هجرني وانا توي (محمد مريبد)

عليك اتكالي يالله العفو والغفران
تفرّج لقلبي سبة الهم والضيقه
حمدتك على مانزلت من نعمة النسيان
وانا عبدك اللي خايف ذنوبه تعيقه
حصل ماحصل للعبد قد قالها سلطان
وانا اللي حصل من صاحبي شي ماطيقه
لو اني مسامح واتحمل بعض الاحيان
وا طّوف خطا الصاحب ولاحب تدقيقه
ماحب الخطا الجارح ولا الذل والحقران
وانا شارب(ن) من دلة العز وابريقه
هبوب الندا هزت بقلبي غصين البان
عسى خير ياحلم(ن) تمنيت تحقيقه
لكن الزمن سكّر على دربه البيبان
وانا مالي الا ارضى بعذره وتصديقه
هجرني وانا توي صغير(ن) على الاحزان
وتوكل وانا ادعي له من الله توفيقه

رحل والله انه مادرى عن غلاه انسان
ولايمكن الايام تكشف عن مواثيقه
رحل ماذخر عن وجهي الالدموع الوان
وانا ناشف(ن) ريقي وهو ناشف(ن) ريقه
 
واو رررررررررررروعة
كلمات في قمة الابداع والرررررررررررروعة
سلمت يمناك واناملك
ننتضر جديدك
 
هبوب الندا هزت بقلبي غصين البان
عسى خير ياحلم(ن) تمنيت تحقيقه
لكن الزمن سكّر على دربه البيبان
وانا مالي الا ارضى بعذره وتصديقه

صح لسان الشاعر محمد بن مريبد العازمي وصح لسانك

يعطيك الف عافيه على الطرح الجوهري والثمين


خالص ودي
 
عودة
أعلى