رواية عمق القلوب...كامله

منى:عشره
مازن:اف ليه انتي صاحيه من متى؟
منى:من اووول من ساعه تقريبا
مازن:وليه ماصحتيني من اول طيب؟؟
منى:شفتك تعبان قلت اخليك ترتاح
مازن وهوا يبتسم بحب:فدييييت انا عمر اللي يحاتوا راحتي
منى بخجل برغم تعودها في هالكم يوم على كلام مازن:يلا حبيبي مو وقت دا الكلام ابغا اخرررج طفشت من الفندق
مازن وهوا يمد لها يده:طيب ساعديني اوقف مافيني
منى وهيا تمسك يده:يلا
بس مازن بالعكس جرها تجاهه وخلاها تطيح في حضنه...
منى بخجل من حركته:مازن حرام عليك لاتسوي فيني كدا
مازن وهوا يبتسم بخبث:ايش سويت فيج انا ماسويت شي
منى وهيا تقوم عنه بسرعه:لالالا انا اعرفك مالي دخل ماني قاعده ابغا اخرررج دحين
مازن ابتسم لها بحب ووقف:خلاص ولايهمج اللي تامري فيه
وقام مازن واخد له شاور وغير ملابسه واخد منى وطلعوا...راحوا فطرو في مطعم قريب...وبعد كدا راحوا يتشموا في كذا مكان...وكانوا مبسووطين على الاخر..وكانت الاوقات بينهم من احلى مايكووون...وكانت الكاميرا الشي الوحيد اللي مايفارق يد مازن اللي يقعد يصور كل شي عشان تكون ذكرى ممكن يستعيدوها في اي يوم...
كان مازن مقرر انه يقضي شهر كامل في السفر..ومقرر انه يسافر كذا مدينه وكذا دوله..وكانت اولها باريس...لكن الباقي..مخبيه عن منى اللي كانت تتفاجئ بكل شي يسويه مازن..وكانت دايما تتسأل اذا حتكون حياتها مع مازن كلها مفاجئات..وياترى بتكون سعيده ولالا؟؟؟

احبتي..هذا المقطع الاول من الجزء...وفي مقطع تاني..ومن بعده الجزء الاخير...
وانا الفتره الجيه بكون مشغوله لمدة تلاته اسابيع...يمكن ومو اكيد خلال هالاسبوع اقدر اكتب المقطع التاني من الجزء...لكن الجزء الاخير بيكون من بعد التلاته اسابيع...عشان اكون فاضيه له مظبوط واكتبه على روواق وعشان يكون يستاهل كل تعب هالقصه الطويله واقدر اتوج به قصتي بكل فخر...وما اندم على اي حرف كتبته فيه...
اتمنى ماتزعلوا ولاتتضايقوا مني..لكن لكل شخص ظروفه..

راح اترك لكم خيالكم..في هالفتره عشان تفكروا...
ب رندا وبلي حيصير معاها..
ب امجد ولمى وهل حايتم فرحهم على خير..
ب رهف وماجد من بعد كل هالفتور...
ب خالد ومنال وبلي حيصير بعد هالمواجهه الخطيره..
ب منى ومازن وكيف بتكون حياتهم..
وب جابر وهل حيقضي حياته على ذكرى مي...
وب عم القلوب ق ككل....
محبتي:
عم القلوب ق


*&*تابع الجزء الرابع و الاربعون&*
بعد يومين...من اخر حدث...
ايش؟؟؟
ام رامي بدهشه:ايش بك؟؟
رامي بعصبيه:رندا فرحها بعد شهر ونص؟؟!!!
ام رامي بصدمه من تصرفه:ايوه ايش فيها؟؟
رامي مارد عليها وطلع من البيت وبكل عصبيه...لازم اتصرف مايصير عاد..من اول وانا متحمل عشان ماسوي فضايح في العيله..ومستني رندا وناصر انهم يتحركوا ويسوو شي..لكنننننننننننننن لا شكله ماينفع معاهم الطيب...انا بووووريهم...
كان امجد قاعد يفكر يبغا يكلم لمى بأي طريقه ويقولها انه خلاص تسوي اللي يريحها وهوا بيحاول يصبر عشان خاطرها...بس هيا ماترد على اتصالاته ومطنشته على الاخر...
ولمى في الجهه التانيه تشوف اتصالاته وتقول في نفسها احسن خليه يستاهل ولا انا يقولي مافي فرح..طيب يا امجد..طييييييييب...والله لخليك تندم...<<<جزء التهديدات هههههههههههههههه
وشويه..
طق طق..
لمى:اتفضل
ام محمد:صباح الظهر ايش بك نايمه الين دحين ولا ايش؟
لمى:لا والله صاحيه من اول
ام محمد:اجل ايش بك ليه مانزلتي صبحتي عليا وعلى ابوكي زي كل يوم؟؟
لمى بإرتباك:ها لا بس عشان
ام محمد بإستغراب:ايش بك يابنت؟
لمى وهيا تقوم وتقلب الموضوع وتتكلم بكل دلع كعادتها:ماما
ام محمد بإستغراب من تصرفاتها:نعم؟؟
لمى وهيا تمسك يد امها:اممممم ممكن اطلب طلب؟؟
ام محمد:خير هوا احنا محا نخلص من طلباتك
لمى بدلع:ماما حبيبتي انتي والله طلب عادي مافيه شي
ام محمد بقلة صبر:قولي طلبك وخلصيني
لمى:ابغا اروح اتمشى مع صحباتي اتصلوا عليا قبل شويه وعزموووني ... ماما بلييييز لاتطالعي فيا كدا حرام عليكي ابغا ارووح من زمان ماطلعت معاهم الله يخليكي وافقي
ام محمد بإستنكار:طلبك مرفوض يالله انزلي بسرعه وساعديني في الغدا
لمى:حرام والله حرام انا من اول الاجازه وانا محبوسه في البيت بلييييز الله يخليكي بس ساعتين وارجع
ام محمد وهيا تبعد عنها وتخرج من الغرفه:قلت لاء ولاتقعدي تزني على راسي
لمى:طيب انتو خرجوني مو لازم مع صحباتي انا راضيه بأي شي المهم اخررررج
ام محمد......راحت وخصرتها...
ولمى ابتسمت بخبث وقالت في نفسها انا بعرف اتصرف...
ونزلت لمى مع امها وراحت للصاله وشافت ابوها جالس يقرا الجريده وراحت تجررري ونطت وقعدت جمبه...
لمى وهيا تبوس ابوها على خده:مرحبا يا أحلى ابو في الدنيا كلها
ابو محمد بإبتسامه حلوه:هلا ببنتي الغاليه اللي مندسه في غرفتها اليوم
لمى:هههههههههههههههههه لا والله لا مندسه ولا شي بس تدررري يعني لزوووم التغلي ههههههههههه
ابو محمد:ههههههههههههههههههه طيب يا ام التغلي..وسكت ومسك الجريده ورجع يقراها...
لمى انقهرت لمن شافته خصرها فقالت:بابا
ابو محمد بدون مايلتفت لها:هممممم
لمى:ايش بتسوي؟؟؟
ابو محمد وهوا يقلب الصفحه:اللي شايفته
لمى بإحباط:اها طيب
وقعدت على دا الحال ربع ساعه اخر شي..
لمى:اففففففففففف
ابو محمد حس انه بنته تبغا منه شي وهوا مو معبرها فضحك ونزل الجريده وحطها جمبه...
ابو محمد:ايش بها حبيبة ابوها تتأفف؟؟
لمى بقهر:عشان في ناسس مطنشيننا ولا كأننا جالسين جمبهم
ابو محمد وهوا يمسك يدها:افا ماعاش من يطنشك قوليلي من اللي طنشوكي وانا اوريكي فيهم
لمى وهيا تدير وجهها للجهه التانيه بدلع:عارفين نفسهم مايحتاج اقوول
ابو محمد وهوا يضحك ويضمها لصدره:ههههههههههههههههه اسف حبيبتي بس والله الاحداث اللي في الجريده شدتني
لمى وهيا ترفع حاجب واحد بإستنكار:وايش دي الاحداث اللي تشغلك عني ها؟؟
ابو محمد:احداث الناس اللي صاروا مايخافوا ربهم وسخوا بلدنا الله يلعنهم ويحمينا من شرورهم يارب
لمى:امين بس برضووو مايشفع لك
ابو محمد بقلة صبر:طيب خلاص براحتك
لمى بصدمه:افا مابتراضيني
ابو محمد:والله حاولت بس شكلك ماتبي بكيفك..ورجع يمسك الجريده..
لمى بصرخه:لالالا خلاص رضيت والله بس سيب الجريده
ابو محمد وهوا يحط الجريده جمبه:هههههههههههههههه طيب سبناها امري
لمى وهيا تحط راسها على كتفه:امممم صراحه طفشانه من قعدة البيت من يوم مابدأت الاجازه وانا ما خرجت مكان زي الناس
ابو محمد:والمطلوب؟
لمى:ابغا اخررررررج
ابو محمد:ومين بيخرجك محد فاضيلك
لمى:والله قبل شويه اتصلت عليا صحبتي وقالت هيا والبنات خارجين ويبغوني اروح معاهم وو...
ابو محمد وهوا يقاطعها:بس بس سكي الموضوع خرجه مع صحباتك مافي
لمى بإستغراب ابوها يرفض لها طلب؟؟!!:طيب ليييييييييه ايش فيها طول عمرك تخليني اطلع معاهم ايش اللي جد دحين؟؟
ابو محمد:دحين الدنيا ماعادت امان وبعدين انا اليوم مقرر نروح بيت عمك منصور
لمى.......سكتت وقعدت تفكر..اذا راحت بيت عمها منصور يعني بتشوف امجد وهيا ماتبا تشوفه تبا تحسسه بخطورة اللي قاله..لكن بجد طفشت من البيت وتبا تخرج وتغير جووو...
لمى وفكره لمعت في بالها:رامي
ابو محمد:ايش به؟؟
لمى:امممم مو انتا تقول محد فاضيلي رامي فاضيلي خليني اخرج معاه
ابومحمد...........
لمى بخوف:ها ايش قلت؟
ابو محمد:مدري والله
لمى بزعل:بابا ايش صار لك ماعمرك كنت كدا لايكووون ماما اثرت عليك وخلتك تسوي فيني كدا
ابومحمد بصدمه:بنت استحي على وجهك احد يقول عن امه كدا
لمى بندم:طيب اسفه مو قصدي بس ما اتعودت منك كدا حرام والله حرام
وقامت زعلانه...
جات ام محمد للصاله في نفس الوقت اللي لمى كانت خارجه منها وشافتها زعلانه وحابسه دمعتها..
ام محمد بإستغراب:ايش بها لمى مين زعلها؟
ابومحمد بندم:انا
ام محمد بصدمه:انتا من جد لا ما اصدق ايش سويت لها؟؟
ابو بمحمد وهوا يوقف:بعدين اقولك اتصليلي على رامي وقوليله يجيني دحين
ام محمد:ان شاء الله
كانت لمى جالسه في غرفتها على الكمبيوتر..متضايقه وطهقانه وطفشانه من كل شي...واكتر شي قاهرها ومزعلها ابوها اللي ماعمره رفض له طلب ولازعلها ليه اليوم سوى معاها كدا...وقالت في نفسها ايش بهم كل الناس عليا اول امجد يصرخ عليا ويبهدلني ودحين بابا يرفض لي طلب ويزعلني..حرام عليهم حرام...
وشويه سمعت صوت ابوها الحنون..لمى
كانت حتلتفت له بس في اخر لحظه غييرت رأيها وسوت نفسها ماسمعته...
اتقدم ابو محمد ووقف جمبها وحط يده على راسها:لمى حبيبتي خلاص انا اسف روحي محل ماتبي بس لاتزعلي
التفت له لمى بهدوء وشافت كيف ملامحه تبين مدى اسفه وندمه لانه زعلها...فوقفت...وابتسمت له بحب على عكس ماكان ابو محمد متوقع...
لمى:الغالي انتا ماتتأسف مني انا اللي اتأسف منك انا الغلطانه سامحني ماكان لازم اقول اللي قلته
ابو محمد وهوا يمسك يدها:لايابنتي انتي من حقك تخرجي زي كل البنات وبراحتك محل ماتبي روحي محا امنعك
لمى:لا خلاص بطلت
ابو محمد:ليه؟
لمى:كدا خلاص انتا ماتباني اروح انا بسوي اللي تباه وعسى عمرها من خرجه رضاك يالغالي اهم
ابو محمد:لالا يابنتي انا مو معارض طلبك بس كل مافي الموضوع عمك اتصل عليا اليوم وقلي تعال وجيب لمى معاك بس فحبيت انك تروحي معايا لكن مدام انتي نفسك تخرجي روحي محل ماتبي وبعدين تعالي بيت عمك مافيها شي
لمى:يعني محا تزعل؟؟
ابو محمد:لا وليه ازعل مافيها حاجه خلاص انا دحين قلت لامك تكلم رامي يجي وخديه وروحي معاه محل ماتبي وهوا اكيد محا يعارض
لمى بفرحه:ياي يسلموووووووووو يا احلى ابووو في الدنيا كلها
ابو محمد:الله يسلمك ويلا اللبسي وانا بنزل اشوف امك ايش سوت مع رامي
لمى:طيب بس لاتقلها شي لمن يجي رامي بعدين قولها عشان نحطها تحت الامر الواقع ههههههههههه
ابو محمد وهوا يبتسم:اه منك بس منتي هينه خلاص طيب مابقولها
لمى:حتى رامي لاتقوله محا يرضى لو عرف
ابو محمد وهوا يخرج من غرفتها:طييييييب
وقتها كان رامي واقف قدام بيت عمه ابو خالد وخرج من سيارته عشان يدخل يتفاهم مع امجد الحل الاخير بالنسبة له..بس فجئه رن جواله..بصوت راشد الماجد فنانه المفضل..باغنية قالت احبك ياراشد..
رامي في نفسه ..هادا رقم بيت عمي فهد خير مو بالعاده يتصلوا عليا لايكون صار شي بس..
رامي وهوا يرد على الاتصال:الووو
ام محمد:السلام عليكم
رامي:وعليكم السلام اهلين خالتي
ام محمد:كيفك يارامي وايش اخبارك؟
رامي:الحمدلله بخير ونعمه كيفكم انتو واخبار عمي ولمى؟؟
ام محمد:كلنا بخير الحمدلله فينك مختفي ماعاد صرنا نشوفك مو من عادتك تطول الغيبه كدا
رامي:اعذريني ياخالتي تدري الدنيا اشغال
ام محمد:ايه الله يعينك طيب ياولدي بس بغيت اخبرك انه عمك يبغاك تجيه دحين اذا تقدر
رامي:خير فيه شي؟؟
ام محمد:والله مدري ماقلي شي بس قلي اقولك تجيه دحين
رامي بحيره:خلاص ولايهمك مسافة الطريق وانا عندكم
ام محمد:طيب في امان الله
رامي:مع السلامه
وقف رامي بحيره...غريبه ايش عنده عمي فهد يبغاني لايكون تعبان ولا شي...خليني احسن اروح له دحين وأأجل موضوع رندا دا لبعدين...ورجع ركب سيارته...وقرر يروح لبيت عمه...بس شاف سيارة امجد وقفت قدامه..ونزل امجد منها وجا لعند رامي..
امجد:هلا والله رامي
 
رامي:هلا فيك
امجد:على فين اشوفك رايح انتا من متى هنا؟؟
رامي:ابدا مامداني دوبي جي بس عمي ابو محمد يبغاني واتصل عليا فقلت اروح له اشوف اللي عنده بعدين ارجع لكم
امجد:اها خلاص طيب مو مشكله لو خرجت من عنده اعطيني خبرر يصير نخرج نتمشى مع الشباب سمعت انهم عاملين مخطط خطيرر اليوم
رامي بفرح:بالله ياسلام زمان والله على المخططات
امجد وهوا يشاركه الفرح:اي والله زمان عاد انا قلت اللحق اخرج معاهم يوم قبل سفري
رامي:ليه هوا متى حجزك؟
امجد:الجمعه
رامي:اها يالله الله يعينك
امجد:امييين
رامي:اوووكي خلاص انا بروح اشوف عمي فهد ايش يبغا واتصل عليك نتفق فين نتقابل
امجد:اوكي تمام
رامي: يالله سلام
امجد:الله معاك
وبعد ما وصل..رامي بيت ابو محمد..
رامي:السلام عليكم ورحمة الله وبركاته
ابو محمد:وعليكم السلام والرحمه هلا بأبو الشباب
رامي وهوا يسلم على راس عمه:كيف صحتك ياعمي ان شاء الله بخير؟؟
ابو محمد:تمام ولله الحمد
رامي:اجل خير ايش اللي صاير صراحه اقلقتني بهالدعوه المفاجئه
ابو محمد:ههههههههههه الله يرجك اي دعوه واي خرابيط عادي اشتقنالك قلنا نعزمك بما انك ماتتنازل وتجي تزور عمك
رامي:ههههههههههههه تسلم ياعمي ومقداركم عالي والله بس تدري انشغلت شويه وانا ادور على شغل واظبط اموري
ابو محمد:وليه تدور على شغل وعندك شركة العيله فيها كل الوظايف والمناصب تحت امرك
رامي:لا انا ابغا اكون نفسي بنفسي لا ابغا شركه ولا غيره
ابو محمد:طيب براحتك
..وشويه ودخلت عليهم لمى وهيا لابسه العبايه..
لمى:هاي رمووي
رامي:اهلا ياختي على فين اشوفك لابسه العبايه؟؟
لمى:وي ليه هوا بابا ماقلك؟!!
رامي بإستغراب:قاللي ايش؟
ابو محمد وهوا يغمز لها عينه:ههههههههههههه لا ماقلت له تصدقي نسيت
رامي:نسيت !!......ايش الموضوع ياجماعه؟؟
ابومحمد:ولاشي بس ست الحسن والجمال لمى تبغا تخرج تتمشى فقلت بدل ماتخرج تتمشى لوحدها تتمشى معاك احسن
رامي انقهر في نفسه بس ماقدر يقول شي في وجود عمه:اممممممم ولو انننووو مالي خلق لدلع بنتك الزايد بس عشان خاطر عيونك يابو محمد بمشيها
لمى ترفع له حواجبها بإستهزاء بس ماردت عليه..
ابو محمد:تسلم لي عيونك
رامي وهوا يوقف:وعيونك ياعمي يالله مشينا ياختي
لمى:دقيقه نسيت شنطتي بجيبها واجيك
رامي بصوت واطي:افففففف
لمى وهيا تلتفت له:نعم؟؟
رامي وهوا يشوف عمه يرفع سماعة التلفون ويتكلم:نعامه ترفسك..يلا روحي بسرعه
لمى بقهر:بابا شوف رامي
ابومحمد واللي كان مو منتبه لهم وبيكلم بالتلفون:اسكتووو عندي مكالمه مهمه
رامي بخبث يستغل انشغال عمه ويمارس قوته على لمى:شوفي عندك خمسه دقايق لو مالحقتيني على السياره تحلمي اخرجك
لمى بقهر:بابا
ابو محمد بعصبيه:لمى اسكتي مو وقتك
رامي وهوا مبسوط:مالي دخل انا حذرتك
لمى وهيا تروح بسرعه: ياوووووووووووويلك لو رحت بقتلك
خرج رامي وقعد يستناها في سيارته...وافتكر امجد وموضوع الخرجه وانقهر اكتر ودق عليه..
رامي:الووو سلام
امجد:وعليكم السلام هلا وغلا
رامي بقهررر:امجددد اللحق الاخت لمى خربت علينا الخرجه
امجد وقلبه دق لمن سمع اسم لمى:ليه ايش سوت؟؟
رامي:ماسوت شي بس جايبتني على ملا وجهي لبيت عمي واتفقت مع ابوها قال ايش عشان امشيها
امجد والفرح عم قلبه لمن سمع اسم لمى:هههههههههههههههههه والله ماهي هينه
رامي: اي والله الله يعينك عليها
امجد:هههههههههههههه لا ما اسمح لك قول الله يهنيني فيها
رامي:اقووول ماني فاضي لرومانسيتك دحين تعال وانقذني منها وخدها ومشيها بدالي مو انتا خطيبها والزم فيها مني
امجد كان بيقوله والله لاخدها وامشيها بس هيا خليها ترضا لكن افتكر بعدين انه رامي مايعرف شي عن الموضوع ومو لازم يعرف...ففكررر بخطه جهنميه خطيرره عشان يوري لمى شغلها..
رامي:الوو امجد امجد فيينك ياخي
امجد:معاك معاك الا اقولك فين حتوديها
رامي:مدري بنشوف يمكن هافانا كافيه ولا البحر حسب ماتختار هيا
امجد:اممممم لا روح البحر احسن و يصير اجيك انا ورندا
رامي فرح لمن عرف انه ممكن يشوف رندا اللي صار له فتره طويله ماشافها:حلووو تصير جمعه بدل مانكون انا ولمى لوحدنا ونعوض خرجة الشباب ولو انها ماتتعوض
امجد في نفسه...كل خرجات الدنيا ماتسوى شي قدام لحظه مع لمى..
امجد وهوا يتصنع الحزن:اي والله المهم..ويبتسم بخبث..لاتقول للمى خليها سبرايز
رامي:ههههههههههه اوكي وانتا كمان لاتقول لرندا خليها تتفاجئ هيا كمان...وكان رامي خايف انه لو رندا عرفت انه رامي في مابترضا تجي فقال خليها تتفاجئ هيا كمان زي لمى...
امجد:هههههههههههههههههه اوكي يلا باي
رامي:بايات
امجد:لحظه لحظه
رامي:ها ايش عندك؟؟
امجد:فين على البحر بالظبط؟؟
رامي:المكان اللي اروحه دايما..في أبحر محل مايكون فيه احد عشان نقدر ناخد راحتنا
امجد:اوكي عرفته باي
وفي نفس اللحظه اللي قفل فيها رامي من امجد دخلت لمى السياره..
لمى وهيا عارفه انها بتاخد من رامي تهزيئه حلوه:سوووووري على التأخير بس ماما كانت تبغاني اسوي لها شغله
رامي وهوا يبتسم على عكس ما اتوقعت لمى:لا ولايهمك
واتحرك بالسياره وراحوا للمكان اللي يحبه رامي على البحر..
وفي بيت ابو خالد...
طق طق...
رندا:نعم مين؟؟
.....:انا امجد
رندا وهيا تفتح له الباب:اهلا وسهلا بمن اتانا
امجد:ههههههههههههههه اهلا بك يابنت العرب
رندا:ههههههههههههه ها اخلص ايش عندك؟؟
امجد:وي هادا جزاتي وانا اللي جي اخرجك وامشيكي
رندا بدهشه:والله بتخرجني ياي يسلمووووووووووو
امجد:لالا بطلت مو تقوليلي اخلص ومدري ايش؟
رندا:امجاد بلا هباله والله طفشانه
امجد واللي مايبغا يتأخر عن شوفة لمى:طيب يلا اللبسي العبايا وانا بستناكي تحت
رندا:ولايهمك هوى
وبعد نص ساعه كانوا امجد ورندا في الطريق وقبل المكان المحدد بشوية ...
امجد:هاي
رامي:وعليكم السلام
امجد:ههههههههههههههه
رامي:الناس تقول السلام عليكم مو هاي ها والا لأنك صرت تعيش في امريكا عوجت لسانك
لمى لمن سمعت رامي يقول كدا شكت..
امجد:ههههههههههههه لا مو الهرجه بس تدري تعودنا
رامي:لا مو حجه مو انا قعدت هناك فتره اطول منك وما انعوج لساني
امجد:هههههههههههههههههه المهم خلصنا فينكم؟
رامي:انتا الي فينك؟؟
امجد:انا قدام البحر ؟؟
رندا:انتا بتكلم مين؟؟
امجد:اصبري بكلم صاحبي متواعد معاه اقابله هنا
رندا:اها طيب
امجد:اوكي المهم حبيت اطمئن بس لاتكون غيرت رأيك دقايق واحنا عندكك
رامي:اووكي انتظرررررك باي
وصلوا امجد ورندا للمكان المحدد..ورندا مستغربه هادي اول مره امجد ياخدها معاه وهوا رايح يقابل واحد من اصحابه...
كانت لمى جالسه ووجهها على البحر...
ورامي شاف امجد وابتسم...وامجد شافه وابتسم..لكن لا لمى ولا رندا انتهبوا للموضوع..
امجد وهوا يمسك يد رندا:تعالي هناك شوفيهم
رندا بإستغراب:مين هما؟؟
وبعد ما جر امجد رندا وقفها قدام لمى ورامي..اللي كانوا جالسين على فرشه على الرمل...
رامي وهوا يوقف:هلا ابو الامجاد
رندا بهمس:رامي
لمى بصدمه:امجد
امجد بإبتسامه شاقه الوجه ويسلم على رامي:مرحبا مليوووون بالحلوووين
لمى انصدمت بقوه ايش جاب امجد هنا...ورندا مصدومه كيف امجد جابها تشوف رامي...
رامي كان بيموت من الضحك على شكل الاتنين بس ماسك نفسه:اتفضلوا اجلسووو
امجد وهوا يجلس جمب لمى:زاد فضلك ياشيخ اخباركم؟
رندا قعدت واقفه وماجلست..لانه امجد جلس جمب لمى ومابقي لها غير مكان صغير نوعا ما ولو جلست فيه بتكون قريبه مرره من رامي..
امجد:رندا اقعدي ايش بك؟؟
رندا بإرتباك:فين اجلس؟؟
امجد وهوا يأشر على المكان الفاضي قدامه:ايش فين تجلسي اقعدي هنا
وقفت لمى بضجر:انا بروح السياره اجيب شي نسيته
وراحت بسرعه..وامجد على طول قام راح وراها يشوف ايش بها..
امجد:دقيقه عن اذنكم
ورندا قعدت واقفه مستغربه منهم ايش بهم؟؟..
رامي بإبتسامه حلوه:اجلسي خلاص فضي لك مكان بعيد عني شويه
رندا استغربت كلامه بس عشان تقهره راحت وقعدت جمبه..
رندا:لا عادي ماتفرق عندي
رامي وهوا يبتسم بحب:كيفك؟؟
رندا ببرود:الحمدلله بخير كيفك انتا
رامي:الحمدلله تمام
رندا....
رامي:الا صح نسيت اقولك مبروووك
رندا وهيا تطالع فيه بإستغراب:على ايش؟؟
رامي:على التخرررج الف مليوون مبروك سمعت انك جبتي نسبة ترفع الراس
رندا ببرود:الله يبارك فيك..ايوه الحمدلله
رامي:كم جبتي؟
رندا:اممممم 97.5
رامي:اها ماشاء الله عليكي ها وايش ناويه تدخلي في الجامعه ترى اذا تحبي اي مساعده انا عندي خبره في هالامور
رندا وهيا مقهوره منه يتكلم بطريقه عاديه وببرود يحرق قلبها:لا خلاص قررت ادخل حاسب الي
رامي حس من طريقة كلامها انها متضايقه من كلامه فقرر يسكت لكن...لسانه خانه وقال..
رامي:..............معليه عارف انه مو من حقي اقولها لكن من جد وحشتيني
رندا...وقف قلبها ودمعت عيونها..ياما اتمنت تسمع هالكلمه من رامي..لكن ضغطت على نفسها ورخت راسها بدون ماترد عليه..
رامي بحزن:ايش بك قد كدا صرتي ماتطيقيني؟؟
رندا قلبها عورها كيف ماتطيق رامي ممكن ماتطيق كل الناس لكن الا رامي الا رامي رامي هادا القلب اللي بينبض في داخلها..حب من سنين عايش بداخلها ومهما حاولت تقتله بتظل تحس فيه...وعلى تفكيرها هادا ماقدرت تمنع نظرة الحب اللي انرسمت في عيونها غصب عنها..وبانت لرامي اللي فرح وحس انه فيه امل..
رامي بعد فترة صمت:احم احم الا اقول
رندا......
رامي:انا قررت قرار واتمنى انك تساعديني فيه
رندا ببرود:خير شو هالقرار؟؟
رامي وهوا يطالع في عيونها:اممم ابغاكي تدوريلي على عروسه حلوه تناسبني من صحباتك
رندا عقدت حواجبها بإستنكار..فهمت قصده..وعرفت انه يبكش عليها فقالت..
رندا:عادي والله لو تبغا من جد ادور لك ماعندي مانع ويمكن كمان لو تحب انا ارشح لك عمة ناصر حلوه وطيبه ونعرفها
رامي اتضايق لمن حس انه ماهمها واتضايق اكتر لمن سمع اسم ناصر فسكت.....
رامي..................................
رندا استغربت سكوته اتوقعته ينفعل كالعاده ولا يقول اي شي..بس هوا صدمها بسكوته وبالهدوء الغريب فيه...
رامي قعد ساكت ويفكر...كيف صار يحبها قد كدا معقوله..اتشعبت رندا في قلبه لدي الدرجه..صار وجودها جمبه يحسسه بمشاعر واحاسيس عمره ماحسها..ماعمره اعتقد ولا فكر انه ممكن يحسها تجاه اي بنت في هالدنيا...ودحين وبعد ما حسها حسها تجاه رندا..رندا اللي طول عمرها كانت في نظره زي اي بنت في الدنيا..ياما اجتمعوا وياما اتكلموا وضحكوا الا انه ولا مره خطر بباله انه يحبها...ومتى حس بدا الشي من بعد ماراحت من بين يده.؟؟؟...قعد رامي ساكت ويطالع في وجهها الحلو..وعيونها ذات النظره الحاده اللي تخرق قلب اي احد ممكن يشوفها..كانت بتطالع في البحر وسرحانه فيه..رامي مسك قلبه على منظرها..شكلها يجنن..وقربها منه يجننه اكتر..فصار يردد في قلبه احبها كيف ما احبها انا طوول عمري احبها..بس ماوعيت على هالحب الا دحين...اه ياقلبي مستحيل يارندا تكوني لواحد غيري مستحيل...
رندا..لمن سكت رامي..حست بشعور غريب في نفسها..ماقدرت تمنع نفسها انها تحس فيه..هيا ورامي لوحدهم وبمكان متقارب زي كدا...هيا حاسه لنظرات رامي..بس ماتقدر تطالع لجهته..خلاص هيا اتخذت قرارها..لازم تقتل حبها لرامي ومايصير ترجع في هالقرار...بسسس للاسف كل مره تفشل.. وجود رامي يجبرها ويجبر قلبها على النبض بحبه ولحبه من جديد...
تحبيه؟؟؟
انصدمت رندا من الكلمه اللي سمعتها واعتقدت انها سمعت شي خطأ..التفتت له..وطالعت فيه بإستغراب..
رندا:شو؟؟
 
رامي بنظره حزينه:تحبيه؟
رندا بعد ما اتأكدت من الكلمه:مين هوا؟
رامي وهوا مايبغا ينطق اسمه على لسانه:اللي يقولوا عنه انه خطيبك...وسكت حس انه لو قال اسم ناصر احسن من انه يقول خطيبك..هالكلمه تجرحه الف مرره بدل اسم ناصر ..
رندا..انصدمت ما اتوقعت احد يسألها دا السؤال ومن مين كمان من رامي...رخت عيونها على تحت وقعدت تفكر في نفسها وتسأل نفسها هالسؤال اللي ماقد فكرت فيه..احبه؟؟احب ناصر............................................. .........لالالا مستحيييييييييييييييييل انا مافي احد بقلبي الا رامي..يمكن كنيت لناصر مشاعر..بس مستحيل تكون حب..ممكن تكون امتنان على حبه الكبير ليا..وممكن تكون تعاطف...لكن حب مستحيل لا قلبي ماينبض لأحد غير رامي..مهما سويت ومهما صار..ولو انه الزمن عاندني والاقدار ماوقفت في صفي..الا انه حبه مستحيل ينمحي من قلبي...ومن يوم ما اترددت هالجمل في بالها...قلبها صار يدق بعنف..وحست انه الحب رجع انولد من جديد في قلبها....وانه مهما حاولت تنكر وجود هالحب يرجع رامي بقوه يرغمها انها تحس بيه..ويشعل انواع النيران اللي تحرق قلبها الضعيف اللي مايقوى على كل اللي بيصير له...وانهت كل تفكيرها على جمله هيا متأكده منها بدل المره ميه..
رامي متغلغل في قلبها...وماتقدر تمحيه او تمحي حبه من قلبها...رفعت عينها بيأس على هادي الافكار والمشاعر اللي اشتعلت في نفسها واللي حاولت تطفيها لكن ماقدرت..
ولمن رفعت عينها شافته يطالع فيها بنظره متفحصه..كان شكله كأنه يدور على حاجه في عيونها..يدور على جواب ل سؤاله..ويدور على لمحة حب وحبل نجاه ممكن يتعلق فيه..كاخر شي ممكن يحسسه او يبين له انه في بصيص من الامل يقدر يكسب بيه حبها..
رندا اشاحت بوجهها عنه قبل ماتضعف وتبين اي شي من اللي في نفسها تجاهه...التفتت للبحر...واستنشقت هوا جديد من هالهوى الطلق اللي بيمر عليهم..محاوله انها تخفف توترها ونبضات قلبها اللي كل مالها في تزايد...كانت خايفه بجد انه يحس بحبها تجاهه..او يحس بنبضات قلبها..اللي هيا حاسه انها ملت كل هالكون من قوتها...
رامي انقهر من سكوتها وفهمه بطريقه خطأ..فهم انها تحب ناصر..بس ماتبا تقوله عشان لاتجرحه ولا اي شي..وعلى هالافكار الغلط..حس انه راسه يعوره..والصداع والدوخه اللي دايما تجيه بين كل فتره وفتره جاته في هالوقت..اتنهد...وشاف وجهها الحزين...وحس انه ظلمها معاه وبيظلمها...وقال في نفسه..وهوا يتجاهل الالم اللي في قلبه قبل راسه..رندا ماتستحق اللي انا بسويه فيها..هيا وبرغم حبي لها..من حقها تكون مع اللي اختاره قلبها...ولمن قال اخر جمله..سودت الدنيا في عيونه وزاد الالم عليه..وحس نفسه دايخ...ومو قادر يشوف اي شي...وقف مايبغا يدوخ قدام رندا هوا عارف انه الحاله حقته بتجيه دحين...ومايبغا يكون ضعيف قدامها..وقف رامي وماقدر يتحرك من مكانه خطوه ...وطاح على الارض...
رندا قلبها وقف ومسكته من الخوف..
رندا بصدمه:رامي ايش بك؟؟
رامي وهوا يحس بالم في راسه وجسمه بيرتجف:مافيني شي بس دوخه بسيطه
رندا قلبها عورها عليه..وماعرفت ايش تسوي صارت تلتفت يمين ويسار يمكن تلاقي امجد ويجي يشوف رامي...لكن مافي له اي اثر لاهوا ولا لمى...
نرجع ل اللحظه اللي قامت فيها لمى وراحت السياره على اساس انها نسيت شي..راح وراها امجد وهوا ناوي يصالحها يعني يصالحها سفره قريب بعد كم يوم وهيا ماهي معطيته وجه..
لمى بقهر مصتنع:نعم ايش اللي جايبك ورايا؟؟
امجد بعيون عاشقه:قلبي
لمى وهيا تحاول ماتتأثر بصوته ولا عيونه:نعم؟؟
امجد وهوا يقرب منها ويأشر على قلبه:قلبي ماهان عليه يشوفك تبعدي عني خاف عليا لا اموت من بعدك
لمى.........قلبها كان يدق كل مايقرب منها امجد اكتر..او يهمس بأي كلمه..
امجد وهوا يقرب منها ويمسك بدها:لمى حبيبتي انا اسف والله اسف
لمى........
امجد:حياتي وربي انا ماقلت اللي قلته الا من حبي لك وشوقي الكبير للوقت اللي بنكون فيه مع بعض
لمى.........
امجد وهوا يبوس يدها:امريني انتي بس قولي اللي تبيه..وانا بنفذه..لو تبيني ارمي نفسي في البحر عشان خاطرك والله لسويها..لو تبيني اذبح نفسي واريحك مني انا مستعد..
لمى لاشعوريا:بسم الله عليك بعيد الشر عنك لاتقول كدا
امجد بفرح:ياقلبي انا على اللي يخافوا عليا
لمى.......استحت ورخت راسها..زل لسانها ماقدرت تمسك نفسها..ياربي تحبه..تمووووووووووت فيه بس تباه يتأأأدب كل شويه يعصب عليها..ويزعلها..صارت مصخره عنده..كل ماحب يعصب على احد جا وعصب عليها..
امجد وهوا يرفع راسها بيده:لمى
لمى طالعت فيه وفي عيونه..بس ماردت..
امجد:لو في كلمه اكبر واحسن من كلمة اسف..وتعبر عن شعوري كان ماقصرت ولا بخلت عليكي فيها وقلتها بس مافي.......لمى الله يخليكي لاتصيري زعووله كدا وربي كل يووم احس نفسي بموت وانتي بعيده عني..لاتحرمينا من لحظاتنا الحلوه مع بعض انا بعد كم يوم مسافر ومابتشوفيني بعد كدا
لمى بحززن كبيررر:لاه لاتسافر
امجد:ما اقدر أأجل سفري ورايا دراسه ومستقبل ينتظرني هناك
لمى بحزن:وانا مو مستقبلك ما اعني لك شي
امجد وهوا يمسك يدينها الاتنين:انتي انا..انتي حياتي وقلبي وعمري وكل شي في دنيتي انا بدونك ما اقدر اعيش
لمى:اجل خلاص سيب دراستك وارجع زي اول ادرس هنا
امجد:مو ياحبيبتي انا ليه بسوي كل دا وليه بدرس واجتهد مو عشان حياتنا..عشان نبني مستقبل كويس..هناك انا اتوفرت لي فرصه اكبر من هنا..وشهاده افضل..كيف تبيني ارفضها..وهيا ممكن تختصر عليا كتير من الوقت اللي بقضيه في الدراسه هنا
لمى........
امجد بصوت وصل لقلب لمى وخلاه يرجف:لمى خلاص لاتكبري المواضيع بدا الشكل..انتي قرري متى تبي الفرح..وانا موافق على الموعد اللي تحطيه..ومن دحين ابدأي جهزي نفسك ورتبي امورك ولمن تخلصي..انا بجي قبل الموعد بأسبوع واظبط الامور معاكم..واخدك بعد الفرح بيوم ولا يومين ونسافر مع بعض..ووقتها اوعدك انه مافي شي في الدنيا بيفررقنا
لمى ابتسمت بحب..لأول مره من بعد زعلها في وجه امجد:اكيد؟
امجد وهوا مبسوط من ابتسامتها:اكيدين
لمى....
امجد: لمى حبيبتي خلاص فضيها من سيره والله ما اقوى على زعلك اكتر من كدا
لمى بدلعها المعتاد:برضا بس بشرررط؟؟
امجد بحماس:امررري كلي لك

لمى بجديه:ما ابغاك تصير عصبي كدا انا ماكنت ادري انك عصبي كدا وهالفتره صدمتني بعصبيتك وكل ماصار شي مو على مزاجك عصبت عليا وبهدلتني
امجد بندم:والله مو بيدي ياقلبي انا بسوي كدا من حبي ليكي يعني لو لاحظتي كل الاشياء اللي تعصبني وتنرفزني هيا اللي تبعدني عنك وانا انسان ما اقدر اتحكم في مشاعري اذا هالمشاعر كانت تخصك انا احبك احبببك واتمنى اقضي كل لحظه من عمري معاكي..انا وصلت لليوم اللي حسيت فيه بشعور الموووووت تعرفي يعني ايش شعوور الموت.....((ودمعت عينه ولمى اتقطع قلبها علييه))....انك تبعدي عن كل غالي..انك تتحسري على كل لحظه حلوه..وكل كلمة حلوه كانت في قلبك وماقولتيها للي يستحقها..انك تحسي بمقدار الناس في قلبك بعد ماتحسي انك حتبعدي عنهم وماقدرتي تسعديهم بالقدر الكافي..
ومد امجد يده لعيونه ومسح دمعه صغيره انهمرت على خده وابتسم بشي من السعاده:ودحين يالمى من بعد ماربنا اكرمني ما ابغا اضيع اي لحظه من عمري ابغا اعيش سعيد ومبسوط ابغا اسعدك يالمى ابغا اعوضك عن كل لحظات الالم اللي سببتلك هيا
لمى والدمعه تنهمر على خدها مدت يدها لوجهه بكل حنيه:لاتقول كدا كلامك يعذب قلبي بعيد الشر عنك لاتجيب سيرة الموت مره تانيه وتأكد انه بحبك ليا وبقربك مني املك كل لحظات السعاده اللي في العالم
امجد وهوا يبتسم في وسط الدموع اللي غرقت عيونه مره تانيه ويحط يده على يدها ويجرها لفمه ويبوسها:اجل خلاص انسي الموضوع التافه دا وخليني اتهنى ب الكم يوم اللي باقيتلي معاكي
ابتسمت لمى في وجهه بخجل وقالت:انا اصلا ماني زعلانه بس قاعده اتغلى
امجد بصدمه:نعم؟؟
لمى:ههههههههههههه ايوه من جد والله انا اصلا ما اقدر ازعل منك مهما تسوي فيا بس كان مجرد قهر من اللي قلته وراح في وقتها..فقلت اتغلى عليك واشوف ايش تسوي عشان تراضيني
امجد بإحباط:افا كل هالوقت قاعده تتغلي عليا وانا زي الاهبل جالس اراضي فيكي
لمى وهيا تضحك بمرح:ههههههه احمد ربك اني رضيت عليك ولا انا تغليا من نوع تاني ممكن يوصل التغلي عندي لسنين
امجد وهوا يبتسم بخبث:واهون عليك سنين يامفتررريه
لمى وهيا تطالع في عيونه اللي تجذبها...اه منه ومن عيووونه...يخليها غصب عنها تحس بانواع المشاعر وهوا بقربها يخليها تحس انها اجمل انسانه في الكووون..وانه بقلبها في كل لحظه ينولد حب جديد وشوق كبير له...حتى وهوا قدام عيونها...
لمى بدلع:اه منك عارفني
امجد:هههههههههه طبعا طبعا انا امجد مو اي احد
لمى بنعومه خلت امجد يذوب منها:احبك
امجد بإبتسامه كلها حب وعشق:وانا احبك اكثر
ومسكها من يدها واخدها وقعدوا يمشوا على الشاطئ كأي عاشقين ومو مهتمين لأحد..متناسين بقووه وجود رندا ورامي معاهم..ومتناسين وجود كل هالعالم من حولهم..وكل اللي يعرفوا انهم يحبوو بعض وبس..وبعد فتره..سمع امجد صوت جواله يدق...
امجد وهوا يشوف رقم المتصل:اوووووووووه
لمى بخوف:خير ايش في؟
امجد:رامي ورندا نسيناهم هههههههههههههههههه
لمى بصدمه:اي والله صح هههههههههههههههه الله يهديك انتا السبب تلاقيهم مساكين خافوا علينا رد عليهم رد
امجد وهوا يرد عليهم:الووو
رامي بصوت تعبان:امجد فينكم؟؟فين اختفيتوا؟؟
امجد بإستغراب:احنا هنا بنتمشى شويه انتا ايش به صوتك كدا؟؟
رامي وهوا يحاول يخلي نفسه عادي:مافيا شي بس يلا تعال اقعد مع اختك انا رايح عندي مشوار مهم
امجد:اممممممم والله احنا مشينا بعيد مره تعالوا انتو المكان هنا حلووووو
رامي وهوا يشوف رندا اللي باين عليها الخوف والقلق:خلاص طيب بنجيكم بس انتو فين بالظبط؟؟
امجد:احنا عند الميدان اللي بعدكم على طول شايفه
رامي وهوا يشوف الميدان:افففف بعيد ماتستحوا ايش اللي وداكم هناك خلاص دحين نجيكم باي
امجد:بايات
رامي وهوا يحاول يضغط على نفسه ويوقف:اوكي رندا خلينا نروح لأخوكي راح هوا ولمى يتمشوا شويه
رندا وهيا توقف بقلق:طيب بس انتا ايش بك؟
رامي وهوا يغمض عينه بقوه يمكن تروح الدوخه:........... مافيا شي يلا خلينا نروح لهم...ومشي قدامها بخطواته المترنحه واللي تبين مدى تعبه..
تبعته رندا ومشيت وراه وهيا بتموت من الخوف عليه..باين التعب عليه من جد...وشكله مايطمن..هيا كانت تعرف انه تعبان وتجيه حالات من بعد الحادث..لكن للان ماتعرف ايش هوا تعبه..ولا ايش وضعه؟...
وفجئه...
طاح رامي على الارض..قدام عيونها...
راحت تجري رندا بكل خوف لجهته وقعدت على الارض ومسكته وحطت نصه على عبها..
رندا وهيا تضربه بشويش على خده:رامي ايش بك رامي
رامي..............
رندا برعب:رامي رد عليا رامي ايش بك
رامي بهمس:رندا رندا
رندا وهيا تبكي: رامي حبيبي ايش بك؟؟انا هنا معاك رامي كلمني رد عليا
رامي واللي كان مو داري عن الدنيا:رندا لاتسيبيني رندا انا احبك
رندا قلبها عوره عليها..وماسمعت شي من اللي قاعد يخربطه رامي..وصارت تقول في نفسها ..ايش به رامي .. ايش به...فتحت شنطتها واتصلت على امجد على طول..
رندا:الووووو امجد الحقني
امجد بخوف:ايش في ايش صار؟
رندا وهيا تبكي:رامي
امجد وهوا يوقف من الصدمه:ايش به رامي؟؟
رندا:ما ادري ايش به...كنا نمشي...فجئه طاح على الارض..امجد تعال رامي بيمووت
امجد:خلاص طيب اهدي انتي بس دحين اجيكي...وقفل التلفون...
امجد:لمى قووومي بسرعه رامي مدري ايش به
لمى بخوف:ليه ايش صار؟؟
امجد:مدري والله الحقيني انتي بس انا بروح لهم بسرعه
وقام نط من مكانه..وراح يجري لمكان رامي ورندا...
في الجهه التانيه رامي..كان لساته مغمي عليه..وجبينه يصب عرق..ويدينه ترتجف..ورندا كانت خايفه عليه وبتبكي ومو عارفه ايش تسوي...فتح رامي عينه بشويش وببطء..بسبب دمعات رندا اللي طاحت على وجهه..
رامي بتعب:رندا لاتبكي انا كويس
رندا وهيا تمسح دموعها:رامي حبيبي ايش بك ليه بيصير فيك كدا
رامي وهوا يمسك يدها اللي كانت محايطه وجهه:رندا ايش قلتي؟؟؟؟
رندا وهيا مو منتبهه للي بيقوله:قوووم رامي خلينا نوديك المستشفى انتا تعبان
رامي وكأنها مابتقول له شي:رندا دوبك قلتي رامي حبيبي رندا انا حبيبك انا يارندا؟؟
رندا انصدمت معقوله..ينتبه للكلمه اللي خرجت منها لاشعوريا..حست انه مو وقت هالكلام..جلسته..وقالت..
رندا وهيا تمسح دموعها:دحين مو وقت هالكلام انتا تعبان قوم خلينا نوديك المستشفى
رامي وهوا يمسك يدها بتوسل:رندا لاتحرميني من حبك انا اعرف انتي تحبيني ليه تسوي فيني كدا رندا انا اذا كنت تعبان فانا تعبان من بعدك ومن صدك وجفاكي الله يخليكي لاتسيبيني
..وفي هاللحظه وصل امجد..اللي انقذ رندا من الرد اللي كانت مو عارفه ايش بتقول فيه...
امجد بخوف:رامي ايش بك؟؟
رامي وهوا يحاول يوقف ويمد يده لأمجد:ولاشي بس دوختي المعتاده جاتني
امجد بإستغراب:بس رندا قالت انتا تعبان مره؟؟
رامي:لالا مافيا شي بس ماقدرت اصلب نفسي فطحت
امجد بقلق وهوا يشوف وجهه المصفر يمد له يده عشان يساعده:لالا انتا تعبان هالمره من جد شكلك مررره مايطمن لاتسوي في نفسك كدا يارامي خلينا نوديك المستشفى
رامي طالع في رندا..فلقاها رايحه لجهة بعيده عنه شويه كانت بتدور على جوالها اللي رمته من بعد ماكلمت امجد..لكن رامي فهم الحركه بطريقه خطأ..رامي في نفسه..يالله يارندا قد كدا منتي مستحملتني ومن يوم ماجاتك الفرصه تبعدي عني رحتي..
امجد:رامي ياشيخ خليني اوديك المستشفى نطمئن عليك اكترر اسمع كلامي
رامي وهوا يشوف رندا رجعت لهم مره تانيه قال بحزن وهوا يرخي راسه:ماله داعي انا رحت لهم كم مره مو عارفين السبب خلاص يا امجد ربك لاكتب القدر محد بيرده
امجد بصدمه:ايش تقصد؟؟
رامي وهوا يمشي بتجاه سيارته بشويش:ولاشي
رندا صرخت في قلبها..لا...وطاح الجوال من يدها..من بعد ماسمعت اخر الحوار اللي دار بين امجد ورامي..
وصلت لمى بعد ماركب رامي سيارته بثواني..
لمى بخوف:فينه رامي ايش به؟؟
رندا.....
 
امجد بتذمر:راح
لمى بصدمه:كيف خليته يسوق وهوا تعبان؟؟
امجد بقهر:مارضي ايش اسوي له ماهو صغير عشان اضربه ولا امنعه
لمى بحزن على حاله:والله هالولد فيه شي ومو راضي يقلي انا حاسه انه يتألم
رندا............سكتت وطالعت في لمى..وقالت في نفسها..ياربي ايش اسوي ايش اسوي..رامي بيتعذب عشاني وانا واقفه ما اتحرك ولا اسوي له شي...لالالا لازم اتصرف طز في ناصر وطز في الدنيا كلها رامي قلبي ومستحيل اسمح انه يتعذب بدا الشكل..انا لازم اتصرف
في مكان اخر..
كان جالس ونيران الشوق تحرقه حرق..اشتاق لها كلمه لو قلتها ماتوصف لو قطره من بحر شعوره..
مايقدر يوصل لها..يحبها ويموت فيها ويبغاها له اليوم قبل بكره..لكن حواجز كثيره تمنعه انه يوصل لها..كل ماصرخ في الليل باسمها دمعته تنزل..وكل مالمح حرف من حروف اسمها..قلبه يتألم..يتمنى اللحظه اللي يكونوا فيها مع بعض..بسسسسسس....
......:ماجد ايش بك ياواد ليه مسررح؟؟
ماجد وهوا يفوق من سرحانه يقول بدون نفس:مافيا شي
نواف:المهم تقولك الوالده روح ل روان مايصير صارلك اسبوعين مارحت لها
تنهيده كبيره طلعت من صدر ماجد وهوا يسمع اسم روان..اه ياروان ياقدري اللي ماقدرت اتخطاه..مالك ذنب ولا ليا ذنب والله يعينني على الجاي..
ماجد وهوا يوقف:خلاص طيب حاروح لها بعد المغرب..
نواف بإستغراب من حاله:براحتك
وطلع ماجد من البيت وهوا حزييييين...وصل لدرجة فظيعه من اليأس من بعد اخر مره شاف فيها رهف وراحت وخصرته..كيف يقولها قدر هالزمن معاه..وكيف يوصف لها الشوق للحبيب الاول والاخير...واللي مخليه واقف ومايسوي شي...اصعب شعور..لمن يكون حبيبك موجود قدامك ومنتظرك تجيه وتكملوا الطريق مع بعض..بس في شي يمنعك توصله..حاجز كبير زجاجي شفاف بس قووي ومايلاحظه حبيبك ولايشوفه لكنه في الواقع موجود..ويمكن لو حاولت تجتازه تطيح وتفشل فشل اكبر من اللي انت فيه..لانك وقتها ممكن تخسر حب حبيبك..وامله وثقته فيك..وتخسر نفسك وروحك ببعدك عنه وبفشلك الذريع بمحاولة اجتياز هالحاجز..
وصل ماجد للبحر وعلى الكورنيش بالتحديد وقف سيارته بطريقه عصبيه..تركت اثر للكفرات على الارض..نزل من السياره وجلس على طرف السياره من قدام..يراقب غروب الشمس بكل حزن وتفكير..وفجئه خطرت في باله فكره..يتصل عليها ولو لمره وحده يسمع صوتها ولو للحظه..يمكن ترد عليه..يمكن تعطف عليه وتحن...طلع جواله من جيبه بتردد..وقال في نفسه..بس انا اخذت عهد على نفسي اني ما اكلمها ولا اتقرب منها عشان اخوها....ياررررربيه ايش هالحيره..اتصل ولالا...؟؟..وفجئه...
ماجد:لالالا بتصل مالي دخل انا بموت لو ماسمعت صوتها اليوم..وحده كلمه على الاقل ومن بعدها خليها تسوي فيا اللي تباه..تقفل السماعه تسبني تسوي اللي تسوي..
دور على الرقم اللي سجله في جواله بإسم ليلة البحر...<<<لو تفتكرو ديك المره لمن كان ماجد مع اصحابه واتصل عليه شخص مايتكلم...سجل الرقم بدا الاسم..
اتصل ماجد على الرقم وجسمه كله يرتجف يارب ترد يارب ترد....وبعد فتره..
الو............................................... .................................................. .................................................. .................................................. ......
تتوقعوا هالالو كانت من مين..
ماجد بإستغراب:الووو
........:نعم؟؟
ماجد بصدمه:مين معايا؟؟
......:...............
ماجد...وقف قلبه وقال في نفسه الصوت...وقاطع تفكيره..
.......:انا روان
ماجد.................................انصدم ماجد ووقف من الصدمه..
ماجد:روان؟!!!!!!!!!!!
روان بصوت واطي:ايه انا
ماجد......فتح عيونه على وسعهن..يعني كل الكلام اللي قاله داك اليوم...روان سمعته..كانت روان مو رهف...زي ماهوا اتوقع..خانه قلبه ودق للمتصل..وماكان اللي دق له رهف..اخخخخخخ..بس اخ...من جد الدنيا توريك اللي ماعمرك اتوقعت في يوم انك تشوفه..جلس ليالي طوال وهوا يحلم في هالرقم وصاحبته...طول الوقت وهوا يعتقد انه رهف صاحبة هالرقم...وفي الاخير تطلع روان..
روان:ماجد ماجد
ماجد وهوا لساته مافاق من الصدمه:كيف انتي ياروان كيف دا رقمك فهميني؟؟؟
روان:.........تعال لي اليوم البيت وبنتفاهم
ماجد وهوا يتحرك من مكانه:اكيييييييد انا دحين جيك...وقفل بدون ماينتظر منها رد...وشخط بالسياره على طريق بيت روان.....وبعد ماوصل بسرعه جنونيه...نزل من السياره وساب المفاتيح فيها..يبغا يوصل لروان بسرعه مستحيل تكون هيا صاحبة هالرقم...ورهف ورهففف...معقوله يعني ماكانت رهف..لالالا كيف كدا..وصل عند الاصنصير ووقف..افتكر شي..سامي و هلا بيزعلوا لو راح لهم بدون مايشتري لهم الحلاوه اللي وعدهم فيها..بس قال في نفسه..دحين مو وقته خليني اطلع اشوف ايش الحكايه رهف اهم...بس صوت صرخ في باله..لا سامي وهلا بيزعلووا وحرام يكسر بخاطرهم...رخا راسه ورجع لورا بخطوات بطيئه..رجع لسيارته وركبها..كان بيسوق السياره بهدوء على عكس ماكان سايقها قبل شويه وكان بيفكر بالموضوع بشكل اهدأ...اذا كانت روان اللي سمعتني فمعناته عرفت انه في حياتي وحده غيرها...واذا هالرقم طلع مو رقم رهف..معناته رهف ماحاولت تكلمني ولامررره...والامل الوحيد اللي كنت بانيه على الاتصال اللي كنت مفكر انه منها..انقتل..وصل للسوبر ماركت..ونزل اشترى الحلويات..وطلع وركب السياره وسمع جواله يدق طلعه وشاف الرقم واكتئب اكثر كان الرقم ليلة البحر..رد بحزن..
ماجد بصوت رجولي قوي:الووو
روان بصوت باين عليه الخوف:ماجد فينك؟
ماجد بإستغراب:هنا في السوبرماركت خير في شي؟؟ا
روان:لابس قلي سامي انه شافك من الطاقه وقفت السياره ونزلت منها بسرعه بعدين رجعت رحت مره تانيه صار شي؟؟
ماجد وهوا يحاول يخلي نبرته عاديه:لا ماصار شي بس افتكرت اني وعدت سامي وهلا اجيب لهم حلاوه وماجبتها معايا فرحت السوبرماركت
روان:طيب الحمدلله اهم شي انك بخير
ماجد:اوكي تبي شي من السوبرماركت ناقصكم شي؟
روان:لاسلامتك
ماجد:اوكي مع السلامه
روان:في امان الله
قفل ماجد وبعد مده قصيره وصل للبيت..نزل من السياره وطلع عتبات البيت وهوا يتأمل في ملامح هالبيت اللي قدامه..البيت عباره عن فيلا من دورين..ديكورها من بره مصمم بطريقه حلوه وملفته للانظار..مبني من حجر المرمر وباين كأنه من بيوت الطراز القديمه...اتنهد ماجد قد ماحاول انه مايجي هالبيت ويمنع نفسه انه يتواجد فيه تحكمه الظرووف ويرجع له تاني...وقف قدام الباب ودق الجرس وماسرع ماشافها قدامه بطلتها الحلوه وابتسامتها الناعمه..
روان:هلا والله
ماجد وهوا يدخل:هلا فيكي
سامي وهوا يجري لجهة ماجد:ماجد ماجد
ماجد وهوا يشيل سامي ويبوسه:هلا حبيبي
سامي:ماجد جبت لي الحلاوه اللي قلت لك عليها
ماجد وهوا يوريه الكيس اللي في يده:ايوه حتى شوف
سامي بفرح: هيييييييي هييييييييي حلاوه..ومن المكان اللي جا منه سامي طلعت بنت صغنونه باين عليها انها ما اتجاوزت السنه ونص من عمرها..
ماجد وهوا ينزل سامي ويفتح يده للزائره الجديده:هلا بحبيبة قلبي هلا هلوله
هلا وهيا تجري لجهة ماجد:مازد
اخدها ماجد في حضنه وباسها واعطاها الحلاوه اللي اشترى لها هيا..
هلا:ثكرا
ماجد:العفو ياقلبي
روان:سامي خد الحلاوه وخد اختك وروح غرفتك
سامي بإعتراض:لالا انا ابغا اقعد مع ماجد
روان بحزم:سامي
سامي وهوا يرخي راسه بحزن:تيب
نزل ماجد هلا على الارض وهوا مستغرب..من تصرف روان.. واخدها سامي ومسكها من يدها وراحوا لجوة البيت..
روان بصوت هادئ:اتفضل ايش بك واقف عند الباب؟؟
ماجد وهوا يدخل لجوة البيت:زاد فضلك
دخل ماجد مع روان غرفة الجلسه وقعد وهوا ينتظر ردة فعل روان واللي بتسويه..
هوا اول ماسمع صوتها كان مقرر يقول كلام كتير وفي باله تساؤلات كتير..لكن بعد مافكر بالموضوع بشكل هادئ.. قرر انه بيجلس ساكت ولا بيسوي شي..خلاص هوا اعتزل هالدنيا واعتزل التصرف فيها..اتعود على الدنيا انها هيا اللي تفاجئه وهوا اللي عليه يستقبل مفاجئاتها وبس...حتى في ابسط المواقف صار جامد ومايتحرك..وفي هالمره بالذات وقدام وحده زي روان..بيتحمل هالصمت وللابد..لانها انسانه تستحق الصمت تقديرا لها..ولانه في الاساس مايعرف ايش يقول الموقف صعب...
جلست روان وهيا ترجع خصله من شعرها ورى اذنها..جلست بهدوء..وهيا مبتسمه ابتسامتها الطيبه الحنونه اللي تبعث في نفس اي انسان الراحه والامان..
ارتاح ماجد جزئيا لمن شاف ابتسامتها لكن ظل مصاحب للصمت..بدأت هيا..
روان:اول شي انا اسفه اني ماقلت لك لكن ماجات فرصه مناسبه
ماجد:.......
روان:انا طلعت هالرقم من فتره بعيده او بالاصح من قبل يومين من الاتصال اللي جاك....انا كنت سايبه الجوال عى الطاوله وجات هلا واخدت الجوال وقعدت تخربط فيه واتصلت على رقمك بالغلط..وانا لمن جيت واخدته منها انصدمت انها متصله عليك من فتره فرفعت السماعه اشوف ايش اللي بيصير وسمعتك تقول اللي تقوله ووووووو...على طول قفلت الخط
ماجد......قعد يفكر في نفسه ايش اخر جمله قالها قبل ماينقفل الخط وافتكر.انه قال احبك..اخ ماجات ترفع السماعه اللي على دي الجمله.....وقعد ساكت وراخي راسه..
روان بصوت هادئ:مين هيا؟
ماجد رفع راسه بصدمه:مين؟
روان:اللي قالبه كيانك بدا الشكل؟؟
ماجد وهوا يتصنع الاستغراب:قالبه كياني كيف يعني؟؟
روان وهيا تغمز له:عليا يعني تبا تفهمني انه مافي هالوحده
ماجد حاول انه يبتسم عشان يثبت لها انه مو خايف ولا مرتبك لكن ماقدر..انسانه زي روان حرام تنجرح وكلامها دحين وطريقة كلامها العاديه تدل على حزنها اللي تحاول تخفيه..
روان بعد فترة صمت استنت فيها ماجد يتكلم:..........صار لك فتره طويله منت على بعضك اشوفك دايما حزين ومكتئب خيررر ايش المشكله؟؟
ماجد:مافيا شي والله بس الدراسه والشغل هاد حيلي
روان:متأكد؟؟
ماجد:ايووه
روان:طيب ماتبا تقولي مين هيا؟؟ يلا قولي بسرعه ولا بزعل منك؟؟
ماجد بحيره:ايش اقلك؟؟
روان:ميين البنت اللي تحبها؟؟
ماجد انصدم منها بالفعل قووويه كيف تقدر تقول له هالكلام..
ماجد:روان انتي من جدك تتكلمي؟؟
روان بمرح:ايوه طبعا ليه؟
ماجد وهوا مازال على صدمته من صمودها وكلامها:الكل ممكن يقول اللي تقوليه الا انتي ياروان الا انتي
روان:وليه يعني؟
ماجد اندهش منها..تستهبل عليه..ولاهيا هبله من جد..
روان بعد فتره بسيطه من الصمت:.........لاتقولي عشان انا انا..ورخت راسها..خطيبتك...!!!!
ماجد بسرعه:شي اكيد
روان:بس هادا ماينفي انه ممكن يكون في حياتك وحده غيري ويمكن هيا موجوده من قبل وجودي
ماجد:ايش تقصدي ولإيش تبي توصلي؟؟
روان:هل احبك اللي سمعتها كانت موجهه لوحده انتا كنت تعتقد انها المتصله ودا شي انتا أكدت لي هوا اليوم.. فإذا كان في حياتك حب ابغا اعرف ليه خطبتني؟؟وبتعذبني وتعذب نفسك؟؟ليه؟؟؟
ماجد....سكت و ماعرف ايش يقولها روان فاهمه كل شي وعارفته من زمان وما اتكلمت كيف قدرت تتحمله كل الفتره اللي راحت وهيا عارفه انه في حياتي وحده غيرها..بس ايش يقولها يقولها انتي شي فرضه الزمن عليا...واني لو ماخطبتك كان امي غضبت عليا واتبرت مني..لأنه ابوكي متوفي وصرتي يتيمه وانتي بنت اختها وخايفه عليكي من الحياه وتبغا تضمنك لواحد هيا متأكده منه وواثقه من اخلاقه فما لقت احد الا انا...ولدها اللي حكمت عليه بالتعاسه ببعده وشقاه عن رهف وقالت انه الاحق ببنت خالته اليتيمه..اه روان صدقيني ما اقدر اجرح مشاعرك..ارجوكي اعفيني من الكلام..
روان واللي كأنها سمعت وفهمت اللي بيدور في باله:لاتقولي لي انجبرت عليا؟؟؟؟؟
ماجد رفع راسه عليها..يبي ينفي يبا يقول اي شيء بس ما اسعفه لسانه...خاف يكذب وتكشفه وخاف يقول الحقيقه ويجرحها..لكن روان اتأكدت من اللي قالته وفهمته..من نظراته الخايفه والمرتبكه.؟
روان وهيا توقف بصدمه:معقوووله كل هالفتره وانتا مجبور عليا وانا مدري وفوووق كل دا قلبك ينشد لوحده غيري
ماجد وقف معاها وهوا يحاول يبرر:لا ياروان لاتفهميني غلط الله يخليكي
روان........سكتت وماقالت شي..هيا كانت حاسه من يوم ماخطبها ماجد انه فيه شي..ماهو زي ماعرفت عنه الولد المرح الطيوب الاجتماعي..كان دايما ساكت ومايتكلم وحزين بعض الشيء..هيا فسرت في نفسها حاله هادا على انه صار له من بعد الحادث..وانه لازال يعاني من تأثيره..بس طلع الموضوع غير كدا..
ماجد بصوت هادئ وقوي:روان صدقيني انك غاليه وعزيزه وقبل ماتكوني خطيبتي كنتي اختي قبل كدا..بس..((يرخي راسه))..القلوب مفاتيحها مو بيدنا...ولو في يوم انكتب لي اني اغير المكتوب وامحي ماضيا كان محيته..لكن ربنا كتب وقرر وعلينا نرضا بالقدر والمقسووم لنا من هالحياه..
روان:ايش اللي تقصده؟وايش هوا ماضيك؟؟؟
ماجد وهوا يحاول يلاقي اي شي يقولها هوا الا انه انجبر عليها لانها يتيمه لانه هالجمله بتكون اقسى من كل جروح الدنيا على قلبها الرقيق:بقولك كل شي بس انتي اجلسي وأهدأي..
روان وهيا تجلس بهدوء:انا هاديه قولي اللي عندك
ماجد وهوا يجلس:طيب اسمعيني في يوم من الايام قبل ثلاث سنين تقريبا...وحكاها حكايته مع رهف من يوم ماشافها في بيت خالد في المجلس..ومن المسجات اللي كانت بينهم..ومن حادثه..وسفره..وبعد كدا محاولته انه يلاقيها ويوصل لها..ويوم ما اتعرف على مازن وشافها في السياره واللي صار لها..والمستشفى والكلام اللي دار بينهم..وبعد كدا لقائاتهم المتعدده في اكثر من مناسبه..واخرها صدها وجفاها له....قال لها كل شي وبالتفصيل ماخبا عنها حاجه..حاول يحنن قلبها عليه..من خلال الالام والاحزان اللي لقاها في حياته..وبعد كل البعد عن موضوعها هيا وعن ضغط امه وجبرها على زواجه منها..
ماجد بعد ماخلص:ودا كل اللي صار معايا كنت اعتقد انه رقمها لكن....انتي ادرى باللي صار
روان...........................................سكت ت وقعدت تتأمل وجه ماجد الضعيف..مسكين باين عليه مدى الالام اللي لقاها في حياته..عرفت انه الدنيا قست على غيرها كتير ومو بس هيا اللي بتتألم...
 
ابتسمت..وكسرت كل توقعات واحتمالات ماجد..
ماجد انصدم من ابتسامتها..اتوقعها تثور وتعصب عليه..معقوووله بعد كل اللي عرفته تبتسم...
روان وهيا توقف: تصدق نسيت اضيفك ايش تحب تشرب؟؟
ماجد بصدمه:نعم؟؟
روان بطريقه مضحكه:ايش نعم ماعندنا عصير اسمه نعم
ماجد جاوب على سؤالها وتجاهل مزحها اللي فسره في باله على انه ابدا مو في وقته:الموجود وحبذا لو كانت كاسة مويه لإني عطشان
روان:اوووكي
راحت روان وجلس ماجد مستغرب منها هالبنت..من جد انسانه غريبه مستحيل تتكهن بردود افعالها او تتوقعها...
في مكان تاني وفي زمن تاني وفي عالم تاني...
الساعه 10.00 الصبح كانوا قاعدين يمشووا بشارع Orchard Road اشهر الشوارع بمدينة سنغافوره..وهما مبسوطين..
.....:خلاص يلا خلينا نرجع الفندق
منى:لا مزوووني بش شويه بلييييز..تعال شوف هناك في محل شكله فيه اشياء حلووه
مازن وهوا يرفع يدينه المحمله بالاكياس الكتيره:مايكفي كل دي الاشياء الحلوووه
منى وهيا تجره من يده:لاءءء تعال
اتحرك معاها مازن وهوا يضحك..اكتشف في منى شي في هالكم يوم..طلعت اكبر مسرفه في الدنيا ماتخلي شي الا وتشتريه..اشترت كل اللي بباريس وناويه تخلص على اللي في سنغافوره برغم انه مو احسن من اللي اشترته من باريس بس ايش تسوووووي في المسرفين لازم يشتروا كل شي تطيح عليه عينهم<<<ترى انا وحده منهم هههههههههههههه,,,
وبعد نص ساعه..
مازن بتعب:قلبي والله تعبت ايش رايج نروح الفندق نستريح شويتين
منى بنعوومه:سوري حبيبي تعبتك معايا اليوم
مازن استغل تعاطفها معاه فمسكها من يدها ومشاها قبل ماترجع تدخل محل من المحلات:تعبك عسل على قلبي بس لاتكتري من العسل عشان لا يجيني السكرر
منى:هههههههههههه بعيد الشر عنك طيب بنروح بتكسي ولا برجلنا زي امس
مازن:لا بالتكسيي مافيا حيل مررره
منى:اووووكي
وبعد مارجعوا الفندق بساعه..
مازن:قلبي وينج؟؟
منى من بعيد:انا هنا
مازن يروح لمكان الصوت..يشوفها قاعده في البلكووونه وبتتفرج على العالم..
مازن وهوا يجي لجهتها ويمسد بيده بحنيه على شعرها:مبسوطه قلبي؟؟
منى وهيا تلتفت له وتبتسم بحب:مدام انا معاك اكيييد بكون مبسوطه
مازن يبتسم:الله يقدرني واسعدج كمان وكمان
منى:والله يقدرني انا كمان
مازن ابتسم وماعلق وقعد يتأمل معاها المنظر..وبعد ثواني من الصمت..
مازن بإبتسامه حلوه:عجبج موقع الفندق؟؟
منى:اييووووه مررره خطيررر غير كدا الفندق نفسه مرره فخم وحلوو احس كأني في قصر من القصور الملكيه البريطانيه
مازن:طبعا اصلا فندق رافلز مشهوور انه افخم فندق في سنغافورة
منى:طيب بنقعد هنا كتيررر؟؟
مازن:لا كمان يومين وبنروح مكان تاني
منى:مزوووني لا خلينا نقعد اسبوع ولا شي خلاص تعبت كل شويه نتنقل من مكان ل مكان
مازن بإستنكار:يابكاشه فين من مكان ل مكان مارحنا الا باريس وهادا تاني مكان وبعدييييين لسه ماشفتي شي انا مرتب اموري على تنقل خطيررر في اجمل مدن العالم لمدة شهررر
منى بدلع:صراحه اقدر لك هالمبادره الحلوه بس انا معارضه
مازن بإستغراب:لييييييييييه هادا وانا متوقع انج بتنسبطي؟؟
منى:صراحه السفررر والتنقل تعبببببب وفرق التوقيت بين بلده وبلده يتعب اكثرررر
مازن:معليه هادا كله يهون في سبيل سعادتنا
منى:طيب سعادتنا ماتجي الا بالتنقل من مكان لمكان خلاص خلينا بسنغافورة ونروح الجزر اللي حولينها
مازن بتفكير:اممممممم مدري بنشوف بعدين المهم دحين جهزي نفسج رايحيين لمكان خطييييييييييير وبيعجبج
منى:بالله فين بنرروح؟؟؟
مازن:رايحين Sentosa
منى:ايش؟؟
مازن:جزيررره خطيررره وبتعجبج اكيد
منى:اها طيب متى بنروح مارينا باي؟؟
مازن:هههههههههههه ايش عرفج بدا المكان مو تقولي ماجيتي هنا قبل كدا
منى: ايوه بس وحده حرمه عربيه شفتها اليوم في السوق نصحتني اروحها تقول انه هادي المنطقه مركز التجاره وفيها اشياء حلوه ومدري ايش؟؟
مازن:ههههههههههههههه هوا انتي لسه ماشبعتي من الاسواق الين دحين خلاص ماكفاكي اللي اشترتيه جينا بشنطتين ودحين صاروا خمسه ماشاء الله
منى:ههههههههههه لا مو عشان كدا والله بس الادميه قالت لي انه في هناك اكبر نافورة في العالم مساحة فحابه اشوووفها
مازن وهوا يدفها ويدخلها جوة الغرفه:اففففففففف والله انتي مررره كلامج كتيرررر امشي اللبسي وبعدييين نتفاهم على موضوع مارينا باي هادي
منى وهيا تضحك:هههههههههههههههه طيب طيب لاتدف
وبعد ساعتين يعني ع الساعه 3..كانوا منى ومازن موجودين على جزيرة Sentosa..اللي هيا عباره عن غابة من الاشجار يجوبها قطار يوقف في محطات مختلفه وكل محطه تأخذك لعالم ساحر..
منى بصدمه:مازن بتركبني هالشي؟؟
مازن وهوا يكتم ضحكته:هههههههههه ايوه ليه ايش به؟؟
منى وهيا تطالع في القطار العالي..اللي يمشي في مسار علوووي ومو على الارض:لالالالالا مستحييييييييل فرضا طاح فينا لالالا محا اركبه
مازن:ههههههههههههههههههه والله انك وحده خوافه والله رووووووووعه القطار بتشوفي الجزيره من فوق مرره شي حلوو
منى بعناد:لالالا مستحيل محا اركبه
مازن وهوا يحاول يقنعها:منى بلا هبل عارفه هالقطار يوقفج في محطات خطيررره منها محطة متحف الاحياء المائيه وعروض الدلفين ومملكة الفراشات والله اشياء بتجننننك لاتفوووتيها

منى بعناد اكبر واكبر:مايهمني ماني مفرطه في حياتي ماني راكبته يعني ماني راكبه
مازن وهوا يطالع فيها بقهر:بتركبيييييييه غصب عنج
منى:والله ما اركبه
مازن:تتحديني؟؟
منى:ايوه اتحداك
مازن:طيب باي..واتحرك مازن قدامها وراح وسابها..واختفا بين الجموع..وهيا واقفه مستغربه منه بس ماعبرته..وتقول في نفسها..ايش بيسوي يعني..ماني راكبه يعني ماني راكبه..وشويه الا ورجع مازن وهوا يبتسم ابتسامه شاقه الوجه<<اللي تسميها رهف اللابتسامه الصفرا ههههههههههههه...
منى وهيا ترجع على ورى بصدمه:مازن ايش دا؟؟؟
مازن وهوا يوريها الحيه الكبيره اللي في يده:ثعبان ايش رايك اصورج معاه
منى برعب:واه يممممممممممممممممه بعددددددددددها عني مازن روووح بعيييييييييييييد
مازن وهوا يقرب ويعانده:لالا خدي امسكيها مررره حلووو ملمس جلدها
منى وهيا تنقز وتبعد:مازن الله يخليك لاتسوي فيني كدا
مازن وهوا يوجه راس الحيه على جهة منى:شووفي كيف تطلع لسانه
..كانت الحيه تطلع لسانها وتطلع صوت مخيف رعب قلب منى..
منى وهيا تغمض عينها من الخوف وبقوووه:حاركببببببببببب والله حاركببببببببببببببببببببببب
مازن وهوا يبتسم ابتسامة النصر:قلت لج غصب عنج
ركبت منى مع مازن القطار..واكتشفت انه مايخوف وبالعكس مررره حلووو وانبسطت مرررررررره بالمحطات اللي كل شويه يوقف عندها القطار..ونسيت خوفها اللي ماكان له داعي...
وفي هالوقت دحين هما في محطة الاسد..اللي كانت على شكل رأس اسد وجسم سمكه..واللي دخلوا جوته وشافوا الجزيره من خلال فمه..واللي كانت في داك الوقت بتمطرررر..كانوا منى ومازن واقفين يتفرجوا وهما مبسوطين..كانت منى لابسه جاكيت طوويل كحلي يوصل لنص ساقها..ولابسه من تحته بنطلون كحلي واسع شوي...وعليها طرحه بيج مخططه بخطوط رفيعه بالكحلي..ولابسه بوووت بيج..ونظاره شمسيه حلوووه..
ومازن كان لابس بنطلون جينزز وعليه بلوزه بيضه وجاكيت اسود بس مو لابسه حاطه على ضهره ورابطه حول رقبته...ونظاره شمسيه حاطها على راسها ورافعه شويه من شعره الطويل نوعا ما ومخليه خصلتين من الطرف نازله على وجهه..
منى:اللللللللله رووووووعه المنظررر
مازن وهوا يضمها له بيده بشكل خفيف:هادا المنظر يسمى منظر بانورامي
منى وهيا تلتفت له:حبيبي
مازن:هلا
منى:اطلب منك طلب؟؟
مازن:اكيد حبي امري
منى بتردد:لو قلت لك عشان خاطرري ا...وسكتت
مازن وهوا يحثها على الكلام:عشانك خاطرج ايش؟
منى وهيا تبتسم فجئه بخبث:ارمي نفسك من هنا هههههههههههه تسويها ولالا؟؟
مازن بصدمه:وي تبي تموتيني افا واهووون عليييييج ماهقيتها وربي
منى:ههههههههههههههههههههههههه لا ما اتهون وربي بس خليني اشوف ليا خاطر عندك ولالا؟؟
مازن وهوا يبتسم:ههههههههههههه طيب لو رميت نفسي عشان خاطرج ياختي ايش بتسوي انتي من بعدي ها قوليلي اذا حيه ومتي رعب منها وقطار قعدتي ترتجفي ساعتين بس عشان تركبيه هههههههه كيف بتقدري ترجعي لاهلج وتدبري امورج في هالبلد
منى وهيا ترفع حاجبينها بدهشه:ولييييه مين قلك اني برجع لأهلي!!
مازن:وووووي ليه ان شاء الله لا تقوليلي انك بتعيشي هنا من بعدي((ويمد شفايفه زي الاطفال))اهئ اهئ كيف راح تقدري تتحملي ذكرياتنا في هالمكان
منى وهيا تمسكه بيدينها من اياقة القميص حقه وتقربه من وجهها وتتكلم بصوت هادئ بس بقوة عاصفه على قلب مازن:اصلا انا محا استنى ولا لحظه من بعدك برمي نفسي من بعدك على طوووول كيف تتوقع اعيش في دنيا انتا مووو فيها
مازن قعد ساكت ويطالع في عيونها بعدم تصديق...
منى بإستغراب:ايش بك؟
مازن والفرح باين في عيونه:.......من جد يامنى انا غالي عندك كدا؟؟
منى انصدمت من رده:لييييييييييه تقول كدا؟؟عندك شك في غلاك في قلبي مصييبه لو ما اتأكدت الين دحين
مازن بفرح:لاحياتي لاتفهميني خطأ بس لإني..وتاه الكلام منه..((وبعد صمت ثواني..مر على منى الحايره من كلامه سنين))..تصدقي لو قلت لج اني الين دحين ماني مصدق انج معايا وبتقوليلي هالكلام احس اني في حلم من احلامي اللي كنت اتمناها طوول عمررري واتمنى انها تتحقق ماني مصدق انها اتحققت ماني مصدق
منى ابتسمت له بحب بعد ما ارتاح قلبها كانت خايفه انه يكون يشك في غلاه في قلبها ودا شي مستحيل ترضاه:ياربييييي عليييييك حبيبي لا صدق انا لك ومعاك طول العمررر ومن اليوم ورايح احلامنا بنبنيها ونحققها مع بعض
مازن وهاو يمسك يدينها:امووووووووووووووت فيج حياتي
منى وهيا تبتسم بخجل:وانا اموت فيك اكثررر
مازن ابتسم لها بحب:الله يخليج ليا ولايحرمني منج
منى:ولا منك حبيبي
ابتسموا لبعض ورجع مازن ضم منى له وقعدوا يتفرجوا على المنظر...وبعد فتره بسيطه..
مازن وهوا يلف حول نفسه ويأشر لها على مكان:شووفي هناك في اماكن فيها اشياء تذكاريه حلووه تعالي خلينا نروح نلحق نشوفها لانه القطار حايتحرك بعد شويه حانروح محطة تانيه
منى:اوووووكي يلا
وبعد ما جا الليل..وقضوا مازن ومنى احلى الاوقات على الجزيره.. على الساعه 8.30..
منى وهيا تنهد:اه ياربي يجنن المكان
مازن يبتسم:لانج فيه
منى ما استوعبت:ايش؟
مازن وهوا يقرب من اذنها قال بهمس:قلت يجنن المكان لانج فيييه
منى ابتسمت بخجل:عيونك اللي تجنن حبيبي
مازن وهوا يقرصها في خدها المتورد:الييييييييين دحين تستحي مني اه منج انتي بس
منى وهيا تضيع الموضوع:طيب ودحين على فين؟؟
مازن وهوا يحط يده على بطنه:على المطعمممممممممم انا جيعان بمووووت من الجوووع
منى:هههههههههههههههه اي والله ما اكلنا شي من الصبح
مازن:انتي السبب اقولج خلينا نتغدى تقولي لالالا مانبغا
منى:خطأ ماقلت مانبغا قلت ما ابغا
مازن:مافرقت
منى:الا تفرق كيف ماتفرق
مازن وهوا يقرصها في يدها:لإني انا وانتي واحد ياهبله
منى وهيا تحط يدها محل ماقرصها:اي مازن كم مررره اقولك ما احب هادي الحركه
مازن وهوا يرجع يقرصها مره تانيه:ايت حركه تقصدي؟؟ هادي
منى بقهر:مازن
مازن وهوا يمسكها من يدها:هههههههههههههه اقول امشي بس امشي
وبعدما رجعوا امجد ورندا بيتهم..راحت رندا للغرفتها وهيا تفكر ايش تسووي وكيف تتصرف رامي تعبان وراحته بيدها..مستحيل تخليه يعاني اكثر من كدا...
 
*&*الجزء الاخير*&*
اليوم الاربعاء...
كانت جالسه في غرفتها ترتب نفسها وتتزين عشان تطلع بأحلى شكل قدام اهلها..برغم انها كانت مندمجه وهيا تخط الكحل على عينها بكل تفنن الا انه بالها وتفكيرها مو معاها..كان كل تفكريها..فيه وفي اللي بتسويه عشانه..لازم تلاقي حل لوضعها خلاص هيا عارفه من زمان تبغا مين ومتأكده من مشاعرها..ودحين اتأكدت من مشاعره..ومابقي لها شي غير انها توصل له وتوضح له كل شي...ودا اللي لازم يصير اليوم....
......:بنت كفشتك ايش بتسوي؟؟
رندا:بسم الله الرحمن الرحيم فجعتيني يادبه
مي:هههههههههههههه ايش اسوي انعديت من زوجي هههههههههه
رندا وهيا تقوم وتسلم عليها:والله وحشتيني ياوحشه فينك ماتسألي عني ولاتعبريني اللي يشوفك ويشوف افعالك مايقول اني اختك وولاكأنك تعرفيني
مي وهيا تحضنها:ياقلبووووووو حرام عليكي لاتظلميني بس والله تدري جوانا والبزوره هالكينني ما بالاقي وقت اسأل عن احد حتى امي زعلانه مني
رندا وهيا تبعد عنها:الله يعينك خلاص حزنتيني بسامحك
مي وهيا تضربها على كتفها بشويش:دبببببه مين قلك اني ابغاكي تسامحيني
رندا:ههههههههههههههههههههه غصب عنك مو برضاكي اصلا
مي:وي وي اشوف الناس صاروا يشوفوا نفسهم علينا
رندا:ههههههههههههههه والله انك دبببه المهم بلا خرابيط فين جوجو وحشتني ؟؟
مي:تحت عند ستها
رندا:اها طيب بنزلها...ومشيت ووصلت عند الباب بعدين وقفت...
رندا:الا اقول
مي:ايش بك؟
رندا:اممم جا احد ولالسه؟؟
مي:الا كلهم جوو ياختي انا عشان كدا طلعت اشوف ايش تسوي ست الحسن والجمال متربعه على عرشها وماتنزل تسلم على احد
رندا:هههههههههههههه والله محد قلي ايش اسوي؟
مي وهيا تجي لجهتها:طيب يلا امشي خلينا ننزل نسلم على الناس
وفي مجلس الرجال...
امجد:والله يارامي الموضوع يبغاله تفكير انا انصحك انه لاتتسرع واستفسر اكثر عن الموضوع
رامي:انا استفسرت ولقيت انه المشروع ناجح ميه بالميه ومكسبه ماهو قليل
رائد:عن ايش تتكلموا انتو الاتنين شاركونا معاكم؟؟
امجد وهوا يلتفت لرائد ويوجه له الكلام:هادا ياسيدي ولد عمك المصون رامي يبغا يسوي مشروع تجاري بحت
خالد وهوا يدخل في وسط الحوار:ايش طبيعة هالمشروع؟؟
رامي بحماس:مركز تجاري
رائد بصدمه:مركز تجاري مرررره وحده!!؟ بسس ياشيخ انا اتوقعت تقول محل شركه بالكتير تقوم تقولي مركز تجاري
رامي:لا انتووا فاهمين خطأ بنت الامير........ال سعود هيا اللي حاتسوي هالمركز بس تبغا واحد يصمم لها المبنى وتبغاه يكون بمستوى راقي وصاحبي عبدالله ال.....كلفوه بي هالمهمه يشتغل مع ابوها الامير.....فرشحني بما اني تخصصي هندسه معماريه..وهوا يقول انه واثق من كفاءتي
خالد:والله شي كوووويس مررره
رائد:اها
رامي:ايش رايكم؟؟؟اوافق؟؟
خالد ياشيخ وافق وخلي عندك ثقه بنفسك ايش بك متردد انا واثق انك قدها وقدود
رامي:الموضوع مو مسألة ثقه بس اممم كيف اقولك؟؟
رائد:شوف اذا انتا شايف نفسك ماتقدر تمشي في الموضوع فلا توافق
رامي:لا بالعكس انا في امريكا شفت كثير من المراكز التجاريه وشفت تصاميم رووعه غير كدا دراستي في امريكا اعطتني شوية ثقه بنفسي بس المشكله انهم يبغووو التصميم يكون جاهز في مده مرره قصيره
خالد:كم يعني؟؟
رامي:شهرين بسس
رائد:طيب كويس ليه مايمديك؟؟
رامي:ايش بك ياشيخ هادا مركز تجاري يحتاج له وقت وهما يبغووه شي مررره كبير وفخممم وشي ماتقل مساحته عن 10 الاف متر مربع
امجد واللي كان يرسل رسايل للمى ويتفق معاها انه يشوفها عند المسبح ومو منتبه لهم سمع اخر الحوار:والله انا اقتررح عليك ترفض الموضوع وياشيخ بلا هم بلا قرف انتا دوبك في بداية المشاور لاتنط كدا بسررعه وتشتغل في الجد على طوول
رائد:اممممم والله حتى انا رأيي من رأي امجد فرضا تعبت وسويت التصميم وكل شي وماعجبهم وقتها محد بيكون خسران الا انتا
خالد:لالالا انا مو معاكم مرررره انا اقولك وافق صدقني فررصه مررره حلوه ومو دايما تتكرر وصدقني حتفتح لك ابواب كتيررر
رامي:افففففففففف والله حيرتوني خلاص بفكر في الموضوع بعدين
ابوخالد كان يتابع الحوار بصمت..ويطالع في رامي اللي يحس انه متلوم منه..ويحس بندم لانه رفضه وقال له اللي قاله...هوا اكيد مابيلقى احد احسن من رامي لبنته بس رامي حطه بموقف محرررج وماجا يتكلم الا بعد ما ارتبط مع الناس واعطاهم الموافقه...
ابو خالد:رامي ياولدي سيبك منهم انتا صلي ركعتين استخاره واسأل ناس عندهم خبره ولو تحب تعال لي الشركه بكره بعرفك على واحد عنده خبره في هالاشياء وبيساعدك
رامي طالع في عمه واللي كان شايل في قلبه عليه وقاله بصوت باين فيه الزعل:بشوف بعدين
امجد وهوا يوقف:خليكم انتوا في مواضيعكم هادي انا بروووح اشوف لمى وارجع لكم
رامي وهوا يوقف معاه:بالله طيب خدني معاك
امجد:على فين؟؟؟؟
رامي وهوا يجره:انتا رايح فين؟
امجد:عند المسبح
رامي وهوا يمشي:خلاص تعال انا بوريك شي
وراحوا امجد ورامي لجهة المسبح...وشافوا لمى قاعده على المرجيحه الكبيره اللي تطل على المسبح وبتتمرجح بكل هدوء وشكلها يجنن كأنها طفله مخمليه من زمن الخيال...شعرها الاسود منثور على اكتافها بطريقه حلوه من بعد ماقصته قصه حلوه مخليته متدرج من قدام وهبوب..وعيوونها راسمه عليها نظررره خطيره..وكانت سرحانه وبتفكر وبتلعب في خصلات من شعرها..كان شكلها كأنها لوحه فنيه رسمها احسن وابدع فنان...ومن غير الله عز وجل يملك كل هالابداع..اللي صور لمى في احسن صوره...
وقف قلب امجد لمن شافها وابتسم بكل حب..على شكلها الطفوولي اللي خلا كل ذره في جسمه تنتفض..
رامي بخبث:امشي ايش بك وقفت؟؟؟
امجد وهوا يطالع في رامي بإستغراب ويستوعب الوضع:انتا ماتقولي ايش تبغا؟؟
رامي:ولا شي بس جي اسلم على لمى معاك
امجد:لا والله
رامي:ههههههههه اي والله ليه في شي لمن اسلم على اختي وبنت عمي المصونه
امجد بعصبيه:رامي بلا هبل ابغا اقعد مع لمى لوحدي شويه في موضوع ابغا اكلمها فيه
رامي:عادي طيب ايش فيها لمن اجلس معاكم
لمى انتبهت لهم وقعدت تطالع فيهم بإستغراب ايش بهم جالسين يتكلموا وواقفين بعيد عنها؟؟..!!
لمى:امجد رامي ايش بتسووا؟؟؟
امجد وهوا يأشر للمى تستنى شويه:رامي رووح انقلع بسرررررعه ابغا اقعد مع حرمتي لوحدي
رامي وهوا يمشي لجهة لمى:لموووو حبيبتي ابغا منك طلب؟؟
لمى بإستغراب من حالهم:خيرر امرر؟؟
رامي وهوا يجلس جمبها ويتكلم بصوت واطي عشان لايسمعه امجد اللي واقف يطالع فيه بقهرر:فشلي امجد وقوليله انك تبغي تقعدي معايا لوحدي شويه بليييييز لموي اوووكي
لمى وهيا تبتسم:ههههههه لا ماحزرت مو انا اللي افشل امجد حبيب قلبي
رامي بقهر:مالت عليكي هادا وانا متوسم فيكي الخير تطلعي كدا
امجد جا لجهتهم ومسك رامي من ثوبه من جهة كتفه:رمووووي فارق بالطيب
رامي طالع في امجد بإحتقار من فوق لتحت واخر شي ثبت نظره على يد امجد اللي على كتفه:لو سمحت يدك
امجد وهوا يشيل يده:يالطييييييف على النظرات اكلتني هههههههههههههه
رامي وهوا ينفض بيده مكان مامسكه امجد:والله انا ماني وحش زيك عشان اكل الناس ومره تانيه احترم اعمامك حبيبي لاتتصرف زي البزوره
امجد بصدمه:اعمامي في عينك قوم بس قوووم وبعدين ليه تنفض ايش شايفني احمد ربك الف مره انه يدي لامست كتفك ومسكت ثوبك
هههههههههههههههههههههههههههههههههههههههههههههههههه ههههههههههه
التفتوا امجد ورامي للمى..ولقوها فاطسه من كثر الضحك..
امجد ورامي...؟!!!!!!!
رامي:بنت ايش بك تضحكي اتجننتي؟؟؟
لمى:هههههههههههههههههاي بطنيييييييييي ماني قادره اشكالكم ههههههههههههههههههههههههايي
امجد وهوا يطالع في نفسه وفي رامي:ايش بها اشكالنا؟؟؟
لمى:تضحكككككك هههههههههههههههههههههههههههههههههههههه
رامي وامجد...؟!؟!!
رامي:لمى وبعدين معاكي ايش بها اشكالنا مافيها شي؟؟
لمى:اه بطني ما اقدر ما اقدررر ههههههههههههههههههههايييييييييي
امجد بعصبيه:لمى وبعدين يعني؟؟
لمى وهيا تحاول انها ماتضحك:ههههههههههه ايش في ايش سويت انا دحين؟؟
رامي بقهر:سلامتك ماسويتي شي بس قاعده تتمصخري علينا وتضحكي على ما ادري ايش!!
لمى:هههههههههههههههههههههههههه انا اللي قاعده اتمصخر ولا انتوا اللي زي الاطفال تتضاربوا وتتناقروا واللي يشوفكم مايقول اعماركم عشرين ومافوق
رامي بتريقه:لالا احترمي نفسك انا رجال مايصير تساويني بي هالنونو انا عمري 24 وهوا لساته قبل كم شهر كمل العشرين
امجد بقهر:لا ياحبيبي الرجال مو بعمره باخلاقه وصفاته والعمر مجرد ارقام تنحط على البطاقه الشخصيه ويتداولها الناس
رامي بإستهزاء:هيا اتفلسف على راسنا دحين
لمى:باس طفشتوني ترى والله لو قعدتوا زي كدا بروح واسيبكم
امجد وهوا يقعد جمبها ويكلمها بحنيه:افا حبيبتي واهووون عليكي تروحي وتسيبيني
لمى بنعومه:لا حبيبي والله ماتهوون اسيب روحي ولا اسيبك
امجد وهوا يمد يده ويرجع خصله من شعرها ورى اذنها:ياعمري انتي امووت فيكي
لمى.....اكتفت بإبتسامه والتفت لرامي اللي كان مو منتبه لهم لانه شاف رندا بتطالع عليهم من غرفتها..سرح وبهت..كانت حلووووه بشكل وماهي لابسه طرحه ولاشي..كان شكلها ملائكي ويجنن..بس مالحق يتمتع بيها لانها من يوم مالمحته شافها راحت...وقعد هوا يفكر وحزين..ويقول في نفسه..اه يارندا..ليييه تكرهيني لييه ماتطيقي تشوفيني حرام عليكي انا ايش سويت لك اييييششش؟؟؟!!..
لمى بصوت واطي:ايش به رامي؟؟
امجد واللي نسي وجود رامي من يوم ماقعد جمب لمى:ايش به؟؟
لمى:مدري عنه سرحان وبيفكر وشكله حزين وهوا راخي راسه كدا
امجد طالع فيه وشاف الانكسار اللي في وجه وعوره قلبه على ولد عمه ايش به دوبه كان يضحك ويمزح..؟؟!!
امجد:رامي ايش بك ياواد؟؟
رامي وهوا ينتبه لهم:ها مافيا شي..ووقف ببطئ..
رامي:عن اذنكم...وراح يمشي لجهة مجلس الرجال..
وهوا في الطريق بيمشي مرر بالحديقه الخلفيه وفكر انه يقعد فيها شويه..وراح قعد على كرسي وقعد يدخن..ويفكر بحزن في حاله وحال رندا...
.....:ماكنت اعرف انك تدخن
التفت رامي بصدمه لمكان الصوت:رندا؟؟
رندا وهيا تبتسم:ايوه انا ايش بك مفجوع؟؟
رامي بإرتباك:ها لا عادي
مشيت رندا من قدامه وهوا يتابعها بعينه..وراحت اخذت كرسي وجابته وقعدت جمب رامي..
رامي عقد حاجبينه بإستغراب...وقال في نفسه..غريبه ايش بتسوي هادي البنت.؟؟؟!!..
رندا:هههههههههه ايش بك؟؟
رامي وهوا يخرج دخان السيجاره من فمه:مافيني شي
رندا وهيا تطالع في دخان السيجاره:من متى وانتا تدخن؟؟
رامي:من زمان من قبل ما اسافر امريكا
رندا:اها...بس مضره عشان صحتك؟
رامي بلا مباله:ومين يهتم؟؟
رندا بصدمه:كيف مين يهتم معقول انتا ماتهمك صحتك
رامي وهوا يتنهد:كنت اهتم زمان بس دحين فقدت الاهتمام بكل شي حتى نفسي
رندا....سكتت وقالت في نفسها..هادا ليه يتكلم معايا كدا والله انه مايستحي مايقدر اني جيه عشانه وقاعده احاول بكل الطرق اراضيه..
رامي وهوا يلتفت لها باهتمام:خير ايش عندك احس عندك كلام تبي تقوليه؟؟
رندا ابتسمت لانه كشفها:وليه يعني؟؟
رامي:لانه بصراحه غريبه انك تجي وتعبريني وتقعدي معايا وانتي ماتطيقي تشوفي وجهي
رندا بصدمه:انا حرام علييييك؟؟
رامي بضيقه:لا انا..وقام وقف يبغا يروح....خلاص مايستحمل برودها وعدم احساسها بحبه....واكثر اللي مايقدر يستحمله هيا عيونها اللي تحاول تلعب بيها دور البريئه...
رندا:دقيقه رامي فين رايح؟؟
رامي وهوا يطفي السيجاره:رايح للرجال فين بروح يعني؟؟
رندا وهيا توقف:طيب وانا؟؟
رامي طالع فيها بإستغراب:وانتي ايش؟؟
رندا وهيا ترخي راسها وتتكلم بخجل:تسيبني لوحدي!؟
رامي طالع فيها بإستحقار:دحين جيه تتكلمي عن الوحده..ميين اللي ساب التاني أول؟؟؟
رندا وهيا متضايقه وفرحانه في نفس الوقت لانه فتح الموضوع:انتا طبعا
رامي بإستغراب:انا؟؟؟
رندا:ايوه طبعا انتا
رامي......قعد يفكر في نفسه..هادي جيه تتريق على راسي ولا ايش...انا احسن لي اروح قبل لا اخرج حرتي فيها...ومشي باتجاه المجلس..
رندا وهيا تجري وراه وتوقف قدامه:فييين رايح؟؟
رامي طالع فيها من فوق لتحت ومشي وخصرها..
رندا بقهر:رامي ايش دا والله ماتستحي يعني تباني اجري وراك عشان تكلمني؟؟
رامي بصوت عالي:يقولولك كلن يرى الناس بعين طبعه
رندا...وقفت من القهر:ايش دا والله انه زففففففففت حمار كلب اكرهه..يبغاني اتوسل له عشان يقعد يكلمني..قلعته اصلا انا الغلطانه اللي فكرت فيه...وجع في شكل الشيطان...وراحت جوة البيت وهيا تتحرطم من القهر..
رامي وقف من بعيد وشافها وهيا تدخل البيت وتتمتم بقهررر..وقال في نفسه..ايش اللي سويته رندا جات لحدي وخليتها ترروووح...يمكن كانت تبا تقولي شي مهم..ياربيييييييييييييييي مني ايش اللي سويته معقول ضيعت هالفرصه عليا...والله انييييييي اهبببببببببببببببل...افففففففففففففففففففففف.....و دخل مجلس الرجال هوا التاني وقاعد يسب نفسه بكل قهررر..وفي هالاثناء وصل زائر محد يتوقع مجيئه..
لمى واللي كانت لساتها مع امجد في الحديقه لمحت سياره تدخل الحوش:امجد في سياره دخلت شوف مين؟؟
امجد:اووكي...وبعد ماوصل امجد قدام السياره شاف رجالين ينزلوا منها وحرمتين..
.......:سلام عليكممممم
امجد بفرح:هلا والله نوووووور البيت اسفرت وانورت يامرحبا والله
ابو جابر وهوا يسلم على امجد:كيفك ياولدي؟؟
امجد:بخييييير الله يسلمك ياخالي انتوا كيفكم وايش اخباركم؟؟
ابو جابر:احنا بخير ولله الحمد
جابر وهوا يسلم على امجد:ايش اخبارك يالدب اللي ماتسأل ولاتتصل؟؟
امجد:هههههههههههههههه والله بخير الحمدلله انتا كيفك
جابر:تمام ميه الميه
امجد وهوا يرحب بهم:اتفضلوووا اقلطووا..وهوا يلتفت لأم جابر...هلا خالتي ام جابر
ام جابر:كيفك يامجد؟؟
امجد:بخير عساكي بخير نورتو جده والله
ام جابر:الله يسلمك ياولدي النور نوركم
امجد:اتفضلوا من هنا
ودخلوا الحريم للبيت والرجال في المجلس...
وبعد ماسلموا الحريم على بعض..جاتهم لمى اللي طفشت وهيا قاعده بره...
لمى:هلا والله لالالالالا مو معقوول منوووله عندنا يامرررررررحبا يامرحبا
منال وهيا تحضن لمى:وحشتينيييييي يا وحشه وش اخبارك؟؟
لمى:وانتي الاكثرررر ياقلبي والله انا تمام بشوفتك فينك ياقاطعه ماعاد صرنا نشوفك؟؟
منال:ههههههههه انتي ناسيه اني خلاص رجعت الرياض
لمى:هههههههههههه اي والله نسيييت خساره يعني ماعاد حنشوفك كتير زي اول
منال:لا ان شاء الله محا اقطعكم ياقلبي بس من جد احس انه لكم وحشه برغم اني بس اسبوع ماشفتكم هههههههههههه
رندا:لا خطأ اكثر من اسبوع اسبوع واربعه ايام
منال:هههههههههههه حاسبتها ماشاء الله ليه قد كدا تموتين فيني ولا ادري
رندا:ايييه تصدقي حتى الدقايق في بعدك اعدها
لمى ومنال:هههههههههههههههههه
رندا:اقووول عاد لاتصدقي نفسك انا عاده الايام من يوم ماسافرت منى لانه صار لها بالظبط متزوجه من اسبوع وخمسه ايام وانتي رحتي الرياض بعد الزواج بيوم
لمى:يا اللله بس والله انا احس انه شهرر مو بس اسبوع وكم يوم
رندا:منننن جد والله صراحه وحشتني موووت ماني قادره استحمل البيت من دونها
منال:يلا ياختي كلها شهر وشويه وانتي لاحقتها
رندا............
لمى وهيا تبتسم ابتسامتها الحلوه:الا فين خالتي بسمه ماسلمت عليها
منال:في مجلس الحريم عندهم ضيوف
لمى:ضيووف؟؟
رندا:ايوووه بيت جيراننا اهل فاطمه ال....تفتكريها؟؟
لمى:ايووووه افتكرتها خلاص اجل بروح اسلم يلا عن اذنكم..وراحت...
رندا:الا كيف الرياض معاكي؟؟
منال:تمام والله
منال وهيا تطالع في جوانا:ماشاء الله كم صار عمرها؟؟
رندا واللي كانت شايله جوانا في يدها:سبعه شهور تقريبا
منال:الله يحفظها لكم ماشاء الله تزنن...وجا في بالها محمد فينه مختفي وحشها مررره...وجات تبا تسأل عنه..
منال:الا فين .. وماكملت سؤال الا جاها هالصوت..
ماما منال
التفت منال بفرحه لجهة الصوت وشافت محمد يجري لجهتها...
منال وهيا تحضنها بكل قوتها:حمووووووووووووووودي حبيبي وحشتنيييييييييييي موووووووووووووت
محمد وهوا زعلان:ماما منال فيييييينك ليه ماصرتي تزي عندنا انا ما اهبببك
منال وعينها تدمع:حرام عليك حمووودي بس انا احبببك والله
محمد وهوا يبعد عنها:لاء كدابه انا ما اسدقك لو تحبيني تتثلي عليا زي أول
منال:معليه حبيبي اسفه
رندا وكأنها انتهبت لحاجه:اييوه صح ليه ماصرتي تتصلي علينا اول كنتي تتصلي كل يومين تكلمينا وتسألي عن محمد
منال ارتبكت ايش تقولها:ها لا عادي تعرفين انشغلت بترتيب وضعي في الرياض
رندا واللي حست انه في شي غلط بالموضوع مشتها:اها
منال وهيا تبتسم لمحمد:لاتزعل حبيبي شوف وش جبت لك..وطلعت حلاوه من شنطتها..اتفضل
محمد وهوا ياخد الحلاوه:ثكرن
منال:العفوووو حبيبي
 
احمد:محماد انتا هنا تعال حنبدأ اللعبه
محمد بحيره:ماما منال اللوح؟؟
منال:ايووه حبيبي روح اللعب عادي
محمد:يعني ما تزعلي عثان ثبتك
منال وهيا تضحك على براءته:ههههههههههههه لا عادي حبيبي روح
محمد:تييييييب محا تنامي عندنا اليوم
منال بتفكير:والله مدري بعدين نشوف يلا روح بعدين يزعل احمد
محمد:تيب باي..وراح
رندا وهيا تطالع في منال بتشكك:منال ليه محاتباتي عندنا ايش بك انتي احس فيكي شي منتي راضيه تقوليلي عنه؟؟
منال بتصنع:ههههههههه وش فيني مافيني شي
رندا:عليا
منال وهيا تضحك:هههههههههههه والله انك من جد ساحره
رندا:ههههههههه شفتي كيف يعني في شي يلا بسرعه قوليلي؟؟
منال وهيا تنزل راسها:ملكتي الاسبوع الجي
رندا بصدمه:ايشششششششششش؟؟؟؟؟؟؟؟؟؟؟
منال:اللي سمعتيه
رندا:من جدك تتكلمي؟؟
منال بحزن:ايوه
رندا:على مين؟؟
منال:عبدالله ولد خالتي
رندا وهيا تقوم وتحضنها بفرح:والله اخيررررررررررررررررا مبروووك ياقلبي مبرووووووووووووووووك
منال وهيا تحاول تخبي حزنها وتبتسم:الله يبارك فيكي
رندا وهيا تضربها على كتفها بخفه:يادبببببببببببه ليه ماقولتيلي من اول قاعده ساكته
منال:ههههههههههههههههه ماجات فرصه
رندا بفرح:والله ماني مصدقه مرررررررره فرحتيني
منال وهيا تبتسم:الله يدوم الفرح علينا وعليكي
رندا وفجئه تتبدل ملامحها:لحظه
منال بإستغراب:وش فيك؟؟
رندا:قولتيلي على مين؟؟
منال:عبدالله ولد خالتي
رندا وهيا تعقد حواجبها بإستنكار:مو هادا اللي دايما يتقدم لك ودايما ترفضيه بحجة انك ماتطيقيه
منال باحراج:ايييه
رندا بإستنكار اكبر واكبر:وكيف وافقتي عليه طيب؟؟
منال بإرتباك:...غيرت رأيي ولد خالتي واولى بيا من الغريب...يعني النصييب
رندا؟؟؟؟؟:النصيبببب؟؟بس دا ماكان كلامك
منال وهيا توقف:هههههههههههههههههه كنت هبله خلاص الحين عقلت يلا قومي خلينا نطلع فوق
رندا وهيا توقف:فين فوق؟؟
منال:غرفتك ابغا ادخل الانترنت شويه مواعده صحبتي اشوفها في دا الوقت
رندا ماعلقت بس طالعت فيها بنظرة عدم رضا وتبين لها انه مو رندا اللي ينضحك عليها..
منال وهيا تحاول تتصنع المرح:ههههههههههه وش فيكي تطالعين فيني كذا؟؟
رندا وهيا تمشي وتتكلم بإستهزاء:ولاشي امشي ياختي بعدين بنتفاهم
طلعوا رندا ومنال فوق...
في الجهه التانيه من جده...
.......:ايش دا الكلام اللي بتقوليه؟؟
.......:هوا دا اللي لازم يصير ياماجد
ماجد:بس ياروان
روان:لابس ولاشي واذا انتا ما اتقدمت وسويت شي انا بتصرف
ماجد:...........والله مدري ايش اقلك بسس امي وامك؟؟؟!
روان:انتا تحبها ولالا؟؟
ماجد:...........ايوه
روان:خلاص اجل اخصرك من كل الناس انا بتصرف مع امي وامك انتا بس روح لاهل البنت واتقدم لهم وانا برتب كل شي
ماجد:وانتي؟؟
روان وهيا تبتسم بحسره على حالها بس مابان هالشي في صوتها:انا ايش بي؟؟
ماجد:مين يبقى لك؟؟
روان:الله وبعدين في اهلي ترى انا عندي اولاد عمان وكلهم يبغوني بس امي ردتهم عشانكم وبعدين اذا انتا ماكنت لي زوج بتكون لي اخ ولا عندك رأي تاني؟؟
ماجد ابتسم بكل سعاده:لا طبعا الله يسعدك ياشيخه ويوفقك في حياتك صدقيني اللي بيتزوجك مستحيل يكون خسران
ابتسمت روان وماعلقت..
ماجد:اوكي انا لازم اقفل دحين عندي شغل اكلمك بعدين واقولك اخر التطورات
روان:خلاص اوكي باي
ماجد:باي
قفل ماجد التلفون وهوا مبسوط..اخيرا بيقدر يحقق حلمه..وبفضل مين بفضل الله ثم الانسانه اللي كان معتقد انها العائق الكبيررر اللي مستحيل يوصله لحبه الاول والاخيرر رهف...
وفي نفس الوقت كان متحسرر على روان بنت زي هادي حرام يصير فيها كدا هوا متأكد انه مهما كانت تحبه وتبغا له الخير اكيد في قلبها شوية حزن مستحيل ماتكون زعلانه..بس يالله الله يعوضها باللي احسن مني وتلاقي اللي يقدرها ويملكها قلبه وحياته...
نرجع لبيت ابو خالد..بعد ماطلعوا رندا ومنال رجعت لمى ومالقتهم...وقعدت لوحدها تتفرج على التلفزيون..وشويه سمعت صوت..
......:احم احممم طرريق في احد؟؟
لمى وهيا تبتسم:لا اتفضل
رامي وهوا يدخل:السلام عليكم
لمى:وعليكم السلام هلا والله
رامي وهوا يجلس جمبها:ها اشوفك خلصتي غراميات مع ولد عمك
لمى:ههههههههههههههههههه اي غراميات الله يهديك هادا زوجي ومن حقي انغرم فيه
رامي:ههههههههههه الله يسعدكم يارب الا ليه جالسه لوحدك؟؟ فين الناس عنك؟؟
لمى:والله مدري كل واحد ولاهي بنفسه
رامي:ياحرام تحزني
لمى:ههههههههههههه سيبك مني قولي ايش تبغا ليه جي هنا؟؟
رامي:ابدا بس طفشت من جلسة الرجال قلت اجي اسلم على الحريم واتونس معاهم شويه ههههههههههههه
لمى:ههههههههه لا الحريم مو فاضيين لك عندهم ضيوف
رامي:افا يستقبلوا الضيوف في يوم جمعة العيله مايصيرررر
لمى:عاد بربك جونا الناس ايش نسوي
رامي:اها.....وسكت يبغا يسألها عن رندا السبب الرئيسي اللي جا عشانه...بس مو عارف ايش يقول...
لمى:رامي
رامي بارتباك:ها نعم؟؟
لمى:ايش بك؟؟
رامي:مافيني شي
لمى:بلا كذب انا عارفه انك جي تبا شي معين باين عليك اصلا
رامي:لا والله انا جيت بس عش..وقطع كلمته لمن سمع...
لمىىىى يادبببببببببببببه تعاللللي فييييييييينك
التفتوا رامي ولمى للصوت وشافوا رندا نازله من على الدرج وبتصرخ..رامي فرح من قلب انه شافها..بس سكت وقعد يضحك..على شكلها المرتبك لانها مو لابسه طرحه...
رندا بعد ماشافت رامي:اووه سوري...وطلعت تجررري...
لمى:هههههههههههههههههههاي مسكييينه اتفشلت
رامي:ههههههههههههههه الله يهديها وهيا كمان ليه تمشي بدون طرحه
لمى:والله عاد ايش يدريها انه في ناس ملاقيف بيدخلوا البيت ويقعدوا مع الحريم
رامي وهوا يشدها من شعرها:ملاقييف في عينك وانتي ياختي كمان لييه ماتلبسي طرررحه اشوفك فاسخه الحيا مره وحده
لمى:اي شعري سيبني
رامي:ماني سايبك ليه ماتلبسي طرحه ماتعرفي انه في خالهم وولده في البيت فرضا دخلوا وشافوكي كدا وقتها بيقتلك امجد
لمى بألم:اي خلاص سيبني بالبس طرحه بس سيب شعري
رامي وهوا يسيبه:والله انك وحده مدلعه الله يعين امجد عليكي
لمى وهيا تقوم وتشرد من جمبه:وحده ولا اتنين هاهاهاهها
رامي:هيههي سخيييفه
رندا وهيا نازله من الدرج بعد مالبست طرحتها قالت بإحراج:لمى تعالي الكمبيوتر انخرب وماني عارفه اصلحه تعالي شوفي ايش المشكله
لمى:طيب اووووكي بس بالله جيبي لنا عصيررر ولاشي من اول عطشانه
رندا:طيب ايش تبغي؟؟
لمى:فرواله اذا فيه
رندا:اوكي
وطلعت لمى..وراحت رندا للمطبخ تجيب العصير اللي تبغاه لمى..وتجيب لنفسها ولمنال مره وحده..
........:ايش بتسوي؟؟
التفت رندا للصوت وشافت رامي واقف وساند نفسه على الباب..
رندا بإستغراب:اللي تشوفه بسوي عصير
رامي وهوا يمشي باتجاه الطاوله اللي في وسط المطبخ:بالله خلاص سويلي معاكي
رندا وهيا مستغربه تصرفه:تبا ايش؟؟فراوله زي لمى؟
رامي:امممممممم انتي ايش حاتشربي؟؟
رندا:انا جوافه
رامي وهوا يبتسم:خلاص سويلي زيك
رندا بإستغراب اكبر:اوووكي...والتفت للي في يدها وقعدت تشتغل..وهيا مستغربه من حال رامي...ايش به ليه بيتصرف معاها كدا..والله انه انسان غررريب...؟؟!
رامي....كان قاعد يتأملها وهيا تشتغل وقاعد مبسووط..يا الله ياريت هاللحظه توقف..واقعد بس اتفرج عليها يكفيني اني بس اشوفها قدام عيني ما ابغا شي من دنيا والله..بس ابغا اشوفها حتى لو ماتبادلني اي شعور...
رندا وهيا تحط العصير قدامه:اتفضل
رامي باحباط لانها حتروح:طيب شكرا
رندا:العفووو...بس ما اتحركت من محلها...قعدت تتأمل ملامحه..تحسه طفل كبير..مره يكون معصب..ومره مبسوط..ومره شكله محبط..ماتقدر تتوقع ايش اللي حيسويه ولا ايش اللي ممكن يقوله..وللاسف برغم من غرابته الا انها تموووت فييييه...
رامي...سكت وقعد يطالع في عينها...وهيا بدون ماتحس على نفسها قعدت تطالع في عينه وتفكر...
ابتسم رامي...وانتبهت رندا لنفسها وارتبكت..
رندا:ا يلا باي
رامي وهوا يمسكها من يدها:تعالي فين رايحه؟؟
رندا سحبت يدها منه:خيرر في شي؟؟
رامي بصوت خطير:احبك واسهر ايام وليالي..اناجي الليل في غيابك لحالي
واقول اليوم يرجع لي حبيبي....ويروح اليوم وماترجع ياغالي...
تعال ونور الدنيا بنورك...وعطر كل هالكون بزهورك...
اثر غيبتك ماهي قليله...اصبر نفسي واتحرى حضوورك...
امووووت فيكي يامجنونه....
قعدت رندا واقفه في محلها ومصدومه من اللي بيصير..ايش به رامي اتجنن؟؟؟!!...
رامي وقف قدامها بطوله الفارع وقال:رندا صارحيني ارجوكي كفايه جفا وكفاييه تغلي
رندا...سكتت وماعرفت ايش تقول..رخت راسها..الموقف اكبر منها..واتحركت من قدامه تبا تهرب وتبعد عنه قبل ماتنهار...
رامي:.....انصدم من تصرفها وراح وراها ووقف قدامها ماخلاها تخرج...
رامي باصرار:رندا مايصير تروحي وتسيبيني كدا قولي ايش ردك؟
رندا:ليه موا نتا قبل شويه رحت وسبتني!
رامي وهوا يتنهد:انا غلطان فلا تغلطي زيي بلييييييز قوليلي
رندا...رخت راسها وعينها دمعت تبا تررروح ماتبا تكلمه خلاص تحس قلبها يعورها.
وبعد اقل من ثواني...رفعت راسها وطالعت في عينه بترجي انه يخليها ترووح..نفسها تريحه نفسها تقول شي بسسس ماتقدر صعببببب مررره صعببب..وبدون ماتحس على نفسها نزلت دمعه من عينها قدامه...
رامي بإستغراب:لييه الدموع ليييه؟؟
رندا وهيا تمسح دمعتها:مافيني شيي...ومن يوم ماقالت كدا انهمرت الف دمعه غير اللي مستحها..
رامي رفع راسها بيده:رندا دمووعك تفضحك ليه تسوي فيني كدا
رندا وهيا تحرك راسها بالنفي:رامي سيبني في حالي لو سمحت ما احبببك انا ما احببببك...ودخلت في نوبة بكا فظيييعه...وقعدت على الكرسي اللي وراها بكل عجز..
رامي ابتسم من كل قلبه وقال بصوت كله حب:بس انا احبك..ونزل نفسه لمستواها وقعد على رجل وحده على الارض...
رامي بصوت وصل لاعماق قلب رندا:رندا
رفعت رندا عينها وطالعت فيه وما اتكلمت...
ورامي قعد يطالع في عينها وسكت يستناها تقول وتريح قلبه اللي بيموووت ويسمع الكلمه اللي ممكن تفتح كل ابواب السعاده في وجهه...
رندا قعدت تطالع في عينه وحست نفسها بتموت عينه فيها حنان وحب فظيييييييييع شي يوصل لداخلها ويخلي قلبها يرجف رجففف..تحس نفسها بتتهور وترمي نفسها في حضنه وتقوله والله احبك يارامي والله احبك..وماقدرت تسوي شي غير انه شفاتها خانتها وكسرت كل الحواجز وقالت بصوت اقرب للهمس..
رندا:احبك
رامي ابتسم..ووقف..
رندا طالعت فيه وهيا مو مصدقه نفسها...قالتها قالت لرامي احببببك قدرت اقولها قدررررت اقووولها..
رامي مد يده لها عشان توقف...وهيا ما اترددت ومدت يدها ووقفت معاه..
وصارت تطالع في عينه بكل صمت..خلاص ماعاد للكلام اي معنى..
رامي بعد فتره بسيطه قال بكل احساس:تأكدي اني محا افرط بحبك ولو اضطريت احارب كل هالكون عشان اكسبك واكون ليكي وتكوني ليا...وهادا عهد مني اوعدك اني بحققه...
وقف قلب رندا من وعد رامي الكبير هادا وحست نفسها بتموووت من الفرح...
ابتسم لها رامي ابتسامه اخيره واتحرك من مكانه يبغا يخرررج...
رندا وقف قلبها ماتبغاه يروح عنها:راميي فين رايح؟؟
رامي التفت لها بنظره كلها حب:لازم اروح..ورجع يبغا يكمل طريقه برغم انه كل خليه في جسمه تناديه انه يقعد معاهاكثر لكن احساس بداخله يمنعه انه يجلس ويحس انه جلستهم هادي غلط وممكن تسوي لهم مشاكل هما في غنا عنها...
رندا بسرعه:رامي دقيقه
التفت لها رامي وهوا مو مصدق نفسه من الاحداث اللي بتصير وفرحان انه بيسمع اسمه على لسانها:نعم؟
رندا بصوت واطي وبجرأه ماتدري كيف جاتها ابتسمت وقالت:احبك
رامي وهوا يبتسم بفرررررررررح كبير:وانا اموت فيكيييييي
وخرررج بسررعه من الباب الخلفي للمطبخ قبل مايتهور ويرجع يقعد معاها ..
رندا.............................................. ........ساكته وماهي مصدقه اللي صار واللي سوته...اعترفت لرامي انها تحبه اخيرا...
كل دا صار لرندا ورامي وهما مايعرفوا..انه هالكلام مو هما بس اللي سمعووه لانه كان في شخص ثالث سمع كل حرف انقال..وماهووو مصدق اللي سمعه واللي صار...
في هاللحظه وبعد كل هالاحداث اللي تجارت ورى بعضها بسرعة الريح اللي كشفت كل الاوراق...
اتقرر من بعد هالموقف ترتيب كل الامور وتنظيم كل الاوراق وتقرير مصير هالعلاقات..وبات امر قصة عم القلوب ق أمر يتسابق مع الزمن ليثبت نفسه في كل حدث من الاحداث الجيه...
الساعه 11.30....
رندا واللي كانت البسمه ماتفارق شفاتها من بعد الموقف اللي صار:ليه الله يهديه خالو هادي مارضي يبات عندنا؟؟
 
ام خالد:والله مدري عنه يقول لازم يبات في مكه لانه عنده شغل ضروري في الصبح
رندا:اها الله يعينه يارب
خالد:امجد غير القناه الله يخليك
امجد:ليه اغيرها؟
خالد:بس طفشنا من الاخبار حط شي يسلي حط فلم ولا اغاني
امجد:طيب
رندا:الا على سيرة الاخبار سمعتو اخر خبر؟؟
خالد بتريقه:هيههيهي دحين بتقولي حتى انتي ماسمعتيه قدييييمه الحركه
رندا:لا والله العظيم من جد
ام خالد:خيررر شو هالخبر؟؟
رندا:منال
خالد......انتفض من يوم ماسمع اسمها وافتكر اخر موقف كان بينهم..وحزن..حزن؟؟!...ليه مدري عنه...
امجد:ايش بها؟
رندا:انخطبت
خالد.............................................. ....التفت لها وسكت..
ام خالد:يوووووه هادا خبرك قدييييم ماعندك سالفه
رندا بصدمه:افا يعني انتي تعرفي ولا قولتيلي
ام خالد:ايوه طبعا انا اصلا عارفه من زمان مرره
امجد:مين اللي خطبها؟؟
ام خالد:عبدالله محمد ال ... ولد خالتها
امجد:اها والله رجال والنعم فيه
خالد...........................................
ام خالد:ايي والله والنعم فيه ولا فوق كدا يموت فيها ومسكين له كم سنه يتقدم لها وهيا ترفضه بس الحمدلله الله هداها وقبلت فيه
خالد وقف...
رندا بإستغراب:فين رايح؟؟
خالد:خارج اشم هوى شويه
رندا:اها
خالد........طلع من الصاله من الباب الزجاجي المطل على الحديقه...
طلع ومرسوم على وجه...معنى لا معنى...مشي ومشي ومشي ووصل للمسبح..وقف في مكانه يستعيد ذكرى داك اليوم لمن كانت منال مرميه على الارض وحالتها حاله ومحمد في حضنها وتبكي وتصرخ من الخوف عليه...فحس قلبه يعووره...مشي الين وصل للكرسي..قعد عليه بهدوء...ورجع راسه على ورى وغمض عينه...وبدء يتحاور مع ((الكذا))خالد في نفسه..
خالد....ايش بي ايش اللي صاير لي...معقوول انا زعلان لانه البنت انخطبت....(وهوا يفتح عينه)...لالا انا ما احبها انا اللي بعدتها عني وانا اللي قلت لها تبعد عني .... اوه يعني معقول هيا سوت كدا عشان اللي قلت لها هوا.....(وهوا يمسك راسه بيده)..لالالالا حرام مايصيرررر...امي قالت انها كانت دايما ترفضه...اشمعنى دحييين وافقت......(وهوا يحرك راسه بعدم رضا عشان ينفض هالافكار من راسه)..اففففففففف ياربي وانا ايش دخلني تنفلق وتسوي اللي تسوي هيا اللي دخلت في حياتي..الله يكافي الشيطان..انا مالي دخل فيها لييييه افكر فيها....خالد انتا تكذب على نفسك ولا ايش انتا تحبها تحبها....(وهوا يوقف في مكانه من الغضب على اللي بيفكر فيه)..لالالالالالالالالالالا انا ما احب احد غير نهال مستحيييييييييييييييييييل.....طيب ليه حسيت بنغزه في قلبك لمن عرفت انها انخطبت وليه كنت ترتبك لمن تشوفها وليه تشتاق لشوفتها لمن تغيب...
خالد تعب في هاللحظه...وسكت سكت وبسسسس....
طالع في المسبح اللي قدامه..وفكر انه يرمي نفسه فيه ويندر حرته في السباحه...بس وقف عن التفكير في هالفكره لمن شاف انعكاس شي على موية المسبح..رفع عينه...ظل مين دا؟؟؟
منال
جوة البيت..
رندا:الا ياماما ماشفتي منال؟؟؟
ام خالد:الا طلعت قبل شويه تلعب محمد في الحوش
امجد بإستغراب:وي مو دوبكم قلتوا انه خالي هادي طلع مكه هوا واهله
ام خالد:ايييه بس خلوا منال عندنا
امجد:اها الله يحيها
رندا:بس الله يهديها الدبه بالقوه رضيت تبات مدري ايش صار لها البنت احسها مضايقه من شي
ام خالد:انتي زعلتيها في حاجه؟؟
رندا:لا والله ابدا وأصلا مستحيل ازعلها هادي منوله الغاليه
ام خالد:خلاص طيب سيبيها على راحتها
رندا وهيا تقوم بتكاسل:طيب انا بطلع غرفتي اريح شويه لو شفتيها قوليلها تجيني
ام خالد:طيب
رندا:يلا عن اذنكم
كانت منال قاعده تلعب محمد في الحوش...ولمن هوا تعب وقلها يبغا ينام قالت له يطلع وهيا بتلحقه...
ولمن كانت بتمشي تجاه البيت مرت من عند المسبح واتذكرت داك اليوم اللي غرق فيه محمد..وكيف كان شعورها..حست انه لو مات هيا الللي بتفتقده وبتموت من بعده..وحست وقتها انه هيا تحتاجه اكثر مما هوا يحتاجها..قعدت في محلها..وهيا تفتكر كلام خالد الجارح..وكيف انه قرر يبعدها عن ولده...بجد قاسي وماعنده قلب كيف يسوي في محمد كدا وهوا شايف محبته ليا..اناني اناني ومدري كيف نهال حبته..سخييييف اكرهه...وانصدمت منال وقتها بخروج خالد اللي شكله مو شايفها..كانت بتوقف وتروح بس شافته مو منتبه لها..فقعدت في محلها وقالت اكيد بيروح لمكان تاني وقعدت تطالع فيه بإستغراب..غررييبه وش فيه كذا مسرح..بيطالع في وشو؟؟..طالعت في المكان اللي عيون خالد معلقه عليه..وشافت انه نفس المكان اللي كانت بتطالع فيه قبل شويه..المكان اللي كانت قاعده فيه ومحمد في حضنها..غريبه ليه بيطالع في هالمكان..وقفت عن تفكيرها وهيا تشوفه يتحرك قدامها كأنها هيا مو موجوده..ويروح للجهه المقابله من مكانها على المسبح ويقعد على واحد من الكراسي...وقفت وقتها منال عن تفكيرها..ولفت انتباهها شكله الحيران والغريب..كان يتحرك بطريقه غريبه...مره يعقد حواجبه..ومره يرجع نفسه على الكرسي ويغمض عينه..ومره يمسك راسه بطريقه تبين انه متضايق...وش فيه..فيه شي مو طبيعي..لايكون تعبان.؟؟؟؟منال فوووقي وش فيكي وش دخلك فيه..هادا الانسان مايحبك يكرهك وبعدك عن حياته خلاص سيبيه وبعدي عنه...بعدي عنه..عنه..عنه...اتنهدت منال بحزن..هالانسان وبرغم من كل شي تعترف وبكل صدق انه ملك شي من قلبها...رفعت عينها وجات تبا توقف وشافته يطالع فيها بنظره غريبه..
اتكهربت منال من هالنظره وحست قلبها وقف..وقفت بسرعه تبغا تروح تشرد منه..وش بيقول عنها..قاللها بعدي عن حياتي..وفهمني انه مايبغا يشوفني قدامه....والحين يشوفني قاعده اطالع فيه من ساعه ولاهمني شي...ياربي وش بيقول عني اكييد بيحسبني عديمة الاحساس...لالا ياربيييي بمووت انا وش اللي خلاني اجلس واتمنظر فيه...
لحظه
...وقف قلب منال هذا خالد..يووه ياربي الحين بيهزئني ويقولي من كلام اللي يسم البدن خليني اروح بكرامتي احسن كأني ماسمعته...وسرعت في خطواتها ماتبا تكلمه ماتبا تشوف وجهه بتموووت احساسها بالاهانه اقوى منها..وقبل ماتوصل باب البيت بخطوات....سمعت صوت خطوات خالد وراها..
منال..يووووه ياربي وش يبي ذا...
خالد:منال دقيقه يلا عاد استني
منال وهيا تلتفت له قالت بنبرة استهزاء:خير وش تبي؟
خالد وهوا يأشر لها بيده انها تستنى بعد ماشاف جواله يدق:الوووو...ايوه محمد..لالا ماينفع..طيب اوكي...ووقعد يكلم المتصل عليه...
منال قعدت ساكته..وماعرفت ايش تقول خالد طول عمره كان قريب منها..لكن مو زي هاللحظه مايفصل بينهم متر...تشوفه وتشوف كل ملامحه..تحس بانفاسه وتسمع صوت اوضح من اي مره...سرحت في وجهه..وافتكرررت كلامه الجارح..وقرارها اللي اتخذته بسبه...وغمضت عينها بحززززن..
خالد:منال منال منال ايش بك؟
منال فتحت عينها بإرتباك وخوف:ها لا ولاشي خييرررر وش تبي بسرعه برووح؟؟
خالد:وي وي كل دا ولا شي بس ايش بك لمن شفتيني رحتي؟
منال بنبرة سخريه:ليه مو هذا اللي تبيه؟
خالد:بس مايصير عاد يعني انا لمن زهمتك اكيد ابغاكي في شي
منال............
خالد وهوا يرخي راسه ومو عارف كيف يتكلم:اممم ا انا بسسس ا
منال............
خالد وهوا يتشجع:ا حبيت اتأكد من صحت الخبر اللي سمعته؟؟
منال بإستغراب:أي خبر؟
خالد:عن خطبتك؟
منال....انصدمت ما اتوقعت يهمه شي زي كدا..
منال:ايه صح؟؟ليه تسأل؟؟
خالد:لانيي امممم.....لأاني حسيت بالذنب وخفت لاتكوني اتخذتي قرارك بسبب كلامي
منال انقهرت منه مرررره..وماردت عليه بس..طالعت فيه بإحتقار...ومشيت...
خالد............؟؟؟!
خالد:منال استني؟؟
منال..دخلت البيت وخصرته...وسابته واقف مستغرب من تصرفها...
الموقف مشابه تقريبا للمره اللي فاتت في المزرعه..بس ديك المره افترقوا الاتنين وكل واحد منهم راح في طريق لكن رجعوا اجتمعوا وجمعتهم الاقدار في اكثر من موقف...لكن هالمره افترقوا بس ياترى بيرجعوا يجتمعوا ولا خلاص كانت هيا هادي حكايتهم وكان دا قدرهم....؟؟*سؤال نتركه لنهاية هالقصه*...
اليوم اللي بعده...
كانت قاعده في بيتها وبتفكر..لالالا مستحيل كيف كدا..كيف مالاحظت هالعلاقه..معقوووله رامي يحب رندا ورندا تحبه وانا ما ادررررررررررري..كيييييييييييييييييف كدا وكيف رندا مخطوووبه لناصر وهيا تحب رامي؟؟!!!!!!!!!..ايش اللي بيصيررررر والله انه راسي بينفجرررررر...
اغنية راشد الماجد...سلام عليهم..<<<جوال بيدق..
لمى:اووه دا امجد ياربييييي ايش اقوله دحين؟؟
لمى:الووو
امجد:هلا قلبي ايش بك ماتردي من اول اتصل عليكي
لمى بصوت باين فيه الخمول:عادي ما انتبهت للجوال؟؟
امجد:ايش عادي صوتك فيه شي؟؟ زعلانه ولا مضايقه من شي حياتي؟؟
لمى وهيا تمسك راسها من كثر الصداع:ماففيا شي امجد بلييز مررره مافيا حيل اتكلم معليه اتصل عليك بعدين
امجد بقلق:لمى بلا هبل كيف مافيكي شي وكيف مافيكي حيل تتكلمي قولي ايش بك زعلتك بشي؟؟
لمى:لالالا مازعلتني وربي بس انا مصدعه شويه
امجد:خلاص اللي يريحك باي
لمى:باي
وبعد ربع ساعه تقريبا..
ام محمد من ورا باب غرفة لمى:لمى لمى
لمى:نعممممم
ام محمد:امجد تحت جا يبغا يشوفك انزلي سلمي عليه
لمى بإستغراب:امجد؟؟...طيب اوكي دحين انزل....غريبه ايش اللي جابه دوبه كلمني
قامت لمى وغيرت ملابسها ونزلت تشوف ايش به امجد..ليه جاها بدون مايقولها انه جي..
لمى وهيا تبتسم له بكل حب:هلا امجد
امجد:اهلين كيفك؟
لمى وهيا تبتسم بخجل كعادتها لمن تشوف امجد وتكون قريبه منه:تمام الحمدلله كيفك انتا؟
امجدوهوا يجلس:انا تمام انتي دحين احسن عن قبل شويه؟؟
لمى بإستغراب وهيا تجلس جمبه:كيف يعني!!؟؟
امجد:مو قبل شويه كنتي مصدعه وتعبانه
لمى:لالا عادي صداع خفيف وراح
امجد وهوا يتنهد:طب الحمدلله لانه صراحه خوفتيني عليكي حسبت انك مريضه ولاشي وماتبي تقوليلي
لمى وهيا تبتسم لخوفه الكبير عليها:لا عادي والله
امجد وهوا يمد يده ويمسك يدها:بس في شي شاغل بالك صح؟
لمى:يعني في موضوع محيرني شويه وماني قادره افهمه
امجد بإستغراب:خيررر ايش هالموضوع؟؟
لمى بتردد:اممممم والله مدري ايش اقولك
امجد بحيره:لمى حرام عليكي لاتلعبي في اعصابي ايش في اتكلمي؟؟
لمى....ياربي ايش اقوله اقوله ولالا اخاف يكون مايعرف بالموضوع وتصير مشكله ولا حاجه..بس لالا امجد واعي ومتفهم ل هالامور ويمكن يكون يدري ويوضح لي الصوره اللي تهت وانا احاول افهم شي منها...وكمان هوا زوجي وحبيبي ومافيها شي لو قلت له...خلاص بقول له بس كيف...؟؟!
امجد:لمى ايش بك؟ اتكلمي والله اقلقتيني!!
لمى:لالا تقلق ولاشي موضوع عادي اسمع..انا امس لمن كنت في بيتكم..وحكته على اللي صار...
امجد بصدمه:رامي يحب رندا؟؟؟ورندا تحببه؟؟لالالالا مستحيل كيف كدا انا اول مره اسمع ب دا الشي
لمى:حتى انا ووالله مررره مستغررربه
امجد:.........
لمى:تصدق انا من زمان كان عندي شك انه رندا تحب رامي بس نسيت هالشكوك مع الزمن
امجد بإستغراب:كيف يعني ايش اللي خلاكي تشكي؟
لمى:يعني رعشة يدها لمن تشوفه والاضطراب اللي يجيها كل ماتسمع باسمه وزي كدا بس مررره راح الموضوع عن بالي واللي اكد لي انه مابينهم شي خطوبة رندا وانا اللي محيرني لو رندا تحب رامي ورامي يحبها ليه وافقت على ناصر وفي الاساس رامي ليه ماخطبها والله راسي صدع من كثررر ما افكر بدا الموضوع
امجد وهوا يوقف:تدررري خلي الموضوع عليا
لمى بخوف:ايش بتسوي الله يخليك لاتسوي اي مشاكل
امجد:ايش دا الكلام يالمى اي مشاكل الله يهديكي قبل ماتقولي حاجه اعرفي عن مين بتتكلمي عن رندا ورامي من اغلى الناس في حياتي
لمى:طيب قوللي ايش بتسوي؟؟
امجد:بعدين بقولك دحين خلييني اروح
لمى بشويه خجل تحاول تخبيه:خلييك شويه لسه ماشبعت منك
ابتسم امجد بكل حب وقرب منها..ومد يده لشعرها وصار يمسح عليه ويقول بكل حنيه:اسف حياتي شغلتي بالي بموضوع رامي ورندا دا
لمى بصوت واطي:خلاص طيب اقعد شويه
امجد وهوا يبتسم:انا لك العمر كله لو تبي
لمى....سكتت واكتفت بإبتسامه...
في مكان تاني بجده...
.......:حبيبي
رائد:هلا قلبي انا هنا
مي وهيا تجي لجهته:فينك من اول ازهمك؟
رائد وهوا يمد لها يده عشان تقعد جمبه:انا هنا مارحت مكان
مي وهيا تقعد جمبه وتحط راسها على صدره بكل حنيه:حبيبي.....
رائد واللي كان يتابع برنامج على التلفزيون:همممم
مي:ماسألتني اليوم فين رحت؟
رائد:وي مو قلتي انك رحتي عند امك؟؟
مي:قلت بس مارحت عندها
رائد بإستغراب:كيف يعني؟
مي:رحت عند الدكتوره فوزيه
رائد بإستغراب:الدكتوره فوزيه؟؟؟....وسكت شويه الدكتوره فوزيه هيا صحبت مي واللي...
رائد:الدكتوره اللي تشرف على حالتك في كل مره تكوني فيها حامل صح؟؟
مي هزت راسها بالموافقه وهيا تبتسم..
رائد بفرح:يعني؟؟
مي وهيا تبتسم:ايوووه
رائد بفرحه كبيرررره:والله ياسلام ماني مصدق ياسلام مبرووووووك ياقلبي
مي وهيا تمد برطومها شبر لقدام:والله اني مو مرره فرحانه احس اني حاتعب كدا انا يادوب ممشيه حالي مع جوانا تقوم تجيني وحده ولا واحد واخاف وقتها اقصر في حق واحد منهم
رائد بزعل:لالا حرام عليكي لاتقولي كدا وبعدين جوانا خلاص كبرت شويه دحين ونقدر نتساعد احنا الاتنين عليها وعلى بال مايجي النونو الجديد تكون كبرت اكثر الا انتي في الشهرر الكم؟؟؟
مي:الثاني
 
رائد وهوا يفكر:اممممم جوانا دحين سبعه وبعد سبعه شهور كمان بيكون عمرها سنه وشووويه لا بتكون كبيره ياشيخه لاتشيلي هم
مي وهيا تحرك راسها بالاقتناع:صح الله يعيين
رائد وهوا يبتسم:بنت
مي بإستغراب:ايش بنت؟
رائد:النونو الجي بنت ان شاء الله يارب
مي بإستغراب:وليه يعني بنت يمكن ولد ماتدررري
رائد:صح بس ان شاء الله تكون بنت يصير عندنا ولدين وبنتين ياسلام حرركات يصير لمن نلعب الكوره نسوي فريق للاولاد وفريق للبنات انا كابتن فريق الاولاد وانتي كابتن فريق البنات ههههههههههههههههههه
مي:هههههههههههههههههههههههههههههاي الله يرجك والله انه تفكيرك يضحك هههههههههههههههه
بعد ساعتين تقريبا...
امجد:الووو رامي فينك؟؟
رامي:انتا اللي فينك ياخي ليا ساعه ادور عليك رحت لك البيت مالقيتك ومن اول اتصل على جوالك مقفوول فين مختفي؟؟
امجد بإستغراب:وي ليه كل دا انا كنت عند لمى خير ايش صار؟؟
رامي:لا بس ابغا اتكلم معاك في موضوع مرررره مهم
امجد بإستغراب اكبر واكبر:موضوع مهم بالله طيب حتى انا ابغا اتكلم معاك في شي مهم
رامي:خلاص اجل فين اشوفك؟
امجد:دحيين؟؟
رامي:ايووه دحيين فين تحب نتقابل؟
امجد فكر يقوله البيت...بس بعدين غير رأيه وحس انه محا ياخد راحته..فقال:اممممم ايش رايك نروح ستار بكس اللي في التحليه بما اني قريب منه؟؟
رامي:خلاص اوكي يلا سلام
امجد:الله معك
وبعد ماوصلوا امجد ورامي في المكان المحدد واتقابلوا...
رامي وهوا يقعد:ايش كنت بتسوي عند لمى مو كنت عندها امس ايش الدلاخه اللي عليك هادي ياخي اتقل شويه مو كل شويه ناط عند البنت طفشتها منك
امجد:هههههههههههههه مالك دخل حبيبتي وزوجتي انا حرررر اروح لها وقت ما ابغا
رامي:اففف منك ومنها كل ماقلنا لكم شي حبيبتي وزوجتي ومدري ايش قلعتكم المهممم ايش الموضوع اللي تبغاني فيه؟؟
امجد:انتا قول اول مو انتا اللي قالب الدنيا عشان تكلمني في موضوعك
رامي:اممممممم طيب اول شي ابغاك تسمعني بتفهم وماتعصب وتسمعني الين ما اخلص كلامي وبعد كدا لو عندك تعليق ولا اي شي قوله اووكي
امجد واللي حس انه بيكلمه في نفس الموضوع اللي هوا يبغاه فيه قال:اووكي
رامي بصوت هادئ وهوا راخي راسه:انا يا امجد احب رندا......((ورفع راسه عشان يشوف ردة فعل امجد))
امجد...........
رامي:وابغا اتزوجها...((وكانت عيونه معلقه على وجه امجد اللي مرسوم على وجهه نظرة اللا شي))
امجد...........
رامي:وانا كلمت عمي في دا الموضوع بس هوا ردني وقالي انه مايقدر يرد ولد الناس بعد ماقربه واعطاه الموافقه وحتى كلمت خالد بس للاسف وقف ضدي وماسوى شي وانا ياولد العم طالبك وابغاك تساعدني في دا الموضوع ومالي احد غيرك انتا اللي الوحيد اللي فاهمني وممكن تحس فيني
امجد:.................((كان مصدوم بس مابين شي على وجهه..رامي طلب رندا وانرفض..ابويه فضل الغريب عليه..وخالد يعرف بالموضوع وماقللي..معقوله ولا احد قللي شي عن الموضوع...ليه انا اخر من يعلم لييييه...كان امجد يغلي في داخله ومستني رامي يخلص عشان يطلع كل اللي عنده))
رامي:ايش بك ليه ساكت؟؟
امجد ببرود:مو انتا قلت ما اتكلم الا لمن تخلص..خلاص خلصت؟؟
رامي وهوا يتنهد بحزن:ايوه خلصت اتفضل قول رأيك واتمنى انك ماتوقف ضدي زي اخوك وعمي
امجد وقف...
رامي بإستغراب:ايش بك؟
امجد:قوووم ماني مرتاح هنا خلينا نروح مكان تاني؟؟
رامي بإستغراب:لييه ايش فيها اقعد ياشيخ مافيني اروح مكان خلينا نخلص من دا الموضوع
امجد:لا ماني مرتاح هنا احس اني مكتووم
وقف رامي بإستسلام:طيب يلا
وخرجوا رامي وامجد من المكان وركبوا في سياره وحده...
امجد وهوا يسوق:اسمعني يا رامي
رامي..........
امجد:انا ما ابغا اقول لك شي لان الصوره في بالي ماهي واضحه انتا بكلامك كنت شحيح مرره بالمعلومات فلو سمحت فهمني من متى وانتا تحب رندا وكييف؟؟وليييه انا اخر واحد يعرف بالموضوع
رامي بحزن:انا احب رندا من زمان بس ماكنت اعررف تخيل ماكنت اعرف وماحسيت بحببي لها الا لمن سمعت من منى انه رندا انخطبت
امجد وهوا يقاطعه:وانتا متى كلمت منى؟؟
رامي:اليوم اللي جيت انتا فيه امريكا وقلتلي اتصل على الاهل طمنهم اني وصلت وكنت تعبان مافيك تتصل
امجد:اها طيب كمل
رامي:المهم لمن سمعت الخبر منها حسيت بسكاكين تنغرس في قلبي وماعرفت السبب قعدت حايررر وتايه حسيت انه شي فيني بيحترررق قعدت افكر وافكررر الين مافهمت فهمت الشي اللي طول عمري ماحاولت افهمه انا طلعت احب رندا واحبها وربي من كل قلبي حبيتها كيف وليه ما ادري بس كل اللي اكتشفته اني احبها..بقولك نفس اللي قلته لخالد..احيانا في اشياء ماتحس بقيمتها الا لمن تفقدها واحيانا يكون في اعماق قلبك في حب دفين ماتعرف عنه الا لمن تحس بضياعه منك وتبدء تدور عليه لانك حاسس بشي ناقص في داخلك...اناحاولت اتصرف اكلمك اقولك اي شي بس ماقدرت خفت واترددت انك ماتفهمني وقررت اني لمن برجع السعوديه بكلم عمي وكنت متاكد في قرار نفسي انه عمي بيتفهمني وكنت حاسس انه رندا مابتوافق على هادا الادمي مدري ليه كنت احسب انه لسه ماصار شي والموضوع لساته في البدايه بس للاسف ماصار اللي كنت متوقعه..لاني لمن رجعت السعوديه وفي اول يوم رحت لبيتكم وكلمت عمي وقلي انه اتقرر كل شي حتى موعد الفرح..ولمن قلت له على اللي في نفسي صرخ عليا واتنرفز وقالي صحيح اني ولد اخوه وعلى العين والراس لكن مايقدر ينفذ لي هالطلب لانه حسب مايقول مايقدر يرجع في كلمته وراح وسابني..بعدها حاولت اكلم رندا اللي حسيت انها املي الوحيد وانها ممكن تفهمني بس رندا كمان صدتني اه..وسكت شويه...وامجد قعد ساكت ومو عارف ايش يقول كل دا يصيرررر وهوا مايدررري كييف كدا كيييييف...؟؟!!

رامي وهوا يكمل:بعدين خالد كلمني وقالي مالك نصيب في البنت وما ادري ايش ومدام هيا وافقت على الرجال مايقدروا يغيروا رأيها ولا كلامهم اللي اعطوه للناس.........
امجد............ حس قلبه يعور على ولد عمه احاسيسه ومشاعره مررره صعبه..وامجد حاسس فيه لانه تقريبا عاش نفس المشاعر بس بطريقه تانيه وبفرق بسيط..انه لمى كانت ملكه وله وماراحت من يده..اما رامي رندا ماكانت له في كل الاوضاع...
رامي وهوا يكمل بعد ماسكت فتره:كلمت رندا اكثر من مرره وصدتني بس...وهوا يبتسم في هاللحظه بكل فرح...امسس لمن كنت عندكم اعطتني الامل اعطتني رندا النور اللي نور حياتي وقلبي..والشي اللي كنت منتظره من زمان..عرفت انها تحبني واتأكدت من كدا بس مدري ايش اللي خلاها توافق على ناصر الزفت هادا
امجد:طيب وليه انا اخر من يعلم؟؟ ليه ماجيتني من البدايه ليه كل دا يصير وانا ما اعرف شي صدقني يا رامي لو جيتني من البدايه ماكنت اضطريت تعاني كل هالوقت
رامي وهوا يرخي راسه:والله ياولد عمي خفت انك تزعل مني وبعدين انا كنت محطم ورندا حطمتني اكثرر بصدها..كيف اجي اقولك ابغا اتزوج اختك وهيا فهمتني انها ماتبغاني لكن من يوم ماعرفت انها تحبني جيييت قلت لك لاني متاكد انه محد بينفعني غيرررك
امجد وهوا يسوي نفسه مايعرف شي عن اللي صار امس:...............طيب وايش اللي مخليك متأكد لدي الدرجه انه رندا تحبك هيا قالت لك؟؟
رامي ابتسم كأنه يشوف وجه رندا قدامه وعيونها المليانه دموع وهيا تصرح له بالحب الدفيييين الموجود في قلبها...بس ماحب يقول لامجد انها قالت له احبك فخاف ياخد موقف من اخته فقال له وهوا مبتسم:عرفت وخلاص
امجد وهوا يوقف السياره قدام البحررر:امشي ننزل
نزلوا امجد ورامي..وقعدوا على صدام السياره من قدام وكملوا كلامهم..
رامي وهوا يطالع في امجد:ودحين ايش رايك من بعد كل اللي سمعته؟؟ ما اشوفك قلت لي شي يشفي قلبي العليل
امجد:شوف يارامي قبل اي شي ابغاك تتأكد من غلاوتك عندي واني مستحيل افضل احد ياخد اختي غيرك وانا عارف انك بتصونها وتراعها وانك اكيد بتسعدها وتهنيها بس الموضوع مرره حساس والامورر في دا الوقت بالزات؟؟ انتا الله يهديك لو كلمتني قبل كدا كان قدرت اتصرف انا حسب ماسمعت انه موعد الفرح بعد شهر ونص وامي بدأت تشتري لرندا وتجهزها الموضوع مررره صعب ومعقد ايش بنقول للناس وايش بقول لامي وابويا
رامي بصدمه:يعني مابتسوي شي اتخليت عني يامجد؟؟
امجد وقف قدام وصار يطالع فيه وقال بجديه:افا انا اتخلى عنك يارامي لا حشى والله ما اسويها لو يقتلوني
رامي ابتسم بعد ماريحه كلام امجد:يعني بتساعدني عشان تكون رندا ليا؟؟
امجد وهوا يربت على كتف رامي:ابشر يارامي رندا حتكون لك ودا وعد مني
رامي بفرحه:والله؟؟ طيب وعمي وناصررر؟؟؟والناس ايش بتسوي؟
امجد وهوا يبتسم:خلي كل دا عليا
رامي:بس انتا سفرك بكره؟؟
امجد:صح بس لاتخاف انا قدها وقدود
رامي وهوا يطالع في البحر قال بهدوء:ماتحس يارامي انه الاحداث في اخر الايام صارت سريعه احس انه حياتنا تمر زي الثواني ما الحق اعيش حدث الا والاحداث من بعده تتوالى يعني احس اني امس رجعت من امريكا واني دوبي نازل من الطياره وانا فرحان ومو مصدق نفسي برغم انه مر على هالحدث تقريبا اربعه شهور لكن الشعور مازال فيني ولسه ما احس اني انتهيت منه
امجد:اييي والله كلامك صحيح حتى انا احس الين دحين انه اليوم اللي جيتك فيه امريكا وايامنا في الشقه والفله والخرجات كأنها كانت امس مو قبل كم شهررر
رامي وهوا يبتسم:الله يعينني واتهنى بالفتره اللي باقيتلي بحياتي صراحه ما اتخيل حياتي تمرر بدون ما انسعد فيها
امجد بإستغراب من كلامه:ايش الكلام الفاضي دا السعاده ولا الشقا امر بيد الرحمن ماتقدر تجزم فيه
رامي وهوا يبتسم:بس انا احس انه ربنا يعطي لكل انسان نصيب من السعاده في هالحياه مافي شقا على طول ولاسعاده على طول وانا ما انسعدت في حياتي كثير طول عمري وحيد وحياتي مقتصره على الخرجات والتمشيات والشباب لسه ماجا النور اللي يفجر حياتي ويخليني في كل لحظه ابتسم
امجد بإستغراب اكبر واكبر:مدري ليه احس كلامك غريب وماني قادر افهمه
رامي وهوا يبتسم من كل قلبه:مدري ليه احس النور في حياتي محا ينطفي واني بعيش سعيد الايام اللي جيه
امجد وهوا يبتسم لتفاؤل ولد عمه:الله يسمع منك ياشيخ
رامي وهوا يوقف:قووم وديني عند سيارتي لازم ارجع البيت امي مسكينه من الصبح تدق عليا تبغاني ارجع البيت
امجد وهوا يوقف:يلا مشينا
بعد ما وصل امجد رامي راح للبيت عشان يكلم ابوووه..مدري ليه حس انه لازم يتحرك بشكل اسرع من يوم ماسمع رامي وحس بالتفاؤل اللي ملى كل روحه..
في البيت وبعد ماوصل امجد وشاف ابوه...
ابو خالد:خير ايش عندك؟ايش دا الموضوع المهم اللي مدخلني المكتب عشانه وماتبغا احد يسمعنا
امجد وهوا يبتسم:سلامتك يالغالي انا حقولك الموضوع بس اتمنى انك تسمعني للاخر وتحكم وتقرر بعدل وانصاف
ابو خالد:قول الي عندك
امجد:اسمعني يالغالي....وقعد يقوله عن رامي وعلى كل اللي صار بينهم وانه رامي ورندا يحبوا بعض..وانه متأكد من هالشي ..وكلام رامي وكيف اكتشف حب رندا في قلبه..وانه ماهو حابب يضيعها من يده مهما صار..
امجد:ودحين يابويا الموضوع بيدك..بيدك انك تسعد بنتك وولد اخوك وبيدك انك تحكم عليهم بالشقا والعذاب للابد..
ابو خالد.....
امجد:الغالي انا مابقول كدا تعاطفا مع مشاعر رامي او رندا واي احد..انا بتكلم بكلام المنطق اذا الولد يحب البنت والبنت تحبه ليه نحرمهم من بعض ونسبب بعد كدا مشاكل احنا في غنا عنها يعني فلنفرض اتزوجت ناصر تتوقع تعيش سعيده معاه وهيا قلبها ينشد لواحد غيره طبعا مستحيل اصلا انتا كيف ترضا على ولد الناس انك تعطيه بنتك وانتا عارف انها تحب غيره صراحه انا اشوف انه حرام لاننا بكدا حنغش الرجال ونتعبه معانا مو بس نتعب البنت..في كل الاحوال كل الاطراف حتتعب سواء كان رامي والا رندا والا ناصرر واذا انتا خايف على الناس وعلى كلامهم فاتأكد انه لو اي احد من الناس عرف انه ولد عمها يحبها ويبغاها وانتا رفضته زوجته للغريب بيتكلموا اكثر وبينقدو علينا هالشي فسيب كلام الناس اللي مايودي ويجيب لانهم في كل الاحوال مابيكونوا معانا ولابيسعدونا او يشقونا
ابوخالد.......
امجد وهوا يوقف:احكم بعقلك يابويا احكم بفهمك اللي انا متاكد انه مهما فكر واصدر قرار بيكون حكيم لانك طول عمرك عودتنا تكون منصف ومع الحق وعلمتنا انه الزم ماعلينا راحة بعض وانا دحين واقف قدامك وبكلمك طلبا في راحة اختي وخوفا على مستقبلها والله يعطيك العافيه يارب
ابو خالد...........
امجد:.....................الغالي انا بسيبك تفكر على راحتك واذا حبيت تكلمني انا في غرفتي...واتحرك من قدامه يبغا يروح..
ابو خالد بصرامه:امجد وقف محلك كيف تمشي قبل ما أأذن لك
وقف امجد والتفت لأبوه بدون مايتكلم..كان واثق من نفسه ومابان الخوف او القلق على اي ملمح من ملامح وجهه..
قرب ابو خالد من امجد ووقف قدامه بملامحه اللي باين عليها الغضب والتكشير..
امجد ابتسم له....وماعلق..يعرف ابوه طيب وحنون ومهما كان مظهر وجهه يدل على القووه والجموود..الا انه في اعماقه انسان متفهم وعاقل لابعد درجه...
اما في بيت ابو محمد في دا الوقت...
لمى كانت قاعده في البيت وبتفكر بحزن... بكره سفر امجد...واخر حوار بينهم بدل مايكون حلوو كان كله زعل ونكد..حاولت لمى فيه تقنعه انه مايسافر ويقعد لكن امجد مصر إنه يسافر وقعد يحاول يقنعها لكنها عندت وزعلت وراحت من قدامه وقالت له انها مابتودعه ولاتبا تشوفه واذا بيسافر فخليه يسافر حتى بدون مايكلمها لانها على حسب ماقالت ماهي راضيه عن سفرته وماتبغاه يسافر...
 
أما في سنغافوره...
منى:مزززززززوني حياتي
مازن:ياربي نعم قلبي
منى:بلييييز الله يخليك والله وحشوني ما اقدر على فراقهم اكتر من كدا
مازن بعجز:منى حرام عليج مالنا الا اسبوع وشويه بسس خلينا نقعد كمان اسبوعين ياشيخه نبغا نتهنا
منى:مزوني بليييييييز
مازن:...................دار وجهه وقعد يقرأ في المجله اللي في يده..
منى حزنت عليه مسكين طفشته بزنها وقررت تختار حل وسط يناسبهم هما لاتنين..
منى:طيب مزوني مزوني
مازن:اففففف نعمممم
منى:مزوني بلا بياخه طالع فيا
مازن وهوا يطالع فيها:نعم
منى:ايش رايك عندي حل وسط يرضينا احنا الاتنين
مازن:شنو؟
منى:نقعد اسبوع كمان في اي مكان انتا تبغاه وبعدين نرجع السعوديه يصير وقتها اتمشينا اسبوعين وشويه ها ايش رايك؟؟
مازن............
منى:مزوني حبيبي بليييز مو شرط نتهنا في شهر كامل ممكن نرجع نسافر بعدين في اي وقت تحبه بس انا والله مو متعوده ابعد عن اهلي كل دي الفتره
مازن قام وحضنها ومنى انصدمت من تصرفه...
مازن:منى اسسسسسس ياقلبي خلاص لاتقعدي تقولي كل دا الكلام انتي ماتعرفي اني ما اقدر على زعلج يكفيج انتي بس انك تطلبي وحده مره وانا انفذ انا من اول قاعد اطفشج بسس ولا انا اصلا ما احتاج كل هالمبرارات والاقناعات عشان ارضا وصدقيني محل مابتنبسطي انتي انا بكون مبسوط
منى ابتسمت:مشكور حبيبي مشكور
مازن:لا انتي ماتشكريني انا اللي اشكرج واشكر رب العالمين على وجودج في حياتي
وفي السعوديه...
رجع امجد لغرفته وانسدح على سريره وهوا مبسوط..يفتكر اخر حوار كان بينه وبين ابوه..
ابو خالد وملامحه ارتخت وابتسم:والله وطلعت رجال يا امجد وطلعت عرفت اربيك
امجد ابتسم بفرح:يعني موافق؟؟
ابو خالد:واحد من بعد كلامك يقدر يرفض اقنعتني ياولدي وكلامك عين العقل الزم ماعلينا راحة البنت ومانبغا نزوجها اليوم عشان كلام الناس وترجع لنا بكره مطلقه ونلاقي كلام اكبر من اللي ممكن نلاقيه دحين ابشر ياولدي وبشر ولد عمك انا باتصرف بالموضوع ورندا لرامي وهادي كلمه محد حاينزلها مدام انا على وجه الارض
اتنهد امجد من قلبه وهادا موضوع رامي وقدر يتصرف فيه..بقي عليه موضوع لمى اللي ماهي راضيه تليين راسها الا مصره انه مايسافرر..وماتبا تكلمه ولاتودعه..ياربيييييييييي ايش اسوي في عمري انا مع هالبنت الدلوعه..كيف حاسافر بدون ما اسمع صوتها ولا اشوفها..؟؟!!!!!!
وفي الفجر على الساعه سته صباحا امجد كان نايم في سريره..كان يسمع اصوات رعد وبرق...ومطر والدنيا مقلوبه فتح عينه ..وانصدم...هادا صوت مطرر فعلا كنت احسب اني بحلم...قام من سريره وراح للطاقه وفتح الستاره وشاف الدنيا مقلوبه بره..مطر غزير مره..وصوت رعد عالي جدا وصواعق وحاله...
امجد:ياسبحان الله من زمان مانزل في جده مطر غزير زي كدا..وسمع صوت احد يدق الباب..
فتح نور بسيط في الغرفه وراح وفتح الباب ولقا رندا قدامه..
امجد بإستغراب:رندا خير ايش بك؟
رندا:ولاشي بسس خايفه
امجد:من ايش؟؟
رندا:من الصواعق وهادي الاصوات نسيت اني عندي عقده من هالاشياء دخلني عندك..ودخلت غرفته..
امجد وهوا يقفل الباب:ههههههههههههه ايوه صح والله نسيت انك خوافه بس حسبت انك خلاص كبرتي
رندا وهيا ترتجف من الخوف ومن برودة الغرفه:ايش دا سك المكيف حرام عليك برد
قفل امجد المكيف وابتسم لها:انتي شكلك مانمتي ايش اللي مصحيكي لدا الوقت
رندا:ابدا ماجاني نوم كنت سهرانه مع منال بس هيا راحت نامت وخصرتني
ابتسم امجد..وماعلق..وقعد على كرسي مكتبه...ورندا قعدت على طرف سريره..
رندا وهيا تطالع في الطاقه:الدنيا مقلوبه بره مو كأنها الساعه سته صبح كانه الوقت ليلل
امجد وهوا يطالع في الطاقه:فعلا من زمان مانزل مطر بدا الشكل
وفجئه طلع صوت صاعقه قويه...خافت رندا منه ودخلت نفسها تحت لحاف امجد..وامجد انفجر يضحك عليها..
امجد:ههههههههههههههههههههاي والله انك نونو
رندا برعب:والله اخاف حرام عليك اول كانت عندي منونا اروح عندها بس دحين ماعندي احد ومالقيت احد غيرك اجييه..وسكتت بحزن على حالها..اشتاقت لاختها ومو متعوده على الوحده اللي هيا عايشه فيها...
قام امجد بحنيه وقعد جمبها...
امجد بحنيه:وحشتك؟؟
رندا بحزن:مره مدري كيف باتعود اعيش وهيا بعيده عني صحيح انها سنة الحياه بس ماعمري فكرت انها مابتكون معايا وانها بتعيش في مكان غير اللي بعيش معاه يعني تدري هيا كانت اقرب انسانه ليا
امجد وهوا يبتسم:بس انتي كمان مصيرك بتصيري زيها وتصيري في بيت زوجك وتعيشي حياتك مابتعيشي في بيت اهلك على طول
سكتت رندا وقلبها عورها....ليه جاب دي السيره..هيا ماتبا تتزوج ماتبا تعيش مع احد غير رامي...وعارفه انه هالحلم شبه مستحيل..الا اذا اتحرك رامي واثبت لها انه قد كلامه..سكتت بحزن..نكد عليها اكثر من ماهيا منكده..
ابتسم امجد بعد ماشاف تغير ملامحها..واتأكد انها فعلا ماتبا ناصر..وحمد ربه الف مرره انه قدر يقنع ابوه ومايعيش اخته في عذاب...
وفجئه طلع صوت صاعقه اقوى من اللي قبلها وصوتها هز الغرفه هززززززز.لدرجة انه امجد بنفسه اترعب ودخل مع رندا تحت اللحاف...
رندا بإستغراب:هههههههههههههههههههههههههههههههههههههها اي
امجد:ايش بك؟
رندا:ههههههههههههههههههههههههههههههههها اي اشوفك دخلت معايا تحت اللحاف مو دوبك كنت بتتريق عليا
امجد وهوا ينتبه للي سواه:ههههههههههههههههههههههههههههههههههههههها اي الله يرجك عديتيني ههههههههههههههههههههههههههه بس والله من جد تخوف هالصواعق
رندا:اي والله من جد
وشويه طلع صوت تاني خلا امجد ورندا يتكورو على نفسهم وهما تحت اللحاف...
رندا وامجد:هههههههههههههههههههههههههههههههههههههههههههه هههههههههههههههاي
وبعد نص ساعه كانوا امجد وراند قاعدين على السرير ومتلحفين باللحاف وجالسين يشربوا نيسكافيه..اللي اتبرع امجد وسواها له ولرندا..
رندا وهيا ترشف رشفه من النيسكافيه:امممم ختيرره النيسكافيه ماكنت اعرف انك تتقنها كدا
امجد:هههههههههههههههههه انا ابو النيسكافيه ماتشوفيني حاطط كل الاشياء اللي احتاجها في التحضير عندي بالغرفه مطبخ صار مو غرفة نوم هههههههههههههههه
رندا:ههههههههههههههه اي والله ماشاء الله عليك تنفع تساعد لمى بتكون زوج مثالي
امجد انمسحت البسمه من على شفاته بعد ماقالت اسم لمى....
رندا بإستغراب:وي ايش بك؟؟
امجد:ولاشي بس فكرتيني باللي سوته لمى معايا امس
رندا بإستغراب:ايش سوت؟؟
امجد:زعلت مني واضاربت معايا تقولي ما تسافر وانها مابتودعني ولاتكلمني قبل ما اسافر
رندا:ليه انتا متى سفرك؟
امجد وهوا يشوف الساعه اللي في يده:خلاص تقريبا مابقي غير كم ساعه اليوم الساعه اربعه العصر
رندا بصدمه:والله ماقلت لي؟
امجد:الا كل البيت عارف بس انتي اللي مدري ايش اللي شاغلك عننا
رندا بحزن:لا مجود لاتسافر ايش دا لسه ما اتهيننا بيك
امجد:بسس ياشيخه لاتسويلي زيها انتي كمان اللي فيني كافيني
رندا..........سكتت افففففففف لا امجد ولامنى ايش بتسوي هيا في دا البيت من دونهم...
امجد:ايش بك؟؟
رندا:افففففف كنت بفكر دحين محد بيكون معايا لا انتا ولا منى ايش اسوي انا في عمري منال ورجعت الرياض وخالد وطول الوقت مسافر ولمى مو على طول تجي عندنا
امجد وهوا يبتسم بخبث:لاتخافي بيكون في اللي يسليكي
رندا بإستغراب:مين يعني مي مثلا اللي ملهيه باولادها وحياتها
امجد وهوا يغمز لها:بعدين بتعرفي
رندا......سكتت مافيها حيل لمزح امجد والغازه..وفجئه حست انها نعسانه..حطت كوب النسيكافيه على الكومدينا اللي جمبها..وانسدحت مظبوط على السرير وغمضت عينها ونامت..
امجد......؟؟؟!!!!!
امجد:رندا....رندا رندا
رندا................
امجد ابتسم..على شكل رندا الطفولي وهيا نايمه متكوره على نفسها كأنها طفله خايفه...ابتسم امجد..طول عمرها رندا خوافه وكانت هيا صغيره دايما تحب تنام عند اي احد من اخوانها يا عنده ياعند مي ومنى اللي كانوا يناموا بغرفه وحده ودايما يطردوها بحجة انهم كبار وهيا صغيره او عند خالد اللي دايما مشغول وما يحب احد يزعجه...وكان أمجد دايما هوا اللي يرضا ويخليها تنام عنده..قام امجد من السرير بعد ماغطاها مظبوط...وراح يرتب لاخر مره عفشه ويسك شنطه ويظبط اموره...
ولمن صارت الساعه اتنين ونص....كان امجد بيحاول يتصل على لمى بس هيا ماترد عليه..واخر محاوله حاول فيها يكلمها لقا الجوال مقفل..حز في نفسه هادا الموقف وانقهر منها..يعني من جدها ماتبا تودعني حرام عليها والله حرام..
رندا واللي كانت قاعده جمبه:روح لها ياشيخ واخصرك منها غصب عنها بترضا تشوفك
امجد:لا هيا حلفت انها محا تشوفني ولاتكلمني ياربي عليها انا اعرفها هادي البنت عنييييده والمشكله مخها قد كدا صغييير
رندا وهيا تطالع في الساعه:دحين بتصير تلاته قوم روح اللبس ملابسك وروح المطار يادوب تلحق الرحله وتظبط امورك
امجد وهوا يوقف بحزن:خلاص اوكي
وبعد نص ساعه تقريبا...كان امجد لابس بدلته السودا..واقف يسلم على اهله عند الباب قبل مايخرج...
امجد:يالله اشوفكم على خير
الكل:الله معاك
ام خالد:خلي بالك من نفسك وكلمنا اول ماتوصل
امجد:ان شاء الله يا امي..ويلتفت لابوه ويغمز له...والله يخليك يابويا خلي بالك من الموضوع اللي قلت لك عليه
ابوخالد وهوا يبتسم:ولايهمك ياولدي
وخرج امجد من البيت بالقوه من بعد السلامات والاحضان والتوصيات اللي مو راضيه تنتهي من امه ومن رندا..ولمن خرج الدنيا كان فيها شوية مطر رجع انهمرر من قبل نص ساعه وماوقف الين دحين..
وهوا بيسوق السياره جرب لاخر مره واتصل على جوال لمى ولقاه مقفول...
امجد وهوا يضرب على الدركسون بيده بقهر:اخخخخخخخخخخ يالقهرر كيف اقدر اسافر بدون ماتودعني كيييف هنت عليها
وفي بيت ابو خالد...دق التلفون وردت عليه رندا..
رندا:الو
.......:الو رندا امجد موجود؟؟
رندا بإستغراب:لمى؟؟
لمى بسرعه:رندا امجد موجود ولا سافر
رندا:لا دوبه خرج رايح المطار
لمى بإحباط:والله محا يمر يسلم عليا
رندا:لاء يقول انك قلتي محا تشوفيه وهوا من اول من الصبح يتصل عليكي على الجوال وعلى البيت ماتردي
لمى وهيا شويه وتبكي:لا وربي الجوال كان في البدايه على الصامت وشحنته كانت ضعيفه بعدين قفل لوحده..و تلفون البيت انا كنت مع امي تحت في البدروم بنرتب شوية أشياء وزي ماتعرفي تحت في البدروم مافي تلفون..ودوبي لمن طلعت انصدمت بمكالماته في الجوال والكاشف...وهيا تبكي..ايش اسوي ابغا اشوفه كيف يسافر بدون ما اشوفه
رندا وهيا مو عارفه ايش تسوي:والله مدري ايش اقلك بس انتي الله يهديكي ليه قلتي له كدا امس هوا صدق اللي قلتيه وحسب انك تتكلمي من جد
لمى وهيا تبكي:والله ماكنت ادري كنت احسبه بيسمع كلامي ماكنت اتوقع انه بيخصرني ويسافر
رندا:خلاص انا بحاول اتصل على جواله الحقه قبل مايوصل المطار واقوله يجيكي
لمى بفرح:ايوه ايوه الله يخليكي حاولي اتصلي عليه ورديلي خبر لاني دوبي اتصلت عليه لقيت جواله مقفول اخاف يكون وصل المطار
رندا:لامايمديه دوبه خرج يلا باي بشوف اتصرف
اتصلت رندا على جوال امجد واكتشفت بالفعل انه جواله مقفول...يوه ايش اسوي دحين ياربي...
واتصلت رندا على لمى وقالت لها انها لقت جواله مقفل واحتمال انه سابه في البيت ولاشي..ولمى زعلت وقعدت تبكي بندم على تصرفها الغبي...
لمى وهيا تبكي:ياربييييييي ابغا اشوفه ايش سويت انا ياربييييييي..وكانت واقفه عند الطاقه وبتطالع في المطر اللي ينزل وتدعي في قلبها انه امجد يتصل ولاشي او يفتح جواله وتقدر تكلمه..وفجئه وهيا بتطالع في حوش بيتهم لمحت شيييي..شي زي الظل الاسود واقف في وسط الحوش..استغربت لمى ودققت النظر اكثر وقلبها يدق..
وانصدمت انه امجد...
لمى:امجد امجد
امجد كان قاعد في الحوش والمطرر ينهمر من فوقه لكن ما اهتم..قعد يطالع في غرفة لمى على امل انه يلمحها ولايشوفها وتحن عليه وترضا تشوفه ...وانصدم بالفعل بوجود لمى عند الطاقه...وفرح من كل قلبه انه قدر يشوفها..وقعد يطالع فيها ولاكأنه هامه في الدنيا شي المطر زاد وهوا واقف يطالع فيها وهيا تطالع فيه بعدم تصديق...وفجئه اختفت لمى..
امجد بقهر:لاء لمىىىىىىىى فين راحت؟؟ ياربيييي الين دحين مصره ماتشوفني حرام عليها وربي حرام...وحزن وماعرف ايش يسوي طالع في الساعه ولقاها..الساعه 3.15 ويادوب يوصل المطار ولا الرحله بتروح عليه..فقرر انه يروح يلا اهم شي على الاقل شافها..التفت لاخر مره للطاقه وقال في قلبه..الله يحفظك ياقلبي..وكمل طريقه باتجاه سيارته..بسسسسسس سمع..
امجد
التفت امجد بفرح لمكان الصوت وشاف لمى واقفه هيا كمان تحت المطر بملابسها وتبتسم له..
ابتسم امجد من قلبه..نزلت تشوفه..ماهان عليها جات تودعه الحمدلله الحمدلله..وقعد يطالع فيها وهيا حالتها حاله مبهدله بالمطر اللي صارت قويه مره..وحزن على حالها وجا يقولها تدخل عشان لاتمررض..بس انصدم بشي يصتدم في صدره واكتشف بعد لحظه انه لمى في حضنه وبتبكي...
امجد بإستغراب:لمى ايش بك؟؟ليه بتبكي؟؟
لمى وهيا بتبكي:امجد خففت تروح وما اشوفك والله اسفه ماكنت اقصد اللي قلته والجوال كان فاضي و
امجد ابتسم وحط اصباعه على فمها:اسسسسسسسسس مايهم اي شي المهم انتي معايا دحيين..وحضنها بكل قوته..وقعد ساكت فتره..بعدين بعدها عنه..لمن حس بالمطره تقوى اكثرر
امجد:لمى روحي ادخلي جوه بتمرضي كدا شوفي كيف اتبلبتي بالمويه خشي جوه يلا
لمى وهيا تحرك راسها باعتراض:لالالا بقعد معاك
امجد وهوا يطالع في الساعه:انا اصلا ما اقدر اقعد مابقي على موعد الطياره الا نص ساعه لازم اروح معليه حبيبتي اهم شي شفتك وشفتيني يلا قلبو تامريني بشي
لمى وهيا تبتسم له:سلامتك حبيبي
امجد وهوا يفسخ الجالكيت الاسود اللي عليه ويحطها عليها:اجري ادخلي البيت وانا بكلمك اول ما اوصل
لمى:لالا خد جاكتك انتا كيف بتروح وانتا مبهدل كدا
امجد:لا ولايهمك انا حاطط غيار احتياط في الشنطه وبغير لمن اوصل المطار انتي دحين روحي ادخلي وانا بدبر نفسي
ابتسمت له لمى...وجات لعنده واتجرأت وباسته على خده وراحت تجري وشردت..
امجد انصدم من حركتها...وحط يده محل ماباسته وابتسم وراح لسيارته..يادوب يلحق يوصل المطار...
واليوم اللي بعده..
ايش وليه وبأي حق؟؟؟؟؟؟
.......:ياناصر ياولدي صللي على النبي
ناصر بعصبيه:كيف كدا مييين اللي قال هالكلام الفاضي؟؟؟
ابوناصر:ابوخالد هوا اللي اتصل عليا وقاللي هالكلام
ناصر.................انقهر مره قدر رامي قدر ياخد مني رندا خلاص رندا ماصارت ليا رندا اختارته وما اختاراتني رندا رندا حلمي الوحيد اللي اتمنيته بكل مافيني راح...
ناصر فتح باب الغرفه وطلع بكل حزن..
ابو ناصر:ناصر ناصر استنى ياولدي ناصر
ام ناصر بقهر:والله حرام يسو فينا كدا ليييه وافقوا علينا من الاساس مدام ولد عمها يبغاها الله يجازيهم بللي سوه في ولدي
ابو ناصر:لاتقولي كدا ياحرمه مايصير برضوا الرجال معذور واحنا مانرضا نزوج ولدنا لوحده هيا ماتباه وتبا غيره احمدي ربك انه ولد عمها قال من دحين من قبل مانزوج الولد لبنتهم ولاكان بعدين صارت مشاكل قد ايش كبرها
ام ناصر بحزن على حال ولدها:والله ما اقول غير الله يعين ولدي ويصبر قلبه حبيبي مسكين قد ايش كان طاير فيها هادي البنت يلا هيا الخسرانه فين بتلاقي زي ولدي..
اما في الايام اللي بعد كدا...
 
منى:اوووكي
وراحت منى مع مازن لقسمهم...واللي قعد مازن يوريها ايش فيه ويعرفها عليه بصوره مبسطه..ومنى اعجبت فيه مررره لانه كان جدا راقي وكل اللي فيه يدل على انه اللي اختاره فنان وذوقه رائع جدا...
وبعد نص ساعه غيرت ملابسها ولبست جلابيه مطرزه عاديه حقت بيت لونها بنفجسي..وفردت شعرها اللي قصته لمن راحت باريس..قصه حلوه مناسبه لوجهها ومعطيته رونق جذاب وحلوو..حطت شوية عطر..وظبطت أمورها وراحت لرهف..
طق طق....<<<بتدق باب غرفة رهف..
رهف:ادخلي الباب مفتوح
منى وهيا تدخل وهيا مبتسمه:مرحبا
رهف:الله الله الله
منى بإستغراب:ايش بك؟؟
رهف وهيا تجي لجهتها وتلف حوالينها:ايش دا الجمال ياهووو ايش دي الحركات ايش عملتي في نفسج يابت
منى بإحراج:رهوووف اعقلي يلا عاد ولا بروح واسيبك
رهف:ههههههههههههههههههه لالا الله يخليج بعقل بس ماشاء الله محلوووه وربي
منى بخجل:عيونك الاحلى ياقلبي
رهف:متى قصتيه؟؟
منى:لمن رحنا باريس تقريبا ثاني يوم
رهف:اها والله ماشاء الله اعطاكي رونق حلوو
منى:الله يحلي ايامك
رهف وهيا تبتسم:والله اني بمووت من الفررررح اخيرا انا وانتي صرنا في بيت واحد بتعيشي معايا واشوف وجهج الاهبل دا كل يوم
منى وهيا تضربها بخفه على كتفها:رهوووف دبه احترمي نفسك اصلا انتي اللي وجهك اهبل عشان كدا غيرانه من لاني احلى منك
رهف وهيا تحضنها:هههههههههههههههههه دببببه وربي انه حلووو بس ماني مصدقه نفسي اخيرا اتحقق حلم الطفوله اننا نعيش في بيت واحد
منى:ههههههههههههههههههه يالله كلها كم يوم وتطفشي مني وتقولي روحي بيت اهلك احسن لك ههههههههههههه
رهف:لا والله ماعاش من يقول لج كذا
منى:يسلمووو ياقلبي
رهف وهيا تقعد على كنبه محطوطه على الطرف:تعالي اقعدي وحكيني شو سويتوا وفين رحتووا وفين جيتوا ابغا اعرف كل شي من الالف للياء
وقعدوا رهف ومنى للفجر وهما يتحكوا ويتكلموا...وبعد كدا منى راحت جابت لرهف الهدايا اللي اشترت لها هيا وقعدت رهف تقيس الملابس والاشياء وانبسطت مررره من ذوق من الراقي في اختيار الهدايا...وكان اخر حوارهم وكلامهم عن موضوع رندا...
رهف:والله احس اني خجلانه من رندا انا اللي اقحمتها في دا الموضوع
منى:لا ياشيخه لاتقولي كدا مو بيننا هالكلام وبعدين انتي ماضربتي رندا على يدها ولاقلتي لها وافقي على ناصر ولاشي هيا وافقت بنفسها
رهف:صح بس برضووا اخاف تكون اخده موقف مننا
منى:لا والله هيا قالت لي انها هيا اللي محرجه منكم وقالت لي انها بتتصل عليكم واحد يوم وتعتذر وتستسمح منكم بنفسها
رهف:لا ماله داعي لاتستسمح ولاشي خلاص اللي صار قسمه ونصيب
منى:طيب وام ناصر ايش موقفها من الموضوع اخاف بكره لمن حاشوفها في العزيمه تكون زعلانه ولا حاجه صراحه ما اعرف ايش حاقولها؟؟
رهف:لالا اذا على ام ناصر صحيح انها زعلت بس بعدين عادي ناصر ماهو قاصر والف بنت تتمناه وبعدين ام ناصر طيبه وماتشيل في قلبها
منى:طيب ايش اقولها ولا كيف اتعامل معاها والله انا مره شايله هم
رهف:عادي يابنت الناس لاتفكري بدي الطريقه انتي مالج دخل في اللي صار واذا على التعامل عادي خليج معاها ايزي على عفويتج
منى وهيا تتنهد:والله مدري ويلا انا بروح انام نعسانه
رهف:اوكي برايج
منى وهيا توقف:يلا تصبحي على خيرر
رهف وهيا تطالع في الطاقه:ههههههههههههه خلاص قيده طلع الصباح قولي تمسي على خير
منى:ههههههههههههه على قولتك تمسي على خير..وراحت منى غرفتها تنام...
وفي اليوم التاني..سلمت منى على اهل زوجها..واللي كانت مرتبكه وخايفه كيف بتتعامل معاهم...لكن انبسطت لمن قعدت معاهم وشافت ترحيبهم فيها واسلوب تعاملهم اللي حسسها انها ابدا ماهي غريبه واكثر شي كان مريحها وجود رهف معاها...
وفي الليل..جو كل اهل مازن البيت يسلموا على منى ومازن وكان من بينهم طبعا اهل عبدالرزاق اخو مازن..وابوو ناصر...ولمن شافت منى ام ناصر..اتسامحت منها على اللي صار...وقالت لها تتمنى انها ماتكون زعلت منهم..وام ناصر بقلبها الطيب قالت لها..خلاص احنا اهل ومافي داعي لهالكلام وكل اللي صار قسمه ونصيب...وارتاحت منى للحوار اللي صار بينها وبين ام ناصر..واتأكدت من كلام رهف انه ام ناصر انسانه طيبه وماتشيل في قلبها على احد...
وبعد كم يوم...كانوا مازن ومنى ورهف..جالسين في صالة قسم مازن ومنى..بيتفرجوا على فيلم في قناة شنل تووو.. وكان مازن قاعد على الارض..وبياكل فشار ويشرب بيبسي..ومنى قاعده على الكنبه ورهف مسدوحه وحاطه راسها على رجل منى..
منى ومازن كانوا مشدودين للفيلم وبيتابعوه..اما رهف فكان تفكيرها بعيد مررره ومو معاها..
بتفكر في اللي اخد قلبها وراح..تفتكر..كلامه وصوته وشكله..والمواقف اللي صارت بينهم...اه يالله اشتقت له..فينه بعيد عن سما حياتي ولا يدري بهوى داري..ليه بعد عني ليه سوى كدا فيا..معقووله يكون اتخلى عني ونسيني...اه اتوقع منه كل شي والله...مدام اتخلى عني مره يقدر يتخلى عني الف مرررره...اه ياماجد خساره فيك حبي...وخساره فيك قلبي..اللي ملكتك هوا بدون اي ثمن..وبدون ماتدري عن نفسها نزلت دمعه من عينها على رجل منى...ومنى انتبهت لها ...وعورها قلبها عليها..
منى في نفسها..يالله ياحبيبتي لساتك الين دحين بتعاني..الله يسامح اللي كان السبب..ومدت يدها لراس رهف وصارت تمسح عليه بحنيه..وابتسمت لها رهف وعرفت انها حست فيها..وكملوا الفيلم مع بعض...
وقتها كانت الساعه سبعه في الليل..وبعد فتره دق جوال مازن..
مازن ابتسم لمن شاف الاسم ورد عليه..
مازن:الو...هلا وعليكم السلام...الحمدلله بخير يعلك بخير..انت شخبارك شمسوي؟؟...الله يسلمك..والله الحمدلله على كل حال...هاه؟؟دحين..والله مدري..خلاص طيب طيب..اوكي ماعندي مانع...فين تحب؟؟...اها طيب ليه ماتتفضل عندي مو احسن...اها طيب اوكي اجل دقايق وانا عند الباب...هههههههههه لاعادي يابو الشباب..طيب الله معاك باي
منى بإستغراب وهيا تشوفه يوقف:خارج؟؟
مازن:ايووه اتصل عليا صاحبي يقول يبغاني في موضوع مهم ودحين هوا قريب من البيت وبيمرني ونروح مع بعض
رهف:وي طيب ايش فيها ليه مايدخل عندك واقعدو في المجلس واتكلموا في الموضوع براحتكم
مازن:مدري عنه والله يقول يبغا برى
منى وهيا توقف:طيب انا بجهز لك ملابسك
مازن:اوكي
وراح مازن اتجهز ولبس ملابسه..وطلع وراح مع صاحبه المجهول هادا...
منى:رهف ايش بك؟ ليه ساكته؟
رهف:مدري احس قلبي يعورني
منى:وي بسم الله عليكي من ايش؟
رهف:مدري والله احس في شي بيصير
منى:لالا ان شاء الله فاولي خير الله يهديكي
رهف:........
في بيت ابو خالد..
ايش؟؟
تيتا:بابا رامي تهت يقول يبا سوف انتي
رندا:ياسلام ليه فين ابويا؟؟
تيتا:بابا سوى ماما روه مافي اهد
رندا بحيره:ياربيييييييييي ايش دا احراج مستحيل انزل اقابله لوحدي
تيتا:يلا انزلي رزال تحت
رندا:لا بالله تعالي اضربيني احسن
تيتا وهيا تروح:انا مالي سغل
رندا وهيا تطالع فيها:اخررر زمن
وبعد ماراحت تيتا..
رندا:اووووفففف ايش جابه دا ياربي ايش اسوي دحين؟؟اتصل على منى احسن
وجابت جوالها واتصلت على منى..
رندا:الوو
منى:هلالالا والله هلا
رندا:اهلين منى اسمعي رامي جا تحت وبابا وماما ماهم فيه ايش اسوي؟
منى:ههههههههههههههههههههههههههههاي
رندا:ايش بك؟
منى:دحين بالله متصله عليا عشان دا الشي؟
رندا:ايوووووه والله استحي انزل اقابله لوحدي ماني عارفه ايش اسوي
منى:رندا بلا هبل ايش منتي عارفه ايش تسوي مايصير تسيبي الرجال تحت لوحده انزلي ضيفيه ورحبي فيه
رندا:لا استحي
منى:هههههههههههههههههه ياربو على اللي تستحي بس ياحبيبتي دا خطييبك وحبيبك المفروض ماتستحي منه انزلي بس بلا دلع بنات
رندا بعجز:اهئ اهئ لا ماني نازله تعالي انتي
منى بعدم تصديق:رندا بلا هببببل ايش بك خرفتي؟؟ هادا رامي ماهو وحش حياكلك ايش صار لك
رندا:اعرف بس والله صرت استحي منه مدري ليه؟؟حتى لمن يكلمني في التلفون بالقوه اطلع الكلمه
منى:والله مدري عنك انا اقولك انزلي للرجال وبلا قلة حيا ويلا انا مو فاضيتلك بايوو
رندا بقهر:احسن باي
وقامت رندا غصب عنها وغيرت ملابسها..ولبست طرحتها ونزلت تشوفه..
رندا بعد مادخلت غرفة الجلسه قالت بخجل وهيا تشوفه يوقف:هلا والله
رامي بفرح:اهلين هلا وغلا
رندا وهيا تدخل جوة الغرفه:كيفك؟
رامي وهوا يتقدم لعندها:بخير الحمدلله انتي كيفك؟؟
رندا:تمام والله غريبه ماقلت لي انك جي عندنا
رامي وهوا يبتسم:حبيت اسويلك هيا سبرايز
رندا وهيا تبتسم:ههههههههههههه وشكلك كنت عارف انه بابا ماهو في البيت
رامي:هههههههههههههه لا والله ماكان عندي خبرر
رندا:ههههههههه ايش بك واقف اتفضل اجلس؟؟
رامي وهوا يمد لها يده باللي كان عنده:اتفضلي
رندا وهيا مستغربه:ايش دا؟
رامي:هديه بسيطه
رندا اخذتها و هيا مبتسمه:شكرا
رامي:العفوو
رنداوهيا تجلس:طيب ايش اخبار مشروعك؟؟
رامي وهوا يجلس:والله ماشي فيه الحمدلله
رندا:اها الله يوفقك...ووقفت...اوه نسيت ايش تحب تشرب؟؟
رامي وهوا يبتسم بخبث:اممممم عصير جوافه
رندا طالعت فيه بإستغراب ولمن شافته يبتسم ضحكت:ههههههههههههه لا من جد؟
رامي:والله من جد عصير جوافه عجبني ديك المره لمن ذقته من يدك
رندا:ههههههههههه خلاص طيب ولايهمك دحين اسوي لك هوا
رامي وهوا يوقف:وانا بجي معاكي
رندا بإستغراب:وي فين تجي؟
رامي:المطبخ
رندا:وي وايش تسوي في المطبخ اقعد هنا وانا اجيب لك هوا
رامي:لالا ابغا اجي معاكي
رندا:هههههههههههههههههههههه ايش تجي تسوي الله يهديك اقعد هنا دحين يجي بابا ايش يقول عننا قاعدين في المطبخ
رامي وهوا يمشي قدامها ويروح للباب:والله عاد انا ولد عمك وخطيبك عادي مافيها شي واظن داك اليوم ماكنت خطيبك وكنت قاعد معاكي ولاقلتي شي
رندا......سكتت ماعرفت ايش ترد عليه بس استسلمت لطلبه وعرفت انها مهما سوت مابتغير رأيه لانه عنيد..
وفي المطبخ قعدت هيا تسوي العصير وقعد هوا في نفس المكان بس هادي المره وهوا مبسوط ويغني اغاني هنديه واجنبيه ويتريق..ورندا تضحك عليه وعلى حركاته..
رندا:هههههههههههههههههههه فين سامعها دي الاغنيه والله انها تضحك
رامي:هههههههههههههه هادي واحد اهبل كان يشتغل في المزرعه زمان يقعد يغنيها واخدتها منه
رندا:هههههههههههههههههه طيب فاهم كلماتها
رامي:ههههههههههههههههههههه لا بس عجبتني فحفظتها
رندا:هههههههههههههه ماشاء الله عليك ماكفاك العربي رحت للهندي
رامي وهوا يعدل في صوته:احم احم طيب اسمعي هادي الاغنيه اهداء ليكي
من يقوول اني لغيرك انا لك ماني لغيرك انا متعلق مصيري ياحبيبي في مصيرك...
خلهم يحكون فيا مهما هم قالوا عليا انتا منهم وايش عليك وانا منهم وايش عليا..
ودهم بس يتعبونك وعن عيوني يبعدونك حاولوا ادري كثيرر بس صعبه يوصلوا لك..
انتا اكبر منهم وما اصدق حكيهم زيدني حب وغرام يلا اضحك غيظهم..
رندا....سكتت وماعلقت..وكانت معطيه ظهرها لرامي..وهيا بتصب العصير في الكاسه..
كانت فرحانه فرحانه مرره...بس ماهي قادره تعبر عن شعورها ومستحيه شويه من رامي..
رامي:هههههههههههههههههه ايش بك سكتي قولي شكرا قولي شي
رندا وهيا تجي لعنده وتحط العصير قدامه:ههههههههههههههههههه انا حره ما ابغا اقول شكرا
رامي:هههههههههههههههههههه طيب يادووبه
وقعدت رندا على الكرسي اللي قدامه:طيب انا ابغاك تغنيلي اغنيه في بالي؟
رامي:امرري ايش هيا؟
رندا:امممم اغنية عيضه المنهالي تدري اني موت احبك
رامي:اوووكي احم احم اسمعي..

رندا وهيا تبتسم:يسلم هالصوت وربي
رامي:الله يسلمك ياقلبي
رندا وهوا تبتسم وتقول بشوية تردد:ترى الاغنيه اهداء لك
رامي بفرحه:والله
رندا وهيا محرجه:ايوه
رامي وهوا يبتسم:وانا كمان
رندا:ايش انتا؟
رامي وهوا يبتسم ويطالع في عيونها بكل حب:اهديها لكي
اببتسمت رندا وماقالت شي..
رامي:مين مطربك المفضل؟؟
رندا:اممم مافي احد محدد احب كل الاغاني بشكل عام وبشكل خاص الخليجيه
رامي:طيب مين من الخليجين اللي يعجبك اكثر يعني مافي احد محدد؟؟
رندا:امممم راشد الماجد
رامي:والله حركات زيي
رندا:طيب وانتا ايش في اغنيه تحب تسمعها دايما؟؟
رامي:والله كتير اغاني بس من ضمنها واللي كنت دوبي بسمعها في السياره الشوق حقت جواد العلي
ولمن قال رامي كدا..فجئه اتغيرت ملامح رندا 180 درجه وبان على شكلها الحزن والزعل..
رامي بإستغراب:ايش بك؟؟
رندا بحزن تحاول تخفيه:لا ولاشي
رامي:لا والله فيكي شي ايش بك؟
رندا:بس افتكرت شي مو كويس
رامي:ايش هوا دا الشي؟؟
رندا:شي وخلاص
رامي:طيب وايش اللي خلاكي تفتكريه؟؟قلت شي خطأ انا يعني
رندا:لا بسسس
رامي بتشكك:رندا لو سمحتي قولي اللي في نفسك انا حاس انك تبي تقولي بس متردده
رندا:طيب بقولك بس اوعدني تكون صريح معايا
رامي:اوعدك
رندا:اممممم تفتكر داك اليوم لمن زهمتني وقلت تبغا تكلمني وكنت قاعد في الحديقه وانا جيتك
رامي وكأنه فهم اللي في بالها:ايووه كملي
رندا:انتا وقتها كنت بتكلم تلفون صح؟؟
رامي:ايوه
رندا:مين اللي كنت تكلمها؟؟
رامي واللي ارتخت ملامحه بعد ماكانت مشدوده:ههههههههههههههههههههاي دحييين فهمت
رندا بإستغراب:ايش بك؟؟
رامي:سمعتي اخر كلامي وفهمتي الموضوع خطأ اسمعي ياشيخه هادي وحده الله يهديها بس كانت تدرس معايا في امريكا وحبتني وكانت دايما تحاول تجذبني لها بس انا ماكنت اعطيها وجه ولمن جيت السعوديه اتصلت عليا تقولي ولد عمي يبغا يتزوجني ومدري ايش وانها تحبني انا قلت لها انا ماحبك يابنت الناس وكل واحد مننا في طريق وشوفي حياتك
رندا:بس انا سمعتك تقول لها انك حاتشتاق لها
رامي:هههههههههههههه والله مجامله لانها قالت لي حاشتاق لك حتى لو تفتكري قلت لها وانا كمان حاشتقلك بس خلاص انتي لازم تشوفي حياتك وانا لازم اشوف حياتي
رندا وهيا تتفكير:ايوه صح
رامي:هههههههههههههه لايروح بالك لبعيد انا ماعمري حبيت ولا حاحب احد غيرك
رندا..........
رامي وقف:اوكي انا استاذن ولو جا عمي قوليلي اني جبت له اوراق حطيتها في مكتبه
رندا وهيا توقف:على فين بدري خليك؟؟
رامي:هههههههههه لا ياقلبو ما اقدر اطول عندي كم مشوار لازم اخلصهم ان شاء الله اجيكم مره تانيه يلا تامريني بشي
رندا بخجل:لا سلامتك
واتحرك رامي يبغا يخرج برضوا من الباب الخلفي للمطبخ..
رندا:ههههههههه رامي دقيقه
رامي وهوا يلتفت لها ويضحك وكأنه عارف انها بتوقفه:هههههههههههههه هلا
رندا وهيا تقرب منه وهيا مبتسمه:هالمره انا محا اقولك احبك
رامي بإستغراب عقد حاجبينه:نعم؟؟
رندا:هالمره بقولك امووووت فيك
رامي..وقف مبهت من هالكلمتين اللي قالتهم رندا..يالله ما اتوقع رندا جريئه كدا..كيف هالبنت تكون جريئه في لحظات مايتوقعها وتكون خجووله في اللحظات التانيه اللي مايحس انه ممكن احد يخجل فيها..
رندا وهيا تبغا تضحك على شكله بس كاتمه ضحكتها: ايش بك؟؟
رامي وهوا يغمض عينه كأنه يحاول يستوعب اللي بيصير قدامه:ولاشي
رندا:ههههههههههههههههههه طيب براحتك...وراحت عنه تبا تطلع من المطبخ..وهيا مبسوطه تحب ملامح الدهشه والصدمه على وجه وتحب اكثر تأثيرها السحري عليه لمن تقول له كلمه حلوه
 
رامي وهوا يمسكها من يدها:دقيقه
رندا وهيا تلتفت له:نعم؟؟
رامي:انتي ليه تسوي فيني كدا
رندا بتصنع:ايش سويت؟
رامي:ولاشي بس ملكتي قلبي وجننتي عقلي وقلبتي حياتي وكياني
رندا:اف اف اف كل دا انا سويته حرام عليك انا بريئه
رامي:مين قال بريئه انتي مدانه بحبي لك ومحكوم عليكي بالسجن المؤبد
رندا:اهئ اهئ لا حرام وفين السجن دا لايكون ورى الشمس
رامي:لا في قلبي
رندا...ابتسمت..واحمرت خدودها من نظراته...وبعدت عنه..
رندا:يلا روح فارق انتا مررره كلامك كتيرر
رامي:افا تطرديني
رندا:ايوه ايش اسوي فيك لصقة جنسون منت راضي تفارق
رامي:يؤ يؤ دحين انا اللي ماني راضي افارق ولا كل ماجيت اروح وحده تزهمني وماتقدر على بعدي وتقعد تتغزل فيني وتقولي انا ما اقوى على بعادك حبيبي
رندا بشهقه:يامفتررري اقولك روح بس رووح
رامي وهوا يخرج من باب المطبخ الخلفي:طيييييب يارندا كان ماخليتك تندمي
رندا:هههههههههههههههههههههه ..وراحت وقفت عند الطاقه تشوفه وهوا يركب سيارته ويروح..
رندا في قلبها..الله يحفظك حبيبي الله يحفظك...
اليوم اللي بعده..
مازن:رهف رهف
رهف وهيا تجيه:هلا
مازن:تعالي ابغاكي في موضوع
منى وهيا توقف:طيب انا اخليكم تاخدوا راحتكم
مازن:لا خليج اعتقد انه عندك فكره عن الموضوع
منى وهيا تجلس:طيب
رهف وهيا تجلس:خير ان شاء الله ايش هالموضوع؟
مازن:الموضوع يخصج انتي يارهف؟؟
رهف بإستغراب:كييف يعني؟
مازن:يعني يخص حياتج ومستقبلج
رهف:طيب قول اللي عندك
مازن:تفتكروا قبل يومين مو خرجت مع واحد من اصحابي
منى:ايوه
رهف......
مازن:الرجال اللي خرجت معاه كان ماجد
رهف.........
منى بصدمه:ماجد؟؟
مازن:ايوه اعتقد انكم عارفين مين ماجد؟؟
منى:...قعدت ساكته وتطالع في رهف...
رهف بهدوء:طيب وبعدين؟
مازن:اسمعيني يارهف ابغاج تكوني متفهمه لكل اللي حاقوله هادا الله يسلمج ماجد اتقدم لج وطالب القرب مننا
رهف............................................... ............
منى بفرحه:والله اخيررررا
مازن:بس في شي؟؟
رهف..........
مازن:ماجد طلع خاطب بنت خالته
رهف............................................... ...............................
منى بصدمه:ايش؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مازن:خطبها بعد ما اجبرته امه لانه البنت اتوفى ابوها قبل كم شهرر وهيا مالها اخ غير واحد صغير عمره خمسه سنين وتحتاج احد يرعاها ويكون معاها هيا وامها فأمه غصبته يخطبها ويتزوجها ولابتغضب عليه وأطر يوافق ويخطب بنت خالته لكن المسكين ماقدر يتقبل الموضوع وباح لبنت خالته باللي في قلبه وقالها انه انه يحب وحده غيرها
رهف............................
منى..........................
مازن:وبنت خالته اتفهمت الوضع وقررت انها تساعده وتفسخ الخطوبه بأي شكل
رهف ومنى...........................
مازن:والرجال دحين عزم انه يخطب رهف مهما صار وبيواجه امه والدنيا كلها عشانها وجي دحين يقولنا ويعرف رأينا في الموضوع اذا موافقين عليه يسعى في الموضوع ويفسخ خطوبته من بنت خالته ويظبط أموره عشان يتقدم لرهف بشكل رسمي
رهف..............................................
منى..........
مازن وهوا يطالع في رهف:فا ايش رايك يارهف؟؟
رهف وقفت..........
منى:ايش بك يارهف؟
رهف...........راحت غرفتها بدون ماترد عليهم...
منى بخوف:ايش بها؟
مازن:والله مدري عنها سيبيها خليها تفكر شويه في الموضوع
منى بقهر:تفكر في ايش دحين بعد ماشبع من بنت خالته جي يخطبها وهيا مسكيينه متعذبه في حبه من سنين
مازن:لالاتقولي كدا يامنى الله يهديج الرجال فعلا شاريها ويحبها ويموت فيها بس امه خيرته بين سخطها ورضاها وماقدر الا انه يرضيها بالخطوبه ويهدأها ولمن دحين جاته الفرصه قرر يحارب الكل ويخطب رهف
منى:برضو ولوووو كان يقدر على قولتك يحارب الكل من البدايه مو من دحيين لانه مافرقت اللي يقدر يسويه دحين كان يقدر يسويه في الاول
مازن:لالالا الله يخليج لاتقولي كدا وتروح تسمعج رهف وترفض الرجال الرجال شاريها وربي وشرح لي كل ظروفه اللي انتي محا تقدري تتفهميها لانج ماعشتيها
منى:...............
مازن:انتي دحين بالله لو فكرتي بعقلج لو مايبغاها كان صارح بنت خالته وقالها انه يحب وحده غيرها ولا كان اصلا جاني وطلبها مني الرجال يابنت الناس ماهو لعاب ويبغاها على سنة الله ورسوله حتى انه قلي انه قعد يبني نفسه ويشغل شركات ابوه ويدرس ويجتهد عشان يكون قد المقام لمن يتقدم لرهف
منى:والله مدري اصلا انا مالي دخل القرار بيد رهف
مازن:والله يهدي رهف وتقرر القرار اللي فيه مصلحتها
واللي مايعرفوه مازن ومنى..انه رهف راحت غرفتها..ورمت نفسها على السرير وقعدت تبكي من كل قلبها..تبكي على حبها وحظها في هالحياه..
رهف...اه ياقلبي اه ليييييييييييييييييييه كدا ياماجد لييييييييييييييييييه طحت من عينييييييي طحت وربي.....كنت اعرف انك ممكن تجحد قلبي في يوم من الايام لكن مو لهدرجه تخطب وحده غيري..تكون لوحده غيري ولو لايام..اه ياماجد..للاسف دايما تتخلى عني...من اول مشكله رحت وسبتني..وبعد مارجعت اختفيت من حياتي..وبعد ماحاولت ترجع لي اكتشف بصدمة انك اتخليت عني مره تانيه...صدمه ورى صدمه اخذها منك ياماجد وانتا ماتدري عني...قاسي وماهمه الا نفسه..كان يقدر كان يقدر يقوول لاء..كان يقدر يقول في قلب مجرروووح وبعيييد وعايش يستناني ما اقدر اخذ غيره..هذاك القلب اللي مايت من الوله علي ويتمنى بس يلمح عيووني...قلب يستحق لو بس لمره وحده اخلاص وحب وحنان صادق منه...اه بس اييششش هوا نسيني ونسي وجودي وماهمه الا حياته وووضعه...اه ياماجد جرحتني مرات ومرات ووماعاد ينفع ماعاد...خلاص كفايه انتظار وكفايه حب وجروح والالام..
في الرياض...
ام جابر:ها ايش قلتي يابنتي؟
منال وهيا تبتسم:موافقه يا امي
ام جابر وهيا تزغرط وتقوم تحضن بنتها:الف مبرووك حبيبتي الف مبرووك
جابر واللي جا بعد ماسمع صوت الزغاريط:خيررر وش عندكم فرحوونا؟؟
ام جابر:فرح اختك بعد شهرين ان شاء الله
جابر بفرحه:والله اخيرا بنفتك منها
منال:جابر
جابر:ههههههههههههههههههه امزح وربي الف مبروك الغاليه الف مبروك
منال بحيا بسيط:الله يبارك فيك وعقبالك
جابر عقد حواجبه ومارد...وطلع من الغرفه..
منال بإستغراب:وش فيه؟
ام جابر بحزن:الله يهديه الله يهديه
منال واللي كانت ماتعرف شي عن موضوع جابر وحبه لمي:الله يهديه؟؟؟
ام جابر:ايييه الله يهديه كاره سيرة الزواج وكل ما افاتحه بالموضوع اشوف اللي شفتيه قبل شوي
منال بإستغراب:وليه طيب؟؟
ام جابر:سالفه قديمه وراحت في حال سبيلها
منال بإهتمام لانها طول عمرها تحس في اخوها شي ونفسها تعرفه:لالا ابي اعرف وش هالسالفه؟
ام جابر:لا مب لازم انسي الموضوع
منال وهيا تمسك يد امها عشان لاتروح:لا الله يخليكي قوليلي ابي اعرف انا من زمان وودي اعرف وش هالشي اللي مكره اخوي بالزواج
ام جابر وهيا تجلس:طيب بقولك بس اوعديني مايطلع هالكلام من بيننا
منال:اوكي اوعدك
ام جابر:طيب.....وقعدت تحكيها عن حب اخوها الكبير لمي..وكلام عمتها ام خالد عن الموضوع...والفرحه اللي عمت جابر لمن عرف الموضوع..والامل والنشاط اللي حل فيه عشان يبني مستقبله ويكون يستاهل مي..وصدمته وووو...الخ..
قامت من سريرها..وراحت لجهة جوالها...وقعدت تدور على رقمه بيد مرتجفه..
هادا هوا...سيد جروحي هادا هوا الرقم... دقيت عليه ومن ثالث دقه رد..
الوووووووو
رهف بصوتها الباكي:ماجد
ماجد:ايوه مين معايا؟
رهف:ماعرفتني؟
ماجد بصدمه:رهف؟؟هادا انتي رهففففف
رهف:اييوووه ياماجد رهفف رهففف اللي حبتك بكل اخلاص حبتك رغم كل الجروح اللي سببتها لها ورغم كل صدك وجفاك وانانيتك
ماجد بصدمه:ايش دا الكلام يارهف ايش اللي بتقوليه انا احبك صدقيني
رهف: انتا ماعمرك حبيت الا نفسك ياماجد انتا طحت من عيني...صدمتني..انا طول كل هادي المده احسبك صادق حنون وفي ومافي احد مثلك في الخلايق..انسان صحيح انه بعيد عني لكن مشتاق لي وبيجيني في يوم ومعه في يده لي ورده يعبر لي فيها عن حبه وعن حياتنا اللي بنعيشها مع بعض...لكن انت جيتني ومعك سكينه مو ورده يا ماجد سكينه..اكتشفت انك انسان اناني وماهمك الا نفسك وضعيف للاسف وماتقدر تواجه اي مشاكل او عقبات تجي في طريقك وانا ندمانه لاني حبيتك وعرفتك في يوم من الايام ..مدام انت في البدايه ماعرفت تدافع عن حبك ليا ولاقدرت تحارب عشان تكون ليا..أنا كمان محا احارب ولا حاسوي شي ..وتأكد انا في هاللحظه محا اكون انسانه رومانسيه ولاحارضا ببقايا حب ماعرفت تدافع عنه..انا بكون انسانه حقانيه مو انانيه..
انا ما اقدر اكون لك ياماجد ما اقدر اسبب لك مشاكل ولا اسبب لنفسي مشاكل خليك اكسب رضا امك وكون لبنت خالتك المسكينه ماتستاهل هيا انك تكون جاحد معاها هيا كمان...
كون مع اللي تكون ياماجد مدام قلبي معي روح في سبيلك وامضي..حياتي بعرف اكملها بدووونك..
واقولك وبكل صدق ماعمري اتخيلت انه نهايتي بتكون معاك كدا ولا اني اقولك اللي حقوله..بس والله ومن وسط قلبي انا ارفضك ياماجد ...وقفلت الخط في وجهه...ومسكت الجوال ورمته على الجدار زي مارمته اول مره لمن اكتشفت مرضه وحادثه واتكرر المنظر اتكسر الجوال قدامها..بس هالمره اتكسر معاه حبها وحزنها وشوقها لها الانسان...رمت نفسها على السرير...وغاصت في بحررر حزنها والامها
منى وهيا تدق الباب على رهف:رهف رهف فكيي الباب رهففف
رهف قعدت تبكي من قلبها وماترد عليها..
فتحت منى الباب..وشافت رهف راميه نفسها على السرير وبتبكي:رهف قلبي ايش بك؟؟
رهف و هيا تصرخ من كل قلبها:اكرررررررررررهه يامنى اكررررررررررررهه هالاناني اكررررهه خلاص ماعاد لماجد اي معنى ما ابيييييييييه ما ابييييييييييه
منى وهيا تحضنها:بس حبيبتي بسسس صلي على النبي هدي حبيبتي هديييي اششش اشششش
من بعد هالموقف...بعد ثمانيه شهورر...
اتزوجت منال في هالفتره..من ولد خالتها عبدالله وسافرت معاه بريطانيا عشان ظروف عمله..
ورندا قويت علاقتها برامي اكثر...وصاروا الاثنين من اقوى العشاق في العيله من بعد لمى وامجد..
ومنى حملت...وهيا دحين في الشهر الرابع..
ولم امجد ى....
....*&*&*اليوم فرحهم*&*&*....
...اليوم موعد التحام ارواحهم وقلوووبهم للابد...
كان عنوان هالفرح هوا الفخامه..كل شي كان مرتب على احسن وجه..وكل شي في الفرح يدل على الذوق والفن الراقي..كانت قاعة الفرح..فخمه ومرتبه بطريقه حلوه..اختارتها لمى مع رندا ومنى..كانت القاعه عباره عن بحر..كل شي فيها ازرق وسماوي بدرجاته..والابيض طبعا متداخل في كل شي..وكان على كل طاوله اناء دائري الشكل فيه مويه زرقا وجوته سمكتين..والمفارش اللي على الطاوله سماويه وتحتها بيضه محطوطه بطرييقه مررره حلوووه..والقاعه كلها مزينه بالورد الازرق والابيض..والممر اللي يؤدي للكوشه..على اطرافها رمل وصدف..والفرشه لونها ازرق غامق..والكوشه كلها ازرق بدرجاته وابيض..وفيها ديكورات جنان ..وكان شكل الكرسي اللي المفروض يقعدوا عليه العرسان عباره
عن مرجيحه خشبيه واسعه شويه وعليها منثر ورود زرقه وبيضه..ومن وراها منظر شاطئ بحر ..وحولينها باقات كبيررره..ومن بعدها معلق على الجدران شيلان زرقه محطوطه بطريقه رووعه ومنثر عليها نجوم البحر واكليل واصداف..واشياء روووعه...
كان الكل وهوا قاعد يتأمل في كل ركن في القاعه وينبهر بهالترتيب الخطيرررر...
وكانوا رندا ومي ومنى وام خالد مايقعدوا في مكانهم دقيقه..بس رايحين جايين..يرتبوا ويستقبلوا الناس...
والكوشه مليان بنات بيرقصوا..وكل ماتطلع اغنيه حلوه يقوموا بنات غيرهم..
وكان الفرح بإختصار...يجنن....
ولمن جا وقت الزفا...انطفت كل الانوار واتولعت الشمووع على كل طاوله..والحريم كلهم قاموا ولبسوا عبايتهم تحسبا لو دخل احد من الرجال...
وشويه وانحط صوت امواج بحرر...ونزلة شاشة عرض بروجيكتر..في البدايه كانت بتنعرض صور لمى وهيا صغيره..وفي جميع مراحل عمرها الين ماكبرت ومع كل صوره كانت تنحط اغنيه وتتغير..ولمن وصلوا للمى وهيا كبيره وكانت لها صووور روووعه...جات صور امجد وهوا صغير الين ماكبر..وبعد كدا جابوا صور للمى وامجد مع بعض وايام كانوا صغار وايام الملكه....والكل يصفررر ويصرررخ لمن تطلع صوره حلووه...كل البنات الموجودين في القاعه اتجننوا من جمال امجد..وكل الحريم انعجبووووا بجمال لمى واستغربوا انه محد كان يعرفها ولا يشوفها قبل كدا...
وبعد ماخلص العرض انحطت موسيقى0..والكل انشد مع هالموسيقى وصار يطالع في البلكوونه ويتنظر متى حتطلع العروسه اللي شافوها في العرض وكانت قمر وقالوا انها اكيد في الواقع احلى..
بس على عكس توقعاتهم ماطلعت لمى طلعوا احمد وفهد وفي يدهم سيوف وهما لابسين ثياب وغتر وعليهم مشالح((بشت))..وخرجوا من وراهم جوانا ومحمد..جوانا الصغنونه اللي بس من كم شهر بدأت تمشي..وكانت لابسه فستان ابيض..وعليها طرحه بيضه كأنها عروسه صغيره...وجمبها محمد اللي كان لاعب دور العريس في هاللحظه ..وكان شكلهم كلهم على بعضهم خطيررررر..والكل يسمي عليهم..
وكانوا مي ومنى ورندا ومنال اللي جات عشان تحضر الفرح قاعدين تحت ويطالعوا فيهم ويأشروا للاولاد عشان لايتحركوا ويعملوا حركات لجوانا اللي بدأت تبكي وخافت من شكل الناس الكثيرين..
مي:ياربوووو بسم الله على بنتي اخاف يحسدوها
رندا:وي وي شووفي محمد بيشيل الغتره اففف الله يستر بيبهدلوا الدنيا هادولا المفعايص
منى:لا ان شاء الله فاولوا خير انتوا بس أشرو لهم خلوهم يبتسمو عشان المصوره قاعده تصورهم
وشويه اتحركوا محمد وجوانا وبدأو ينزلوا من الدرج اللي قدامهم..
مي:لالالا استنوا مو دحين يوووه ولد محمد اصبرررر
رندا:ههههههههههههههه والله لو تصرخي لبكره محد حيسمعك
ونزلوا بكدا محمد وجوانا من الدرج وخربطوا الترتيب اللي كانوا مرتبينه رندا ومي..لانهم كانوا يبغوهم ينزلوا مع لمى..لمن تطلع...
رندا وهيا تقرب من محمد وجوانا:امشوو بشويش بشووووويش
محمد:عمه رندا انا تعبت ابغا اقعد
رندا:افففففف حمودي حبيبي اصبر شويه شووف..وتأشر له على الكوشه..لمن توصل هناك حاتقعد بس امشي بشويش ولابعدين محا نخليك تجلس
محمد:تيييب
ولمن وصلوا محمد وجوانا على الكوشه..وكانوا مي ورندا بيمشوا معاهم بس على الطرف عشان يقولولهم ايش يسوو...قالوا لمحمد يشيل الطرحه اللي على جوانا ويبوسها على راسها...وفعلا محمد شال الطرحه وباس جوانا على راسها...والمصوره تصور كل لقطه بتصير قدامها..والقاعه كلها تصفررر وتصررخ..والكل معجب بالثنائي الكيووت...وبعد شووويه..نزلوا احمد وفهد ولحقوا محمد وجوانا وقعدوا كلهم على اطراف الكوشه...
وفجئه انحطت موسيقى رائعه حماسيه تبين انه فيه شي بيصير...والكل رجع يطالع على الباب يستنى اللي بيصير..
وفجئه ينفتح الباب الكبير باب البلكونه وتطلع منه لمى..مع اغنية راشد الماجد...بدر
والكل يطالع فيها ومشدود لجمالها..طلعت بطله احلى من البدر..طلعت كأنها فلقة صبح نورت الكون من بعد الظلام...
حد منكم شاف في الدنيا بدر مقبل يمشي ومن حووله بشر...الخ
وفجئه وقفت الاغنية...واشتغلت موسيقى تانيه تبين انه في احد تاني بيطلع وصار الكل يطالع في الباب ينتظروا مين كمان بيطلع.. بس فجئه...اتحرك الكشاف اللي كان على لمى واتوجه للكوشه..وطلع أمجد من ورا الكوشه...وصار عليه النور واتوجه على لمى كشاف ابيض تاني...والاتنين يطالعوا في بعض ويبتسموا..والكل حاير يطالع هنا ولاهنا..وشويه..اتحررك امجد واتحركت لمى من مكانها...واشتغلت الاغنيه التقليديه حقت محمد عبدو...
نزلت لمى من الدرج بشوويش..وهيا بفستانها الابيض الخطير اللي مطلعها ملاك ماشي على الارض...وبمكايجها الروعه وتسريحتها الارووع...كانت الباقه اللي في يدها خطيرررررره...المسكه نفسها كانت عباره عن قزاز جوته مويه زرقا وفيه سمكتين..ومن فوق المسكه نازل الورد من الباقه وخارج على بره ومتوجه للارض وكان طبعا كله ازرق وفيه شوية ورد ابيض...فكان تقيل..ولمى شايلته بخوف وحرص..وكانت وهيا نازله تطالع في امجد بكل حب..وتقول في نفسها...احبك حبيبي والله احبك...ولمن وصلت لأخر عتبه كان امجد وصل لها ووقف مبتسم وهوا يشوفها ومو مصدق نفسه انه اخيرا لمى قدامه وصارت له..قعد يطالع فيها بكل حب يقول في نفسه..يالله يالمى كيف صار وجودك في حياتي هوا المهم واني بدونك ما اسوى..كنت اهبل يوم فكرت اسيبك وابعد عنك..الحمدلله اني عرفت قيمتك قبل ما افقدك...اه يا احلى حب في حياتي اخيرا انا وانتي مع بعض وللأبد..
مد يده لها عشان تنزل اخر عتبه..وهيا ماصدقت على الله مسكت في يده بقوه لانها كانت تحس نفسها بتطيح...ولمن نزلت على الارض لف امجد يده بيد لمى ومشيوا مع بعض باتجاه الكوشه..
 
امجد وهوا يقرب راسه منها:اخيرا يالمى اخيرا
لمى ابتسمت:اسس طالع قدامك المصوره بتصورنا
امجد:طززز في كل الدنيا انا حررر اقول اللي ابغا
سكتت لمى عنه عارفته ممكن يخربط كل شي في الفرح بعناده..
وامجد ابتسم..عرف انها مرتبكه وخايفه مو زيه ماهمه في الدنيا احد..
كان الكل بيطالع في لمى وامجد وهما بيتزفوا ويعلقوا عليهم ويسموا..ماشاء الله الاتنين كانوا كأنهم مخلوقين لبعض..
لمى بشويش:امجاد الحق احس المويه خرجت من الباقه اهئ اهئ اخاف الفستان ينعدم
امجد:هههههههههههه ومين قلك تشيلي شي زي كدا انا مالي دخل
لمى واللي شويه بتبكي:امجد ساعدني والله احس في شي على الفستان
رندا وهيا تأشر للمى:لمى ابتسمي ابتسمي
لمى وهيا تبتسم:افففففففف ياربي امجد طيب انتا شوف انا ماني قادره ارخي راسي
امجد وهوا يطالع في الفستان:والله مافي شي انتي تتوهمي
لمى:طيب طيب
وصلوا امجد ولمى للكوشه..ووقفوا في النص..وسوا امجد نفس الحركه اللي سواها محمد وفتح الطرحه الخفيفه اللي كانت على وجه لمى..وباسها على راسها..
امجد وهوا يبتسم من كل قلبه:مبروك حبيبتي
لمى بصوت واطي وهيا محرجه:الله يبارك فيك
امجد وهوا مبهور بجمالها:يا الله ماني مصدق كل هالجمال ملكي
لمى بخجل:امجاد مو وقته
امجد وهوا يضحك عليها ويلفها عشان تطالع على الناس:هههههههههههههههه لفي لفي قبل ماتجي رندا وتاكلنا حشا مسويتنا لعبه في يدها كل حركه مرتبتها
لمى:هههههههههههههههههههههه اي والله
امجد وهوا يقرب راسه منها ويتكلم بصوت واطي:تخيلي رندا جابتني هنا من العصر وقعدت تدربني كيف اسوي وايش اعمل
لمى:هههههههههههههههههههه والله انها تحفه هالبنت
امجد:ههههههههههههههه خلاص اسكتي شوفيها جات دحين بتاكلنا
لمى:ههههههههههههه حرام عليك
رندا وهيا تقرب منهم:لمى امجد بتقعدوا ساعتين كدا يلا روحو اقعدوا في مكانكم
امجد وهوا يعاندها:واذا ماقعدنا ايش بتسوي
رندا بصدمه:امجد مو وقت المزح دحين
امجد وهوا مبسوط:والله فرحي وانا حر اسوي اللي اسويه فيه
رندا:امجد ايش بك؟
امجد:ولاشي بس عاجبني المنظر وابغا قعد واقف شويه
رندا:امجد بلا هبل روح اقعد
لمى:ههههههههههههه امجد قلبي خلاص خلينا نقعد والله انا تعبانه وماني قادره اوقف
امجد وهوا يطالع في لمى بحنيه:عشان خاطر عيونك وربي
رندا بتضجر:افففف منك يا امجد يلا انا بروح
امجد بسرعه:رندا اقولك هاتيلي مايك
رندا بإستغراب:ايش تبا تسوي؟؟
امجد:جيبيلي وخلاص
رندا:طيب
لمى بإستغراب:ايش بتسوي؟؟
امجد:اصبري انتي بس
المصوره:ياعريس لو بتسمحوا بدكم تقعدو من شان التصوير
امجد:لا اصبري
المصوره؟؟....!!؟؟
رندا وهيا تجيب له المايك:اتفضل
امجد:اووكي ويلا دحين لو سمحتي صوري اللي بسويه
الكل كان يطالع في العروسين وهوا مستغرب..كان امجد يتكلم ويتحرك بشكل غريب وكان باين عليه انه بيسوي شي مو عادي...
وقف امجد مقابل لمى ويفصل بينه وبين لمى خطوه...
امجد:انا بقول شي ووهوا اهداء للمى
امجد بصووت خطير واحساس اخطرر وهوا يطالع في لمى:
من بين الناس حبيتك من بين الناس..
وبكل احساس اغليتك وبكل احساس..
حبك جرى في دمي نساني كل همي..
خلى حياتي غيرررر غيررر...
من بين كل الناس...
صرت بحياتي الروح واللهفه والاشواق الصمت لك والبوح...((لمى ترخي راسها))
ولشوفتك اشتاق عمري فدا عيوونك ياساحر بلووونك..
وياك مهما يصيررر من بيييييييين كل الناس...
اسكن في عيني وشوف وش كبرها دنياك..
ما احس انا باي خوف ان صرت انا وياك..
((وهوا يمد يده ويمسك يد لمى))خليي ايدك بإيدي تحلى مواعيدي..
من بين كل الناس...
وسلمتم
وقرب من لمى وقالها في اذنها:احبببببببك
لمى وقفت مبهته من كلام امجد ومن عيونه ونظراته...
وقلبها صار يرجف رجف...وماهي قادره توقف...الموقف اكبر من قدرتها على الاستحمال...
الكل صار يصفق لأمجد ولحركته الجريئه...وامجد يبتسم لهم بإمتنان..بعد كدا اخذت الامور مجراها الطبيعي..
وجلسوا العرسان على المرجيحه..وجابوا لهم العصير وقعدوا يصوروهم...
وزي ماكان كل شي في الفرح غير عادي..حتى العصير كان مو عادي..
كان عباره عن كاسه كبيره شكلها حلوو وجووتها عصير ازرق..وكان العصير عباره عن بلو كوكتيل..بس اللي مخلي الناس مستغربه انه في العصير في سمكتين...
امجد:وي ايش دا عسى بيشربونا من دا الشي
لمى:هههههههههههههههه لا تخاف السمكتين مو في العصير شوف من هنا..وتاشر له على الكاسه..من هنا تبدأ الكاسه ويبدأ العصير واللي تحت دا منظر..في شي يفصل بينه وبين العصير..اللي تحت مجرد مويه زرقه..
امجد:اها وفكرة مين هادي ماشاء الله كمان
لمى:ههههههههههههه بصراحه هادي فكرتي انا
امجد:ياسلام انعديتي منهم هههههههههه
لمى:هههههههه شفت كيف
المهم..شربوا امجد ولمى العصير وقعدوا يتصورو..وبعد شويه جوهم احمد ومحمد وكان في يد محمد علبه كبيره وفي يد احمد علبه تانيه بس صغيره..واشتغلت اغنية كاظم الساهر ياصايغين الذهب


وابتسم امجد ومد يده للعلبه اللي عند محمد وفتحها وشاف فيها الطقم اللي اشتراه للمى..وجاته مي وسعادته فشالت الطقم اللي لمى لابسته..وساعدته في تلبيس لمى الطقم التاني..ولمى ساكته ومستحيه من قرب امجد منها..وبعدين امجد لبسها الخاتم..وباس اصباعها..<<<على حسب تعلميات رندا ههههههه...
ولمى ابتسمت..وفتحت العلبه اللي عند احمد هيا كمان..وطلعت منها ساعه خطيررره..ولبستها لأمجد اللي مد لها يده وهوا فرحان..وبعدين لبسته خاتم وعملت نفس حركته وباست اصباعه....
وبعدين الكل يزغرط ويهلل...وبعد شويه اشتغلت اغنية راشد الماجد يامميز..وقاموا محمد واحمد وفهد وقعدوا يرقصوا عليها بالسيوف زي الكبار...والكل اتربش معاهم و قعدوا يصفقوا...
وبعد نص ساعه تقريبا دخلوا ابو خالد وابو محمد وابو رامي..يسلموا على العروسان..
ابو محمد وهوا يكلم امجد:ما اوصيك ياولدي خلي بالك من لمى
امجد:لمى في عيوني ياعمي
ابو رامي:ايييوه تراها غاليه علينا
امجد:ههههههههههه ادري وربي بس ايش دا محد فيكم وصاها عليا حرام عليكم انا مو ولدكم كمان
ابو خالد:ههههههههههههه لا انتا رجال وماتحتاج
امجد:هههههههههههههه امزح معاكم
كانت تقريبا هادي هيا الاجواء على الكوشه اما خارج الكوشه قاموا نص الناس ودخلوا البوفيه..والباقيين من الاهل قاعدين مبسوطين بيتكلموا ويعلقوا على كل شي في الفرح..
وكانت رهف قاعده مع منى..
منى وهيا تطالع في رهف اللي باين الحزن في عيونها:رهف رهف
رهف......
منى وهيا تدقها:رهف
رهف وهيا تبتسم:هلا
منى:ايش بك؟
رهف:ماشي
منى:بلا هبل شوفي كيف شكلك....ايش بك بتفكري فيه؟؟
رهف بإستنكار:فمين؟
منى:ماجد؟
رهف:لا مين قال اصلا هوا مايستاهل اني افكر فيه ولو لدقيقه
منى:عليا دا الكلام .. رهف حرام عليكي لو تحبيه لاتسوي في نفسك كدا الرجال الين دحين شاريكي
رهف:منى بليز لو تعزيني وتحبيني قفلي هالموضوع
منى:بس يارهف مايصير انا متأكده انك تحبيه وهوا يحبك ليه تسوي في نفسك وفيه كدا؟؟؟
رهف بحزن:بس يامنى حرام عليكي لاتقلبي المواجع
منى:لامافي انا لازم اعرف انا من اول ساكته لك لكن دحين خلاص فاضي بيا والله الرجال امس برضوا اتصل على مازن وقعد يتحايل عليه انه يقنعك عشان توافقي
رهف:اففففففف يامنى ايش اقولج محا تفهميني
منى:طيب قولي يمكن افهم
رهف بجديه:يامنى هادي مو اول مره انصدم في ماجد ماجد كم مره تخلى عني انتي تعرفي انه قبل مايسافر اتصل عليا وقلي انا ما انفعك يارهف ومدري ايش تدري انا وقتها ايش كنت بقوله..كنت بقوله انا احبك ياماجد وهوا يقولي انا ما انفع لج تخيلي شعوري انا اقله احبك وهوا يقولي كدا
منى:بس هوا من حبه ليكي سوى كدا ماكان يبغا يعذبك معاه
رهف:لا خطأ لو كان كلامك صح كان ممكن يوصلي قصده بطريقه تانيه مو يتخلى عني ويسيبني اعاني.. هوا انصدم بوضعه وماهان عليه يكون بدا الشكل لكن انا هنت عليه وماهمه قلبي اللي حبه بكل اخلاص ضعف قدام وضعه وراح وسابني..
مننى.......
رهف:ودحين على موضوع امه اعتقد انه رأيج من رأيي كان يقدر يرفض كلام امه ويحارب عشاني بس هوا ماسوى شي وضعف كالعاده واتخلى عني ..انا سمعتج يوم كنتي بتكلمي مازن بس غيرتي رأيج بعد مازن ماقلج انه لاتقولي كدا عشان لا اسمعج وارفضه..
منى.......
رهف:شوفي انا كنت حاسه انه نهايتنا بتكون كدا لانه احنا بدأنا خطأ وانا اعترف بكذا والشي اللي يبدأ خطأ ينتهي خطأ مهما كان كبر او صدق هالحب او المشاعر اللي اتواجدت فيه
منى:والله مدري ايش اقولك
رهف:لاتقولي شي ماجد زي ما اتخلى عني قبل كدا ممكن يتخلى عني الف مره في المستقبل سكي الموضوع انا راضيه باللي صار واحس انه خير لي اني ما ارتبطت فيه
منى:طيب وحبك له وحبه ليكي
رهف:الحب مو كل شي في الحياه يمكن ربنا يعوضني بعد كدا بللي احسن منه ويخليني انساه وانسى حبه في قلبي
منى وهيا تحضن رهف:الله يكملك بعقلك يارهف الله يكملك
اما رندا كانت قاعده على الطرف وبتكلم رامي بالجوال..
رامي:حبيبتي بلييييز بس شويه
رندا:حبيبي ما اقدر اطلع من الفرح عندي الف شغله اسويها
رامي وهوا يحاول يحنن قلبها عليه:واهون عليكي اقعد ملطوع بره استناكي وانتي خاصرتني
رندا:امممممممممممم طيب بس خمسه دقايق
رامي بفرح:اووووكي موافق خمسه خمسه بس تعالي ياشيخه
رندا:ههههههههههه اوكي دحين اطلع لك
وراحت رندا ولبست عبايتها وخرجت برره القاعه وشافت سيارة رامي واقفه عند الباب وراحت ركبت فيها..
رامي بفرح:هلالالا والله هلالالالا نورت السياره
رندا وهيا تشيل الطرحه من على وجهها:سلام عليكم
رامي وهوا يتأمل وجهها اللي كان احلى من وجه القمر:وعليكم السلام والرحمه وه وه ياقلبيييييييييييي رحت انا فيها
رندا تضحك بخجل:هههههههههههههه رموي يادب ترى والله برجع
رامي:لالا الله يخليكي ماصدقنا نشوفك
رندا:ههههههههههههه
رامي وهوا يتأمل وجهها بكل حب:ياقلبي عليكي رندوده اخاف يحسدوكي الناس حصنتي نفسك
رندا:هههههههههههه ايوه ماما ماقصرت
رامي:طب كويس وخلاص حطي في بالك فرحنا من بعد شهررر من اليوم
رندا بصدمه:نعم نعم مين قال؟؟
رامي:انا ايش مين قال منتي سامعتني وانا بقولك بسم الله عليكي خرفتي
رندا:رامي بلا هباله لاتتريق عليا
رامي بجديه:وربي ما اتريق انا اليوم كلمت عمي وقلت له ابغا الفرح بعد شهر قالي ابشر ياولد اخوي فالك طيب
رندا:لالالالالا حرام عليك شهررر مررررررره مايكفي
رامي:والله عاد انا مالي دخل انا قلت لك
رندا:بسسس مايمديني اتجهز ولا ارتب ولا اسوي شي
رامي:ايش ترتبي وايش تسوي انا ما ابغا شي انا ابغاكي انتي وبس حتى لو تجيني بلبسك اللي انتي بيه
رندا بإستنكار:لا والله ايش شايفني مقطوعه من شجرره ولا مالي قميه وجيه من الشارع عشان تقولي كدا...انا حبيبي ماني اقل من اي احد وشايف الفررح هادا كله اللي قدامك انا مرتبته من الالف الى الياء اقوم اجي في فرحي وما اسوي شي مستحيييل دا بعدك
رامي:ههههههههههههههههه طيب طيب بشويش وي اكلتينييييييي خلاص بمدد المده لشهرين
رندا:لالالا برضو مايكفيني
رامي:افففففف والله مالي دخل اكثر من شهرين ماني صابر
رندا:ياربييييييييي عليك عنييييييييييد
رامي:بس غصب عنك تحبيني
رندا وهيا تبتسم:هههههههههههههههههه اي والله في هادي صدقت
رامي:ههههههههههههه والله اموت فيكي ياشيخه
رندا وهيا تبتسم:وانا كمان ويلا عن اذنك انا بروح ورايا الف مليون شغله
رامي:لا لسه ماشبعت منك
رندا وهيا تفتح الباب وتخرج:معليه حبيبي تعالي البيت بكرره واقعد براحتك
رامي بإستسلام:طيب الله معاكي
رندا:باي..وراحت رندا ودخلت جوت القصر..ورامي يطالع في الباب اللي اختفت منه ويقول في قلبه..احبها ياناس احبها..وحرك سيارته ووقفها على طرف...ونزل منها يبغا يرجع لقاعة الرجال بس شاف واحد قاعد على الطرف وبيدخن...وعرفه وابتسم..
اتوجه رامي لعنده وهوا مبتسم..
رامي:السلام عليكم ياناصر
ناصر وهوا يلتفت لمكان الصوت قال بصدمه:وعليكم السلام
رامي وهوا يمد له يده عشان يسلم عليه:كيفك
ناصر وهوا يسلم عليه:بخير الله يسلمك انتا كيفك
رامي وهوا يبتسم:تمام ولله الحمد
ناصر....كان مستغرب غريبه ايش به رامي جي لعندي..ما اتوقعتها منه والله..
رامي:عسى بس ماضايقتك بجيتي
ناصر:لاعادي والله
رامي وهوا يحط يده على كتف ناصر:انا حبيت اعتذر لك ياناصر انا اسف على كل اللي سويته فيك والله اني اعتبرك زي اخويا وما ابغا افقدك ولاتكون بيني وبينك عداوه
ناصر وهوا يبتسم من كلام رامي اللي ما اتوقعه بس فرحه لانه برضوا مايحب يكون بينه وبين اي احد عداوه:لاياشيخ مابيننا اي عداوه ان شاء الله وانا كمان وربي اعتبرك زي اخويا واللي بيننا انساه والله يهنيك ويوفقك مع رندا
رامي:صدقني ياناصر لو رندا ماوافقت عليا انا وقتها اكيد كنت بكون متاكد انها محا تكون سعيده مع احد غيري قدك
ناصر:تسلم يارامي اقدر لك كلامك والله وصدقني اني ماني زعلان انا اتمنى لك ولها كل خير
رامي وهوا يمد يده:خلاص اجل اصدقاء
ناصر وهوا يمد له يده ويصافحه:اكثر من اصدقاء ان شاء الله..وابتسموا الاثنين لبعض..ودخلوا الفرح مع بعض وقعدوا يتكلموا بكل طيبة نفس وتسامح...
وبعد ماخلص الفرح..اخذ امجد عروسته وراح فندق الهيلتون اللي على البحر..على اساس انهم في اليوم التاني بيسافروا لأمريكا..
وراح الكل بيته من بعد هاليوم اللي كان من اروع الايام ومن اروع الافراح اللي الناس حضروها...
بعد الفرح بشهر..
في امريكا..
امجد:لموو حبيبتي يلا
لمى من بعيد:طيب دقيقه
وبعد ثواني..جاته لمى..
لمى:هه خلصت بس باقيلي اللبس الجاكيت
امجد وهوا مبهور بجمال لمى:اوه اوووووه ايش كل هالشياكه ما اقدر انا ارحميني ياشيخه
لمى:ههههههههههههههه وانتا كمان ايش مسوي في نفسك..وجات لعنده وقعدت تطالع فيه من فوق لتحت..
لمى:لالالا روح غير بسرعه تبغا تجنني انتا
امجد وهوا يطالع في نفسه:ايش بي والله مافيا شي؟؟
لمى وهيا تأشر عليه:كل دي الشياكه وتقولي مافيك شي لاياحبيبي روح غيرر
امجد:يؤ وليييييه طيب يعني تبي زوجك يخرج مبهدل من البيت
لمى:لا بس مايخرج متشيك مره عشان يسرقوه البنات مني
امجد:هههههههههههه لاحرام عليكي اصلا حتى لو حاولوا انا ما اعطيهم وجه انا عندي القمر مالي ومال النجوم
لمى:هههههههههههههه ياربووو عليك نصاب بس تحاول تضحك عليا بكلامك الحلللو مافي تغير ملابسك يعني تغيررر
امجد وهوا يحاول يستعطفها:لموو قلبي بليييييز مافيا خلاص خلينا نخرررج
لمى وهيا تقعد:لا انا ماني رايحه خلاص بطلت
 
امجد وهوا يجرها من يدها:لمووو قلبي لاتسوي فيا كدا يلا امشي
لمى:لو غيرت اروح؟
امجد:افففففففففف طيب بغير بغير بس قومي
لمى وهيا تبتسم:اوكي تعال انا انقيلك ايش تلبس
وبعد ماخرجوا لمى وامجد...كانوا قاعدين يمشوا ويدينهم ملتفه حول بعضها..
لمى وهيا تحط راسها على كتف امجد:حبيبي
امجد:همممم
لمى:بتقعد طول عمرك تحبني؟؟
امجد بإستغراب:طبعا ايش دا الكلام؟!!
لمى وهيا توقف وتطالع فيه:يعني محا يجي يوم وتمل مني وتنسى حبك ليا
امجد بإستنكار:لا طبعا
لمى ابتسمت:طيب اوعدني اني انا وانتا بنكون مع بعض للأبد ومافي شي يفرقنا
امجد وهوا يمسك يدينها بكل حب:لمى قلبوا ايش دا الكلام..الكلام دا مو احنا اللي نقوله يقولوه غيرنا واللي ماعندهم ثقه ببعض
لمى وهيا ترخي راسها:بس انا كل مره اخاف تبعد عني زي مابعدت عني أول اخاف في يوم تقولي انه اللي بيننا مجرد غلطه
امجد:لالالالا حرام عليكي لاتقولي كدا انسي اللي فات يالمى الله يخليكي
لمى.........
امجد:لمى انا مو بس احبك انا وصلت معاكي لشعور اكبرر من هالكلمه..انتي يالمى ساكنه في "اعماق قلبي" ومافي شي ممكن يمحيكي من داخلي حتى لو مت انتي تمشي في عروقي زي مجرى الدم ومستحيل في يوم اتخلى عنك
لمى:بسم الله عليك الله يخليك ليا ولايحرمني منك
امجد:اميين ولامنك بس ارجوكي لاتعيدي الكلام اللي قلتيه انتي بكدا تحسسيني بفشلي واني ماقدرت انسيكي ايام الحزن اللي كانت بيننا
لمى:لالا حبيبي والله مو قصدي بس كلامي كان من مجرد خوف بسيط وراح
امجد وهوا يبتسم:خلاص انسيه وفكري في المستقبل والمستقبل وبس
لمى وهيا تبتسم:ان شاء الله
في هالشهر اتوطدت علاقة رامي بناصر وصاروا من اعز اثنين..واتقرر موعد فرح رامي زي ما يبغاه اللي هوا بعد شهرين من فرح امجد ولمى يعني بعد شهر من هاليوم...
رندا:الووو
رامي:هلا قلبي
رندا:اهلين حبيبي
رامي:كيفك؟
رندا:تمامووو انتا كيفك
رامي:انا والله تعبان وحالتي حاله
رندا:لييييه سلامتك من التعب ايش بك؟
رامي:والله دوبي خارج من المركز وتعبان وحالتي
رندا:ايش كنت بتسوي مو خلاص سلمتهم التصاميم
رامي:لا لازم اشرف عليهم وكنت بوري المهندس المشرف كم شي كنت خايف انه مايلاحظه
رندا:اها الله يعينك
رامي:ان شاء الله بيخلصوا الشغل قريب وافتك
رندا:ان شاء الله طيب انتا فينك دحين؟؟
رامي:انا حاليا قاعد في سيارتي قدام موقع البنا
رندا:طيب حبيبي ارجع البيت وريح ولمن تصحا كلمني
رامي:لا ابغا اجيكي وحشتيني
رندا:ههههههههه وانتا كمان واحشني والله بس روح البيت ارتاح بعدين تعالي في العصر
رامي:لالا ابغا اجيكي دحين
رندا:امممم اوكي قلبي اللي يريحك
رامي:........رندا
رندا:هلا
رامي: احبك مووووووووووووووت
رندا وهيا تحس بإحساس غريب:وانا كمان احبك موت موت موت
رامي:رندا انا اسف لو كان ضايقتك في شي ولازعلتك في يوم
رندا بإستغراب:لالالا حبيبي ايش دا الكلام انا ماعمري اتضايقت ولازعلت منك
رامي:رندا اخاف انك في يوم ندمتي لانك وافقتي عليا وسبتي ناصر
رندا بإستنكار:رامي ايش دا الكلام الفاضي انا مستحيل اسوي كدا وبعدين لاناصر ولامليون واحد ممكن يحلو مكانك انتا حبيبي وانتا اللي طول عمري اتمنيت اقضي عمري معاه
رامي وعيونه تدمع:قد كدا تحبيني يارندا؟؟
رندا:واكثر انا اصلا ما اقدر اعيش بدونك انتا سبب وجودي في هالحياه
رامي ودمعه من عينه تنزل على خده:احبك حبيبتي
رندا وقلبها يعورها:وانا احبك اكثر حبيبي بس ليه بتقولي كل دا؟؟حرام عليك عورت قلبي
رامي وهوا يمسح دمعته اللي نزلت ومايدري ليه بيقول كدا:والله مدري حسيت اني ابغا اقولك هالكلام من زمان ودحين جاتني الفرصه وقلته
رندا وهيا تبتسم:خلاص حبيبي يلا تعال انا بستناك
رامي:دحين طياره هوى وبكون عندك
رندا:اوكي بايوو
رامي:رندا دقيقه لاتقفلي الخط خليكي معايا الين ما اجيكي
رندا:لا حبيبي ما ابغاك تسوق وانتا تكلم الجوال خطر وبعدين كلها كم دقيقه وتكون عندي
رامي بكل صدق:حاتوحشيني الين اوصل عندك
رندا وعينها تدمع هيا كمان وماتدري ايش بها:وانتا كمان حاتوحشني
رامي بكل احساس:احبك رندا
رندا وهيا تحس نفسها حاتبكي؟؟:وانا كمان احبك
رامي:باي حبيبتي
رندا:باي حبيبي
قفلت رندا الخط مع رامي..وقعدت في مكانها تبكي ماتدري ليه بس تحس قلبها يعورها من كلام رامي اللي كان غريب عليها وأثر في نفسها..ومدري ليه كانت خايفه عليه وتدعي في قلبها انه ربنا يحفظه...
كان ناصر خارج من وحده من المحلات...ودق جواله..وطلع واحد من اصحابه يعزمه على سهره بتكون على البحر..ورضي ناصر ووفكر انه يعزم رامي كمان...وابتسم لمن افتكر رامي اللي كان بيكلمه قبل شويه وقاله انه بيشرف على المركز اللي صممه وقاله انه مبهدل وتعبان وحالته حاله..وناصر كان قريب من المكان اللي فيه رامي..وقال في قلبه خليني اروح له وافاجئه بجيتي..بس ان شاء الله مايكون راح...فمشي بسرعه بيروح لسيارته يلحقه..
مشي رامي وهوا متوجه لبيت رندا..وهوا يحس راسه مصدع وتعبان ودايخ..
رامي بخوف:افففففف شكلها الحاله حقتي رجعت لي الله يستر منها من زمان ماجاتني
مشي مسافه في الطريق اللي هوا فيه...بس فجئه..زغللت عينه وداخ...فحاول يوقف السياره وبسبب دوخته ما انتبه وضغط على البنزين بدل الفرامل فمشيت السياره بسرعه...وووووووووو.....صدمت في عامود الاناره صدمه قويه خلت السياره تتكسر تكسيررررررررررر وعامود الاناره مال من كثر الصدمه...واللي يشوف السياره مستحيلللللللل يقول انه اللي فيها حي....
رندا:را امي
وام رامي في بيتها:رامي
امجد في امريكا:رامي
وناصر اللي كان واقف قريب من الحادث انتبه للسياره وللحادث لمن شاف لوحتها المميزه:لا
جري ناصر بتجاه السياره يجري بكل قوته مع الناس اللي كلهم صاروا يصرخووا من الحادث البشع اللي قدامهم....حاول ناصر يفتح باب السياره اللي مو راضي ينفتح وصار يصرخ ويخبط على الباب..
ناصر:ياناس تعالوووا سساعدوووني الرجال بيمووووووت..وقدر ناصر يفتح باب السياره ..ويطلع رامي اللي كان كله دم ومو باين منه شي...القزاز حق السياره كله طار عليه ونص جسمه كان داخل تحت السياره...ناصر خرجه من السياره بقوه وحطه على صدره...
ناصر:اطلبوا الاسعاف بسررررررررعه..رامي رامي...رامي سامعني
رامي كان بيأن ويتألم:اه رندا رندا
ناصر بفرحه:رامي رامي انتا حي سامعني يارامي انا ناصر
رامي فتح عينه بشويش وطالع في ناصر بكل ألم:ناصر
ناصر:ايوه ناصر يارامي لاتخاف دحين نوديك المستشفى وان شاء الله تصير بخير
رامي وهوا يحاول يحرك يده:ناصر ناصر
ناصر وهوا يحرك يده ويسمك يد رامي بكل قوته:انا معاك انا معاك
رامي:رندا ياناصر رندا

ناصر بإستغراب:ايش بها رندا؟
رامي:خللي بالك منها رندا طيبه وتستاهل فرصه تانيه
ناصر:مو وقته دا الكلام يارامي انتا بتقوم ان شاء الله وتخلي بالك منها انتا نسيت انه فرحك بعد شهر
رامي وهوا يبكي:اه ناصر قول لرندا..اني احبها قولها اني كنت ا..اتمنى..اعيش معاها با...قي عمرر..ري..بس ربنا ما اراد لي ارج...وك ياناصر قولها انيييي...احب..هها
ناصر وهوا يبكي:لا يارامي لاتقول كدا الله يخليك
رامي:وقول لامي وابويا اني ا..اني احبهم مرررره و..و...وخليهم يسامحوني...ا..يسامحوني لوو....زعلتهم
ناصر:رامي حرام عليك لاتقول كدا يارامي انتا بتروح لهم بنفسك وتقولهم هالكلام
رامي وهوا يرفع اصباعه:ناصر سا..سامحني على اللي سويته فيك...
ناصر وهوا يحاول يشيل رامي:مسامحك يارامي مسامحك وقووم يلا معايا شوف الاسعاف جي قووم خليني اساعدك
رامي:ا..اشهد ان لا اله الا الله...........................
ناصر بصرخه:لا ا
رندا راحت تجري على الجوال وتتصل على رامي...بس انصدمت انه يعطيها انه الجوال مغلق..وقعدت
محلها مصدومه..
رندا:لا رامي صار فيه شي رامي...وراحت تجري لأبوها اللي كان قاعد يقرا جريده..
رندا وهيا تبكي:بابا رامي رامي
ابوخالد بفجعه:ايش به؟؟
رندا:صار فيه شي جواله مغلق مايرد عليا
ابوخالد:وي يابنتي ايش فيها طيب يمكن فضي عليه الجوال ولا مشغول ولا حاجه
رندا وهيا تبكي من قلبها:لارامي فيه شي انا متأكده
ابوخالد خاف من كلام بنته وراح يجري واتصل على جوال رامي..لقاه مقفل...واتصل على اخوه ابورامي..ولقا جواله هوا كمان مقفل...
ابوخالد:ياربي يارندا جوالتهم كلها مقفله فاولي خير يابنتي ان شاء الله مافيه شي..وفجئه دق تلفون البيت اللي كان جمب ابو خالد..وطالعت رندا في التلفون..وراحت تجري تبغا ترد عليه..
ابوخالد وهوا يرد على السماعه:لاء انا اللي برد..الوووو
ابورامي:منصوووووووووووووور
ابوخالد بخوف:جمال خير ايش صار؟
ابورامي:رامي يامنصور رامي
ابوخالد:ايش به؟؟
ابو رامي:مات
ابوخالد بصدمه:مات
رندا.........................طاحت واغمى عليها....
فقدتك يا اعزززز الناس..فقدت الحب والطيبه...
وانا من لي في هالدنيا سواك ان طالت الغيبه..
رحلت...ومن بقى وياي..يحس بضحكتي وبكاي..وحتى الجرح في بعدك يغزيني واهلللي به..

النهايه..
 


*&*مابعد النهايه*&*
اه..اقولها من صدق احساس..اليوم مر على بعده وغيابه عني ** خمس سنين **...وعن كل هالحياه..هالحياه اللي ماصار لها اي احساس او معنى من دون وجوده..
ملك قلبي واحساسي وراح..راح وتركني في دنيا الهموم والاحزان..اصارع وحدي بدون وجوده ولا لقياه..
تركني وترك جرح ينزف بقلبي..مستحيل يبرى واهو بعيد عني..
مدري شقول ومدري شخلي...وحشني كلمه لو قلتها ماتوصف احساسي وربي..
حبيته وحبني لكن حكاية حبنا انكتب عليها الشقا والحرمان..
انا ويني واهو وينه..بينا دروووب ومسافات..مستحيل في يوم اجتازها واوصل لمكانه والقاه..
تركني..وانا اللي كنت انتظره..بكل شوق ولهفه وحنان..
تركني واهو اللي وعدني مايتركني بيوم لا اعيش لاغم ولاهم ولا احزان ..
تركني جثه بدون روح...تركني قلب كله جرووح..تركني اعيش في دنياي بلياه..وبليا وجوده..
حرمني القدر..من شوفت بسمته..وضحكته..ومن سماع صوته الرنان..
صوته العذب اللي تخلل كل القلوب قبل الاذان..
صوته اللي غمرني في كل لحظه واهو يقول لي احبك مووووت..
اه اه ويييييينك ويييييييييينك ياللي حياتي من دونك ماتسوى..والعمر من بعدك ماله معنى...اشتقت لك اشتقت لك يا اغلى انسان.....
واشتقت لحبك وحضنك وحنانك.. يامن انا من بعدك...اسيرة الشقا والحرمان...
قفلت دفترها ومسحت دمعتها اللي صارت الصديقه الوفيه لها في هالحياه..
طالعت في الساعه وشافت انه خلاص حان الوقت وانه الكل بيجي..وانها لازم تتجهز...
قامت وغيرت ملابسها ولبست واتشيكت على الاخر زي ما عودت الكل يشوفها...
وراحت واتجهت للمرايا وشافت المرأه الجميله بكل ماتعنيه الكلمه واقفه قدامها بس ناقصها الابتسامه الحلوه...بعدين ابتسمت
وقالت في نفسها..والله وكبرررتي يارندا وماعاد صرتي هديك الطفله اللي تسرح وتمرح في هالبيت...
بس ايش فايدة هالجمال..بدون قلب يحيا فيه..اه بس لازم انسى احزاني اليوم اليوم مو اي يوم اليوم عيد..ولازم احاول افرح...نزلت تحت في مجلس الحريم وقعدت تجهز مع امها القهوه والحلويات وهالاشياء...وهيا قاعده ترتب في مجلس الحريم سمعت صوت من وراها التفت وشافت منى واقفه تبتسم لها..
رندا:منوووووووونا حياتي
منى وهيا تحضن رندا:كل وعام وانتي بخير حبيبتي
رندا:وانتي بخير ياقلبي هههههههههههه والله وكبرت كرشتك ماني قادره احضنك زي الناس
منى وهيا تمسك بطنها:ههههههههههههههه شفتي كيف يلا بقي شهر ويشرف الاخ
رندا:الله يعينك يارب الا فينها حننووونتي
منى:هههههههههههه شوفيها جات كانت بتسلم على ماما
حنين وهيا تجري لخالتها:خاله رندا
رندا وهيا تنزل لمستوى حنين وتحضنها:عيووووون خاله رندا كيف حالك حبيبتي
حنين:الحمدلله طيبه كل عام وانتي بخيررر
رندا:وانتي بخير ياقلبي اشوف ماشاء الله ايش هادي الحركات ايش دا الفستان الحلوو
حنين وهيا مبسوطه:هادا فستان العيد حلوو؟؟
رندا:ايووه مره يجنن ماشاء الله
حنين:حتى انتي خاله رندا اليوم مرره شكلك حلوو
رندا:يسلمو ياقلبي
منى:هههههههههههههههه اي والله صادقه بنتي اليوم محلووه ماشاء الله
رندا وهيا توقف:هههههههههههههههه بس بلا بكش
منى:لا والله من جد احسك اليوم ورده ماشاء الله
رندا:هههههههههههههه الا فين لمى وامجد اتأخرووا؟؟
.......:نحن هنا
والتفت رندا لقت امجد ولمى واقفين يطالعوا فيها ومبتسمين..
رندا:ياهلا والله
لمى وهيا تجي لرندا وتسلم عليها:كل سنه وانتي طيبه حبيبتي
رندا:وانتي بصحه وسلامه ياقلبوو
امجد وهوا يجي لرندا ويسلم عليها:كل سنه وانتي طيبه يادبه
رندا:هههههههه وانتا بصحه وسلامه يانحيف
لمى وهيا تسلم على منى:هلا منوووونا كل سنه وانتي طيبه
منى:وانتي طيبه حبيبتي
امجد وهوا يسلم على منى:هلا هلا ب دبدوبتنا
منى:ههههههههههههههه كل سنه وانتا طيب
امجد:وانتي طيبه والدب اللي في بطنك طيب ماشاء الله اشوفه اخد راحته مررره
منى:ههههههههههه ايه والله متعبني طول الليل وهوا يرفز في بطني تقول يلعب كوره
امجد:ههههههههههههههه طالع على عمه غاوي كوره من صغره
.....:عمه
رندا:ريووووونه حبيبي
ريان:ليه ماتثلمي عليا
رندا وهيا تشيله:والله سوري ماشفتك
ريان:تيب اعتيني العيديه
لمى:وييييي ياريان فضحتنا عيب حبيبي عيب اول قولها كل عام وانتي طيبه بعدين قولها اعطيني العيديه هههههههههههه
امجد:هههههههههههههههههههههههه والله الولد طالع طماع على امه
لمى بإستنكار:قصدك على ابوه
امجد:هيهيههي ماتضحكي
رندا:ههههههههههههههههههه والله من حقه يصير طماع هادا ريووونه حبيب قلبي مو اي احد
حنين:خاله لا انا ازعل انا حبيبة قلبك مو ريان
ريان:لا اثكتي انا هبيب قلبها
رندا:ههههههههههههههه والله كلكم حبايب قلبي
......:ياسلام انتو هنا وانا ادور عليكم
امجد:هههههههههههههه هادا انتي تعالي ياختي
مي:هههههههههههههه كل عام وانتو بخير جميعا
الكل:وانتي بخير
مي وهيا تسلم على امجد:كيفك يادب يللي ماتسأل ولاتتصل
امجد:ههههههههههه ايش اسوي اتغلى اقول يمكن تتصلوا انتو وتسألوا عننا
مي:ههههههههههههههه لا مافي انا الاكبر يعني انتا اللي المفروض تسأل عني
امجد:هههههههههههههه ايوه صح فكرتيني انك خلاص عجزتي وانا لساتني شباب
مي:ههههههههههههه يادب اوريك..وتتوجه لمنى وتسلم عليها..
مي:وكييييييفك انتي يا ام كرش؟؟
منى:اهئ اهئ حرام عليكم ايش بكم كلكم عليا
مي:ههههههههههه والله عاد ايش نسوي لك ماشاء الله عليكي تخنانه بزياده شكله الحمل ماشي معاكي هالمره تمام
منى:هههههههههههههههه شايفه كيف ادعيلي الله يعنني
مي:ههههههههههههه الله يعينك ياقلبوو
لمى وهيا تسلم على مي:كيفك ياشيخه وايش اخبارك؟
مي وهيا تبوس لمى:اموووووووواح ياشيخه والله انك خطيرره دحين كلهم مافيهم خير انا بس اللي اسأل عن حالهم ومحد سألني لاكيفي ولا ايش اخباري غيرك تسلميلي وربي
الكل:هههههههههههههههههههههههه
رندا:هههههههههههههه اصبري لساتك ماوصلتي عند انا اللي عندي الترحيب المظبوط
مي وهيا تضحك وتتوجه لرندا:يلا وريني كيف الترحيب ياختي
رندا وهيا تحضنها:انا ترحيبي بالاحضان اليوم هههههههههههههههههه
مي وهيا مازالت حاضنه رندا:ياقلبووووووووو عليكي وعلى حضنك وحشتيني يازفته
رندا وهيا تبعدها عنها:هههههههههههههههههههه افا زفته مره وحده
مي:ايووه عاملتلي فيها مخترعه الذره ولا مدري ايش و طول الوقت قاعده في غرفتك ماتنشافي واذا شفناك تتغلي علينا وماتكلمي الناس
رندا:هههههههههههههههههه يحق لي اتغلى انا رندا ياحبيبتي مو اي احد
منى:وليه ياختي مين شايفه نفسك يلا هناك يلا قال رندا قال
رندا بزهو:تاج راسك حبيبتي
مي:ههههههههههه عاشوو اعطيها خليها تعرف مقامها
منى:اهئ اهئ والله اني مسكينه اليوم كلكم عليا
لمى:هههههههههههههههههه تحزني اهئ اهئ جيبولي منديل
امجد:ههههههههههههههههه والله انك تحفففه
رندا:ههههههههههههه تحفه ولا مزهريه
الكل:ههههههههههههههههههههه
وابتسم الكل بفرح..على روح رندا اللي رجعت واللي افتقدوها من زمان...وقطع عليهم ضحكهم دخول محمد..
محمد واللي قاعد يعدل غترته:عمو امجد جوو حريم يلا اطلع
امجد:هههههههههههههه طيب انتا يلي مسويلي فيها رجال
الكل:ههههههههههههههههههه
وطلع امجد مع محمد وولده ريان اللي عمره سنتين ونص..ومحمد اللي صار عمره ثمانيه سنين...
وبعد نص ساعه..اجتمع الكل في بيت ابو خالد...العيله كلها كانت متواجده من كبيرها لصغيرها...حتى اهل مازن جوو..ومنال واهلها من الرياض جوو مخصوص عشان هالعزيمه الكبيره اللي تقام سنويا في بيت ابوخالد..
بس هالسنه كانت مميزه عن كل السنين اللي مضت لان حال الكل اليوم اختلف..اللي اتزوج واللي خلف واللي كبررر..واتغيرت حياته وافراحه واحزانه...وبإختصار التغيرات اللي صارت في العيله:..
لمى وامجد..امجد كان اكثر واحد اتأثر بموت رامي من بعد رندا..لأنه رامي كان اكثر من اخ بالنسبه له..وكان دايما يفتكر كلام رامي عند البحر ويحس بمعناه وليه رامي قاله..كأنه رامي كان حاسس وقتها انه بيروح ويسيبهم و انه يومه قريب...رجع امجد من امريكا لمن سمع الخبر وقعد مع اخته شهرين يحاول يواسيها لكن بعدين أطر يرجع امريكا عشان دراسته..وحاول يكمل حياته..وقلبه ينزف على فراق اخ عزيز زي رامي..بس اللي مصبره انه غلا رامي في قلبه كبير..وانه مهما راح واختفا عن عيونهم حيظل حي بقلووبهم وبتظل له معاهم احلى الايام والذكريات ومستحيل ينسوه...وبعد كدا وبعد مامشيت الحياه رجعوا لمى وامجد من امريكا قبل سنه من اليوم بس مارجعوا لوحدهم رجعوا بريان اللي عمره سنتين..
وامجد اول مارجع اشتغل في مستشفى خصوصي..بس بعد سنتين وسع مجال عمله وسوى لنفسه عياده خاصه وبدأ الشغل فيها..
ومنى ومازن....خلفوا وجابوا حنين وعمرها دحين اربعه سنين..وهيا دحين حامله في الشهر الثامن
ومنال رجعت من بره مع زوجها واستقرت في الرياض ..وعندها ولد اسمه مهند..وعمره سنتين ونص...
وخالد على حاله في الطيران ومازال وفي ومخلص لذكرى نهال وخلى حياته لتربية ولده..
ومي رائد....على حالهم الحب يجمع بينهم وجابوا اخر شي بنوته تانيه غير جوانا وسموها لجين..
اما رهف..ماجد قعد يتقدم لها حاول سنه بعدين تعب من رفضها وقرر يتركها في حالها ويستسلم لمصيره البائس من دونها..وفي اخر سنه اتقدم لها رجال طيب ومعروف بين الناس باخلاقه الطيبه ومركزه العالي..فوافقت عليه بعد محاولات كثيرره من كل اللي حوالينها عشان ترضا وتقبل فيه..
اما ماجد...بعد ما وقف محاولاته ويأس من رهف..رجع لبنت خالته الطيبه المسكينه اللي قعدت صابره عليه تشوف ايش بيكون مصيره..رجع لها وقالها انه ماله نصيب في هديك البنت وانه بيتزوجها هيا لانه مابيلاقي احسن منها من بعد حبيبته رهف..هيا وافقت..بس مو تعاطفا معه وافقت لانها حملت له في قلبها حب دفين..قدرت تحاول تحميه برغم من كل اللي عرفته من ماجد وعنه حبه الكبير لرهف..وقررت في قرار نفسها انها تعطيه وتعطي نفسها الفرصه انهم يعيشوا لبعض ويشوفوا يمكن القدر يمنحهم فررصة الحب والسعاده..
اما رندا...فهادي الانسان عاشت في جحيم من بعد وفاة رامي..عاشت حياتها كلها حزن في حزن..كانت اول سنتين بالنسبه لها صدمه..وفي السنه الثالثه قدرت انها تستوعبها..وفي الرابعه تتعايش معاها..اما في الخامسه حاولت تتناساها...كان ناصر في هالفتره يتقدم لها وهيا ترفضه..بس هوا ماكان ييأس كل ماجاته فرصه يتقدم لها..وهيا ترفضه..لكن مين يدري لمتى بيظل ناصر متفائل ولمتى بتظل رندا متشائمه وكارهه الحياه من بعد رامي..
اما ناصر..اللي عاش في حاله نفسيه لفتره طويله.. من كثر تأثره بللي شافه ومن اخر لحظاته مع رامي ومن فقدانه لشخص عزيز مثل رامي..وصارت حالته حاله من بعد الحادث كان في كل لحظه يتذكر شكله لمن كان بيموت وكلامه يتردد في باله...كان يعيش حاله نفسيه صعبه جدا..ولمن فاق لنفسه وحاول يتماسك اتوجه لرندا يبغا يكلمها ويواسيها لانه حاسس بمعانتاها وحزنها..لكنها رفضته ورفضت تكلمه او تاخد التعزيه منه..وهوا منصدم منها..وبعد سنه تقريبا حاول يتقدم لها لكنها ترفضه..وكان يتوسط عند كل الناس عشان يقنعوها بس هيا رافضته..لكن بالرغم من كدا مازال امل في داخله ويتمنى لو في يوم يحظا بلقاه والكلام معاها..
اما ام رامي..فالمسكينه جاتها حاله عصبيه بعد ماسمعت بالخبر..وقعدت في المستشفى فتره طويله..الين ماهديت اعصابها وخرجت منها حزينه وتعبانه لفراق ولدها الوحيد..اللي ماتدري كيف الحياه بتكون بدونه..واليوم في هالوقت الحمدلله اتحسنت حالها..لكن مازال الحزن ملمح من ملامح وجهها هيا وابو رامي..
وجابر..اللي كان منفرد في هالقصه باحزانه ومواقفه قعد على حاله اسير اخلاصه الغريبه وحبه الخفي والقديم لمي..حاولوا الكثير يقنعوه بالزواج..بس هوا رافض مدري ليه يمكن حس انه القدر اتوقف عند مي ولا انه الحياه من بعدها مابتستمر لكن مانقول الا الله يهديه ويعينه على اللي فيه..
بإختصار هادا كان الوضع في هالخمسه سنين اللي راحت..
منال كانت قاعده كعادتها مع البزوره تشوفهم وتلعب وتضحك معاهم..كانت تشوف محمد قدامها وهوا يلعب مع احمد..وتحس بجميع انواع المشاعر تجاهه..تصدقوا لو قلت لكم انها تحبه اكثر من ولدها..وانها حست تجاه هالولد بمشاعر مستحيل تحسها مع اي طفل غيرها...محمد بالنسبه لها شي غير غيرر مرره عن اي شي في هالحياه..ولد حبته بكل اخلاص ووجهت له اصدق المشاعر وانبلها..بس القدر والزمن فرقها وبعدها عنه..لكن برغم بعدها عنه الا انها تدعي له في كل لحظه بالسعاده والتوفيق في هالحياه..خالد تقريبا نسيته..وماعاد صارت تفكر فيه هيا اساسا من يوم ما اتزوجت عبدالله وهيا محت كل مشاعرها تجاهه..هيا اليوم وهيا في دا الموقف وفي دا الزمان مازالت معترفه انها حملتفي يوم مشاعر تجاه خالد..بس هيا ابدا ماكانت متأمله منها شي وكانت عارفه ومتأكده انه اخلاصها هيا حايمنعها من اي خطوه ايجابيه تجاه خالد..وكانت راضيه كل الرضا عن حياتها..لأنه ربنا وهبها زوج محب مثل زوجها..ومو سهل في هالدنيا انك تلاقي احد يحبك من كل قلبه..
اما بره في مجلس الرجال..
 
اما بره في مجلس الرجال..
كان الكل قاعد مبسوط ويتكلم ويضحك.. كانو امجد ورائد وخالد وناصر وباسم وعبدالله ومازن قاعدين مع بعض...وكلهم كانوا يتكلموا ويضحكوا ماعاد امجد..
كان ساكت وبيفكر..اه لو كان رامي هنا اه..صراحه مكانه مفقوود واحتاج لوجوده ووقوفه جمبي.احتاج لضحكته وكلامه ومزحه اللي يشفي كل جرح بقلبي..اه...وحشنيييي وحشني..فينك يارامي فينك..الله يرحمك الله يرحمك ويغمد روحك الجنه
ناصر وهوا يوقف:عن اذنكم انا بخرج شويه وراجع
باسم:فين رايح؟
ناصر:بدخن واجيكم
الكل:اوكي خذ راحتك
خرج ناصر وقعد يدخن بحزن..ويقول في نفسه...اه يارندا انتي قريبه مني ولا اقدر اشوفك ياترى لهالدرجه تكرهيني وماتبي حتى تشوفيني..الله يسامحك ياقلبي الله يسامحك..
رندا جوة البيت..كانت قاعده تعطي الاطفال الهدايا اللي اشترتها لهم وبتلعبهم...وافتقدت ريان من بين الاولاد..فقعدت تدور عليه بخوف..
رندا:يووه فين راح هادا تيتا تيتا
تيتا:نعم ماما؟
رندا:ماشفتي ريان
تيتا:لا مافي سوف
رندا:خلاص طيب..وقعدت تدور عليه وشافت باب البيت مفتوح..
رندا بشهقه:يووووه لايكون خرج بره اففههههف الله يهديه هالولد..وعدلت طرحتها..وخرجت بره تدور عليه..
وانصدمت بوجود واحد واقف قدامها وشايل في يده ريان..
رندا بصدمه:ناصر
ناصر بصدمه اكبر واكبر:رندا
رندا........ماكانت مصدقه عينها..ناصر بعد كل هالسنين يا الله...زمان ياناصرر..
ناصر ماكان مصدق نفسه اخيرا شاف رندا حبيبة قلبه..
ناصر بفرحه:كيفك يارندا وايش اخبارك؟؟
رندا بإرتباك وهيا ترخي راسها:تمام انتا كيفك؟؟
ناصر وهوا يبتسم ابتسامته الطيبه الحنونه:انا تمام ولله الحمد
رندا.......
ناصر وهوا يحط ريان على الارض:انا لقيت هالولد كان خارج بره عند الشارع بركه لحقته خديه وخلي احد ينتبه له
رندا بإرتباك:شكرا انا كنت بدور عليه
ريان وهوا يجي لرندا:عمه رندا ثيليني
رندا وهيا تشيله:حبيبي مره تانيه لاتخرج برره طيب
ريان:تيب انا بث كنت بدول على بابا
رندا:بابا مشغول سيبه في حاله وتعال معايا
ريان:تيب
رندا:يلا مع السلامه
وجات رندا تبغا تدخل جوة البيت..
ناصر:رندا دقيقه
رندا وقفت والتفت له:نعم؟
ناصر:رندا ليه ماتحني عليا حرام عليكي والله اني احبك
رندا........واتحركت وبتروح جوة البيت..
ناصر:رندا دقيقه اسمعيني بس شويه اسمعي هالكم كلمه اللي عندي انا من سنين وان احاول اقولك هيا بس انتي مو راضيه تعطيني فرصه
وقفت رندا بس ما التفتت له..
رندا:قول اللي عندك بسرعه مايصير اوقف معاك اكثر من كدا لو احد شافنا بيكون موقفنا غلط
ناصر وهوا يتجاهل كلامها:رندا تدري ايش رامي قلي قبل مايموت
رندا......
ناصر:قلي اوصل لك انه يحبك
رندا غمضت عيونها بالم...
ناصر:وقلي اخلي بالي منك واعطيكي فرصه تانيه
رندا......؟؟!!
ناصر:والله اني ما اكذب عليكي حتى هو قلي لمن صالحني انه كان متاكد انك لو ماوافقتي عليه وواخذتيني انك مابتكوني سعيده مع احد غيره قدي....الله يخليكي يارندا لاتحرميني منك صحيح انك تحبي رامي وانا عارف بكدا ومتأكد وما اطلب منك تحبيني بس الحياه تستمرر وانتي مستحيل تقعدي على اللي انتي عليه..اعطيني الفرصه..يمكن يمكن في يوم اكسب ولو شويه من ودك..
رندا............دخلت البيت بسرعه وتركته بدون ماتقول شي..
ناصر اتنهد:هييييييييه الله يهديها ا
رندا دخلت وقفلت الباب وقعدت وراه تفكر بحزن..ليه رامي قال كدا ليه..معقوله كان راضي اني اكون لناصر...وقله اني يعطيني فرصه تانيه ليه سوى كدا ليه..ودت ريان عند البزوره وراحت هيا وقعدت عن الحريم..قعدت ساكته وتفكر..في كلام ناصر..
رندا....غريبه ناصر متمسك فيني الين دحين..وغريبه انه مازال عنده امل فيني...اه ياربي..والله انه رجال طيب ويستاهل كل خير بس قلبي مايطاوعني اني اكون لاحد غير رامي..ياربي ايش اسوووي...؟؟!!
من بعد هالموقف بسته شهور...
اليوم فرح رندا من ناصر..واخيرا قبلت رندا بناصر وقررت تحاول تكمل حياتها...
الكل عارف انها تحب رامي..وناصر نفسه عارف كدا..بس قابل ومتفائل بغد ممكن يحنن ربنا فيه قلب رندا عليه وتعطيه ولو شويه من حبها..رندا نفسها..اتخذت هالخطوه بعد تفكير مطول وسليم..وعرفت انها لازم تكمل حياتها لان هالحياه ماراح توقف عند وفاة رامي..وانها بتستمر سواء برضا رندا ولالاء..فقررت تشوف حياتها ولو بدون رامي ظاهريا..لانه في الاصل حب رامي متغلغل في قلبها..وساكن في "اعماق قلبها" ومستحيل اي شي يمحيه...
كانت هادي هيا قصتنا قصة عم القلوب ق..
القصه اللي عشتوا كل احداثها بأدق التفاصيل..القصه اللي احتوت على جميع انواع الحب..اللي اتجسد في..
لمى وامجد..بحبهم الدفين في اعماق قلوبهم واللي استمر اعوام واثمر بقربهم من بعض واكتشافهم ل هالحب الكبير..
ورندا ورامي...الحب الغريب الحب اللي بدأ بمراهقه وتحول لحب صادق كبير..واللي من كثر صدقه قدر يوصل لقلب رامي..ويتخلل بين شرايينه بدون مايحس فيه..وخلاه يصير فيه مجنون ويدافع عنه بشتى الطرق والوسائل..
اما رندا وناصر...فحب من طرف واحد..حارب هالطرف فيه الين قدر يوصل للطرف الثاني..وقدر يكلل حياته بوجودها...وينجح في اقناعها بانها تعطيه شويه من حبها وعطفها..ودا شي فرضه عليها حب ناصر الكبير لها..
منى ومازن...حب من طرف واحد..اتحول مع الايام الى حب من طرفين..ساده في البدايه المشاكل والبعد والجفا نظرا لعدم محاولة احد الطرفين من تفهم وجهة نظر الثاني..ونظرا ل الطريقه الخاطئه اللي حاول كل واحد فيهم يعبر فيها عن رأيه..لكن في الاخير..اتكلل هالحب بالزواج المثمر والجميل..وعاشوا اجمل حب واحلى حياه..
خالد ونهال...اخلاص وحب عميق ثابت برغم من كل العقبات..وبرغم من بعد نهال وفقدان خالد لها..الا انه مازال هالحب مستمر لان الحب مايموت ولو مات الانسان الموجه له هالحب...
خالد ومنال...مشاعررر غريبه اجتاحت هالاتنين بس منعهم اخلاصهم وحبهم الكبير للانسانه اللي اسمها نهال من التمادي في هالمشاعر..وقدروا يوقفوا ويعرفوا حدودهم...
مي ورائد..حب وعشق طاهر عفيف...عنوانه الزواج والحنان والتفاهم للأبد..
ماجد ورهف...حب صادق بدأ خطأ وللاسف انتهى خطأ..برغم من حجمه في قلب هالاتنين..بس القدر ماسمح لهم يكونوا لبعض...
جابر...حب من زمان العجايب..حب طاهر حزين..حب كطائر ابيض جريح حزين..يمضي في حياته وهوا عارف بمدى حزنه لكنه متمسك بهالحب القديم..ومخلص لذكريات واحلام كل هالسنين..

*&*كلمتي*&*
انتهت قصتي الطويله هذه..وانتهت معها كل بطولاتي..
عشت انا معاكم في هذه القصه..بكل مشاعري وجوارحي..كتبت ابطال قصتي..وكأنهم اشخاص من الحقيقة والواقع..كتبت عن مشاعرهم واحاسيسهم..عن مواقفهم..وضحكاتهم ودمعاتهم..عشت وعشتوا معي..اقسى واجمل اللحظات..عشنا ادق التفاصيل.. عشنا كل مافات فكانت هذه القصه التي تدعى عمق القلوب..
وسميت هذه القصه بهالاسم..لانها حوت على حب على الرغم من كل اشكاله الى انه عاش في اعماق قلوب ابطال قصتي..وكان حب صادق..اختلفت نهايته مع اختلاف ابطال قصتي..
كانت لدي بعض الرسائل اللي احببت ان اوجهها من خلال الاحداث التي انذكرت في هذه القصه..
كان من ضمنها..
انه يوجد أناس لاتعرفون قيمتهم الا بعد ان تفقدوهم..وتبدأو بالإحساس بالمعاناة في بعادهم وفراقهم..والسبب انكم لم تكونوا تعلمون (بمعزتهم) في داخلكم..فنصيحه مني..لاتفقدوا اي غالي تعرفونه..لانكم ستتعذبون في بعده عنكم وتحسون بقيمته الحقيقه بعد فقدانه..فمن هذه اللحظه ابدأوا وفكروا بكل غالي تعرفوه..وحاولوا ان لا تخسروه..لان خسارته ألم لايمكن وصفه..واعتقد ان بعضكم أحس بهذا الشعور..
لكل انسان عرفتموه في حياتكم بصمه في داخلكم..من الممكن ان تكون بصمه حسنه او سيئه...
انتم بادروا وكونوا بصمات حسنه في قلوب غيركم وكونوا اشخاص لايعلى عليهم..ففي يوم سيذكر اسمكم ويقال هذا قال وهذا فعل..
الحب...شيء كخرير الماء ينساب بين قلوبكم..وتحسون بعذوبته واحساسه..فإن احسستم به في يوم لاتتجاهلوه..فالحب في هذا الزمن يطلب حيا او ميتا..حاربوا من اجل حبكم..فالحب الحقيقي لايأتي في هذه الحياه سوى مرة واحده..
ولاتوهموا نفسكم بمشاعر كاذبه...فالحب شيء والمشاعر والمعزه شيء اخر..
كثير منا عندما يتعرف الى شخص ويعزه ويصبح له في داخله مكانة يعتقد انه احبه..ووصل الى الحب اخيرا...ولكن لا احبتي..لاتكونوا من هؤلاء الناس فالحب شيئا اكبر من تفاهات هذا الزمن...
واعلموا في يوم اذا سكن قلبكم حب عظيم...ان من يسير بهذا الحب في الطريق المستقيم ويبدأ بشكل صحيح..سينتهي الى كل ماهو صحيح وجميل..
ربما خرجت في كلامي هذا عن محور حديثنا وعن قصتي..
لكن من يعلم ربما لانلتقي مرة اخرى وربما لن تذكروا اسمي ولاقصتي فيما بعد..فانا اعلم ان الحياه ستأخذكم الى شيء بعيد ابعد من قصتي هذه وابعد من عالمي هذا...
لكن كل ما اتمناه ان اكون ارضيتكم ولو للحظه..واكوون قد كونت لديكم صوره حسنه عني وعن قصتي..
فانا احبتي مجرد انسانه تتمنى لكم كل الخير والسعاده في حياتكم..بالتوفيق احبتي..
وفي نهاية كلمتي..اشكر اختي الغالية بنوتة مكه على كل مافعلته معي لكي تكون هذه القصه بين أيديكم فلها كل الشكر والمحبه والامتنان من خالص اعماقي...
وسأشتاق اليكم كثيرا...وسأشتاق لتواجدي بينكم ولتواجدكم في متصفحي..
احببتكم كثيرا احبتي





م . ن
 
عودة
أعلى