي...
قمت سلمت ع خلود.. و اتحمدت لها بالسلامه ..

خلود: خبرتي فارس ما اجوفه اتصل فيني .
ما عرفت شو اقول ابتسمت و قلت: ما عليج بهزبه علشان يتصل بج..
خلود: مشكوره هههههه

رديت شقتي و انا مرتاحه لاني طلعت و حسيت ان حياتي قبل شبه ردت طبعا من دون خوله مستحيل اترد حياتي قبل فديتج خوله شو اخبارج الحينه..حتى عمور ولهت عليه ...

المهم و الاهم صحيح اني مرتاحه بس فيني خوف اكبير من حميد ..بس خليه يولي ..ما بحتك فيه علشان ما يتمادى معاي ...قبل لا ارقد رن موبايلي جفت المتصل نوف ..نوره: مرحبا الساع..
نوف: هلا و الله اشحالج ..؟؟

نوره: طيبه طاب حالج اعلومج..
نوف : اعلوم الخير .هي ربيتي ولا بعدج...؟؟

نوره: ههههه بعدني الشهر الياي ..
نوف : الله يقومج بالسلامه بغيت اتطمن عليج ...

نوره: ما اتقصرين نوف لولا ما كنت عرفت شو بيصير لي ..
نوف: مالها حايه هاي الرمسه انتي اختي قبل لا اتكونين رفيجتي ..

نوره: تسلمين و الله ...وين انتي ..؟؟
نوف: في بوظبي ..بس اقولج وقت ما بتربيين دقي لي يمكن اكون هني برراس الخيمه
نوره: فالج طيب ... بنات خالاتي ما بقصرن بعد...

نوف: زين الحمدلله اخباره ريلج ...؟؟
تنهدت و قلتها: ابخير ..
نوف: زين عيل ابرايج اسمحيلي جان دقيت لج بهاي الحزه..
نوره: افا عليج ...خذي راحتج..؟؟

نوف: سلمتي تصبحين ع خير ...في امان الله ..؟
نوره: و انتي من اهل الخير مع السلامه​
 
حطيت الموبايل جريب مني و غمضت اعيوني هاه يا نوف الله امطرشنج لج اتساعديني وقت ازماتي ...تسلمين لي يا الغاليه ..

غمضت اعيوني و رقدت وهذي اول مره ارقد فيها مرتاحه من غير ما اتجلب و افكر ابفارس ..مرت علي اسابيع و انا اتجاهل قوم خالاتي بس علشان حميد..بس في هذاك اليوم الي .فجيت اعيوني ع صوت اذان الفير ..

نشيت اصلي و عقبت قعدت اقرا قران لي ما طلعت الشمس ...بدلت ملابسي و عقب ما سويت لي فطور ...فكرت اطلع اروح البنك اجوف كم صار احسابي ..لان البيزات بدت اتخلص و فارس ما قام ينزل لي من رجعت من بوظبي ....و انا هالفتره وايد محتاجه ...

رحت صوب البنك..شيك ع احسابي صدق ما بقى شي يكفيني غير شهر لي ما اولد ..سحبت شويه علشان اشتري اخر اغراض البيبي لان ما بقى شي ولادتي ...

حسيت بالغبنه ..و الحينه وين اروح اييب لي بيزات ..اطر من منوه ...أي وظيفه بتطلع لي بيوم و ليله ..حسبي الله عليك يا فارس ..ركبت السياره .. صحت بس تداركت نفسي و مسحت ادموعي بقوه ..

.ما ابا اصييح انا وعدت نفسي خلاص ...حياة الهم و النكد ودرتها خلاص طلعت السلسله الي متعلقه في رقبتي و فيها خاتم الي هداني اياه فارس اتاملته هاه لو بعته اشكثر بييب لي بيزات ..بس قلبي ما طاوعني هاي الذكرى الوحيده من انسان جرحني و انا حبيته من قلبي ما اقدر ابيعه ما اقدر ...رجعت و ضميته تحت ثوبي عقبها ...

خطرت ع بالي بيزات مهري الي خليتها عند خالي احمد ابتسمت مرتاحه ...الحمدلله اني خشيتهم عندهم ..و الحينه ياه الوقت الي اخذها بس كيف ..؟؟؟

اممممم ممكن عن طريج خلود..كنت سرحانه و مليون فكره في بالي لدرجه اني ما انتبهت ان الاشاره كانت حمره طلعت و شي سياره غيرها يايه من الشاره الثاني اتروعت الحمدلله اني ما كنت اسرع ضربت ابريك..بس للاسف سيارته ضربت سيارتي ..

حسيت الدنيا اتدور فيني للحظه حاولت اتماسك و انا اجوف جسمي يرتجف حطيت ايدي ع بطني و كأني اطمنه و احميه فشيييييييييييله الناس قامت تتيمع صوبي ..

.نزلت الدريشه صاحب السياره الثانيه كان امحرج و ابويه شيبه جان الحينه بتطلع الفضايح ...و انتن من يقبضكن ليسن و انت ما اتعرفن اتسوقن..و ابوي هالرمسه سمعتها مليون مره الله يستر ..
نزلت الدريشه يالله نوره استعدي و زخي الرمسه الي يايتنج من ها الشيبه المححرج ...بس صدمني انه يوم جافني و كأنه يعلم بحالي اشفق علي و صخ ...

جفته يتصل اكيد بالمرور ..يا فضيييييحتج يا نوره ..ابسرعه اتصلت ابخلود..بس ما اترد علي اتصلت مره ثانيه و ثاله لين ما سمعت صوتها و جنها كانت راقده ..

نوره: سوري خلود ع الازعاج بس بغيت رقم خليفه ..؟؟؟
احسن لو اطلب خليفه ..ما ابا احميد يتدخل في حياتي خليه بعيد عني و انا بعيد عنه
خلود متروعه: ليش شو مستوي ..

رديت ابسرعه : بعدين بعدين ..بس عطيني رقمه ..
خلود: خليفه امروح العمره مع قوم عمي و حرمته البارحه متى تدرين شوه ..؟؟

تحسفت: قولي و الله ..."قلتها بيأس " زين عطيني رقم حميد ابسرعه...

خذت عنها الرقم و ادري انها ملهوفه اتعرف شو السالفه بس صكرت ابويها ...اتصلت بحميد رد علي ابسرعه معلوم بترد ما اتصدق يظهر لك رقم ع الشاشه ...تبا تغازل الهرم ...

نوره: حميد انا نوره..؟؟
حميد و كانت نبرة صوته مستغربه: هلا نوره شحالج..؟؟

نوره: زينه بس انت وينك ...؟؟
حميد: انا بالدوام ليش شو بلاج ...؟؟ تبين حايه ..

نوره: اباك اتيي ابسرعه انا سويت حادث و ما عندي حد...

عطيته المكان .. و قبل ما يوصل حميد وصلت المرور ..الحمدلله بدت الناس تختفي لان جافت حادث بسيط جدا ..
الشرطي: اختي ممكن الليسن ..؟؟

عطيته بطاقتي و ملكيه السياره و الليسن ...
الشرطي: ممكن تنزلين ..

نوره: لا ما ابا انزل ..
الشرطي: بس انتي جي امصكره الشارع ..

رديت امعانده: انا اتصلت باخوي الحينه بيي
الشرطي: زين نزلي علشان انحرك السياره ..؟؟

حاولت اشغل السياره : انا بحركها .."بس خانتني و ما اشتغلت حسيت بالغيض من سيارتي بغيت هذيج الساعه احرقها "
الشرطي: اتفضلي نزلي ..

عاندته: قلتلك ما بنزل لي ما يوصل اخوي ..

الشرطي طفران: ع راحتج... و راح صوب الثاني يرمس مع الشيبه..شويه ووصل حميد...حسيت بالراحه الحمدلله ع الي كله سويته فيه بس بعده اثبت لي طيبته ..

ياه صوبي ..
حميد: شحالج نوره ابخير "و فج باب سيارتي"
نوره: هي ابخير ..
اشر صوب سياره: روحي ركبي سيارتي لي ما اييج باخذج المستشفى ...
شهقت : ما يحتاي ..

و انا نازله حسيت بالم فضيع بظهري ..غمضت اعيوني ورجعت قعدت ابمكاني ..حسيت بالاحراج لان حميد كان يراقبني سالني: نوره تعبانه اتصل بالاسعاف

رديت ابسرعه: لا لا انا ابخير بس الظاهر لازم اروح المستشفى ..
مد ايده :تعالي بساعدج ترا المرور تتريا

كنت برفض يوم سمعت اخر جملته مديت ايدي كنت بصرخ من الالم الي حسيت به و كأنه بقسم ظهري قسمين ..بس تماسكت ووقفت ..

و بمساعدت حميد وصلت سيارته ..كنت ميته خوف ان يمكن اربي و انا بالشهر الثامن ...جفت احميد ابسرعه يرمس الشرطي و ياه ركب ...طلع موبايله و رمس مع واحد من ربعه يبا ايي هناك علشان سيارتي ...

سالني: شو اتحسين..
نوره: الحينه زنينه بس يوم اتحرك ظهري يعورني ...

ما تكلم ..ولا انا كلمته وصلنا صوب الطواري هذا حميد من عرفته دوم المنقذ و انا الغبيه علشان غيرتي و انانيتي فسخت خطوبتي منه لو ما فسختها زماني كنت مرتاحه ...

نزلت ابصعوبه كنت احس ان ظهري بنكسر كل ما تحركت ..دشيت غرفة العلاج.. و الحمدلله تطمن ان كل شي ابخير .. و هاي الالام بسبب الحادث بس يومين ارقد ع ظهري و كل شي بيكون تمام ...

ما اتعرفون باراحه الي حسيت فيها و انا اسمع الدكتوره تقولي "الحمدلله الجنين سليم و كل حاجه ابخير " يلست اصيح..اقولكم مستويه حساسه اوني عاد ..حسيت ما يناسبني ها الدور بس شي و فرض نفسه علي ...

دش علي حميد: نوره ليش اتصيحين..
ابتسمت منحرجه منه: مشكور حميد ع كل شي..

قعد ع اكرسي: افا عليج ولد خالتج لازم بساعدج ...بس انتي لا اتصيحين قطعتي قلبي ...
نوره: مدري ليش حسيت اني ابا اصيح يوم قالت لي الجنين ابخير ..

جفته يبتسم بس ما رد علي شويه و يت الممرضه و خذتني القسم..و حميد راح يسوي لي اجراءات الدخول ...

الممرضه: خلج جي منسدحه ع ظهرج لا تتحركين و اذا بغيتي حايه دقي ع الدجمه ..
هزيت راسي بعمنى نعم: مشكوره ...
فريت راسي اطالع برع ..حسيت بالوحده لا ام ولا اب ولا اخ و اهل ولا زوج حسيت ابعمري وحيده في هالكون يلست اصيح من الخاطر ..

عرفت اني قاعده احصد كل الي زرعته زمان الكل تخلى عني ..ما بقى لي حد بالدنيا غير الي في بطني و كنت اليوم بطيره مني ...

مسحت دموعي و حاولت اتماسك..و اريح اعصابي ..رفعت راسي اطالع السقف ..شو بيصير لي بالايام اليايه ..غمضت اعيوني ..و تخيلوا اني رقدت يمكن من التعب ...سمعت صوت يزقرني هذا صوت فارس ..؟؟شو يابه هني ..؟؟ منوه قاله ..معقوله حميد ..؟

ما ابا ابطل اعيوني ما ابا يجوفني زقرني مره ثانيه و ثالثه ..ما ابا ارد عليه شو يبا فيني ...زخ ايدي نوره نوووووره فتحت اعيوني و شهقت يم جفت الممرضه اتوعيني و انا ع بالي فارس ..كنت احلم ...

ابتسمت لي : شو نوره شكلج قاعده تحلمين..؟؟

هي كنت احلم بانسان " حبه سطى في الجرف والوجد نهاب..زوله وسط عيني وقلبي مقره..لو غاب عني طيفه البوم غاب..شوقه عذاب وشوفتي له بالحسره..ليته درا في قلبي صار ..حتى النظر مايفيد وان جاك عذره...عمري مضى مابين حلوه ومره"
الممرضه: يالله حبيبتي تغدا ..لازم اتخلصين كل الي في الصينيه..
هالمره ابتسمت لها : ان شاء الله ..

تغديت و شبعت لاني كنت ميت يوع ...و الغريب اني رجعت و رقدت لها الدرجه انا تعبانه ..فجيت اعيوني و انا كارهه روحي حسيت بالملل .. و الضيجه لي متى بتم هني ...

انتبهت و حسيت اني شي شخص معاي في الغرفه صديت الصوب الثاني جفت حميد قاعد يطالعني ..عدلت شيلتي و رصيتها ع ويهي علشان اغطي شعري ..اتصدقون اني نسيت احميد ...؟؟

حميد: الحمدلله ع السلامه..
رديت له: الله يسلمك ..خبرت قوم خالي احمد..

حميد: انتي ما تبين حد يعرف انج هني بالدار صح..
غيرت الموضوع: متى بظهر من هني مليت ..؟؟

ابتسم حميد: ان شاء الله باجر تحملي ها الليله ..يتج من ساعه جفتج راقده ..فرحت اشيك ع سيارتج..
نوره: و شو صار ..

حميد: كل خييير ..سيارتج ما فيها شي
نوره: و سياره الشيبه ...؟؟

حميد: اتنازل و قال بصلحها ابروحه ..

كنت بساله عن خلود و نهله بس رن موبايله فطريت اسكت و اطالعه يوم يرد ع الموبايل الغريب ان يوم جاف شاشه الموبايل ابتسم و طالعني حسيت برجفه لا يكون المتصل فارس ..؟؟

سمعته يبارك بعد ما خذ الاخبار و السؤال عن الحال ..الظاهر ان حد من ربعه ...بس تفاجات يوم مد ايده صوبي :حميد ارمسي ...؟؟

خذت عنه الموبايل و الف سؤال في بالي : منوه ..؟؟
ابتسم حميد: مفاجاه ...

غبيه ما خطر ع بالي انه يكون عمور الا يوم سمعت حسه يقول : الو نوره..؟؟

مدري شو اقولكم و لا أي شعور اوصفه لكم و انا اسمع حس عمور ..عمور اخوي ...ما رمت ارمس لساني انربط ..بلعت ريجي ابصعوبه سمعته يقول : بعدج زعلانه علي مب قلب عليج نوره ..
حسيت من نبرة صوته انه يصيح ..
همست: عمور ...؟؟
بس دموعي سبقت أي كلمه كنت بعبر فيها عن شوقي و عذابي يلست اصيح و حميد كان ما بين المتفرج و المصدوم ...

عمور: نوره شو فيج ...؟؟ نوره لا اتصيحين..
حاولت امسك عمري خذت نفس طويل و رمست : وحشتني موت انت وينك ..؟؟

عمور: موجود انا ابخير و خوله اليوم ربت يابت ولد ..
استانست من كل خاطري : يعني انا استويت عمه ..

عمور: هييييييي انتي عمه بس يا رب ما يطلع عليج..
و انا اصيح ضحكت من تعليق عمور : ههههههههههه

طالعت حميد جفته يبتسم ..اكيد يتحراني اتخبلت ...بس شل ابعمره و طلع من الغرفه علشان اخذ راحتي مع عمور

كنت اصارع بيني و بين نفسي علشان ما اصيح: مبرووك عمور و تستاهل سلامة خوله ..وينها ابا ارمسها ..؟؟

عمور: بعدها داخل عند ها الدكتوره ...انتي شخبارج فارس وينه من جم شهر ادق له كل يعطيني مغلق ..شو اخباركم نوره ..؟؟

يا ليتك اتعرف شو بلاني ..ما رمت ارمس عدال حميد ..تميت ساكته حتى عمور ما كنت ناويه اقوله ..

عمور: وينه عنج فارس ..حميد من ساعه خبرني انج برارس الخيمه بس فارس وينه..؟؟
عرفت ان عمور امرمس حميد قبل هالمره.. و الظاهر امخبرنه عن كل شي الا اني سويت حادث ..

عمور : نوره ليش ساكته الووووو الووووو
نوره: معاك عمور ..

عمور: شو بلاج شو مستوي ..

رديت اصيح يوم جافني اصيح علي صوته: نووره وين فارس حتى قوم خالي احمد ما يعرفون عنه شي ..صابه شي ..؟؟

حرجت منه هذا هوه عمور فكر ان فارس مستوي به شي ما فكر انه يمكن ضرني لها الدرجه واثق منه ..​
 
رديت بصوت متقطع: م ..ا ..ادر..ي
عمور: كيف يعني ما تدرين ..؟؟ شو امسوي بج..؟؟هاه..

نوره................"ماشي رد"

عمور: انطقي ...نوره ارمسج انا .. و الله ايي باجر ترا ..
رديت ابسرعه: لا لا لا مب مستوي شي صار من بينا خلاف بس و انا رديت راس الخيمه..
عمور: خلالالالالالاف ...بس خلالاف متاكده انتي ..؟؟

و الله مدري بعدني ع ذمة فارس ولاء .. محد يعلم..ولا اعرف عنه شي موليه ..
نوره: هي متاكده..؟؟

عمور: و انتي وين الحينه ..؟؟؟ و حميد شو يسوي عندج ارمسي لا اتمين ساكته ارمسي اجوف ..
نوره: عمور لا اتصرخ علي جي ..

عمور: و انا اجوف حياتج منجلبه فوق و تحت و تبيني اسكت .. و الله يا نوره اذا ما رمستي بنزل باجر..

صرخت عليه بعصبيه: شو تنزل باجر و خوله توها امبريه ..اتنكت ..؟؟

عمور: عيل ارمسي ..حتى كل ما اتصلت بيت خالوه مريم يتشرهون عليج انج قطعتيهم بس فارس الي قام يزورهم من اسبوع ل اسبوع ..حتى خوله ما قمت تتصلينن فيها شو سالفتج..
ذكرته: لا تقعد اتصارخ علي انت نسيت شو سويت فيني قصيت علي زوجتني فارس و كنت واعدتني اتسفرني معاك نسيت..

عمور سكت شويه و رد رمس: علشان جي قطعتي خوله شو ذنبها ..؟؟
خذت نفس طويل: خوله ما يخصها ..بس اباك اتعرف من تزوجت فارس ..و نحن مب متفاهمين..حرمني من اهلي و من كل شي يباني ادفع ثمن يوم راغه خالي احمد من بيته بسببي
تم عمور ساكت مدري بشو كان يفكر بس اكيد عرف اني عرفت السالفه كلها ...حسيته بالبدايه انه صكر بس عقب

سمعت صوته : نوره انتي شو قاعده اتخربطين..

رديت : انا عرفت كل شي عرفت يوم انك ....

قاطعني: انا ما اقصد هاي السالفه ..اقصد سالفه تدفعين الثمن انتي شو قاعده اتخربطين ..؟؟شو هاي الرمسه فارس اكبر عن جي ..

صرخت عليه: انته بعدك بدافع عنه بعد كل الي سواه فيني ..بسك بسك ارحمني ..تراني اقولك حرمني من اهلي ما اتجوفهم يتشرهون علي ..

صرخ علي : صخي و اسمعيني زين ...فارس يوم تزوجج لانه كان يباج يحبج ..و انا زوجته لج و سوينا كل هاه انا و فارس علشان أأمن عليج و انا بعيد عنج .لو مب واثق ان فارس يعزج ما كنت زوجته لج ...لكن سالفه تدفعين الثمن و ها الخربطه انسيها ..

نوره: انت ابعمرك ما بتفهمني...خلك ابحياتك مالك شغل فيني ..

عمور: انتي اصلا خبله و تفسيرين الامور ع كيفج ..و اكبر دليل السالفه الي صارت زمان ...انا ما بقولج شي الا يوم برمس فارس ...

تطنزت عليه: ووين بتلاقى فارس زين ...؟؟منوه محصلنه ..

عمور: ابرايه الشهر الياي برد و بجوف شو بيصير انتي خلج عاجل .. و فكري زين..
نوره: ان شاء الله ...بنجوف شو بتسوي ..بس ما اريد قوم خالاتي يعرفون اني هني بالدار ..
عمور: ليش ..؟؟

نوره: بس
حرج علي : شو بس لييييييش...؟؟

نوره: و انت اشفيك مستوي عصبي ..لاني متلومه منهم من سنه مب جايفتنهم ..قلت يوم بربي مره وحده
عمور: بتربين انتي حامل ..
كنت بضحك ع نبرة صوته لان بين عليه كان مصدوم ..

نوره: هيييي
كنت بقوله يا ويلك ويل اذا خبرت فارس بس هوه ما يدري اني انا من شهور قاطعه فارس اكيد هوه يتحرا من اسبوع ولا اسبوعين ...

عمور: هههههههههه هههههههه هههههههههه نوره حامل ...(يتمصخر)
نوره: جب جب ..

عمور: هههههههه و الله كبرتي و صرتي حرمه سنعه صج فارس سنعج هههههههه
بها صدق ما رديت عليه حسيته سخيف يضحك من دون سببب...
عمور: حميد وينه ...؟؟

نوره:طلع برع الحجرة..
عمور: منوه عندج ...عيل...؟؟
نوره: محد..
عمور: محد ...انتي مع حميد لوحدج وين انتي ...؟؟و شو يسوي حميد عندج هاه ..
نوره: انا بلمستشفى سويت حادث..

عمور مصدوم: شووووووه حادث ..متى و شو اخبارج..
نوره: تفيجت..؟؟

عمور: انتي تراج خديه ما خبرتيني ولا الطمطمه حميد قاللي

نوره: زين حادث بسيط بس قالولي لازم ارتاح بالمستشفى يوم علشان الجنين..
عمور: الله يشافيج..يعني يوم برد البلاد بيكون عندج بيبي ..

نوره: ان شاء الله ..
عمور: ههههههه هههههههههه

نوره: بس عاد عمور لا تستوي سخيف ..
عمور:زيييييييييين عطيني حميد..

نوره: طلع برع ..اتصل به عقب شويه

عمور: اممممممم يالله بصكر تحمل ع روحج زين و انابروح اتطمن ع ام ذياب حبيبتي و اجوف ذياب..حبيبي .

نوره: هههههه سلم ع خوله وايد ...و ع ذياب

عمور: يبلغ بتصل بج باجر ..عطيني رقم موبايلج ...

صكرت عنه بعد ما خذ رقم موبايلي ابتسمت هذا هوه عمور حتى و نحن قاطعين بعض من سنه بس جنا البارحه جايفين بعض نتضارب و نصرخ ع بعض ..

حسيت براحه كبيره يوم عرفت انه بيي الشهر الياي و اللي ريحني اكثر و اكثر اني سمعت صوته و تطمنت عليه و على خوله و عرف سالفتي مع فارس حتى لو كانت باختصار المهم عرف وضعي ...عقب فتره دش حميد اتصدقون اني نسيته ..

نوره: سوري حميد طولت ..
حميد: لا عادي ...بس الظاهر اول مره اترمسين عمور من سافر ..

ارتبكت و حاولت اخفي ارتباكي عطيته موبايله ..حسيت ان حميد اصلا فاهم كل شي بس يستهبل علي او يبا يبين انه ما يعرف ع باله بخبره مستحيل ..طبعا ..

استانست باليوم الثاني يوم يت نهله و حميد؟... و رجعت شقتي الحمدلله لك ربي ..رجعت و انا وولدي ابخير ..يالله متى بربي متى بجوف ويهك..تشبهني ولا تشبه ابوك.

.اتصل بي عمور و تطمن علي و رمسته و رمست خوله يا ويلي حسيت بالعذاب و انا اسمع صوت خوله ...

خوله كانت اتصيح: نوره فديتج و الله اشتقت لج..
نوره: و انا اكثر ..يالله ان شاء الله عقب شهر بجوفج..اخيرا صرتي ام..

خوله: هههههههه عقبالج ان شاء الله ..
نوره: الله يسمع منج..ما اتعرفين اشكثر وحشتني الامارات .. وحشني كل شي فيها ...وينه فارس ..؟؟
هاه يعني عمور ما خبرها شي ززين مرات تستوي عاجل عمور
نوره: بعده برع ...؟؟

خوله: زين سلمي عليه وايييييييييد
سمعت صوت ياهل يصيح ذكرني بولد السوريه هههههههه صار ريال و ياه ولد عمور يحشرنا...

نوره: فديته ها صوت ذياب
خوله: و ابوي مدري طالع ع منوه 24 ساعه صياح..

نوره: طالع ع جسوم ولد خلود ...
خوله: هههههههه لا اتذكرين و الله كل يوم اتصل اصيح ابا ارجع ..
نوره: زين جم بتمون في البلاد..

خوله: اممممممم بننزل الشهر الياي بنتم شهرين و بنرجع برع بس انا ما ابا ارد ..
نوره: بتخلين عمور ابروحه هناك سنه كامله غيرها بياخذونه عنج..

خوله: هههههههه اصلا ما بيخليني اتم هني لازم بروح معاه ...ما عليج ضامنتنه يموت فيني محد بياخذه مني..

الله اشكثر استانست و انا اسمع رمسة خوله ..الحمدلله يوم ان الله جمع خوله و عمور ع خير بالاول كل واحد رافض الثاني زين بعد ...

نوره: يالله تحملي بس سنة و بتمر ابسرعه مثل هاي السنه
خوله: ان شاء الله نوره بصكر عنج هاه قاعد يصيح..

نوره: بالاول يشبه منوه ..؟؟ قولي يشبهني يشبه عمته صح..
خوله: لالا يشبه ابوه..
نوره: قولي و الله ابشرجج ولدج خسف ..
خوله : حرام عليج..

نوره: هههههههههه اسولف يالله روحي له تقطع من الصياح ..
خوله: زين حبيتي يالله طمنينا عليج..

نوره: ان شاء الله سلمي ع عمور ووو شسمه هي ذياب
خوله: هههههههه يبلغ مع السلامه

نوره: في امان الله

دشيت حجرتي جفت الساعه 8 فليل حاولت ارقد ما قدرت طاحت اعيوني ع جيس موجود بالزاويه..قمت ورحت صوبه..

فجيت الجيس هاي هديه زينب صوره فارس ما بقى فيها شي و اخلصها بسويها وساده حق بنتي ...يلست اسوي اصوف مرت ساعتين و خلصت..رفعت القطعه فوق اطالعها ..هذي صورة فارس فارس فديته حسيت بشوق لها الانسان .

.فكرت باجر اخذ القطعه الخياط علشان يسويها لي وساده ..رن الموبايل و كان المتصل حميد فريت الموبايل بعيد عني ما ابا ارمسه ...رجع اتصل مره و مرتين ..عقبها رديت يوم يجفته يلح يمكن شي جايد صار ..

نوره: الو ..
حميد: نوره شحالج ..ادقلج ما اتردين..
نوره: امممممم كنت مشغوله شو مستوي ...؟؟

حميد: نوره ..ترا عمور طلب مني ادور فارس و احاول اتصل به علشان اوصله ان عمور يبا يرمسه..

غمضت اعيوني حميد يعرف كل شي وقفت من غير ما احس..و هو ليش متصل يخبرني علشان يشمت فيني ..

حميد: نوره انا اسف ما ابا اتدخل ..و عمور ما قال لي شو صار بينج و بين ريلج بس كل الي قاله انه يبا فارس يتصل به لانه هوه مب محصلنه..

همست: زين و انت ليش اتخبرني شو المطلوب مني ..
حسيت في شي لان حميد سكت شويه ..بعدين

قال : نوره
عصبت عليه: حميد جان عندك رمسه ارمس لا تقعد اتوترني شو فارس مستوي به شي ..
حميد: .............."ماشي رد"

ترجيته : دخيلك قول لي فارس شو مستوي به فارس ابخير ..
حميد: نوره فارس امطلقنج..

وافترقنا مجاريح..وإنتهينا لما جرحت الخواطر..مو بدينا تحكم قلوبنا المشاعر..لو تبينا كلمه طيبه كنا نرجع..او عذر مقبول يشفع...عزت الكلمه عليه عزت الرجعه عليناوافترقنا مجاريح
>>>>>>>>>>>"​
 
"الحلقة التاسعة و العشروون ""

طاح الموبايل من ايدي و انا اسمع صوت احميد يقول الو الو .. قعدت ع الارض ..يأسه اخر شي كنت اتوقع اسمعه ..فارس طلقني ..يعني خلاص ما صرت ع ذمته..متى طلقني ..؟؟ تزوج عليا ..؟؟

تنهدت حاولت اغصب اعيوني تذرف عبراتها بس ما طاوعتني عيت انها تبجي ع ها الخبر ..بس كافي هالشيء كان متوقع و من زمان ..ليش اطلب من اعيوني و اترجاها تسيل دموعها ع ناس ما تستاهل خلاص اليوم انا و فارس تساوينها ..كلن خذ حقه .

." إنتهى الحب إنتهى..إلتهى القلب إلتهى..وهذا القرار الأخير..روحي بطريق وأنا بطريق..خلني على جرحي العتيق...خلاص عافك الخاطر"

رجعت و انسدحت ع الشبريه...حاولت ارقد بس البروده الي كنت احس بها منعتني ..نشيت ادور ع زلاغ البسه ...لقيت لي واحد يديد لبسته ..و رجعت احاول ارقد...الحمدلله ..فقدت الاحساس بكل شي قدرت اغلب همومي و ارقد ...نشيت عقب ساعتين..و انا ميته من الضيجه ..

مدري شو صابني يلست اصيح منهاره ...حسيت ان حيلي انهد قمت و صليت ركعتين علشان احس بالراحه .. رجعت ع شبريتي و انا في بالي شي واحد بس

" تعبت من الشعور اللي تجاهلني ..
وعذبني وخلا حالتي حاله..وقررت اتركه وانساه .. مدام اني صعب القاه...واظن احسن لي واحسن له .. نكون بعاد..ونتفارق بلا ميعاد .. ونترك بعضنا ارحم
بكره تتذكر وتعرف قيمة احساسي ...وتبكي دم ما ينلم .. من كثره."




بعد هذيج الليله قطعت العالم كله.. الا اتصال عمور و خوله.. و ابد ما قلته ان فارس طلقني ..ما اباها يعصب و يسوي شي طايش و يقطع رزقه و يرد البلاد يسويها عمور بس بغيته ايعرف حقيقة اربيعه الي مستانس منه وايد..خليه ابروحه يسال و يدور عليه و يخبره كل شي ...

مرت الاسابيع الين ما نشيت في يوم و كانت حزة الظهر و انا ميته من التعب حسيت ان روحي بتطلع يلست اتسحب ..اتصل باي حد الظاهر اني بولد ...

كنت امشي خطوه و ارجع اوقف فتره..كنت اصارخ محد يسمعني كنت اظن الولاده امرها سهل من احس بالويع بروح المستشفى و بفاجأ قوم خالاتي بس ما توقعتها جي عذاب ..

طحت ع الارض و يلست احبي شرات الياهل لي ما وصلت عند موبايلي ...كنت احس باصابعي ترتجف ...مب رايمه اضغط ع الدجم خذت نفس طويل ..

ضبطت اعصابي و يلست اركز و انا تصل ب خلود ...
استانست رغم العذاب الي احسه به يوم سمعت

حس خلود من الطرف الثاني : الوو
رديت ابسرعه: خلود خلود ..
خلود متروعه: شوه نوره شو بلاج ..

كنت ارمس بالغصب: تعبانه بطني ظهري كل شي فيني يعورني خلود..
خلود صرخت: شكلج بتولدين

صرخت عليه متفيجه اتحط احتمالات: خلود اقولج تعبانه ..."ويلست اصيح مدري من الويع ولا من الخوف"
خلود: لبسي عبايتج دقايق و بييج و انا و امحمد

حاوت البس عبايتي بس ما قدرت اكيد بموت ..عيل ليش احس جي بالتعب ؟ يالله انك اتساعدني ربي فديتك ساعدني ..ربي مالي بالدنيا غيرك ..ربي ساعدني ..

.انسدحت ع الشبريه و انا اتجلب من الويع..عقب عشر دقايق من التعب سمعت جرس الباب يندق يالله عاد تبوني اوصل لي الباب مستحيل ما اروم..تم الجرس يندق ..حشى بحرقون الجرس ...جفت موبايلي يرن و انا احاول اوصل ل باب الشقه بس لمحت المتصل كانت خلود..بين لحظه و لحظه قدرت افتح باب الشقه جني رايحه مليون كيلو كنت انافخ ..

انصدمت يوم طلت علي خالوه مريم اتشاهق : نوره نوره..
حضنتها و انا اصيح .مدري ليش غمضتني خالوه مريم ..ولا هذا الشوق يلعب دوره ...و يحرك ها الاحاسيس كلها ..

خالوه مريم: خلود ابسرعه ييبي عبايتها
ركضت خلود داخل حجرتي و انا تميت حاضنه خالوه مريم سمعتها اتصيح يوم قلتها: انا اموت خالوه اموت ..
خالوه مريم: اذكري الله يمه ها الالام كلنا انحس فيها شي طبيعي ما عليج الا تذكرين ربج يسهل عليج..
صرخت: تعبانه بموووووت ما اتحسون فيني ..

خالوه مريم: خلود يالله شو اتسوين ..

للحظه و من كثر التعب طحت ع ركبي بس زختني خالوه مريم و ساعدتني خلود اني البس عبايتي و بمساعدتهم قدرت اركب السياره ..كنت احس اني اموت بس متلومه اصارخ جدام محمد ريل خلود فشييييييله ..بس كل شويه اقول :ابسرعه ابسرعه ...

كانت خالوه مريم زاختني من ظهري ..اتهمز عليه كانت اتحسسني لمساتها بالراحه ..و الله و من كل خاطري تمنيت يكون فارس جريب مني كرهت هالشعور بس كان غصبن عني قعدت اصيح ولدي بظهر ع الدنيا من غير ما يجوف ابوه مثلي انا ما جفت ابويي ..

قعدت اصيح بصوت واطي و اشاهق ..حضنتي خالوه مريم..ما كانت تدري ان عذابي و همي ..اكبر بكثير من تعب جسمي ..ساعات من العذاب و الويع.. و مع الصبر و طولت البال ...عقب التعب و الصراخ..عقب كل كلمه سب طلعت من حلجي حق الممرضات او الدكتوره او خالوه مريم من غير قصد ...

عقب كلها بلحظه اختفى كل شي و غاب و كاني كنت بكابوس و صحيت منه و انا احضن بنتي بين ذراعي سمعت صياحها فيلست اصيح معاها و كأنها تدري انها طلعت لدنيا شقيه شرات امها من غير اب ...وين فارس ليتك تجوف بنتك ..ليتك تشيلها و تحضنها ...

الممرضه: ايه نوره بتعيضي ليه ....هاتي البيبي انحطها بالحضانه
لويت عليها اكثر و انا اقول بصوت ميهود: لا خلي بنتي معاي ...

الممرضه: : حجوفيها بعد ما ترتاحي ..البنت محتاجه انظفها و انحطها بالحضانه بليز..
دشت خالوه مريم علي باستني ع راسي و باركت لي زخيت ايدها بعد ما شالو عني بنتي
قالتها: سامحيني خالوه غلطت عليج اسفه..

خالوه مريم كانت مستانسه: يالله خلود سبتني سب قبلج ..معذورين ..ها جربتي الولاده ..
هزيت راسي بمعنى هي و قلتها: هذي اول مره و اخر مره..

خالوه مريم: هههههههه كلنا قلنا هالرمسه..
نوره: عاد انتي الله يعينج اول مره و توم..
خالوه مريم: هههههه الحمدلله ...

عقب ساعه طلعوني من قسم الولاده و خذوني القسم ..كنت متلهفه اجوف بنتي بس الظاهر عطوني ابره مهدئه لاني ما حسيت بالي يدور حولي كنت اسمع خلود اتبارك لي و محمد و ارد عليهم بس كنت احس بعمري بعالم و هم بعالم غير ..فجيت اعيوني باليوم الثاني ..

.معقوله رقدت وايد..جفت خالوه مريم راقده الصوب الثاني فديتج خالوه ...ضغطت ع الزر اطلب الممرضه ..
انفتح باب الغرفه: الحمدلله ع السلامه يا نوره ..

ابتسمت: الله يسلمج...وين بنتي ...
المرضه : دي بنتك شقيه اوي كل الاطفال بالحضانه نايمين الا هي بتبصبص حوليها...
ضحكت: ههههه فديتها اباها ابا بنتي ...

الممرضه :تؤمري بس لما تتغسلي و تفطري ..
نشت خالوه مريم ابتسمت لها: صباح الخير خالوه ..

خالوه مريم: صباح النور ..يالله احس بصداع ..
نوره: ليش تعبتي روحج و رقدتي هني ..ما يحتاي..

خالوه مريم: كيف ما يحتاي انتي بروحج تحتاجين المساعده..
نوره: ما بقصرن الممرضات ..

خالوه مريم: لالا شو ممرضات و انا موجوده حالج حال خلود ..الا خوله يحليلها
نوره: ان شاء الله المره اليايه بتكون هني معاج...

خالوه مريم: الله يسمع منج..يالله تعالي بساعدج بتروحين الحمام..

الحمدلله حسيت اني رجعت بين اهلي و ناسي بعد ما صرت وحيده و حمدت ربي الف مره لان خالوه ما تشرهت علي ولا شياته ولا سالتني عن فارس ...

طلعنا من الحمام عقب ربع ساعه ...عقب ما تريقنا ..يابولي بنتي حضنتها بستها تاملتها ..تشبه ابوها ..انا الي كنت بروح فيها و انا التعبانه و هي تشبه ابوها ..
نوره: خالوه تشبه ابوها ....؟؟

خالوه مريم شلتها عني : سبحان الله مره ابوها شو بتسمونها عيل ..
نوره: اممممممم مدري ...مدري..بجوف ابوها شو بسميها عقب ما يرد من السفر "كنت مضطره اجذب عليها"

خالوه مريم: و جي ما اتريا لي ما تولدين عقب يسافر ..
اكمل جذبتي: مدري كان مضطر اشغال ..

خالوه مريم: هيييييي ها ترا هاي الدنيا و اشغالها اتفرق بين الاهل

ما عرفت شو ارد عليها حسبتها اتنغزني بالرمسه بس طنشت..بها اليوم زارتنا خالوه عايشه و نهله و سيف و خالي احمد الي تشره علي و طاح فيني طيحه و طلعت الف حجه و حجه ليش قطعتهم ..بس اكيد حتى مليون حجه ما بتعذرني طبعا مستحيل اقولهم فارس كان مانعني ..

.حميد ما ياني مع اني كنت متوقعه انه يزورني بس اتصل بي و بارك لي .. و ريحني يوم قال ان ما خبر حد ان فارس طلقني خلاص .. زين مب وقته يعرفون السالفه خليه ابروح يرجع و يخبر اهله ..

.في اليوم الثاني كانت خالوه مريم تقنعني اني اروح بيتهم و اني ما اتم بالشقه ابروحي بس انا رفضت و اصيرت اني اروح شقتي ما ابا اروح مكان يذكرني ا فارس ..ما ابا ...

خالوه مريم: يا يمه طيعيني وودري عنج العناد ...؟؟
نوره: خالوه انا بكون مرتاحه اكثر في شقتي ...

خالوه مريم: و بيتنا جي مب مريح ترا خليفه محد في العمره ..تمي ع الاقل لي ما ايي خليفه او كملي اسبوع عقب روحي الشقه ..

نوره: اممممممم خلاص بتم اسبوع عندكم ...الا خليفه متى بيرجع..من السعوديه..؟؟
خالوه مريم : عقب اسبوعين...
نوره: امطولين ..

خالوه مريم: هيييييييييي.. ما اجوف فارس اتصل بج و او اتصلتي به اتخبرينه انج ربيتي ...
اتعلثمت ما عرفت شو اقول فجذبت: امبلى اتصل انتي كنتي في الحمام..

طالعتني بنظرات انها مب مصدقتني: جان قلتي كنت برمسه ..

ما عرفت شو اردج عليها ...صارت حياتي كلها جذب بجذب ...طلعنا من المستشفى حزة العصر ياه خالي احمد ووصلني بيتهم..

حطوني في حجرة فارس ما يدرون انهم حطوني ابقبر راحت خلود مع محمد و يابوا اغراض بنتي كلها ..دشت علي خالوه مريم و انا قاعده البسها سلسلة ذهب و فيها خاتم الي هداني اياه فارس بيوم مستحيل انساه في حياتي .....

خالوه مريم: رقدت ...بنيتج..؟؟
نوره: لا قاعده البسها هاه

خالوه مريم: حرام عليج نوره تو الناس ع ها السوالف شو املبستنها خاتم عود خافي ربج..
نوره: هههههههه ها الخاتم هداني ياه فارس خل تلبسه فيه ريحة ابوها ..

دش علينا خالي احمد : يا سبحان الله ها البيت العود كلهم طلعوا منه ما تم فيه غير نوره و بنتها الله يا الدنيا عطوني اشيل بنتي ..

خالوه مريم: بنتك منو يروم لها عندها خطيبين ذياب و عبود..
نوره: هههههههه
خالي احمد و هو يلاعبها: شو بتسمينها ...؟؟

نوره : اممممم مدري اتريا فارس ايي يسمها ..

جنون الي افكر فيه ..اتريا وهم فارس مستحيل اييني او يسال عني بس اكيد بخبرونه انه صارت عنده بنت .
خالي احمد: عجيب هالدنيا ..كل الناس تزوج بس ما يسون جي انتي اختفيتي و الحينه فارس قطع لا حس ولا خبر ..شو السالفه..

ساعدتني خالوه مريم يوم ردت: فارس امسافر عنها عنده شغل ..

خالي احمد: خلاص عيل انا بسميها هاجر ع اسمه امه لي ما ايرد بالسلامه ...عاد كيفه يسمي الي يسميه ..
مرات ايام عوضتني عن ايام التعب و العذاب الي عشتها ابروحي كنت احس صج اني مدلله انا و بنتي خالي احمد ما قصر معانا حتى خالوه مريم و خالوه عايشه الي كل يوم اتزورني .

و نهله و خلود..صج صج حسيت بالاستقرار لاول مره..ما يهمني فارس دام هاجر عايشه بوسط اهلي ...بس تمنيت من كل خاطري اني حظها ما يطلع شرات حظي سمعت دقه ع الباب
نوره: تعالي خالوه ..

دشت خلود و جنها خاشه شي وراها : انا خلود مب خالتج امممممممم قولي شو عندي ...
نوره: امممممممم بعد هديه مب كافي العقد الي يبتيه ل هاجر ...

خلود: هههههههه هذي مفاجاه مش هديه ...شو تتوقعين

هزيت جتفي: مدري ..
خلود: غمضي اعيونج ..

ضحكت و غمضت اعيوني ..شويه و قالت فتحيها ..غصبن عني و طاحت اعيوني ع صورة فارس

" فتح لي دفتر الذكرى مع الاحزان بعثرني..
وتركني اتصفح اوراقه وبين حروفه سهرني..وقف دمعتي بعينه وحيرها وحيرني..وشدني حيل للماضي وخلا الشوق يجبرني..ساعات الشوق يترجا ساعات الشوق يامرني"



خلود: يوم سرت اييب اغراضج و اغراض هجور جفت هالجيس ..قلت اكملها لج خذيتها الخياط و سواها وساده
طالعتها تتأملها انتي سويتها روعه كيف سويتها ..

ابتسمت و مديت ايدي بغيت احضن المخده بس حطيتها داخل شاطوحة هاجر علشان اتجوف ابوها و تتعرف عليه ...قلتها: هذي زينب عطتتها لي هديه و علمتني كيف اسوي الصوف ..
خلود: رهيبه ...

قلتها و انا اطالع الصوره: مشكوره خلود...​
 
ما تدرين انج فتحي الجرح فتحتي لي ذكريات اتعذبني ...اه اشتقت لاهل فارس اشتقت ل زينب و فيصل و كلهم الا مها ..اكيد مستانسه و طايره من الوناسه يوم فارس تزوج عليا ..يتني الصيحه حسيت خلود تتامليني فيودت عمري طالعتها و ابتسمت..

خلود: نوره شو فيج انتي موليه تغيرتي صايره وايد تسرحين و كله مهمومه شو بلاج كل ها عشان فارس محد ..

اه يا خلود ليتج اتعرفين فارس شو سوا فيني ...بس زين دخلت علينا خالوه مريم: روحي ولدج يصيح اتصلت خالتج محتشره ..
خلود: اوووووووووووف لوع بجبدي ها ترا

خالوه مريم: محد قالج اتيبين عيال يالله روحي لعيالج..
خلود: زيييييييييييين ...

عقب ما طلعت خلود سالتني خالوه مريم: اييب لج العشىى هني ولا بتعشين في الصاله ...
نوره: لا لا بتعشى في الصاله انا الحينه ابخير ..

خالوه مريم: زين يالله تعالي العشى زاهب محد داخل حتى خالج احمد بتعشى برع البيت ...
تعشينا انا و خالوه مريم ...عقب العشى يت نهله و معاها حميد ..و هذي اول مره اجوف فيها عقب عقب ما اتصل فيني يبشرني بخبر طلاقي

نهله: وينها هجوره ..
نوره: راقده

نهله: فديتها
حميد: تشبهج !!

نوره: لا تشبه ابوها اراويها لك...
حميد: خليها ما يحتاي دام راقده الايام اليايه


مدري ليش حميد دوم يطري كلمة الايام يايه وايد مدري شو يقصد فيها رفعت راسي اطالعه ابتسم لي ..
نهله: زين بعد ما قلت انها تشبهك يا ويهي الطفولي
حميد+نوره= هههههههههه

خالوه مريم: نهله حميد احط لكم عشى ..
نهله: ما يحتاي تعشينا و الحمدلله

كنت متفجه مع خالوه اتم اسبوع في بيتهم بس الحينه مر اسبوع و كذا يوم عقبها قررت اني اروح الشقه ..عرض علي حميد مساعدته ..شليت اغراضي كلها..حسيت ان خالوه مريم كانت شويه و بتصيح لانها تعودت ع وجودي ووجود بنتي ..

خالوه مريم: يمه لا تقطعين تعالي زورينا ..لا تحرمينا من هاجر..
بستها ع راسها : اكيد ..باجر بييكم افا عليج نسيتي عندي سياره ..

خالوه : تحملي في الصغيرونه ..
نوره: ان شاء الله ..

كنت متلومه لاني برجع الشقه مع حميد ابروحي ...
نوره: حميد بمر بيتكم بسلم ع خالوه عايشه ...

حميد: زين روحي لي ما ارتب الاغراض في السياره ...
رحت بيت خالوه عايشه كانت خالوه عايشه ابروحها قاعده في الصاله اطالع التلفزيون حسيتبها مستانسه و طارت من الفرحه يوم جافت بنتي ...سلمت عليها و طلبت مني اتحمل في بنتي ..عقب ركبت سياره حميد..
حميد: نوره بنتج حلوه شراتج..

بلعت ريجي: لا حميد هذي طلعت تشبه ابوها ..انا مب جي شكل ويهي ..
حميد: بس فارس مب غاوي !!

من عينك الا غيران منه بس ع شوه بغار منه ..سكت ما علقت
حميد: رمستي عمور متى بيي ...؟؟

نوره: هي اتصل و بارك لي هو و خوله و يمكن عقب اسبوع .يوصلون البلاد .
حميد: يوصلون بالسلامه

اخيرا وصلت شقتي قبل ما يسالني حميد مليون سؤال ..شكرته من كل قلبي لانه ساعدني و خذ اغراضي و اغراض بنتي الشقه...شكرته..

حميد: نوره جان تبين حايه اتصل بي لا تستحين ...؟؟
نوره: ما اتقصير حميد

حميد: مب شرات هذاك اليوم اتصلتي بمحمد و خلود..يوم ربيتي ...اتصلي بي انا ما عندي شغله ..
انحرجت من رمسته ابتسمت له و همست: ان شاء الله ..

حميد: يالله انا بروح تبين حايه اماره ..؟؟
نوره: سلامتك ...

رجعت الشقه بس هالمره مب ابروحي معاي بنت فارس ...رتبت اغراضي و اغراض هاجر شرات ما سماها خالي احمد ..طاحت بيدي وساده الي فيها صوره فارس .

.حطيتها ابمكانها داخل شاطوحة هاجر خليها تتأمل ابوها يمكن اتجوفه بيووم .. و يطلع حظها احسن عن حظي ..بالبدايه كنت الاقي صعوبه اني اتكيف بها الوضع و معاي طفله ..

و ساكنه ابروحي حتى فكرت اني ارجع بيت خالتي مريم...بس الحمدلله خالوه مريم و خلود ما قصرن كانن كل يوم يزوروني و يقعدون معاي فتره ..

كل ها علشان هجور ..لو كنت ابروحي محد بنشد عني ...بالايام الاخيره خالوه مريم كانت طايره من الوناسه لان ايام بوصل عمور و خوله .. و بالمره خليفه و حرمته يمكن نفس اليوم ...

عاد هذيج الساعه بضطر اروح ارد حجرة فارس في بيت خالوه مريم دام عمور بسكن خوله في الشقه..اتنهدت ..يالله هناك اريح لي ..حميد ما قصر معاي كان كل يوم يتصل يسالني اذا كنت ابا شي ...و كنت كل يوم ارده و اشكره ...بهذاك اليوم افتقدت خالوه مريم و خلود ما يوو يزوروني ...

فكرت اتصل بهم ...نوره: هلا خلود وينكم ما ييتي لا انتي ولا خالوه ...؟؟
خلود: ترا خليفه بيي اليوم ...و بنستقبلهم المفروض انتي اتيين ..تعالي ...؟؟

نوره: امممممممم ما عندي حد اييبني ..و انا ما اروم اسوق و فوقي هاجر ..
خلود: بجوف محمد اوكى .. زهبي روحج ..

ياني ع الخط حميد اكيد يبا يسالني اذا كنت ابا شي ..فقلت لخلود: ابرايه محمد خليه
خلود: ما بتيييييين ..؟؟ شوووه .؟؟
نوره: حميد معاي ع الخط بجوفه جان بييبني ...؟؟

خلود: خلاص عيل وفرتي علينا..
نوره: ههههههه مع السلامه ..

خلود : في امان الله ..
رديت ع الخط نوره: الو ..

حميد: هلا ام هاجر اعلومج..
نوره: طيبه ؟.اخبارك..

حميد: بخير دام اني اسمع هالحس كل يوم..
سكت ماشي رد ................
حميد: نوره زعلتي ..

نوره: و ليش ازعل ..اممممممممم
حميد: شووه
نوره: ما سالتني اذا تبين حايه ...
حميد: هههههههه امري تدللي شو بغيتي ..

نوره: اباك اتوصلني بيت خالوه مريم لو سمحت بس اتيب معاك نهله لو سمحت ..
حميد: حق شو نهله اتخافين مني ترا عندج هاجر...

نوره: هههههههه لا نهله احسن ضخمه ..
حميد: هههههههه من اعيوني ..تزهبي بمر عليج لاني جريب ..
نوره: و نهله !!

حميد: شو اباها نهله مع ريلها ..اقولج انا جريب وايد اتزهبي بس انتي ..
نوره: خلاص عيل ما عليه هالمره بس ..
حميد: ههههههههه

نوره: ادري ادري بقلبك اتقول طرار و يتشرط..

حميد: و راسج الغالي ما قلت ..
نوره: ههههههه بس زين صدقت ..يالله بروح ازهب هاجر خلها تستقبل عمها ..
حميد: يا ويل حالي ..

نوره: حميد صكرررررررررررر
حميد: هههههههه مع السلامه ..

نوره : في امان الله ...

دشيت حجرتي و انا احس بالراحه لو خطبني حميد !! اوافق ..؟؟ معقوله بفكر يخطبني ..؟؟ ليش لاء ..لبست عبايتي و شيلتي .. و زهبت اغراض هاجر..وايقت عليها كانت راقده .

.بستها من بعيد..رن جرس الشقه

ابتسمت ل هاجر الي نقزت من سمعت الصوت بطلت اعيونها و ردت غمضتها قلتها ارمسها: يا ويل حالي فديتج شو حلوه ..اتريي ببطل الباب حق عمج حميد و عقب بيي اشيلج زين ..

بستها و ركضت صوب الباب سمعت الجرس مره ثانيه يندق اكيد هاجر بتنش الحينه من حشره ها الجرس ..
نوره: زيييييييييين لحظه ..

فجيت الباب و انا ابتسمت: تراك ازعجت..........

حاولت انطق اسمه بس ما قدرت حسبت اني في حلم ..كنت بقول فارس بس شي كان يكتم ع صدري و يمنعني من الكلام ابسرعه زخيت مقبض الباب علشان اصكر الباب ابويهه بس هو دز الباب و طرت انا داخل الصاله دش و صكر الباب ...غمضت عيني للحظه فارس فارس هني ".
.قريب انت وبعيد وفي بالي الوحيد
وحبك دنيتي واخر مداي..نعم نعم مشتاقلك وقلبي يبيك ومحتاجلك..كثر ما غبت انا مشتاق حبيبي الفرقا ماتنطاق..بسولف لك تعال عن اشواقي تعال..قريب انت وبعيد وفي بالي الوحيد..وحبك دنيتي واخر مداي..وينك ياغربه ايامي وسنيني ..وينك بعدك سكن كل الحزن روحي"

طاحت عيني بعينه ..جفت نظرات مبهمه ما قدرت افهمها ابحياتي ما توقعت اني ممكن اجوف فارس مره ثانيه كنت ارتجف و احاول اكتم أي احساس ممكن يخوني اشرت لباب الشقه و قلته: اطلع برع منوه سمح لك تدش..

ابتسم و كانه يتمصخر لي : مب قبل ما اخذ عنج تفسري الي سويته ..
نوره: توك اتفيجت اطلع برع اطلع من حياتي

طالعني من فوق لتحت ..حسيت بالاحراج نظراته ما اتحملها ..فاجاني يوم سمعته يقول لي
فارس: لها الدرجه مرتاحه في بعادي استويتي منطاد

ما يدري لاني توني امربيه طنشته و سالته: شو تبا ..ما يخصك فيني ..
تجدم خطوه فرجعت الف خطوه لوراي الين ما لصقت بالكنبه و طحت عليها ريولي ما شالتني ..
فارس : خايفه !! مني ..

نوره: ماشي رد .............
سالني: ليش لابسه عبايتج وين بظهرين ...؟؟

رصيت ع شيلتي علشان ما يجوف شعري خلاص انا مب ع ذمتك

ابتسم: بعدني ريلج..
بطلت اعيوني و قلته : انت مب ريلي ..

رد سالني: وين ظاهره اقولج ...؟؟​
 
كنت بصرخ بويهه و اقوله ما يخصك فيني بس صياح هاجر الي صدم فارس قطع علينا..تم يطالعني مصدوم مب مستوعب و كانه يتخيل لو ما كنت خايفه من الموقف كنت ضحكت ابويهه .

.من غير ما يقول أي شي .. قادته اريوله صوب الصوت لحقته ...خفت ياخذ مني بنتي ..جفت الصدمه مرسومه بعينه .وقفت حذال باب الحجره و انا اراقب فارس يوخي يطالع بنته ..

رد و طالعني و كأنه مب مصدق اعيونه ..كانت اتصيح شلها ..عفدت صوبه مدت ايدي: ييب البنت هذي مب بنتك..

فارس يدقق في ملامحها: تشبهني ...!!

صرخت عليه: مب بنتك ..

زخيت ذراعه علشان اخذها منه بس طاحت السلسله من رقبه هاجر و ظهر الخاتم الي كان فارس هداني اياه في يوم.. رديت لورا مصدومه و حطيت ايدي ع حلجي و ها الخاتم اللعين ما بغى يظهر الا الحينه ..
فارس: عيل ها الخاتم شو يسوي معلق هني ..

قلته و كان حسي به غبنه: عطني هاجر
طالعني شبه مصدوم: سميتها هاجر ..ع اسم امايه ..

نوره: خالي احمد مسمنها عطني بنتي
فارس: تبين تحرميني من بنتي شرات ما حرمتيني منج ..

ما رديت عليه لي ما صارت هاجر ابحضني فقلته: انت الي ما بغيت مب انا..
رد منفعل: انا !! منوه الي شرد و اختفى ..

نوره: انا لي الف عذر جان طلعت من حياتك لكن انت شو عذرك يوم انك طلقتني ..علشان تزوج عليا
صرخ علي : انا ما طلقتج ..منوه قص عليج..

رن جرس الباب سالني: تترين امنوه ..؟؟

ما قدرت اقوله حميد شو بيظن ..فسكت ................"ماشي رد"
فارس : انا بروح افتح الباب ...

يلست ع الشبريه و حضنت بنتي يالله ها من يظهر بحياتي تطلع لي الف مشكله الحينه شو بفكر يوم بجوف حميد برع ..يا ليتك ييت قبل حميد .رجعت و رقدت هاجر حطيتها بشاطوحتها .

.وقفت علشان اجوف فارس شو يسوي برع هالكثر تاخر ..بس دش الحجره قبل ما اظهر من حجرتي وقفت ابمكاني بوسط الحجره ..
فارس امحرج: تترين حميد ....؟؟شو يسوي هني ..
نوره: ما يخصك..

غمضت اعيوني يوم حرج علي: ارمسي عدل ..

منوه انت علشان اتحاسبني غبت شهور و الحينه ياي اتحاسبني ...رجعت لورا يوم زخني من جتفي و يهزني : بالاول كنت اظن شردتي علشان وليد بس الحينه تاكدت عشان منوه شردتي ..
شهقت: انت مينون هدني ...هدني مالك حق علي ..

يير عني الشيله و كأنه يبا يثبت لي انه من حقه يجوف شعري و يأكد لي اني بعده ع ذمته و دزني ع الشبريه حطيت ايدي كرد فعل طبيعي ع شعري صحت ما توقعت فارس بعده جي جاسي ردت هاجر اتصيح من حشرتنا ...

صك ع اسنانه: ابرايج ما تبيني ..و اشبعي بالي اخترتيه بس انا مستحيل اسمح لعيالي اتربيهم ام شراتج ..
سار صوب الشاطوحه كنت بنش من مكاني بس اتيبست يوم شال الوساده الي فيها صورته ..

طالعني بنظرات مستغرب ..ما عرفت شو اقول ..ارتحت بداخلي يمكن يغير رايه و يفهم اني انا ما تركته علشان افلان وعلان كيف يقول هالرمسه ..معقوله ما جاف رسالتي الي تركتها له بهذاك اليوم ..فر الوساده من ايده من دون اهتمام و شل هاجر ...

عفدت صوبه: بنتي ييييب بنتي ..وين بتاخذها

زخيت ذراعه امنعه و انا ميته من الصياح بس دزني و طلع من الحجره ..

حسيت الدنيا اتدور فيني ..ركضت برع شرات المينونه امنعه من انه ياخذ بنتي اكيد بياخذها بوظبي عند عليا صكر باب الشقه رجعت الحجره شليت شيلتي و لحقت بس تعثرت بالزوليه فطحت ع راسي مب حاسه بالدنيا ولا بعذابها .


مليون فكرة كانت في بال فارس بس كان يحاول يتجاهل كل شي و بنته بين حضنه ...كانت مرات اتصيح و مرات اتصخ ..
.شعور تأنيب ضمير ملك شعوره شو ذنبها هاي الطفله يحرمها من امها ..بس هذي ام ابد مب صالحه

..." من بعد غربه جيتك وكلي محبه..عجزت القى في عيونك حال..كل ما اشوفك صدا ونسيان
من العيون اللي حبتني...والا العيون اللي خانتني...كيف القمر تحزن في ليله قمرها..وكيف العيون تنسى ليالي سهرها..يا ليتني ماجيت ولا عن غربتي اقضيت...
ما دريت انه ورا غربتي غربه"


كنت اظن بستقبلين غير بتلمني بحضنها بس هذي نوره و الي يعرف نوره يتوقع غير الي تتوقعه ..حتى بعد ما صارت ام بعدها جاسيه...يالله كنت اقول في خاطري كيف هانت عليها عشرتي ..كيف هانت عليها كل لحظه حلوه مرت علينا خلتها اترد و ترجع راس الخيمه.. و الحينه كيف هان عليها اتحمل و تولد من غير ما اتخبرني .

.يعني انا لو مايت لها ما كنت دريت ان عندي بنت ...طالعها مره ثانيه باسها ...هذي بنتي و بنت نوره ..!! نوره !! سببت لي جروح اشكرها "

عذبتني وياك من صغر سنك..عمري مضى مابين شك وريبه..ضاعت بين همك وظنك..والمشكله حبك في قلبي مصيبه..ان اكن جرحي من غرامك ومنك..وش حيله اللي صار همك نصيبه"

وصل بيت ابوه احمد و كانت هاجر ميته من الصياح و هالشيء اربك فارس دش ابسرعه البيت يزقر مريم..
فارس: امايه مريم امايه مريم ...؟؟

طلعت من حجرتها : فارس !! بسم الله شو بلاها الصغيرونه ..
فارس: خليها عندج ..عطيها أي شي انا بروح الحينه..

مريم: شو السالفه وين نوره وين امها ...

باس امه مريم فوق راسها ....وطلع من عندها و هو يفكر و يوسوس اكيد نوره بتتصل ب حميد ايي ياخذها اتهبين .. انا سافرت الخارج شهرين علاج بس علشان ارجع و اردج معاي بوظبي ..مب ع كيفج اتقررين حياتج و انتي ع ذمتي ..مب انا فارس الي انتي تخدعينه و اتقصين عليه ...

كافي الي مضى خليتج ع راحتج وايد... يالله قلبي متعلق بانسان بس يدخلني من مصيبه و يطلعني من مصيبه.شو الي يخليني اتحملها و اصبر عليها و ضرب صدره صوب قلبه ماشي غيرك انت يا اللعين ....

.خمس دقايق وصل فارس شقة نوره ...ربع فوق الدري ما عنده صبر يتريا اللفت ...اتخيل حميد لو كان داخل شو بيسوي به بقطعه قطعه قطعه ...

كافي من ساعه عقيت له نغزات جان زين حس و فهم من ساعه يوم فتحت له الباب ...جفت عيونه كأنها بتطلع من مكانها يوم جافني انا الي فتحت الباب ع باله نوره ..

فارس رفع حياته: حميد !!

حميد مرتبك: هلا فارس ما توقعت انك تكون موجود ..
فارس تجدم : شو مب ناوي اتسلم علي ..
حميد منحرج يمد ايده بالخشوم: الحمدلله ع السلامه ...

فارس ابرود: الله يسلمك ..اتفضل !
حميد: لا انا كنت ياي كنت ابا اخذ نوره بيت خالوه مريم..
فارس مقاطعنه: قصدك بيت ابوي ...هاه لالا مشكور خلاص ريلها رجع لها .. و مب حاجه حق حد..
حتى لو كانت محتاجه و انا مش موجود ..ترا الوالد يطول لي بعمره و خليفه اولى ..
حميد ويه محمر من الاحراج: السموحه ..

فارس يبتسم ابرود و بداخله نار : حياك الله ..خلك ابعيد و مرتاح ما نبا انتعبك معانا ..
حميد مب عارف شو يرد يهز راسه و يغيب عن نظر فارس ..

و الله لو اجوفه داخل بجتله و بجتلها ...

وصل صوب شقة نوره فج الباب لانه ما كان امصكر دش شهق يوم جاف نوره طايحه و لا داريه ابعمرها..عفد صوبها يهزها نوره نوره ...للحظه بس حس انها جسد من دون روح ..يلس يهزها بعصبيه :نوره نشي نوره ...

" ناديتك..وانتظرت سنين..ناديتك..صوتي والصدى للان
ناديتك..ماحسيت ولارديت..غيابك..وصل افراحي الى الاحزان...اشوفك راحتي منك انا تعبان"



بس نوره ابد ماله أي حس او حركه ..
فارس يهزها : يا ويلج اذا متي و خليتيني ابروحي.. انا رديت علشانج قومي ..تحركي ..

ربع صوب الحمام الي لمحه داخل حجرة نوره .. و رشها ويها بالماي ...حس انها تبا اتبطل اعيونها بس مب رايمه الحمدلله المهم انها حية ...شلها و حطها ع شبريتها ...نزل عليها و تجرب منها
همس : نوره نوره .تسمعيني ...؟؟

زخ ايدها و باسها ورجع يزقرها: نوره ..بروح اييب لج طبيب لا تموتين دخيلج لا تموتين يا ويلج ان متي يا ويلج كافي كافي اشكثر عذبتيني بتحمل كل عذابج الا فراقج ما اصبر عليه

هزها مره ثانيه وحس ادموعه تنزل ع خده : انا ارمسج ردي ...

حس انه صار شرات المينون ...يرمس عمره او يرمس شخص بلا حياة...ربع برع يدور عيادة جريبه من البنايه ...سال كذا شخص اخرتها جاف اجرب عياده له ع الشارع الثاني ...

عشر دقايق و رجع الشقه و معاه الدكتور و الممرضه ...تم فارس يروح و يرجع في الحجره يتريا الدكتور ..الي كان يعالج نوره ..حس انه خلاص فقد صبره راح صوب الدكتور

امحرج: انت شو اتسوي يالله خلص
الدكتور: حاضر حاضر ...
فارس : يا برودك ...

الممرضه: ما يصحش كده يا اخ ممكن تستنى برع من فضلك علشان الدكتور يعرف يفحص المريضه...
فكر فارس احسن شي يسويه يطلع من الحجره و يتريا بالصاله لانه لو تم هني اكثر عادي يجتل الدكتور من الضرب ...طلع و قعد في الصاله يدعي ربه ان نوره اتكون ابخير ...

رن موبايله ..جاف المتصل ابوه ..
احمد: السلام عليكم..

فارس: عليكم السلام..
احمد: الحمدلله ع السلامه ...نوره قالت انك امسافر بس ما ظنيت جي بطول ؟؟؟

فارس مستغرب و نوره شدراها اني كنت امسافر: رديت البارحه ..

احمد: شو مستوي جي مخلين الياهل هني وين امها ..امك اتقول يبتها و كنت مستعيل ..خير ان شاء الله
فارس بلع ريجها : نوره تعبانه يبت لها الطبيب ..
احمد: و شو بلاها ...

فارس: مدري تعبانه الدكتور عندها ... بعدها اتصيح بنتي ..
احمد: هههههههه يبنالها خلود اترضعها ...

فارس: زين انا بجوف الدكتور بتصل بك عقب ..

احمد: طمنا ع نوره ..
فارس: ان شاء الله مع السلامه ..

قعد يحاوط في الصاله ابد ماله نفس يرمس ..تخيلوا عقب كل الي سواه ينهدم في لحظه ..

..​
 
.عقب ما اوهم نوره انه تزوجها علشان ينتقم منها ..كانت هاي الطريجه الوحيده علشان اقنعها ها سبب زواجي منها ...ما كنت ابا اثبت لها اني ميت عليها لي ما اخليها اتحبني ..شرات ما انا احبها ...

و عقب ما خططنا انا و عمور لي ما تزوجتها ... و صبرت ع كلامها الي دوم يجرحني ..تحملت تنغيزاتها ..عقب ما قلتها ان بريء من الي اتهمتني فيه شردت عني ...اه يا قلبي .

.و يوم اني لحقت بها سويت حادث و صارت وايد اشيا اخرتها اضطريت اسافر برع ..علشان ارجع بس عشانها ..كنت باخذها غصب رضت ولا لاء بس وجود البنت في حياتها كانت مفاجاه لي و خلتني اغير كل خططي ...عقب كل ها العذاب اتروح مني بها السهوله ..

.يالله ها الدكتور شو يسوي داخل ..فكر فارس يرجع حجرة نوره و يجوف الدكتور ليش طول ..بس طلع الدكتور من حجرة نوره و الممرضه تمت داخل ....ملامح الدكتور ابد ما اتبشر خير ..عفد صوبه و زخه من رقبته و صرخ عليه: قلتلك لا اتخليها اتموت ...
الدكتور: أي ده يا ابني الموت بيد ربنا ..

فارس ودموعه ملت عينه مصدوم: ماتت
الدكتور : سيبني حتخنئني ..سسسسيب

فارس يرص عليه اكثرو يهمس : نوره ماتت ماتت حياتي

الدكتور ويه محمر: لا الحمدلله بالف خير ..

حس فارس ان روحه ردت له ..هد الدكتور ابسرعه جنه متجزز منه ..
الدكتور : اشهد ان لا اله الا الله و اشهد ان محمد رسول الله..

فارس متلوم منه: اسف ما اقصد..
الدكتور: اتفضل يا قيس روح تطمن ع ليلى ..

ابتسم لدكتور مستانس مب ع تعليقه لا ..لانه تطمن ع غناته
الممرضه اتحط اغراض الدكتور في الشنطه : سلمتك يا نوره ...

غمضت نوره اعيونها ..تمنع دموعها انها تنزل الظاهر انها طاحت ع راسها ...هاه مب وقته ولا وقت دموعي ابا بنتي فارس وين وصل الحينه ..وين خذها ...ردت لارض واقعها يوم سمعت الممرضه ترمس و هي طالعه : الحمدلله ع سلامة المدام ..

حاولت ارفع راسي ..فارس هني يعني بنتي هني ...بس ما قدرت حسيت ابصداع تأوهت من الالم ..غمضت اعيوني لحظه عقب رجعت فجيتها جفت فارس واقف جريب مني ..

." وانا عيوني في عيونك تلتهي ..يا غايتي يا كل شي انت في حياتي ودنيتي..لو قلت احبك ما تسد لا ما تسد عن حاجتي..عندي كلام وايد كل العواطف فيه...لا جيت اقول القا الظروف تمنعني لا احكي"


يلس فارس ع طرف الشبريه كنت بنش بس شي منعني ..شوق دفين بداخلي خلني اطاوعه و انسى كل شي مر ابحياتي زخ ايدي طالعني و رمشه و عيونه و نظراته تعذبني ..بس كافي عذاب دخيلك..ما رمت اتحمل ..كل شي فيني بدا يفضحني ..صديت عنه اداري دمعه كانت بتنزل من عيوني ..

سمعته يقول لي بنبره زمان كانت تذبحني : تبين اتموتين و اتخليني ابروحي بها الكون ..؟؟

بطلت اعيوني و كأني اتوهم اني اسمع ها الكلام طالع من فارس رصيت ايدي ع ايده علشان احس اني ما احلم كمل كلامه : رجعتلج شرات المينون ع بالي

"ويقلد صوتها" حميدان هني ..
ابتسمت ع تعليقه ..لو كنت تدري بالاشهر الي طافت كيف حياتي كانت من دونك ما قلت حميد ولا غيره ..
فارس: طالعيني ...؟؟

تميت ابمكاني امعانده ...حاول اييرني علشان اطالعه ..بس بس كافي دخيلك..تجريح انا مستحيل اعيد الزمن نفسه ..خلاص سبق و انتقمت مني و دمرتني صديت صوبه و طالعته و كانت ايدي للحين في حضن ايده ..طالعته كنت بقوله كلام يعذبه نفس ما عذبني بس للاسف عيوني سبقت أي كلمه كانت بتنطقها شفايفي ..طاحت اعيوني بعيونه .و كأنه اتقوله

.." في قلبي شوك .. وفي عيوني شوك ..شوفي أصابعك انزفت .. من كثر ما لمست جروحي وجففت .. دمعي الحزين ....في صوتي ليل .. وف صمتي ليل .. "



فارس: نوره انا رديت و كان الف شيطان في راسي ..كنت ناوي ادمرجج اجتلج بالي سويته فيني بس دام هاجر طلعت في حياتنا ..انا سامحتج عن كل شي ..

شو ..اسمعوا شو يقولون ....كلامه صدمني .. وكأنها صفعه كانت بويهي ...سحبت ايدي من ايده .. و نشيت من ع الفراش و انا احس راسي بنفجر بس تحملت الصداع .. فارس تم ابمكانه قاعد ..
رديت عليه بانفعال: ع شوه اتسامحني ما انت خلاص دمرتني حطمتني .

.مب كنت دوم اتقولني بتدفعين الثمن..انا دفعته و عطيتك حقك و اكثر من حقك..الحينه بس ياي اتقولي سامحتج عقب شوه ..

عقب ما سحبت عني وظيفتي و خليتني ادور في الشوارع و انا شايله هم في بطني باجر كيف بربيها و أكلها و انته ولا ع بالك...عقب شوه ياي اتسامحني .

.عقب ما خليت مالي ويه اجابل اهلي ..عقب شوه ...و الحينه تبا اتعيش معاي علشان بنتك بس !!
بنتك ..!! ها الانسان حتى ينسيني بنتي سالته: وين بنتي ...؟؟؟

كنت بطلع الصاله ادورها ...بس وقف ابمكانه و تجرب مني حاول يزخني من جتفي بس رجعت لورا
: نوره حتى انتي دفعتيني ثمن غالي غالي ..

طنشته: وين بنتي ...؟؟
حسيت به حرج لاني قاطعته و طنشته فتم ساكت يطالعني ..

صرخت عليه: وين خذت بنتي ..يا الح.....

عفد علي و زخني من جتوفي : بس بس انتي موليه ما بتتغيرين ..بتمين جيه ع طول انسانه حقوده انانيه ما يهمج غير نفسج ..

حسيت ان روحي بتطلع من اسباب كثيره...رفعت راسي اطالعه بنظرات خوف ..
فارس: شردتي و رديتي راس الخيمه و الله اعلم من ردج ..

قاطعته و انا ميته خوف منه: دام يهمك ليش ما لحقت بي ترييتك اسبوع في الضاحيه..
بطل اعيونه: الضاحيه !! "

استغربت من نظراته الي كانت متشككه و كأنه مب مصدق كلامي ..حسيت ان ثقتي رجعت لي ..و صارت الكره بملعبي فقلته ها المره من دون خوف : هيييييييي ليش اطالعني و مب مصدق كلامي ..الحينه ياي اتحاسبني ..عقب ما طلقتني

رد محرج: انا ما طلقتج
رديت : امبلى احميد قال لي ..

فارس: و انا متى جفت حميد او رمسته علشان اقوله اني طلقتج ..جذاب ...
همست: حميد جذاب ليش يبا يقص علي ..
ابتسم يتمصخر: علشان ياخذ راحته معاج ..

بلعت ريجي يوم سمعت جوابه طنشت مصخرته و سالته :ويوم انك اخترت عليا شو تبا فيني و في بنتي ..

فارس مستغرب : اخترت عليا !! انتي شو قاعده اتخربطين ..و شو دخل عليا بالسالفه ...؟؟
حررت نفسي منه و رحت ابعيد و دموعي كرهتها و هي تنزل بس ما كنت اقوى اصدها وقفت اطالع البحر من ع دريشتي سندت راسي ع اليدار و

انا اصيح : حاولت اكسبك بس انت كنت دوم جاسي ..كنت ادفعني ثمن غلطه و انا مالي ذنب فيها ..اهنيك تراك نجحت في كل شي "غمضت اعيوني بعذاب" خليتني احبك خليتني اتعلق فيك.. خليتني اكتبلك رساله اخيرك بيني و بين عليا عقب ما جفت رقمها ع شاشه تتصل بك..

بس كنت واثقه انك بتختارني ..لانك اوهمتني انك ميت فيني ..رحت الضاحيه..تريت يوم و ما ييت يومين و ثلاث و تميت اسبوع ..صدمتني ..

حسيت باليأس و انا اتذكر كل العذاب الي مريت به ما تحملت يلست ع الارض اصييييح منهاره ..تجدم مني فارس يزخني صرخت عليه : لا تمسكني اطلع برع "و يلست اضربه ع صدره

" اطلع من حياتي اطلع ..

بس تم زاخ ايدي حسيت اني ميهوده ..فيلست اصيح و اصيح.. و هو صاخ..حط راسي ع صدره كنت احس اني مذلوله من هالانسان ..بنفس اللحظه احس بالراحه راحه ماذقت طعمها من سنييييييين ...بس اشمعنى من هالانسان بالذات احصل الراحه و الامان اشمعنى .

.انتبهت لنفسي فبعدت راسي و نشيت من مكاني و رحت ايلس ع الشبريه ..وقف ابعيد عني رفعت راسي اطالعه جفته يطالعني نظراته حرقتني نزلت راسي و همست: لا اطالعني جي ..ما احب نظراتك ..اكرهها ..
بس سؤاله كانت مثل الصاعقه : وين الرساله ...؟؟

طالعته ................." ماشي رد"
تجدم مني : انا ما جفت أي رساله ...

نوره: كنت محطتنها ع طاوله الطعام..

رجع و طالعني بنظرات الشك..صرخت عليه: ابرايك لا اتصدقني بس روح اسال خان اذا كنت هناك بالضاحيه مدت اسبوع اولا لاء .ولا ليش تساله تراني خليت الموبايل الي هديتني عنده علشان يعطيه لك
تم فارس ساكت ..صد رجع يطالع برع من الدريشه..صمته ذبحني ..؟؟

موتي و اعرف بشوه يفكر ...؟؟تم ساكت فتره ..عقبها طالعني نقزت متروعه يوم صد فجأه صوبي
سالني : انتي ابخير الحينه ...؟؟
سؤاله فاجأني بس هزيت راسي بمعنى هيه ..

فارس: زين شيلي اغراضج و اغراض هاجر ..
رديت ابسرعه: ما برد معاك بوظبي ..

فارس: ما بتردين باخذج بيت ابوي ..هاجر هناك ..
وقفت ابسرعه البس عبايتي و شيلتي : بروح اييبها ما بتم هناك ...

فارس: تمي جم يوم ..
رديت امعانده: مستحيل اتم في حجرتك يوم واحد ما اطيقها ..

صرخ علي : باجر عمور و خوله بييون ..اكيد عمور بقعد خوله هني خليهم ياخذون راحتهم ...
صراخه و كلامه خلني اسكت و ما ارد عليه ...

شليت اغراض الي بحتاجه لي و ل هاجر..مدري شو اقولكم هالانسان خبله ..ولا تخبل ..ولا غريب ...ولا شوه سالفته..ليش فجاه سكت و غير رايه ..شو بلاه ..

.ركبت معاه السياره من غير ما انرمس بعض ..طالعته جفته بعالم كان سرحان و كانه في مصيبه ...خليه يحس بالندم خليه يتعذب ..لو شوه اتسوي ما رديت لك ...

و اسفه اذا قلتلك صعب الرجوع كافي الي حصل ما اقدر اتحمل اكثر ...

كن راضيا بما قسمه لك المولى .. و اطمح دائما نحو مستقبل مشرق باسم ...ولكن حذار أن تؤذي من حولك بكلمة جارحة ..نظرة قاسية ..أو حتى همسة تشعره بها انه أقل منك في أي شيء أو كل شيء​
 
(( الحلقة الثلاثون ..و الاخيرة ))

وقف سيارته عدال بيت خالي احمد ...كنت ببطل الباب بس زخ ايدي و قال لي ..
فارس: لحظه نوره ...
طالعته من غير ما ارد عليه ...
فارس : انا برجع بوظبي ..
طاح قلبي من مكانه ..مع اني ادري خلاص بتكون حياته هناك..ليش حسيت بها الشعور ..سويت ابروحي مب مهتمه و قلته : شي يعنيك..

فارس : يعني ما يهمج ..
رديت له ابسرعه و قلته: لاء ..ما يعنيني ...خلاص الي بينا انتهى ...
فارس: عطيتج فرصه ترمسين و اتقولين اعذارج ولي حق انا بعد انج تسمعيني ...

ابتسمت اتمصخر عليه: اسمع !! متى ..ما انت رايح بوظبي ...والا مالك ويه اتجابل عمور ..لا اتخاف عمور ما يعرف شي ..


زخ ايدي ورص عليها بعصبيه كنت بصرخ بس كافي تعابير ويهي الي فضحت احساس الالم
صك ع اسنانه و قال: انا أول ما رجعت من المانيا اتصلت به و كلمته ..و بعدين لو انا منج بستحي اخمن أي شي عقب ما عرفتي انج ظلمتيني ..صح..

حاولت ايير ايدي اعترف كلامه صحيح بس يولي ما شي فايده نحن اندور و اندور و نرجع ع نفس النقطه ماشي تقدم...قلته: هد ايدي ...هدها
فارس: صح كلامي ..
طالعته بنظرات عذاب: بسك بسك اتعذبني..
فارس ولا جني ارمسه: كلامي صح ولا انا غلطان ..

رديت باستسلام ..ترا محد اييب راسي غير ها الي اسمه فارس : صح صح بس عاد بتجلع ايدي ..
يلست افرك ايدي من الويع و هو قاعد يطالعني غايضتني نظراته فقلته : ان شاء الله اتروح بوظبي و ما ترجع ..
فارس: هههههههه امي اهلي زوجي بنتي هني كيف ما ارجع..
صرخت عليه لانه يحاول يستفزني: انا مب زوجتك و هاجر مب بنتك..
و نزلت ابسرعه من السياره ... و نزل معاي ..دشينا بيت خالي احمد..نسيت ان اليوم خليفه بيي من السعودية ..انصدمت يوم جفته و جفت شيما قاعدين في الصاله ...

وقف خليفه يسلم علينا : اخييييييييييرا جفنا نوره ..
ابتسمت من خاطري : خليفه اشحالك الحمدلله ع السلامه ..
خليفه : الله يسلمج..انتي شحالج عاش من جافج..
نوره: هههههه الله يخليك تسلم...
خليفه: هييييييييي ها

نوره: بس بس لا تبدا الحينه ..
سلمت ع شيما: مبروك عليج العمره ...
شيما شكلها اتلومت من فارس : الله يبارك فيج..

خالوه مريم: شحالج نوره قالولي تعبانه ...
يلست ادور: الحمدلله ابخير وين بنتي ...؟؟؟
خالوه مريم: بنتج راقده في الحجره ..
سمعت فارس: اشحالج شيما ..
شيما : الحمدلله ربي يسلمك...
خالوه مريم: يالله نجمعنا ع خير اليوم خليفه ياه و باجر ان شاء الله خوله اترد بالسلامه ..
رحت صوب حجرتي ما سمعت أي رد لكلامي خالتي مريم..حسيت للحظه بشعور حميل .

.شعور مفتقدتنه من زمان..شعور يخلي الواحد يقدر الحياة الي هو عايشنها و ما يفرط فيها ...حياة الاسرة ..شلت بنتي من داخل الشاطوحه..حضنتها و يلست ابوسها ابتسمت يوم قعدت اتصيح لاني ضايجتها و خربت رقادها ..حطيتها في فراشها ..

و قعدت اتاملها ..باجر خوله و عمور بيون الله ..الدنيا ما بتشيلني من الوناسه ....لحظه..لحظه..فارس من ساعه طرا لي المانيا كان امسافر المانيا !! شو يسوي ..؟شهر عسل يديد !! يمكن ليش لاء ...انفتح باب الحجره ..عدلت بيلستي يوم جفت فارس داش الحجره ..

.كنت بقوله اطلع برع حجرتي بس هذي حجرته ..ياه صوب شاطوحة هاجر نزل باسها ...عقب شل غتره من ع راسه و فرها بعيد عنه و انسدحت ع الشبريه الصوب الثاني ..طالعته ..غمض اعيونه حسبته تعبان ..شايل هموم الدنيا فوق راسه تمنيت اعرف بشوه يفكر ..مدت ايدي اهزه ع بالي

رقد: فارس ..رقدت
فارس ..................."ماشي رد"
دام انه رقد فكرت اروح اقعد مع قوم خليفه و شيما شويه اسمع اخبارهم ...لبست شيلتي البيضه..ههههههه ضحكت ع عمري ..اول مره البس شرات ها الشيول لالا و في بيت خالوه مريم ... سرت صوب الباب يبست ابمكاني يوم سمعت فارس يزقرني : وين رايحه ..؟؟

التفت صوبه: ع بالي راقد ...كنت بروح اقعد مع قوم خالتي ...؟
اشر مكان ما كنت يالسه: تعالي قعدي ابا اسولف معاج..

تميت واقفه ابمكاني ما بينا سوالف اظن كل شي بينا انتهى ...كرر جملته و هو طفران: تعالي ..
فسخت الشيله لاني كنت احس شكلي غلط .. و قعدت بس مب ع الشبريه مكان ما اشر لا يلست ع الكرسي ..
قعد و طالعني انحرجت من نظرات فنزلت راسي العب باصابعي شو يبا مني ..

سالني: ما يهمج تسالين شو بسوي في بوظبي لو رحت ...؟؟
هزيت جتفي اوني مب مهتمه: هناك حياتك شو يهمني اعرف ...
فارس : انتي الظاهر خلاص ما تبيني ..

قلته و انا مقتنعه بكل كلمه اقولها : انا اتريا عمور ايي باجر .علشان اخليه يطلقني منك مثل ما زوجني ..
طالعني بنظرات المصدوم ...و كأنه مب متوقع كلامي ...
فارس: يالله هالقساوه من وين لج...

نوره: من الدنيا ..
فارس: ما اتهمج بنتج ...اتعيش من دون اب ..

وقفت: انا عشت من دون اب و انت معظم حياتك عشتها من دون اب ..شو تفرق يعني ...
وقف فارس و ياه صوبي صدقوني خفت منه بس تميت واقفه ابمكاني شو بيسوي لي يعني ..
حط ايده ع جتفي طالعته ما قدرت اقاوم نظراته ...

هذي نظراته تذبحني كانت مليون كلمه في عيونه بس انا ما قدرت اقرا أي كلمه تهت و ضعت في بحر اعيونه يالله شو عذاب هاي العيون ..ما اقدر اتحمل ..لو تميت جي دقيقه عادي انزل احب ريوله و اقوله حبي مثل ما انا احبك..

علشان جي تدارك الموقف و صديت الصوب الثاني بس زخني من لحيتي و جبرني اطالعه غمضت اعيوني و انا ارتجف كنت بزخ ايده و ابعده عني بس خفت خفت يحس برجفتي ..
فارس همس: ادريبج اتموتين علي بس انتي اتكابرين..

شهقت يوم سمعت جملته ...فتحت اعيوني اطالعه ..ابتسم: قولي انج ما اتحبيني يالله قولي
حسيت ان فارس قاعد يلعب لعبته كرر جملته: يالله قولي انج ما تحبيني و تبين اطلقج ...
رديت لورا و انا اتنفس بصعوبه و شريط عذابي و انا حامل ابنتي و يوم كسر خاطري و انا اترياه في الضاحيه اسبوع كامل من غير ما يسال عني خلني
اقول ابسرعه : انا ما احبك..ما احبك..

و عطيته ظهري و يلست اصيح.كملت كلامي: تبا تلعب بمشاعري
تجدم منها: نوره انا و الله اح....
قاطعته: انت هاوي تعذبي بس ..

جفته ياخذ نفس طويل و كأنه تعب خلاص ..راح صوب غتره شلها و حطها ع جتفه .. و راح يبوس هاجر ..و طلع من الحجره ...رجعت فوق الشبريه و انا اصيح..هذا هوه فارس بس يظهر علشان يعذبني ..زبس بعد غيابه يموتني مب يعذبني ؟؟؟

في اليوم الثاني ...ما قدرت اطلع برع عند قوم خالاتي ..لاني كنت احس بصداع .. فراق فارس .. و غير اني ما رمت ارقد ...ع الاقل لو كان يحبني كنت رضيت اعيش معاه لكن علشان هاجر ..

.يبا يكمل حياتي معاه انا ما اباه ...يلست ارتب فراشي ..عقب ما رقدت هاجر ..سمعت دقه ع باب حجررتي ...
نوره: تعالي خالوه انا مب راقده ...

اتبطل الباب حسيت بقشعريره يوم طاحت عيني ع خوله الي كانت شايله ذياب في حضنها ...صرخت مب مصدقه اعيوني ركضت صوبها و حضنتها ... يلسنا يمكن دقايق و نحن حاضنات بعض ..و خوله كانت اتصيح ..

خلود: حرام عليكم فعصتوا ذياب ...
خوله تمسح دموعها: ههههههه يا السباله وحشتيني ...

خذت عنها ذياب : اشتقلتلكم و الله ..ابيه ها يشبهني ولدج "وبسته"
خلود: ههههههههه ما يخصج

خوله: وينها وينها ..اكيد تشبه عنتها ...
راحت صوب هاجر و شلتها .. و يلست اتبوسها ...
نوره: جوف جوف خطيبتك ....
خلود: اترومين له عنده جواز لندن..

خوله: يا حافظ ..
شهقت: وينه عمور ....؟؟
خلود: شكله ياي اسمع حسه بالصاله ...

كنت بطلع بس دش .حطيت ايدي ع حلجي و تميت واقفه ابمكاني اصيح..صحيح كنت شايله جبال من الحقد بالي سواه فيني .. حتى يوم اني بالفتره الاخيره صار بينا كلام بالتلفونات بس ما اتخيلون كيف شعوري و انا اجوف عمور جدامي ...ابتسم لي : الظاهر لازم انا ادش و الوي عليج ..

انتبهت اني واقفه ابمكاني حضنته و يلست اصيح و كأن شي غالي فقدته و رجع لي ...
عمور يمسح دموعي: نوره اتصيحين ...؟؟صرتي حساسه..

ضربته بجتفه: ما بخليك اتغيب عني مره ثانيه بسافر معاك...
تفاجات و انا اسمع صوت فارس عند الباب : ردينا ع طير يلي ...
طالعته مستغربه فارس راح بوظبي علشان اييب خوله و عمور من المطار معقوله !! ليش ما قالي !!
خوله: عمر تعال جوف بنت فارس ..

شل عمور هاجر و قعد يلاعبها ...
خالوه مريم: ليش متيمعين ابحجرة فارس تعالوا الصاله ...
خوله: نوره خبريني شو سويتي سنه كامله بعيده عني ...

طالعت فارس كان يراقبني طنشته و ابتسمت لخوله ...لاحظت خوله الموقف الي صار فصخت جنها عرفت ان علاقتي ابفارس مب لهناك او شي حواجز من بينا ...يالله ..عمور كان متضايج من فارس بالي سواه فيني كيف الحينه كسبه ..هاه فارس ما يضيع وقت ...



خليفه: أيه يالله تعالوا الغدا ..."كانت خلود بتطلع" خليفه بس للشباب ممنوع الحريم..
خلود: طوف بروح اجوف محمد ...
خوله: هههههههههه خلود خذي ذياب عند امايه وينها حرمتك...؟؟؟ خلوف ..
خليفه: بحجرتها ...جي ما سلمتي عليها ...

خوله: امبلى بس اسال عنها ......
شليت هاجر من عن عمور و قلته: عمور روح تغدا ...

دقايق و الكل ظهر من الحجره و تمينا انا و خوله ...يلست ع الشبريه : نوره صار عندنا عيال ..؟؟
نوره: تغر كل شي خلال سنه صح..
خوله: وايد اشيا ...اخييييييييييرا رديت دار زايد..

نوره: ههههههههه امنوره الدار ..
خوله: شخبارج ويا فارس و اهله في بوظبي ..اندمجتي معاهم ..؟؟

هزيت راسي بمعنى هيه ما ابا اخبر خوله ما ابا اضايجها ...ابا احل مشاكلي ابروحي ..
نوره: متى وصلتوا ...؟؟
خوله: البارحه ف، ليل ..استقبلنا فارس في مطار بوظبي .. جفت شقتج وايد حلوه ...
نوره: ليش بتوا هناك ..؟؟
خوله: هيه ....كنا بنروح الفندق بس فارس رفض ...
تضايجت ليش فارس ما خبرني البارحه انه بروح يستقبل قوم عمور في المطار ..هاه علشان جي حرج علي البارحه في السياره ..
خوله: نوره ضعفتي .... وايد..
نوره: حتى انتي ...بس انا فارس يقولي صرت منطاد..
خوله: ههههههههههههههه


بهذاك اليوم مر علينا ..بسرعه رغم الوناسه الي كلنا حسينا بها و غير اللمه الحلوه ...كل شي كان حلو النفوس راضيه متصافيه..تيمعنا عقب سنه كل واحد راحه ابدربه..الا انا و فارس ..كان هناك شرخ كبير في حياتنا .. شرخ ..يمكن محد لاحظه غير عمور ...

.و اترييت اليوم الي عمور يرمسني عن فارس علشان اطلب منه يطلقني منه مثل ما زوجني ...

علاقتي ابفارس عقب ما رجع و عقب ما رد عمور من السفر ..صحيح كان يزورني باستمرار ..هو و خوله في بيت خالي احمد...بس هالشي ابد ما عدل علاقتي ابفارس ...بالعكس كان يوم عن يوم نبتعد عن بعد...
حتى انا مدري ليش كل يوم أأجل كلامي مع عمور ..بخصوص علاقتي ابفارس ...الشي الغريب ان فارس من رد عمور من لندن ما راح بوظبي ..غريبه !!! كل شي تغير .معاملته معاي بروده تطنيشه ..حسبت ان فارس غير معاملتي له لان خلاص لعبت الانتقام خلصت و صارت هاجر بحياتنا ..فظنيت ها السبب بس اخر مره صار بين كلام اثبت لي ان فارس عمره ما بتغير و خاصه قبل يومين كنا في بيت خالي احمد ابروحنا لان خالي احمد و خالوه مريم و خليفه و زوجته راحو صوب دبا .

.شل هاجر من حضني و حطها في حجره و قالي : ابوي يبانا نلحقهم
رديت عليه و انا اتأمل ملامح ويهه : وين ..دبا.؟؟
فارس : لا راحو يقيضون في مسندم ...

من سمعت هالجمله تذكرت هناك ابوي التقى باماية اول مره و بنفس هالحزه ..بالقيض ..
سالني : وين سرحتي ..
رديت ابسرعه: انا ما بروح ..
فارس: ليش تعالي انروح انغير جو..

هزيت جتفي : اذا تبا اتروح اتفضل لكن انا لاء ..
حسيت انه يبا يعاندي يوم قال: و اذا بغيتج اتروحين غصب ..

طالعته بنظرات مدري شو اوصفها لكم..فارس عمره ما بتغير بس في باله شي واحد انه يعذبني ...
سالته: خوله بتروح ..؟؟
حط هاجر ع الشبريه ووقف و جنه بيظهر من الحجره:لا

مدري كيف طلع مني ها السؤال : و انت ..؟؟

طالعني علقت اعيوني بعيونه ..كنت ابا اشيل عيوني بس خانتني نظراته يا ربي كيف تذبحني نظراته..يالله لها الدرجه هالانسان امعذبني ..للحظه فكرت اروح اهرب منه بس صدمني يوم

قال: اذا بتروحين بروح..

بلعت ريجي : ما بروح ..
حط غتره ع جتفه و قال ابرود : أحسن ...

و طلع من الحجره ..فريت المشط الي كان بيدي ع الباب و كأني ابا اطلع غيضي و قهري بها الباب ..شهقت يوم انفتح الباب فجاه فارس: هبله انتي ..؟؟
حطيت ايدي ع حلجي من المفاجأه ضايجني اسلوبه فرديت عليه : ما يخصك فيني ..
تجدم مني بعصبيه و زخني من ايدي : مليون مره قلتلج لا اتقولين ما يخصك فيني ..للحين انا زوجج و بتم..
يلست اتنفس بصعوبه يمكن الخوف : هدني ...انا ما ابغيك
كنت احاول اييير ايدي منه بس صرخت يوم حط ايده ع راسي و جربني منه ..حسيت بنبرة صوته شايل علي غيييض من زمان فصك ع اسنانه و قال : انتي ع بالج بها الاسلوب ..تظنين بطلقج لو تموتين ..
غمضت اعيوني و انا كارهه نبرة صوته كارهه تهديده ..

.و كاره دموعي الي شقت طريجها ع خدي و هو يكمل كلامه : و الله يا نوره لو شو اتسوين ..ما بطلقج و خلج جي عايشه شرات المعلقه لا انتي متزوجه ولا انتي امطلقه .
رغم الخوف الي كنت احس بها ..بس مجرد ما هدني عفدت عليه اضربه ابصدره و انا اصرخ عليه: طلقني طلقني انا اكرهك احتقرك يا الحيوان

سمعت صراخ هاجر اتصيح متروعه من صراخنا انا و ابوها ..دزني بعيد عنه فطحت ع ظهري فوق الشبريه ..ووقف ابعيد و جنه متجزز مني ..و طلع من الحجره يلست اصيح منهاره ..من غير تفكير دورت موبايلي و اتصلت ب عمور ...

عمور: شو بلاج ..؟؟
كنت اصرخ و اصيح و ما كنت عارفه اذا فهم علي او لا : تعالي ابسرعه
عمور: شو فيج نوره اهدي ..
صرخت عليه: بتيي ولا شووووو
عمور: زين دقايق بكون عندج ..
ادري فارس بروح يشتكي له مني و بترس راسه رمسه عني ..يلست احط ثيابي في الشنطه و اشيل اغراض هاجر ..دقايق رن موبايل حسيت اني هديت شويه و كان المتصل عمور رديت عليه
عمور: شوه هديتي ..
مسحت دموعي باصابع ترتجف: انت برع اطلع لك..
عمور: انا بدش شوه ما تبين اضيفين اخوج ..
صرخت عليه: انت متفيج ..
عمور: زين لا تحرجين ...​
 
ثواني و دش علي عمور الحجره ..ما كان يحتاي يستأذن لان البيت فاضي محد فيه غيري و غير هاجر عقب ما ظهر فارس ...من جفت عمور ركضت شرات الياهل اصيح بحضنه ..رفعت راسي اترجاه: طلقني منه تسمع طلقني ...؟؟
يلسني ع الكنبه من غير ما ينطق باي كلمه ..عقب ما حسيت ان حيلي انهد خلاص و تعبت من الصياح ...و عمور كان يراقبني ..رفعت راسي اطالعه : انا تعبانه ..عمور ..انت ما تدري بحالي ..
صدمني رده: حتى فارس تعبان ...و متبهدل شرات ما انتي متبهدله...حرام الي اتسوينه نوره..
شهقت: لحق يرمسك لحق يترس راسك بكلامه ..
ابتسم و جنه يرمس ياهل : نوره نوره ..فارس قالي كل شي قبل ما اوصل البلاد ..
رديت ابسرعه: شو يعني اكيد قص عليك برمسه من عنده..
زخ ايدي : نوره ..انا واثق و متاكد انج تعزين فارس كثر ما يعزج و يمكن اكثر ...
يرت ايدي ابسرعه ووقفت: شو قالك فارس شوه جذب عليك..
عمور: انا لا بوقف معاج ولا مع فارس انا مع الحق ..و ترا فارس قال لي عن الرساله الي كتبتيها
شهقت: و يعني قالك انه اختار عليا و تخلى عني و كيف اتبهدلت و انا حامل ب هاجر كل هاه و بعد تدافع عنه ..
طالعني عمور : نوره فارس ما جاف الرساله الي كتبتيها..بس من عرف انج ظهرتي من بوظبي ..لحقج..
رديت ابسرعه: جذاب جذاب ..."صحت" ترييته اسبوع بحاله في الضاحيه ليش ما شرف "
رد عمور بانفعال: و هو شدراه انج في الضاحيه اقولج ما جاف رسالتج..ع باله رجعتي راس الخيمه بس سوا حادث
طالعت عمور مصدومه و كاني كلامه كانت شرات الصاقعه ع اذوني ما قدرت ارد او انطق باي كلمه ..فارس سوا حادث ..؟؟ متى ..؟ و ليش محد خبرني !! وينها زينب !! و ينه فيصل ليش محد خبرني !! حتى لو سوا حادث هاه ما يعذره يغيب ست شهور بس عمور قطع علي حبل افكاري
و كمل كلامه : علشان جي فارس قطع كل العالم ..ما قام يتصل فيني ولا يتصل بخالي احمد ..
يلست و بعدني مصدومه: عرفت انه قطع اهلي يوم خلود سالتني عنه و كلهم سالوني عنه حتى انت بس ها ما يعذره انه يتصل ..
عمور: كيف يتصل و هو كان بغيبوبه ..
دارت فيني الدنيا ..رفعت راسي ادور الصج بعيون عمور ..ما جفت غير ملامح متأثره بوصف حال فارس ..تهت و انا يالسه جريب من عمور ..ضعت و انا قاعد اسمعه فارس كان بغيبوبه ...دمعت اعيوني من غير شعور
همست: ليش ما قال لي ..؟؟
عمور : انتي ما عطيته فرصة شرحتي له ظروفج لكن ما سمحتي له انه يتكلم...و يبرر غيابه..
بلعت ريجي مب رايمه ارمس مسح عمور ع راسي بحنان و كأنه يخفف عني ..وقت ما فارس كان محتاجني كنت هني متبهدله اه يا ربي يا ليت الكلام الي يقوله عمور كله جذب بس كيف اجذبه و انا اجوف هالتعابير مرسومه ع ويهه رفعت راسي و انا اسمع
عمور يقول : نوره فارس وايد تعذب ..عقب ما نش من الغيبوبه ..تشلل شلل مؤقت ..و سافر المانيا يتعالج.. و اول ما طاب ..اتصل فيني و خبرني كل شي ...تدرين ليش خبرني كل شي مب علشان انا رفيج عمره و اخوه لاء ..علشان ادورج و اتطمن عليج لانه كان يحاتيج..كل ما اتصل بخالي احمد ..خالي احمد يسال عنج ..علشان جي كان يحاتيج..و انتي الهبله كنت هني براس الخيمه من غير ما اتخبرين حد ..
كنت بصرخ و اقول عمور بس اسكت ...ها كله ما يبرر ..سالفه انتقامه و غير سالفه عليا ..
عمور : فارس و الله يعشق التراب الي تمشين عليه..
عمور ما يعرف شو يقول مستحيل فارس يحبني فارس تزوج مني علشان ينتقم بس ...بس ما اقدر اقول هالكلام حق عمور ...
عمور: شو بعدج تبين اترجعين معاي البيت ..
سرت صوب هاجر و قعدت جريب الشاطوحه و قلت: هي اذا فارس يعشقني فأنا اكرهه ما اباه .
***
رفع فارس راسه من ع سكان السياره .. و خذ نفس طويل يا ربي انا ليش سويت جي ..انا حلفت ان رديتها ما امد ايدي عليها..بس هي تستفزني ...يالله كيف تكرهني هالانسانه ...فتح باب سيارته و نزل منها و راح صوب البحر .. و قعد ع صخره.. الموج يضرب الصخر بكل قسوه ...حط ايده ع خده يراقب الموج ...شسوي ..كيف اخليها تحبني ..معقوله ما اتحبني !! هاجت به الذكرى في بوظبي و في البحرين ..يتذكر نظراتها ..ابتسامتها ..كلامها ..!! معقوله كل ها تمثيل ..كل شي فيها ينطق انها تحبني ..حتى اعترف لي يوم ما كتبت الرساله ..قالت انها اتحبني ...عيل ليش تجنبني هالايام...ليش كارهتني
غمض اعيونه و هو يتذكر باليوم الي راح فيه بوظبي عقب ما قالت له عن سالفه الرساله ...بها اليوم راح يحط النقط ع الحروف ...عقب ما استقبل عمور و خوله من المطار ..راح الضاحيه.. و لقى الموبايل عند خان.. و بالفعل نوره كانت هني ..خان حكى له كل شي ...ووصف له البنت الي يت خذتها من الضاحيه هذي اكيد رفيجتها نوف الي جفناها هذاك اليوم في المطعمم ...تنهد اه يعني نوره ما جذبت يوم انها قالت كتبت الرساله ...الرساله !! بس انا ما جفتها ...!! منوه شلها ...لحظه لحظه يا فارس ...نوره كتبت الرساله لانها ع قولتها جافت اتصال من عليا علشان جي خيرتني بين عليا و بينها ..و الله يا نوره لو كنتي تدرين انج بكف و العالم كله بكف ..ما كنتي كتبتي الرساله ولا صار الي صار ..لحظه لحظه...عليا اساسا ليش اتصلت..علشان !! علشان !! تذكر يا فارس ...ايوووووووه علشان اتذكرني بواجب مها .. و مها اصلا كانت رايحه شقتي علشان تاخذ ورقة واجبتها !! بس الحينه فهمت كل شي ...الحينه وضحت الصوره ..
رحت بيت مها ابارك لها بالولد و بالمره اسالها ..
فارس: مها ابا ارمسج بسالفه خاصه ..
خالد : يعني نطلع برع ..
فارس: لالالا ههههههه انا باخذ منك حرمتك دقايق و باخذها المكتبه ..
مها: زين يالله ..اكيد تبا اتقولني شي يونسني .
الظاهر كانت تظن اني ابا اخطب عليا ..سبقتني ع المكتبه مستانسه ...دشيت عقبها المكتبه و يلست اطالعها بنظرات ..اختفت ابتسامة مها يوم جافت نظراتي الجاده ...
مها مرتبكه: شوه فارس ..؟؟
فارس: انا عقب ما رجعت من السفر ..رحت راس الخيمه صوب اهلي ..
مها مب رايمه اتحط اعيونها بعيوني : زين شو يعني ...
اتجدمت منها و سالتها ابرود: نوره قالت لي عن الرساله ..
مها تنكر: أي ايي أي رس رسا رساله
فارس ماسك اعصابه: مها انا للحين ارمسج بالزين..انطقي قبل ما اخليج ترمسين غصبن عنج..
يلست ع الكرسي الجريب منها و كانت بتصيح بس فارس سبقها: ما اريدج اتصيحين او تضايجين..بتمين غاليه عندي ...بس ها مب معناتها اني اسمح لج تهدمين حياتي و خاصه مع الانسان الي هويتها ..
مها: كنت اباك ترجع ل عليا..
رد بانفعال: عليا ما احبها ..ما اباها ...حتى لو تفارقنا انا و نوره ما باخذ عليا..باخذ انسانه انا اباها مب انتي ...
مها اتصيح: لا اتكلمني بها الاسلوب ..
فارس يهدي نفسه ما يبا من مها شي غير انها اتقول جافت الرساله او لاء ..تجدم منها و يلس ع ركبته ع الارض جريب مها : مها حبيبي بس ابا منج كلمه وححده هي اولا ..جفتي الرساله ولا لاء ..
مها .............."ماشي رد"
و فارس ضم قبضه ايده ما فيه صبر رفعت مها راسها و بلعت ريجها ابصعوبه : انا دشيت شقتك هذاك اليوم كنت ابا اشمت ابنوره بس جفت رساله ع الطاوله ع بالي ورقه الواجب بس انصدمت من الكلام المكتوب و كانت فرصتي اني اخليك تترك نوره للابد..
قاطعها فارس: علشان جي شلتي الرساله قبل ما ايي و اجوفها صح ..
وقفت مها و هي اتصيح : فارس انا
بس سكتت يوم طالعها فارس بنظرات احتقار و لوم .. و طلع من المكتبه و من البيت ابكبره ...اتنهد فارس كل شي وضح لي ... فديتج نوره اتهمتج يوم فكرت انج شردتي مع وليد ...ما تدرين كيف كانت صدمتي يوم فيصل قاللي هذاك اليوم عايشه سمعت وليد يرمسج... فديتج كلهم ظلموج ..ما يدرون ان وليد يحب بنت خالته و اسمها نوره ..ضحك في خاطره هههههههه اول ما رجع من السفر و طاحت عينه بعيون وليد كفخه كسره تكسير ..و قبل ما يموت ..نطق بكل شي ..هههههههه أي احراج حسيت به ..و انا اضرب ريال ماله ذنب ..لو ما دش منصور بهالوقت المناسب كان مات بين ايدي ....كل ها الي امر فيه و تبيني اتخلى عنج للحظه مستحيل..وقف وراح صوب سيارته ..رايح يراضي نوره..اشكثر ظلم هالانسانه ..كثر ما ظلمته ع الاقل هي كانت ياهل ... لكن الحينه كبرنا ع هالسوالف ...وصل بيت ابوه و نزل ابسرعه من السياره.. رايح صوب حجرته...حس ان نوره اتسولف مع حد بس منوه موجود في البيت بها الحزه !!!
التفت نوره صوب الباب الي طل منه فارس طالعت عمور افهمه انه يسكت بس عمور الغبي ابتسم ..
عمور: فارس ييت ابوقتك ..؟؟
فارس : هلا عمور ما ادري انك هني ..هيي ييت اعتذر من الغاليه
عمور: خلاص عاد اظن السالفه امصخت ...صح نوره..
رديت لورا و يلست ع الشبريه: انا ما ابا منك أي اعتذار ..مليون مره قلتلك ما اباك طلقني ..
عمور: نوره ..
بديت اصيح: انا ما اباه اكرهك..
اتجدم مني فارس و قعد حذالي : نوره عطيني فرصه اشرح لج ..
وقفت ورحت بعيد عنه : عمور قال لي كل شي بس ها ما يمنع من اني اطلب الطلاق ..
عمور امحرج: ليش تبين الطلاق ..الريال شارنج و يباج ليش كل هاه ...
صرخت ع عمور: كيفي هذي حياتي و انا ما ابا فارس ..
فارس : خلها عمور ابراحتها ..و انا ما اقدر اغصب مخلوق ايعيش معاي ..
عمور: فارس انت شو قاعد اتقول ..
نوره: لا تدخل بحياتي مع فارس ..
عمر مقاطعنها: انتي يا الياهل اسكتي ما اتعرفين شو اتقولين..
فارس : خلها عمور ابراحتها ما تبيني كيفج..بس تذكري كل شي حلو كان بينا ...
عمور : فارس ..
فارس امقاطعنه: بس عمور شو تبا اكثر ..مليون مره قالت لك ما تباني غصب اعيشها معاي .."طالعني حسيت برجفه " بس اتريي لي ما ابوي ايي من مسندم ...و عقبها يصير خير ..




و طلع من الحجره كنت بقوله لا تطلع انا اباك..تقطع قلبي ..بس وقفت ابمكاني و انا اتذكر عليا و سالفه انتقامه ..عفد علي عمور امحرج حط ايده ع رقبتي و قال امحرج: انتي الظاهر بتموتين ع ايدي ..
و طلع ابسرعه يلحق فارس ..يلست ع الارض اصيح ...منهاره كانت هاجر اتصيح و انا اصيح..احس اني حطمت حياتي..ضيعت فارس من ايدي ...بس انا ما اقدر اعيش مع انسان و شبح الماضي يظهر في حياتنا من وقت ل وقت ما اقدر ..رحت ع شبريتي ..منهاره ..كافي العذاب الي تحملته ..بتريا خالي احمد ل ما يرجع من مسندم .. و عقبها كل واحد يروح ابطريج ...من هذاك اليوم فارس يرقد بحجرة خوله بس اغراضه مازا لت في حجرته ...و عمور ما جفته من يومين ..الظاهر متضايج مني .. حياتي مع فارس اتعيد نفسها ايام ما كنت عايشه معاه في الشقه كل واحد بحجره ..كل واحد بوادي..محد يعرف شي عن الثاني ...حتى بنته ما قام يشيلها و يلاعبها شرات قبل ....و كأنه عافني خلاص .. ها الشي كان يألمني ..بس ها الشي احسن له و لي ...قمت من مكاني رايحه اسبح و كأني ابا اغسل كل شي يتعلق ابفارس او افكر فيه ...حسيت باراحه و الانتعاش عقب ما خلصت و ظهرت من الحمام ...اتفاجات فارس قاعد ع الشبريه و فوقه هاجر ..ها شو يسوي ...صار له يومين ما دش ولا نشد عني او عن بنته ...طنشته رحت صوب التسريحه امشط شعري ..
فارس: لبسي ثيابج باخذج عند خوله ..
رديت من غير ما اطالعه : ما ابا ...
قصوري يباني اروح شقه عمور و هو من يومين ما اتنزل يتصل او ينشد عني كل ها علشان بس ضايجت بحبيب قلبه فارس و انا مب جني اخته ..
فارس: انا بروح البحر و يمكن اتاخر ..محد عندج هني ..
نوره: شو يعني تو الناس بعدنا الضحى ..
فارس : يمكن اتاخر
رديت ابنفس النبره: ما ابا خل خوله هي اتييني ..
حط هاجر ابفراشها ة ياه صوبي حطيت المشط ع التسريحه و افتريت صوبه ..اواجهه
فارس: انا ابا اعرف ها العناد كله من وين لج ..
نوره..............." ماشي رد "
رفعت راسي يوم همس باسمي فارس : نوره ...
كنت بضربه ..بجلع اعيونه بس ما يرمسني بهاي النبره الي تذبحني ..نزلت راسي اطالع الارض و انا ميته من داخلي اباه ابا هالانسان احبه و الله اني احبه ..حط ايدي تحت لحيتي و رفع راسي علشان اطالعه لمسته حرقتني ..فجرت كل ذره شوق و حنين لها الانسان و للايام الحلوه الي عشتها معاه غمضت اعيوني بقوه يوم سمعته يقول : و الله اني احبج ..و ما ابا من الدنيا غير انج تبادلين ها الشعور ..
كلماته ذوبتني خلتني اعيش بعالم محد فيه غيري و غير فارس ..بطلت اعيوني و انا اتنفس ابسرعه فارس لو يباني اكرهه ..بزرع فيني هاشعور ابسرعه و لو بغاني احبه ..هم يقدر يأثر علي بسهوله ..ماشي مخلوق بالدنيا ..يسوي فيني كل ها الاحاسيس غير فارس ..من غير شعور حطيت ايدي ع خده و كأني ابا احس اني مب حلم...ابتسم لي ابتسامه حسستني بالحياة زخ ايدي بلمساته الدافيه حبها و سالني بنبره عمري ما بنساها
فارس: نوره ..قولي انج تبيني ...؟؟
هزيت راسي بمعنى هيه اباك .. ما كنت حاسه ..اتجدم مني خطوه ..بس فجأه مر في بالي اتصال عليا .. و فايل الي امخزن بكمبيوتر باسم عليا ..انتفضت و حس فيني فارس .. و كاني نشيت من حلم .. و هدمت احلى عالم بنيناه انا و فارس بثواني ..رجعت لورا و عطيته ظهري : فارس اطلع برع
حط ايده ع جتفي : ليش ليش نوره ..ليش اتبين تعذبيني ..
حطيت ايدي ع اذوني و انا اصيح: اطلع من حياتي انا اكرهك ..اكرهك ..
ابتعد عني ..التفت له جفته راح صوب الكبت للحظه حسبت انه بياخذ ثيابه خلاص بس جفته يطلع شورت و فانيله علشان البحر ..يلست ع الشبريه مب رايمه اشل ريولي بعد هالموقف ...رن موبايله ما رد ....... رن مره ثانيه ..رد و كانت نبرته عاديه جدا : هلا عمور ........ خلاص انا بروح ابروحي عيل ...هي بمركب ابوي ..لا ما بتاخر ..مع السلامه ..
رفعت راسي اطالعه طالعني بنظرات ما فهمتها شل موبايله و طلع من الحجره ... و طلعت روحي معاه ..رغم وجود هاجر معاي الا اني حسيت بضيحه و ب ملل فضيع ندمت ما سمعت كلام فارس و رحت بيت خوله ...طلعت في الحوي اتمشى..امر ع كل بقعه ..كانت ذكرى حلوه تجمعني مع عيال خالي احمد و خالوه عايشه ...طالعت الساعه استانست يوم جفت جريب المغرب ...الحينه بيي فارس من برع ...ع الاقل بنسى الملل بس ادري انه ما بقعد معاي ولا شياته..احس به كرهني من يوم رفضته و عمور يحاول يقنعني ارد له ...نشيت من ع المريحانه و رحت داخل اتطمن ع بنتي ...اتصل ب خوله علشان انسى الملل شويه بس ما ردت علي الظاهر مشغوله ب ذياب ...

قررت اروح بيت خالوه عايشه ..لبست هجور و غطيتها ...و طلعتها ..دشيت بيت خالوه لفتني الجو كان وايد حار رغم هاه ...
شي غيم عقدت حياتي ..دشيت ...ابتسمت ..يوم جفت خالوه عايشه قاعده تحت الليوان اتسوي سرود ..

نوره: السلام عليج خالوه ..؟؟
خالوه عايشه متفاجأه .: نوره يمه تعالي حياج ..
و مدت ايدها علشان اعطيها هاجر ..ناولتها هجور الي شكلها تضايجت .

خالوه عايشه اتبوسها: فديتها ههههههههه ما طلعت تشبه امج الله يرحمها ..تعالي اندش داخل وايد حر ع بنتج ..


اتنهدت ولحقتها : هي طلعت شرات ابوها خاينه ..
خالوه عايشه: ويه ..شو خاينه بعد ها ابوها ..
نوره......................"ماشي رد"

خالوه عايشه: شخباره فارس..؟؟
نوره: ابخير ..

خالوه عايشه: خالتج مريم ما اتصلت ..
رديت و انا اتذكر : لا بس فارس رمس خالي احمد هم ابخير ..شتسوين خالوه ..؟؟

خالوه عايشه : صرود حق نهله ..تبين واحد ..

نوره: اخاف اتعبج..؟

خالوه عايشه: هههههههههه يفداج يمه ...
نوره: تسلمين ..الا وينها نهله ..محد داخل ..؟؟
اتصدقون مدري ليش نشدت عنها !!

خالوه عايشه: لا اليوم ما يتنا كلهم طلعوا من البيت ما تم غير حميد..؟؟
بلعت ريجي: ليش خلود و محمد .؟؟

خالوه عايشه: موجودين بس اليوم طلعوا دبي ..يقضون اجازتهم ..

نوره : اها فديتج تعالي قعدي معاي في بيت خالوه ...لا اتمين ابروحج .

خالوه عايشه: خلاص اتعودت ..خذي بنتج شكلها تبا ترضع ..
وقفت: خلاص عيل بروح البيت يمكن فارس يرجع ..السموحه منج ..

خالوه عايشه مسموحه يمه سلمي عليه و هالله هالله في بنتج ..

سلمت عليها و بستها فوق راسها : الله يسلمج .

طلعت من الصاله عقب ما غطيت هاجر ..و في الحوي جفت حميد واقف بالزاويه و كان يرمس بالموبايل ..ما انتبه لي ..بس سمعته يقول ..

حميد يترجا: شمسه لا اتعذبيني حرام عليج احبج افهمي ..لالالالا و اهون عليج .

مدري ما عرفت شو اسوي و انا اسمع كلامه .. يوم اقولكم لوتي ما اتصدقوني .. صاحت هاجر ..فالتفت ابسرعه متروع . متفأجا بي و انا طالعه من الصاله ..

حميد يطالعني و يرمس بالتلفون : عقب برمسكم باي باي ..

صكر التلفون و ياه صوبي


صديت عنه ابسرعه .. و انا اتذكر كلامه يوم قالي فارس طلقج ..
حميد: شحالج نوره ..​
 
عدلت شيلتي و رديت من غير ما اطالعه : زين ..
و تحركت علشان ظهر من البيت ..صحيح انا و فارس ع خلاف بس بعدني ع ذمته ...و ادري ان فارس ما يسمح لي ارمس مع حميد علشان ..فكرت ارجع البيت ابسرعه ..

بس وقفت يوم سمعته يقول : نوره لحظه ..

وقفت من غير ما اطالعه : عطيني هاجر شويه ..

تميت واقفه ابمكاني و قلته ابرود : راقده ..

حميد: نوره انا ...

طالعته و قلته ابنبره قويه: جذبه ثانيه ..؟؟

نزل راسه منحرج و قال بارتباك : لا تفهميني غلط ..
نوره: حميد لو انا كنت عندك غاليه ..صج..قلي ليش سويت جي ..؟؟

حميد مرتبك ....................."ماشي رد"

نوره: كنت عارفه انك اكتشفت اني انا و فارس ع خلاف ..بس ها الشي بين كل زوجين ..؟؟ و انت الي سويته كان ممكن يدمر مستقبلي و مستقبل بنتي ..

حميد: امنزل راسه ..................." ماشي رد"

نوره : ع العموم مشكور ع كل شي ..

و عطيته ظهري كنت بمشي بس سمعته يزقرني: لحظه..

رديت له من غير ما اطالعه: لو سمحت حميد ولد خالتي ع العين و الراس بس ريلي ما يرضى ارمسك ..؟؟

حميد: نوره نوره و الله انا اعزج ..و اغليج ..حتى من بعد ما رفضتيني .. و انا جذبت عليج بسالفه طلاقج من فارس بس علشان اتجرب منج ... و بالفعل تجربتي مني لي ما ظهر فارس ابحياتج مره ثانيه..

افتريت صوبه و انا مستغربه من وقاحة حميد بس هو كمل كلامه .

.حميد: نوره انا حاس ان للحين انتي مب مرتاحه مع فارس ..اوعدج لو تطلقتي منه بعوضج عن كل شي ...

طالعته باحتقار ..معقوله حميد جذي ادري انه لوتي !! و ادري عليه حركات ...بس ما توصل درجة الحقاره جي ..

سمعت موبايله يرن فقلته و جني قاعده اتفل عليه : رد ع شمسه..

و صكرت باب الحوي بويهه...رديت بيت خالوه و انا مصدومه ..صدقا نج تعاشرين ناس بس ما اتعرفين طينتهم الا عقب ما ييصير لج شي جايد..

مدري ليش حسيت بتأنيب الضمير لاني رمست حميد من ورا فارس ...

و انا قاعده افكر بالي صار
..
سمعت اصوات من صوب دريشه حجرتي ..فتحت الدريشه و شهقت..يالله سبحانك نحن بعز الصيف ..و جي الدنيا ريح توه الجو كان ما احلاه..صكرت الدريشه ابسرعه ..

.شغلت التلفزيون..اندمجت ب فلم ع قناة الافلام.. شهقت و انا اطالع الساعه سبع و فارس ما رجع من البحر ..ربعت ابسرعه صوب الدريشه طالعت برع ..الدنيا ما اتبين من الغبره .

.و الجو كان برع رهيب و يخوف .. و فارس بوسط البحر ..يلست اهدي نفسي لا لا يمكن فارس رجع ..من زمان بس ما ياه البيت ..فكرت اتصل بعمور ..و اسال عن فارس اترددت عقبها اتصلت ...
عمور: هلا ام هاجر ...اعلومج...

بلعت ريجي و انا احاول اخلي صوتي طبيعي : انا ابخير ..انت شخبارك ..؟؟
عمور: الحمدلله تمام ..
كنت بساله عن فارس بس خفت يعلق علي و خاصه اني قلته اخر مره جفته فيها ان ما ابا فارس ..
عممور: شو بلاج نوره ..
نوره: هاه لالا ماشي بس بغيت اتطمن عليك ..ما جفتك من جم يوم..
عمور : انتي تدرين اني للحين متضايج منج ...
نوره: زين زين انا غلطانه اني اتصلت بك ..
عمور : لحظه نوره ..
بس صكرت التلفون ابويهه ..متفيج عمور يسمعني نغمه ...كان خاطري اعرف فارس موجود عنده او لاء .. تذكرت خالوه عايشه في يوم قالت لي ان شرات هاي العاصفه هبت عليهم و هم في القيض بمسندم.. و راحوا فيها اخوي علي و ابوه سعيد..شهقت..و ابسرعه اتصلت ب خالي احمد اتطمن عليهم ..
خالي احمد: ههههههه لا لا الجو عندها هادي و غيم شويه ..لا تحاتين نوره ..
نوره: زين تحملوا ...؟؟
خالي احمد: ههههههههه لا تحاتين ..زمان قبل غير و الحينه غير ...بس ما يهمج ..انتوا الي تحملوا ع اعماركم ...نحن بعيد ...الا فارس وينه ..
ما عرفت شو اقوله ما بغيت اخوفه و اقوله طلع البحر فقلته: برع مع عمور ..
خالي احمد: شو يسوي برع ومخلنج ابروحج انتي و بنتج بها الجو ...من شويه كل اتصل به مغلق ..كلمي اخوج و قوليله خليه يرجع البيت ..
حسيت برجفه من كلام خالي احمد فرديت بصوت واطي : ان شاء الله سلم ع الجماعه..
خالي احمد: الله يسلمج ...
يلست ع الشبريه ..و انا ميته من الخوف شو يعني موبايل فارس كل مغلق ..جربت اتصل ع موبايله و اذا رد علي بطلع أي حجه ..اتصلت بس كانت المفاجأه ان الموبايل شرات ما قال خالي احمد مغلق ..اتصلت فوق العشر كله مغلق ..فتحت الستاره جفت الدنيا ظلمت ... و حسيت الجو برع جنه اعصار الزراعه كلها تجلعت ...من سمعت صوت الرعد يلست ع الشبريه اصيح ...صاحت معاي هاجر .حاولت اطمن عمري بالف احتمال ...بس علشان اهدي نفسي و اعرف ارضع بنتي ...عقب ما خلصت من هاجر رقدتها في شبريتها ..و اتصلت بعمور و انا اطالع الساعه كانت ثمان و نص ...بس عمور ما رد علي ... اتصلت مرتين و ثلاث ..
سمعت صوت عمور و يلحقه صوت المطر و الرعد : عمور ما عندك خبر عن فارس ..؟؟
عمور: شووووو ليش هو ما رجع من البحر ..
حسيت ببروده بكل جسمي : لا ما رجع ...
عمور: انا ع بالبي موجود عندج في البيت كل ما اتصلت يعطيني موبايله مغلق ..
رصيت ع الموبايل من غير شعور : شوه يعني وينه وين فارس .."كنت بصيح بس يودت عمري "
عمور: باي باي برمسج عقب ..
و صكر بويهي ... رفعت اريولي من ع الارض و حضنتها .. و كأني ابا ادفي روحي يلست اصيح ..كان عندي ..كان موجود جريب مني ..؟؟ يباني ..اعترف للي الف مره انه يحبني و انه سالفه انتقامه ما هي الا حجه ..علشان اتزوجه ... غبيه ليش ما صدقته ليش .. و الحينه لو صار به شي ..شسوي ..بتم ابروحي انا و بنتي ..حسيت اني اصيح بدال الدموع دم من الندم ...طافت ساعه كامله ..و انا ما اسمع غير صوت المطر الصبيب و صوت الرعد و الي كان يروع هاجر و اتصيح ..حسيت ابعمري وحيده ..كل مني ..شلت بنتي و حضنتها يلست اصيح من الخاطر ...و بنتي اتصيح معاي ..رجعت و اتصلت بعمر ما رد علي بس عقب شويه رد و اتصل فيني رديت ابسرعه : عمور شو الاخبار ...؟؟
عمور : ماشي ماشي سيارته صافطه جريب البحر يعني بعده داخل البحر ..
يلست ابمكاني متيبسه سمعت عمور يقول لي : حتى الدوريات مب رايمه تدش البحر بها الجو ...
صرخت عليه : شو ما تقدر و فارس شو بيصير الله ..
عمور مرتبك : ان شاء الله خير لا تحاتين ..
يلست اصيح له : انا ميته من الخوف .. غير اني ابروحي في البيت و هذي مب راضيه اتصخ ..
عمور: روحي بيت خالوه عايشه ...
نوره: ما اقدر اطلع يمكن فارس ايي .. و كيف تباني اطلع بها الجو ..
عمور: بجوف حميد ..
قاطعته: لالالالالالا الا حميد..بس انا بتم هني اتريا فارس ...
عمور: زين زين انا بروح اجوف شو سوت الدوريات ..الظاهر وايد مفقودين في البحر ...
صكر ابويهي ..يا ربي شو ها اليوم يا رب عدي هاليوم ع خير ....ما صدقت هدت هاجر حطيتها فوق شبريتي .. مجرد ما قمت من مكاني ..؟؟؟ طفت الكهربه بسبب الجو العاصف..صرخت صرخة خوف ...ما اجوف شي ؟.؟؟ما اجوف غير ضو البرق يوم يخطف كنت احس برجفه ...وينك فارس وينك..يلست اصيح جني ياهل ابصوت عالي ...رجعت هاجر اتصيح...هاه مب وقته اقعد اصيح ...اتصلت ب عمور مره ثانيه رد علي من غير ما يتكلم ..ها المره حسيت بنغزه في قلبي ..
سالته: جفتوا فارس ..؟؟
عمورو كأنه بيصيح : ماله أثر ..جفنا قارب خالي احمد منجلب
طيحت الموبايل من ايدي ...شو يعني !! فارس مات !! لالا ..من فتحت اعيوني للدنيا عمري ما جفت شخص اقوى من فارس !!مستحيل يقهره البحر !!..يا ويلي حالي بعيش من دون فارس ...مدري أي فكره جنونيه يت ع بالي .. ..خليت هاجر بالحجره اتصيح و قعدت اتسحب شويه شويه جني عميه طلعت من حجرتي ناويه اروح ادور فارس ..لازم بلاقيه ..فارس مستحيل يموت !!
..يا ربي شو هاليوم مسحت ادموعي ع ظهر ايدي ..لو مات فارس شو بسوي انا شو فايده حياتي ...و انا امشي صدمت شي جدامي كنت بطيح بس ايدين زختني من ذراعي صرخت متروعه مع صرخات الرعد ..بس البرق الي لمع بدريشه الصاله ..
خلني اجوف فارس واقف جدامي و كان خصلات شعره امبلله بماي المطر ..مدري كيف اوصفه لكم ..ادري بتقول متفيجه بس شكله كان عذاب ...دوم اجوف فارس حليو بس هالمره كان جميل جميل ..رموشه الي بللتها قطرات المطر خصلات شعره الي كانت طايحه ع ويهه ..حسيت انه يتهيأ لي و انا اجوفه جدامي بس لمع البرق مره ثانيه ...طاحت عيني بعيونه اسرتي نستني عذابي وو خوفي عليه كنت بطيح بس وقفني فارس ع اريولي ...ابسرعه حضنت ويهه بايدي و جني خايفه يختفي مني مره ثانيه
..و همست و انا اصيح : فارس ...
همس من غير ما يشل عينه من عيوني : نوره وين رايحه ..
صحت بس هالمره لاني ارتحت : كنت ناويه ادورك ..ما بخلي البحر يبلعك
فارس : و الله نوره .. ..
يلست اضربه ابصدره و انا ارتجف من الخوف و بداخلي احمد ربي الف مره : كنت احاتيك ..خوفتني عليك .و انت ترمس بها البرود .
لوي علي يطمني و انا كنت ميته من الصياح سمعت ضحكه خفيفه : و اتقولين انج ما تبيني ..
صرخت عليه و ضربته بجتفه: انت متفيج ..انا ادفع نص عمري بس اجوفك ابخير ..
باسني ع راسي و ييرني صوب حجرتنا ...
فارس: وينها هاجر ..؟؟ما اجوف شيء ..
رديت و انا كنت امسح دموعي : خليتها ع الشبريه عن تفعصها ..
فارس : هههههههه فج السده و طلع شمعه ..
لمحته طالع من الحجره زخيته من جتفه : وين وين رايح ..
فارس : بروح المطبخ بولع الشمعه ..
شهقت و رصيت ع جتفه و جني خايفه عليه من انه يضيع: لا لا ما بخليك تطلع مكان ..
فارس : حبيبي هذا هوه المطبخ ..
دزيته و يلست ع الشبريه : ما نبا شموع اقعد اتم ابمكانك..
رغم الظلمه حسيت بنظراته كانت بتذوبني صديت عنه علشان ما يأثر فيني ..كنت ببتعد عنه بس زخني من ايدي و قعدني حذاله قلته و انا مرتبكه: اتصل بعمور يحاتيك..
فارس: اول قولي انج تحبيني ....؟؟
صديت عنه حط ايده ع ويهي و فرني صوبه : قولي ..
همست و كنت شويه بصيح : انت عذبتني وايد ...
شهق : انا !! عيل انتي شو سويتي فيني ..
نوره: عمر قالي ع الحادث و الغيبوبه ..لو كنت ادري و الله ما خليتك ابروحك ...
ابتسم ابتسامه ردت الروح فيني : ادري ..نوره انا يوم سرت بوظبي علشان اتاكد من شغله
قاطعته: تتاكد اذا كنت اتحب عليا..
زخني من ايدي بقوه: عليا عمرها ما همتني انتي بس من كان يهمني من يوم كنت صغير ..
بدت هاجر اتصيح سمعت فارس يقول : اصصصص هاجر خليني افهم امج الغبيه..
ضربته بجتفه : انا الغبيه ولا انت لوعت جبدي بوليد و حميد..
فارس : هههههه الغيره كانت بتذبحني ..بس الحمدلله عرفت كل شي "ويير خشمي" عليا اتصلت هذاك اليوم بس علشان اتذكرني بورقه واجب مها لا بركه فيها ...
حطيت ايدي ع حلجه: ياني شعور ان تكون مها في السالفه بس ما بلومها تدري ليش ..
طالعني مستغرب كملت كلامي: استاهل ..تراني الي سويته فيك و بخوله و نهله و عمور مب شويه ..وظهرت مها بحياتي ادفعني ثمن غلطاتي ...
اتجدم مني فارس : نوره دخيلج بسنا بسنا من الي فات ..خلينا نعيش يومنا وننسى كل شي عذبنا..
طالعته و كأني اول مره اجوفه هذا فارس حبيبي تذكرت فشهقت: موافقه مب قبل اتقول لي ..
فارس ايير شعره طفران : شووووو بعد..
نوره: ههههههه الفايل لي بكمبيوترك
فارس مستغرب :فايل !!
هزيت راسي: هيه فايل مكتوب به اسم عليا ..كنت تمنعني استخدم كمبيوترك علشان ما اطلع الفضايح صح..
طالعني دقايق مستغرب عقب فاجاتني هههههههههههههههههه هههههههه هههههههه يا غبيه عليا اسم مركز خالي حسن و اخوه الي هوه بو عليا ..و امسمين اسم المركز عليا ع اسم امهم ..انتي ع كيفج اتفسرين الامور ..ههههههه ههههههه
حسيت بالاحراج من ضحكته شليت الوساده وفريته بويهه اوني عاد ابا اكتم انفاسه ... نش و حط الوساده ع ويهي حسيت صج بختنق ..رفع الوساده من ويهي كنت اتنفس بصعوبه: يا الح..
قاطعني فارس : يا شو شو انتي بعدج ..
نوره: هههههه كنت بقول حبيبي حياتي كل شي بحياتي انته ..احبك يا الحثاله ..
فرني بالمخده و يلسنا نضحك..حسيت ان حياتي توها انولدت..حسسني فارس بطعم السعاده..ذوقنا اياها حتى كانت غير غير عن ايام ما كنت عايشه في بوظبي ..
نشيت جريب الفير ارضع هاجر ..عقب ما رقدتها طالعت فارس ..الله رزقني انسان فيه كل شي حلو و ينحب ...طالعته ربي ما تحرمني منه نشيت من مكاني و رحت فجيت الدريشه جفت القمر يظهر من ورا غيمتين ..و الجو صار هادي تمام..حمدت ربي ع كل شي خذت نفس طويل ..اتروعت يوم جفت فارس واقف وراي .رديت لورا وحطيت راسي ع جتفه قلته: فارس جوف القمر جنه يطالعنا ...
زخ ايدي : نوره نسيت اقولج شي مهم ...من قال لي هالجمله تذكرت سالفتي مع حميد فقلته ابسرعه : حتى انا ابا اقولك شي مهم بالنسبه لك لكن بالنسبه لي مب مهم ..
رد ابسرعه : شو ..؟؟
نوره: قول و الله ما تزعل ..
جربني منه و كأنه يهددني : شو سويتي ..؟؟
دزيته: انا ما قلتلك شي و جي عصبت علي ..عيل لو قلتلك شو بتسوي فيني ..؟؟

فارس: بعدمج قولي ..

طالعته : ما بقولك مينونه علشان تعدمني ..؟؟
فارس: ههههههههههه عسى ايدي تنشل جان انمد عليج..

شهقت : لا اتقول هالرمسه ...حرام عليك ناوي تذبحني انته ..
ابتسم لي ابتسامه عذبه:ز ين قولي ..

بلعت ريجي غمضت اعيوني و قلت ابسرعه : انا جفت حميد و رمسة معاه ..

فتحت اعيوني تفاجات يوم جفت ملامحه هاديه ..فكملت له السالفه كلها ...
ابتسم: بس !!

رديت متفاجأه : بس ..

فارس : فديتج و الله انج صرتي اكبر و اكبر و اكبر بعيني ..

عقدت حياتي : ليش و قبل ..؟؟

ضحك: هههههههههه بعد كنتي اكبيره ..اممممممم لازم الحينه اقولج شي مهم لازم اتعرفينه ..؟؟

طالعته و قلبي يرجف : شوه ..؟؟
بلع ريجه ....................."يطالعني"
بنبره خوف قلته : قوووووول شو امسوي ...؟؟
فارس ................"ماشي رد"
حضنت ويهه بايدي و ابتسمت : صدقني مره قلت ل خوله يوم كانت تاخذ شوري اذا بترد لجابر اولا . ابوي لو صد عني ما ترجيته لكن انت يا فارس لو صديت عني مره بترجاك الف مره ..يالله تطمنت قول شو مهبب ..
فارس : هههههه ابصراحه ابصراحه ..انا البارحه ما سرت البحر و يوم كنتي اترمسين عمور اتصيحين خايفه علي انا كنت قاعد حذاله كنا نبا انجوفج شو بتسوين..و الحمدلله المقلب غير حياتي و حياتج..
دزيته ابسرعه كان بيطيح لورا بس انا زخيت ايده ..و قلته
: حتى و انت تبا تبني حياتك معاي من يديد تتأمر و تخطط مع عمور ..
فارس : شسوي احبج و اعشقج و كنت ادري انج تبادليني نفس لمشاعر بس كنتي تكابرين ..
نوره: ما كنت اكابر بس كنت شاكه انك تزوجتني ..
حط ايده ع حلجي و طالعني بنظرات و كأنه يذكرني ما نبا نرمس بشي مضى ممكن يجرحني او يحرج او يأثر بعلاقتنا ...ابتسمت له ابينله اني راضيه افتريت صوب الدريشه اطالع برع حسيت بالانتعاش و هواء البارد يضرب ويهي تجدم مني فارس ولوي ع جتفي و القمر الوحيد كان شاهد ع بدايه حبنا و حياتنا الي بدت ...​
 
.,’:"؛(( النهاية ))؛‘":.,،

عقب شهرين سافرت مع فارس ويا خوله و عمور لندن ...و كانت ايام حفرت ذكرياتها في روحي قبل ما تشهد عليها نبضات شرايييني ...و عقب سنه ردينا و كانت شيما حامل و نهله عندها بنوته زي العسل و حميد تزوج وحده تقرب له من صوب ابوه .و اسمها شسمه الي في بالي ابالكم ..

و هذي انا اختم لكم قصة حياتي قبل 3 سنوات ...و قبل ما اكتبت كلمة تمت ...و اصكر اللابتوب ..

..طالعت الساعه ما بقى شي و فارس يوصل من الدوام ...
يتني هاجر : ماما ماما
طالعتها بنظرات عتاب و لوم : اصصصصصص اخوج راقد اذا نش يا ويلج...
هاجر: جوفي خالي امووووول ثو ياب لي
ابتسمت لها : حلوه لعبتج يالله روحي العبي بعيد..
هاجر اتصرخ: ما ابا
وقفت من مكاني اهددها : و الله لو سمعت صياح اخوج بجوفين..
انفج الباب و دش فارس ياي من الدوام ركضت صوبه هاجر و طالعني ع بالها بسبقها ولا باخذ عنها ابوها وو طبعا تبا تشتكي لي منه شلها فارس و قعد يفرها بالهوا و هي تضحك ابصوت عالي ..
تجربت منهم هاجر من جافتني ياي صوبهم حضنت ابوها: مالي مب مالج..
فارس: هههههههههه بس بس لا تضاربون علي
طالعت فارس: جفت حركاتها مدري طالعه ع منوه عنيده
فارس يطالعني بنظرات: ما تدرين طالعه ع منوه متاكده..
ابتسمت له ادريبه كان يقصدني هاجر: بابا ماما تبا تضربني ..
فارس: يا ويلها مني ..
نوره: اونك ..
فارس : ههههههههه فديتج و الله ..
هاجر: ثووف بابا خالي امور عطاني هلوه صح
فارس : صح ..يالله روحي عندج قوم خالج لعبي وياهم ..
صكرت ع الابتوب و يلست ع الكنبه حاط ايدي ع خدي اراقب فارس و بنته يوم يرمسون ياه فارس وقعد حذالي : وينه ولي العهد
زخيت ايده : راقد هجور مسويه له حشره
فارس طالعني : نوره اشكثر اشتقت لج ..
هاجر ادزني: قومي قومي بابا مالي ..قومي قومي روحي عند احمدووه مالج
نوره: شو تباني اسوي فيها هاي ..
فارس: هههههههه عيب هاجر عيب بابا ...روحي العبي مع ذياب و جسوم و عبود روحي ..
هاجر : علشان اتم مع ماما ابروحك
فارس: كيفي زوجتي لازم ابا اتم معاها ابروحي .."طالعني فانحرجت منه وصديت عنه كمل كلامه " يالله هاجر روحي برع
هاجر : ما ابا ما احب ذياب كل يضربني ..
طالعت فارس و طالعني بنفس النظرات و كأنه فهم شو اقصد ...
فارس : اذا ضربج خبريني بضربه
هاجر : جسوم يقول لي يوم بضربج ذياب خبرني انا بدافع عنج ..
سمعت احمد الصغير يصيح فرحت الحجره علشان اسكته شويه و لحقني فارس شل عني احمد و يلس يلاعبه..
قلته اتطنز: عن اتييك هاجر تراها اتغار ..
فارس: ههههههه سمعتي شو قالت اونه جسوم ولد خلود بدافع عنها ...
نوره: فارس اخاف تتكرر قصتنا مع هاجر و ذياب ..
نش من مكانه و قعد جريب مني زخ ايدي و باسها : احلى قصه مرت ابحياتنا و ان شاء الله ادوم علينا السعاده دوم و دوووووم
طالعته بنظرات كانت اتكفي من اني ارد ع كلامه ..
همست فارس بس تجدم مني و منعي من انطق باي كلمه لانه كان عارف شو كنت بقوله .. أحبك احبك عدد ما قالوا العشاق احبك..احبك عدد ما سطرت الاوراق كلمه احبك..احب شمسك واحب ضلك...احب همسك واحب صمتك ...وفرحي فيك وانا فيك...واحب الليل لأن قمرته وضيه...وأحب النور لأنك نور هالدنيا
و دامت دياركم يا اهل الحب و الهوى ..عامرة بالافراح و المسرات

تمت ..الروايه

مهما كتبت من كلمات ...و مهما انتقيت من الحروف ..مهما نسجت من الجمل في النهاية ..سأريق حبر دمي ..و ستبقى ذكرى عالقة في قلبي للأبد ..​
 
index.php


ما ننحرم من جديدك يا عسل
 
عودة
أعلى