123456

ديوان الشاعر خليل ابراهيم الشبرمي

ديوان قصائد الشاعر - ديوان قصائد الشاعره إرسال إلى Facebook ارسال الى تويتر
  1. صقر فوق مشراف
    19-08-2010, 12:32 AM

    ديوان الشاعر الكبير (خليل الشبرمي التميمي)

    ديوان الشاعر خليل ابراهيم الشبرمي


    ديوان الشاعر خليل ابراهيم الشبرمي

    الاسم : خليل ابراهيم الناصر الشبرمي التميمي
    مواليد :مدينة سميرا - بمنطقة حائل 1391ه
    المؤهل:جامعي- مدرس لغة عربيه






    قطري الهويه والقبيله سنام .. ودار جدي سميرا ولتميم انتمي
    ولجميع الحمايل فالفواد احترام .. واحمد الله تعالى دامني مسلمي


    هل صحيح أنك شاعر بني تميم ؟

    شعراء قبيلة بني تميم كثيرين جدا ولايسعني المجال لذكرهم وانا لست الوحيد في القبيله بل معي مجموعة من الشعراء الكبار وافتخر انني من هذه القبيلة العريقه أن كنت انا أو غيري
    فغالبيتنا نعتز بنسبنا لهذه القبيلة الممتدة عبر التاريخ .


    الشاعر /
    خليل ابراهيم الناصر الشبرمي ..
    شاعر شاب ملهم شعره شعر الطبع لا الصنع . شاعر هرم
    له مقدرة شعريه هائلة ..
    شارك بالعديد من مناسبات بني تميم ..
    شاعر اسمائه الكثير من اقاربه و اهله بشاعر الجبل ( اجا وسلمى )
    شاعر له مشاركات عديده بالمحافل والمهرجانات الشعرية ..
    يمتلك صوت جميل ومتمكن ..
    والذي دخل القلوب بلا أستئذان ..
    شاعر عذب استطاع خلال فترة وجيزه ان يكون له قاعده جماهيريه ومعجبين ..
    وشاعرنا الكبير احاول من هذا المتصفح ان اضع له :
    ديوان شعري أجمع فيه كل ما ستطعت من قصائد للشاعر خليل الشبرمي ..
    ف خليل بحق شاعر تميم القادم بقوه ..
    .. خليل الشبرمي ..
    والان نبحر سويا مع قصائد شاعر " تميم " القادم بأذن الله ..

    بديت بسم الله اللي لادعته الناس لبى واجاب
    رب عطوف يشوف ظروفها ويروف بحوالها
    أوي الله الله وسيع المغفره .. والله شديد العقاب
    سبحانه مقسم ارزاق البشر ومقدر اجالها



    هذه القصيده موجهة من الشاعر خليل بن ابراهيم الشبرمي الى اللواء متقاعد عبدالعزيز اليوسف
    رئيس لجنة القبول بالكليات العسكريه سابقا..
    ومناسبتها هي ان الشاعر ذهب لمقابلة اللواء في موضوع لاحد ابناء عمومته ولكنه لم يستطيع مقابلته اكثر من مرة فكتب هذه القصيدة علما بأنه كان بينهما سابق معرفه جيران وهذه القصه عام *1416ه ..
    يقول شاعرنا :

    ياواحد مادون بابك خفارات
    ياسامع اللي بالدجاء لك ينادي
    يالله سالتك ياله البريات
    عفوك وسترك والهدا والرشادي
    ومن بعدذا يامحزمي بالمهمات
    اللازمات الملزمات الشدادي
    ياماكر الصلولات نسل التميمات
    يامعرب الجدين سقم الاعادي
    حاولت اشوفك بس هيهات هيهات
    انا بوادي وانت عني بوادي
    والجندي الماخوذ مابه مروفات
    يهوشني ويقول وين انت غادي
    واهل المشالح والرتب الرفيعات
    ماوقفوابالباب صفرالايادي
    والعلم مابه يالبناخي مراوات
    جاك الوكاد ورد علم وكادي
    والطيب كايد بس للطيب حزات
    والفعل صمله والدوادي دوادي
    واديم الله ماتدوم المقصات
    تمسي لوتصبح انسان عادي
    والشر له بوجيه الاشرار شارات
    والجود باهل الجود بين بادي
    وغيري يجيب من الامير اعتمادات
    واناعلى رب العباد اعتمادي
    يقوله اللي مايخون الامانات
    ولايجحد المعروف عنده مبادي
    وصلو على مبعوث رب السموات
    شفيعنا يوم الحشر والتنادي
  2. صقر فوق مشراف
    19-08-2010, 01:05 AM

    ديوان الشاعر خليل ابراهيم الشبرمي


    قلت : حق ... وقال :: لابالله زيف
    قلت : عندي مايبرر موقفي
    قال :: كيف ؟ وقلت انا له :: كيف كيف
    بعد ذا المده تقول انك وفي
    زل صيف وزل صيف وزل صيف
    من ثلاث سنين وينك مختفي
    رحت أدور عنك من بيش لطريف
    ودجت نجد من الهفوف ليا نفي
    كنت طيف وجيت طيف ورحت طيف
    والامل لا طال شمعه ينطفي
    قال احبك قلت حبك حب حيف
    ماقبله لو كان حسنك يوسفي
    مامعي للحرب لاحربه وسيف
    من غرابيل الليالي مكتفي
    وعطر باريسي وساعة من جنيف
    ماتفيد ولا تغير موقفي
  3. صقر فوق مشراف
    19-08-2010, 01:06 AM

    ديوان الشاعر خليل ابراهيم الشبرمي


    رجواي باللي عليه المتكل والاعتمادي
    وماخاب عبد(ن) على رب المخاليق اعتماده
    رحيم يحيي هشيم القاع من وبل الغوادي
    وحكيم فيما حكم واراد له حكمه واراده
    سبحانه اللي رفع سبع السموات الشدادي
    اللي دحر بالبحر فرعون وجنوده واباده
  4. صقر فوق مشراف
    19-08-2010, 01:07 AM

    ديوان الشاعر خليل ابراهيم الشبرمي


    من الوسمي سحاب(ن) ساقه الرحمن ومفاجات
    تزبر وارتهش وارهش وهل وبيح سدوده
    ترزم وارتكم وابهل على الروضه ونوه بات
    يقود ونوض براقه يقيد وترجس رعوده
    ردوم(ن) هل ماها من سماها والبرد زخات
    وغثير السيل من يوحي هديره زادت سعوده
    ربابه لانفهق واقفى مثل ذود(ن) من الخلفات
    تتالى واقفت ركابه عقب مانزل شنوده
    كساه العشب والنوار الاصفر كنه جنيهات
    وقال الروض غني يا ام سالم باعذب انشوده
    يطيب الكيف والدله على جمر الغضا مركات
    بروض(ن) لاومت فنوده يفوح الطيب مع نوده
  5. صقر فوق مشراف
    19-08-2010, 01:09 AM

    ديوان الشاعر خليل ابراهيم الشبرمي


    يازين انا من ثمان سنين
    مجنون يازين بعيونك
    والشاهد الله الى ذا الحين
    لازلت لليوم مجنونك
    خفف على قلبي المسكين
    وارفق على قلب مظنونك
    ماهو بحبحب على السكين
    اطعن ولكن على هونك
  6. صقر فوق مشراف
    19-08-2010, 01:11 AM

    ديوان الشاعر خليل ابراهيم الشبرمي


    البوم ينزل بالخرابه والقليب
    وطيور شلوى عالي(ن) منزالها
    والحق حق ودوم شمسه ماتغيب
    والمخزيه خزي(ن) على عمالها
    لاتامن الدنيا تطيب ولا تطيب
    ما تنومن باقفايها واقبالها
  7. صقر فوق مشراف
    19-08-2010, 01:11 AM

    ديوان الشاعر خليل ابراهيم الشبرمي


    من زود مابي يالغضي ترخت
    يوم الوعد هجري وميلادي
    ومن لهفتي ياسيدي دوخت
    رزنامتي ياثالث اعيادي
    لاشك ما ادري وش بلاك افخت
    ياباشة الغزلان ميعادي
    يا حيلة الله في رداة البخت
    حظي معك بالوصل ماجادي
    الله يجيبك يا غرور اليخت
    الموج ماهو دايم(ن) هادي
  8. صقر فوق مشراف
    19-08-2010, 01:16 AM

    ديوان الشاعر خليل ابراهيم الشبرمي


    يا عيوني عيوني عن خطاك معصوبه
    مخلص(ن) لك بحبي والليالي عصيبه
    ليه ماترحم اللي منك يمك هروبه
    ومن عذابك لذيذ ما يهتني به
    بعدك اقسى عذاب وقربك اعذب عذوبه
    ووصلك اكبر نعيم وصدك اكبر مصيبه
    وصمت اعظم عقاب وهمسك اجزل مثوبه
    وانت طب الجروح المبطيه والعطيبه
    سقت جيش العتب لاشك واجه صعوبه
    وانسحب من ميادينك كتيبه كتيبه
    تدري ان المحبه ياحبيبي عقوبه
    وادري المحبه طوع ماهي غصيبه
    وادري ان الدقايق والعمار محسوبه
    حسبي الله على حظي وربي حسيبه

  9. صقر فوق مشراف
    19-08-2010, 01:16 AM

    ديوان الشاعر خليل ابراهيم الشبرمي


    الوصل طاعه والقطاعه جريمه
    سنة محمد في صحيح البخاري
    ومن لايميز صاحبه من خصيمه
    لابد عينه ما تهل العباري
    والجود له بوجيه الاجواد سيمه
    والشر مثله بالعرب له مواري
    والحر يفهم والبهيمه بهيمه
    والاصلي اصلي والتجاري تجاري

  10. صقر فوق مشراف
    19-08-2010, 01:18 AM

    ديوان الشاعر خليل ابراهيم الشبرمي


    لا والله الا دورت الوقت دارت
    وصرنا بديره والحبايب بديره
    والحزن خيم والسعاده توارت
    واوضاعنا بالحيل صارتخطيره
123456