الغريبه روايه سعوديه رومنسيه جنان,,,كامله

مشاري : ابو مشاعل هم رايحيين للرياض عشان يتقضون للملكة
كلمة ملكة دمرت سعود سعود الي قدر يتحمل مسئولية اهله قدر يتغلب على موت ابوه الي قدر يصرف ويكد على عائله كامله بس مجرد ما عرف ان ساره متملكة او يمكن متزوجه خلاص انهار واغمى عليه الكل فزع خافو على ابوهم على حاميهم سعود له مكانه عندهم تعرفون كيف الشخص الي يعتمد عليه الشخص الي الواحد يلتجي له وقت الضيق الشخص الي اذا اهتم مايعرف الا اهو الابو الاخ الصديق ما تسعفني الكلمات للوصف سعود اعتقد كلمة ابوهم تكفي مع انه صغير إلا تحمله المسئوليات هذي خلته شايب اسعفو سعود وهنا فاق سعود من ذكرياته ومن الهم الي عايش فيه كل ما تذكر انها متملكة هو ماهو متاكد هي متملكه او ببتملك لكن الي يعرفه وجود احد ينتظرها عشان تتزوجه

سعود : يارب ارحمني وساعدني

جا تركي يمشي لخوي دربه صديقه المقرب : سلامات جعل الي فيك في ابو مهنا "" ابو مهنا رئيس تركي وما يدانيه "
سعود : هههههههههههههههههههههه يابن الحلال ابو مهنا خذا حسناتك كلها
تركي : الله يقلعه ماخذ حسناتي على علواتي
سعود : ههههههههههههههههههههههههههه الله يسعدك يا تركي
تركي ويرفع يدينه للسما : امييييييييييين
سعود : تركي انا اتصلت على ابو عبد المجيد وبنمره بكره نتقهوى عنده وبعدها نمشي للرياض يعني مراح نعطيه فرصه يسوي عشا قهوه على السريع ونطلع
تركي : أي قلت لي او عبد المجيد اها الله يطول في عمره وش ذا الوصل المفاجأة
سعود عرف تلميح تركي : هههههههههههه من يوم ما عرفتني وانا واصل
تركي : أي الله يخليهم الي تسببو على ذا الوصل
سعود بتنهيده: اميييييين
تركي بتهور : سعود انا بعرس
سعود متفاجأة : عسى ماشر خابرك ماتبي طاري العرس
تركي : وش اسوي مليت من مقابل وجهك ابي اقابل وجه يمكن يكون سعد علي منها اترقى والا انت من عرفتك وانا مكاني سر لا ترقيت وما غير هواش مع رئيسي
سعود ببتسامه تشع منها النور : ومن سعيدة الحظ
تركي صار يحك راسه ومتردد ومنحرج اول مره يصير له مثل هالموقف : بما اني اموت فيك يا سعود فانا ابي يكون خال عيالي انت
سعود سحب يد تركي وضمه كان فعلا يتمنى تركي لريم ومستحي هو الي يفرض اخته عليه
سعود : ابشر بعزك ولك ما طلبت
تركي : اصبر البنت ما تعرف وش رايها
سعود : وين تلقى احسن منك
تركي : خلاص بكلم الوالد الليلة وبلغه
سعود : هههههههههههههههههه اصبر لحد ما نرجع من الشرقية واجه الراس بالراس
تركي وهو متفشل على تسرعه طق سعود وانحاش
ابتسم سعود وهو يشوف الضحكه والفرحه بعيون تركي
" علاقة سعود وتركي على انهم شباب خلاص بيدخلون الثلاثينات إلا انهم مع بعض كأنهم مراهقين ما دخلو العشرينات علاقة اخوة على صداقة يشوبها الحب والإخاء والتضحية والتفاني كل واحد مستعد يقدم تنازلات عشان الثاني يشوفه مبسوط ومرتاح
.................................................................................
عبد الله : بسرررعه يا ماجد هات اغراضك
ماجد : زين زين لحظة باقي اغراض الي جبتها من المغسلة بحطها وجيك
قعد عبد الله يقلب مفتاحه وشوي يطلعه من الميدالية وشوي يدخله وسرحان في الوقت الي دخلت مها البيت وما شافته وتعرفون البنت من تدش البيت وهي شايله النقاب وتدندن بصوت هادي ما سمع وش تقول لكن شاف في يدينها كتب او دفاتر وتسوي حركات بشعرها الي نزلته لأنها كانت رافعته عشان الحر وتعرفون الشعر مع الحر وش يسوي المهم صارت تحرك شعرها يمين ويسار وتدندن ومبسوطه الأخت ومانتبهت للعيون الي تراقبها وتبتسم لحد ما نتبهت للشنط الي في الأرض رفعت عيونها ونصعقت بالعيون الي مانزلت وطالعها بقواة عين صارت تبلع ريقها وتبي تروح من قدامه لكن رجولها ما تساعدها تحسها ثقيله مررره وتبيه يروح يبعد عيونه لكن الأخ مبسوط ومستانس لكن قطع عليهم اندماجهم ماجد
ماجد : اقووووووووووول يا الأخو احترم نفسك اذا تملكت عليها بحلق عيونك على كيفك
مها تفشلت مره وسحبت نفسها وراحت مسرعه
وعبد الله : هههههههههههههههههههههههههه الله ياخذك دايم تجي في المواقف الحلوووه
ماجد : اقول اسكت قبل وربي البيت لا انهي زواجهكم وارفض يتم
عبد الله : جرب عشان تعرف ان لله حق وانا الي بساعدك عشان خاطر تاخذ روان
ماجد مجرد مرور اسم روان قلب حاله صارت عيونه تلمع اول مره نشوفه بعيون ماجد شووووووق لشوفتها وهو ابد توه ما بعد سافر يحس انه خلاص مراح يشوفها كل ما بغى
تذكر حركاتها ضحكتها لقافتها تهورها طولة السانها كل الأشياء الي يموت فيها ماجد
عبد الله حس فيه وعرف بحزنه ولأنه مر عليه مثل هالموقف ما حب يكون ماجد بلحاله : ماجد هونها وتهون وان شاءلله كل شي بيصير تمام
ماجد : ان شاءلله ان شاءلله يا عبد الله وحب يغير الحزن الي مر عليهم اقول شوف لا تملكون الا اذا جيت
عبد الله : احلف ياشيخ بعد ما شفتها اليوم خلاص اسمحلي مقدر استحمل
ماجد : أي يا بابا هذي اختي طيحت خشتك
عبد الله بهيام : طيحت خشتي على راسي على كلي كلي طحت
ماجد : اقول امش بتأخر على الطيارة
"" يمكن تتفاجأون ليش الأهل ما راحو مع ماجد وين ابوه وين امه وليش مها ما بكت ليش ما ودعوه قد يكون لسبب تابعو البارت لتكتشفو السبب او قد يكون بالبارت القادم J""

.........................................................................................
مها : روان اقول خلاص ليش تبكين الحين
روان : اخف سافر عشاني رفضت
مها : صح هو سافر عشانك رفضتيه ويبي ينسى بس هذا ما يمنع انه راح يكمل حياته ويكمل دراسته وهو امي دورت له عن بنت من قرايبنا اذا تعرفين نجلا بنت خالد هذيك الكيوت حلوه مره ونعومه مره تصلح لماجد وهو من زمان شافها عند غالية اختي واعجبته يوم قالت امي له عنها
روان خلاص حست انها فقدت ماجد للأبد بسفرة على زواجه خلاص خسرته على طول يبي ينساها خطب ما نزلت ولا دمعه من عينها صار قلبها يدق بجنون تتنفس بقوه تغمض عيونها وترجع تفتحها تحاول تتحكم بنفسها على طول بهدوء : مها مع السلامه
مسكت طرف مفرشها بيدها وقبضت عليه بقوه ويدها الثانية تمسك حلقها فيها عبره مو راضيه لا تنزل ولا تطلع صارت تشهق تشهق تبي الهواء وقفت تحس انها خلاص تحتضر ما عرفت وش صار عليها طلعت برى غرفتها وجهها صاير اسود اختنقت شافت فهد في وجهها وهو يبتسم بس شاف وجه اخته صاير اسود شالها على طول وحطها على سريرها وحط يده على راسها وقرا بصوت عالي القران وحست برجفه بكل جسدها وبدت الدموع تنزل من عيونها وتبعتها صرخات وصياح بصوت عالي
فهد : روان بسم الله عليك وش فيك روان علميني وش فيك
روان : فهد تكفى انا تعبانه لا تروح وتخليني لا تروح
فهد : بسم الله عليك الرحمن الرحيم من قال بروح وخليك احد قايل لك شي طلال قايل لك شي
روان ببكي يقطع القلب ويالله ينفهم وش تقول : لا محد قالي شي بس انا خايفه خايفه مره
فهد : بسم الله عليك " وجلس يقرا عليها قران بصوت عذب خلاها تهدا وهي متمسكه بيدينه وبطرف ثوبه وماتبيه يروح قرب منها وحاول يقربها منه وحط راسها على صدره وجلس يكمل قرايته ويسمي عليها لحد ما نامت بعد ما دموعها ملت كل صدره

غطاها فهد بعد ما شغل المسجل على القران بصوت واطي وسكر عليها الباب وما يدري وش صار لأخته وش الي قلب حالها اكيد احد قايل لها شي وش الي يغير حالها في ساعه وهي كانت مزعجتهم قبل شوي وفرحانه يوم سمعت بخطوبة فهد وطلال وجلست تضحك تقول : فهد بيوافقون على طول اكيد اخوي وملتزم واخلاق من الخبله الي بترفضه لكن طلول حظها ردي الي بتاخذه
طلال : الا امها داعية لها في لليلة القدر
روان : هههههههههههههههههههههههه ضحكتني

"" فهد ملتزم أشار عليه واحد من أخوياه لسمعته ولدينه بأن يزوجه احد بناته بنت توها بالعشرينات حافظة للقران كامل وملتزمة وتحب الأشراف على الحلقات في جمعية البر الخيرية بالرياض وتحب تكون عون لهداية خواتها المسلمات وحريصة على نشر الخير وبذر الصلاح بالنفوس بنت تحرص على ان تكون قدوة صالحه مثل يحتذى به لا في اللبس ولا في الشكل مثال للفتاة الإسلامية من سلالة الصحابيات تكون شرف لمن يعرفها
حنان زوجة فهد ألي فرحت أم طلال وهي تسمع المدح من ولدها فيها مع انه ما شافها ورفض يشوفها الشوفه الشرعية يوم طلب ابوها لكن يكفي السمعه الطيبة الي سمع عنها خلته يتمسك فيها ويروح لمه عشان تخطبها وتكون رفيقة دربة تساعده وتشد أزره تكون له العون والسند للنشر الخير وتربية عياله مثل ما يطمح مثل ما يتمنى يكونون عياله يبي ولده مثل الأمام عبد الرحمن السديس يكون أمام للحرم الكل يتمنى يسمع صوته الله يحفظه يارب ذخر للمسلمين ويديم عليه الصحة والعافية مايبيه يكون مطرب ماله حرام وقوته حرام أمنيات فهد يفخر الواحد إذا كان فيه واحد مثل تفكير فهد لبناء مجتمع إسلامي يخاف على أمته من الضياع مو يكون أسلام بالاسم فقط المظهر ابعد من يكون مسلم طفل يحمل قلائد ويحمل شعارات ورقص وقصة شعر يمكن أشوفه غربي أكثر من أن يكون عربي لهدرجة فقدت الافتخار بالعروبة وصدق حديث النبي صلى الله عليه والسلم : ( لتتبعن سنن من كان قبلكم ، شبرا بشبر، وذراعا بذراع، حتى لو دخلوا جحر ضب تبعتموهم) قالوا: يا رسول الله: اليهود والنصارى؟؟!! قال: ( فمن؟)...أخرجه البخاري
أصبح أعداء الإسلام للأسف قدوتنا تركنا الصحابة والصحابيات أصبح هيئة شبابنا تقرب العالم الغربي خلعوا الزي الشرقي بكل قوتهم وتبعوا الزي الغربي بكل بهجة وعلو نفس للأسف ولا يعلمون أنهم في انحدار

" نرجع للموقف طلال وكيف طلب من أمه تخطب له "

لأيام وطلال يهوجس بالزواج ويتمنى تكون نوف من نصيبه مع انه سبحان الله ما لمح منها شي وما شاف وجهها لكن حشمتها وإنها ما عطته وجه خلاها يتمنى تكون زوجته مرت أيام وهو يهوجس ويطلع مع حمد اما يروح له او يعزمه يجيه يبي يقوي العلاقة بينهم يبي تكون نوف من نصيبه وتكون الموافقة من حمد بطيب نفس ما يبي يأثر عليه على طول طلب من امه تكلمهم وتشوف رأيهم وقال لها بالأسم انها نوف وستغربت امه كيف اعرف اسمها قال انه سمع عنها بين اخوياه من ربعهم ويمدحون في شكلها وأخلاقها وانقهر كيف تتطنز روان به وانه انسان مغرور وشككته بنفسه هل فعلا انه ما ينطاق هل هو عصبي على أخته لدرجة خلتها تحكم عليه بها الحكم القاسي بنظره افكار تروح وتجيب طلال خوف من رد اهل نوف ويمكن يرفضون ومايبونها تطلع للغريب في نظرهم لكن بنفس الوقت هم جيرانهم في البر ويعرفونهم من زمان
ام طلال : طلال يمه فكرت زين ليش تبي تطلع من جماعتك
طلال : يمه بنت الكل يمدح فيها وحمد مشاءلله افتخر انه خال عيالي وناس طيبين ما فيها شي اذا بغيت اناسبهم
ام طلال : بس يمه انا ابي لك ريم
روان : أي والله ياليت تجي ريم في بيتنا
طلال يناظرها : وهذا الي هامك وبعدين يمه ريم ماعليها قصور بس انا ابي نوف
ام طلال : الي تشوفه يمه انا اعرفها زين وصدق الكلام الي سمعته عنها بنت حشيم زين واخلاق وتربية لكن ودي يمه انك تاخذ من ربعك
طلال : طيب واذا كان هوا نفسي من ذيك العائله
ام طلال : الله يكتب الي فيه خير وخيره ويدبرنا على احسن تدبيره بكلمهم واشوف
طلال : الله يكتب الي في خير

"" قرار يمكن متسرع يمكن مفاجئ للكل لكن قرار ينم عن صدق فعلا هذا تصرف الشاب المسلم شاف بنت أعجبته وش إلي راح يسويه يروح لهم من الباب مو يحاول يرقم يحاول يتقرب منها ويعرف سلوكها وتصرفاتها أول الشاب ياخذ له وحده ويربيها على إلي يبيه يحاول يمشيها على الي يبي مو خرابيط التلفون وانه يستخدمه على قولته وسيلة عشان يعرفهاكثر
اكبر غلطة تصدقها البنت وتنجرف وراها اذا اهو شاريك يدل الباب اذا ما يبي وهدفه التلفون التسلية الله يستر علينا وعليه وخليه يروح في دربه """

............................................................................................
حمد : اسمعيني زين طيب
فوز : يا حمد مستحيل انا قلت بعد سنه وبعدين ما راح إلا ثمان شهور
حمد : طيب شوفي أنا مقدر استغني عنك ولازم كل يوم أشوفك صرتي لي مثل الماء للعطشان
انحرجت فوز هو يطلب منها يقدم الزواج وهي تحاول تغيره عن رأييه هو واثق انه بيتزوجه وهي منقهره من وثوقه وكيف نسى الي سواه فيها
فوز بأصرار : يعني واثق اني سامحتك وابي اكمل معك باقي حياتي
حمد بصدمة على خوف : شلون
فوز بقهر : يعني الحين تبي تقدم الزواج وانسيت ليش انا خليته بعد سنة
حمد : فوز يعني الحين انتي شاكة بغلاتك في قلبي
فوز : حمد الي سويته فيني مو شوي وصعب علي نسيانه بسهوله
حمد : الي يحب يغفر وينسى الا اذا انتي ما حبيتيني يا فوز وخليتيني ابني قصور من رمال
فوز وتبتسم بينها وبين نفسها والحين حست بقيمتها وكيف حمد متلهف على الزواج حست انها ردت كرامتها الي داس عليها يوم زف لها خبر حبه لمها الحين شافت الحب في كلامه حست انها اقوى منه
فوز : طيب خلي فترة افكر
حمد بتردد : فوز
فوز : هلا
حمد : فوز ترى انتي الحين دنيتي مقدر استغني عنك لتخلين قراري المتهور في يوم يفرقنا انتي لك غلا بقلبي محد قدر يوصل له
فوز : خلاص يا حمد انا قلت لك خل لي فرصة افكر واعطي نفسي مجال واسترجع كل لحظة عشتها معك
سكرت فوز التلفون من حمد وهي تحس انها ملكت الدنيا صارت تدور وتضحك اول مره تضحك بصوت عالي الحين بس انتصرت الحين حست با اهميتها وقيمتها الحين فوز بس هي الأقوى وحمد الضعيف الي يتمنى رضاها دفنت وجها بين خدادياتها وكل شوي ترمي مخدها وهي تضحك وترجع تطيح على وجها شكل شعرها الحرير وهو على السرير وضحكتها الحلوه الي تفتح النفس زادت جمالها حتى لو كانت سمرا بس هالسمار معطيها جمال فتان

سمعت دق على باب غرفتها فتحت الباب بسرعة لقتها الشغالة تقول ان لها أشياء تحت مرسلينها لها استغربت فوز ونزلت بسرعة تبي تشوف الاغراض انصدمت وهي تشوف باقة ورد كبيرة حمرا شكلها رووعه ومميزة فيها ورق اخضر ومرشوش عليه شوي زري اصفر والورد الأحمر مرشوش عليه زري احمر باقة خيال شافت كرت فيها وعلبه ثانية فتحت الكرت لقت كلمة وحده بس

أحبك

حبيبك حمد

رتعشت ايدينها وفتحت العلبة الثانية لقت فيها ورقة مكتوب فيها

إلا خسارتك هذي مقدر أتحملها

وتحتها خاتم كلمة روعه شوي عليه

ما همها الخاتم كلمات حمد وهو يحاول يثنيها عن قرارها وخوف انه يخسرها هي الي خلت دموعها تنزل بين ضحك بين دموع فرح حست بقيمتها : غبي غبي يا حمد لو فكرت اني راح اخليك انا بس ابي اعطيك درس ابي تعرف من فوز وش قيمتها بحياتك مو نزوة بحياتك ذوق الي ذوقتني اياه خلك تحس بطعم القهر شوي بعذبك شوي و أوافق في الأخير عشان تعرف قيمتي أكثر

..................................................................................
ابو عبد المجيد : مشاعل
مشاعل كانت تتفرج على مجله وبالها مو معها بس كانت تطالع الصور وفكرها يروح ويجيبها على ذكريات اهل الرياض
ابو عبد المجيد مره ثانية : مشاعل
مشاعل كأنها صحت من حلم : لبيه
ابو عبد المجيد ببتسامه : وش تفكرين فيه يبه
مشاعل ببتسامة جذابة : فيك طبعا
ابو عبد المجيد : أي العبي علي ترى سعود بيتقهون عندي العصر
مسكت المجله با قوى قوة عندها عشان تخفي رعشة يدينها ورمشت بعيونها اكثر من مره شكل وجهها يفضحها حراره بوجها وتغير لونه يدل على شي فيها ابوها مو غبي ما لاحظ التغير يوم سمعت اسم سعود شك بشي وخاف يكون شكه بمحله
ابو عبد المجيد : سمعتي يا مشاعل
مشاعل وهي تحاول يطلع صوت : احم أي يبه امر وش تبي
أبو عبد المجيد : مابي شي محدد بس أبيك تشرفين على الشغالات انا قايل لهم من الصبح وكل شي جاهز بس شوفي القهوه زينه او لا
راح ابو عبد المجيد للمجلس الخارجي في الوقت الي مشاعل تبتسم ان سعود راح يكون ببيتهم وشوي توقف وشوي تجلس واخر شي راحت للشغالات وهي تبتسم وتغير مزاجها وصارت تضحك استغربو الشغالات تصرفها كانت طول الوقت محزنه والحين تضحك وتذوق الحلا يعني وجود سعود بس حولها حتى وهي ما شافته يقلب حالها يخليها مبسوطة

دخل سعود وتركي على ابو عبد المجيد إلي أصلن يعرف سعود في الرياض أيام ما جاه في المستشفى وكان قصة طويلة "" سوف تتعرفون عليها ترقبو الحدث بين البارتات ""

دخل سعود وسلم على ابو عبد المجيد وهو يحس بسعادة بمجرد انها قريبة منه ما يفصل بينهم شي
ابو عبد المجيد : هلا وغلا بعيالي تو مانورت الشرقيه
سعود : منوره بهلها طال عمرك
ابو عبد المجيد : من متى وانتو بالشرقية
سعود : لنا تقريبا سبوع
ابو عبد المجيد : افا ولا جيتوني الا اليوم
تركي : نبي نسلم عليك طال عمرك ونمشي للرياض الشباب يحترونا بنمشي سوى
ابو عبد المجيد : لا بالله مراح تمشون وكرامتكم بتذبح الليله
سعود : لا الله يحييك حنا مستعجلين ولازم نمشي بكره بباشر دوامي ولا نبي نتاخر
ابو عبد المجيد : لا مايصير تسيرون علي ولا تعشون عندي
سعود : في مقبلة الليالي ان شاءلله لك وعد مني نسير كلنا والأهل الحين صرنا بمثابة الأهل
ابو عبد المجيد : اكيد الله يحييك موقفكم مع بنتي مشاعل ماراح انساه طول عمري لو لا الله ثم انتو مدري وش كان مصيرها
سعود : ما سوينا الا الواجب وهذا اقل من الواجب

تقهوو وتجهو للرياض حتى ولو انه ما شاف مشاعل بس يكفي انها عرفت بوجوده يكفي انه حس بها وانها قريبة منه

::::::::::::::::::::::::::::::::::::::::::::::::::::::::::::::::::::

الجزء الواحد والعشرون



لحظة لحظة ... اصبري لحد ما أدخل معك ...طيب أنت متأكد أن مها الحين في الصالة .. شي أكيد البنت اربعه وعشرين ساعه مسنتره قدام التلفزيون

دانه : خالد يالله وش فيك بطيء
خالد وهو يضحك : إلا انتي عجله
دانه تناظره وتقلب عيونها : بالله عليك
ويجي بسرعه ويلف يدينها عليها ويدخلون بسرعة للبيت وفعلا لقوا مها مندمجة الأخت مع الفلم وتعابير وجهها تحكي شلون شاده على واحجبها وجتها دانه وهي تتسحب وحطيت يدها على عيونها مها رتاعت وشهقت ما توقعت احد يدخل عليهم هالحزه تقريبا الساعة عشر بالليل محد راح يجيهم بهالوقت وصارت تلمس يدين دانه

مها :هذي يد ناعمة وفي الأخير شهقت وجرت يدها عرفتك دانه
دانه بقهر وهي تلمها : شلون عرفتيني
مها : غيري عطرك عشان ما اعرفك

خالد : لحظة الحين صارت دانه الغالية وانا ما سلمتي علي قبلها
مها وهي مستحيه من اخوها : من قال غلاها من غلاك
خالد : ام في ذي مافيه شك دانه قلبت موازيني
دانه خلاص صارت خدودها حمر لدرجه ان خالد ومها ماتو عليها من الضحك
دانه : والله انكم بايخين
جا خالد وحط يدينه على خصرها وقربها منه وانا صادق وانتي جنبي انسى العالم ما اصير افكر الا فيك وش تبيني اكذب يعني انتي صرتي لي الهوا الي اتنفسه
مها: اقول راعو ان فيه ناس لسى صغيره يعني لا تخربونا
خالد وهو يضحك : انتو يالبنات الحين خلاص تخربون بلد
دانه وهي تحط يديينها على خصرها : وش قصدك
خالد صار يطالع مها ويطالع دانه: خلاص خلاص ما قصدي شي انا الحين بين رقيه وسكينه
اشرت دانه لمها عشان ياخذون خداديات الكنب وصارو يطقونه بها
دانه : الحين سكينه من جد وجديد
خالد مسكها وسحبها له وكتفها أي يا سكينه وش تبين الحين تبين تبينين انك اقوى مني
دانه : مها الحقي علي
خالد وهو ياشر لأخته أنها ما تتدخل
مها : اسمحيلي يا دانه مقدر ادخل
دانه : كش عليك ادري بصف اخوك
ورجع يضمها اكثر خالد ويرص على يدينها: وش قلت انا
دانه تناظره بترجي : خلاص فك يديني
خالد وهو ياشر على خده بوسيني قبل وافك
دانه وخلاص صار وجهها طماطه : لو تموت
خالد : ههههههههههههههههههههههههههه
وفكها وعلى طول دانه وقفت ومها ميته ضحك
دانه تناظر مها : مالت عليك وانا من الصبح وافكر شلون أفاجأك وفي الأخير توقفين مع خلويلد علي
خالد : دانه ارحميييييييييني لا دلعيني
دانه وطفشت من الأحراج : اوووف وبروح لغرفتي
خالد : وانا والله مره رايح فيها احس جسمي كله مكسر يلا تصبحين على خير مهاوي
مها : وانتو من اهله

...........................................................................................
ريم : اووووف يا خاله الحين الي معرس دانه وخالد وشوله انتي تسوين لهم العزيمة
ام محمد وهي مستانسه : اعيالي ما تبيني افرح بهم وبعدين فيه مفاجأة
ريم نطت وجت جنب خالتها : وش وش وشهي المفاجأة
ام محمد : لا مراح اقولها ولا شلون تصير مفاجأة
ريم : ولا تعبين عمرك خالتي عرفت وش المفاجأة مشاعل بتجي
ام محمد وهي طالعها بصدمة : وش دراك
ريم : اشوفك مبسوطه وما زعلتي علي وانا اخبص في ذا المطبخ ولا حلا من الي سويته طلع حلو قلت ابد فيه شي مفرحك وما فيه شي يفرحك كثر شوفت مشاعل
ام محمد : لا تعلمين احد الحين بتجي

مشاعل من وراهم : سربرايز
ريم وهي طالعها وتجي بسرعه وتضمها : لا ياحبيبتي مو مفاجأة انا داريه انك راح تجين
مشاعل تناظر ام محمد وبعيونها تعتب عليها خربت مفاجأتها لكن ما منعها تجي وتضمها
ام محمد : والله يابنتي ما خربت عليك المفاجأة بس ريم صقره وعرفت على طول
مشاعل : عادي فديتك بشريني عنك شلونك
ام محمد : والله يا بنتي من فارقتينا والبيت على الي فيه كأنه بيت موحش مافيه سكان فقدتك يابنتي
ومشاعل ما زالت ماسكه يدينها وتمشي وهي للصاله : ورب البيت اني فقدتك انا صح ما عشت مع امي كثير لكن معك حسيت بمعنى الأمومة
ام محمد تأثرت من كلامها : وانتي بعد بحسبت بنتي إلا وين ابوك يمه
مشاعل : ابوي راح يجي في الليل راح لواحد من اخوياه عازمة على القهوه العصر
ام محمد : خلاص انا بروح اتصل والزم على معارفنا يجون جيت مشاعل مهيب شويه
مشاعل تناظرها وتبتسم : الله يخليك لي يارب ولا يحرمني منك
ريم وتمسك يدين مشاعل : تعالي تعالي بما انك يا حبيبتي شاطره بتزيين الحلا يلا انا الحين خربت المقادير وحست الدنيا تعالي ساعدينا انا من زود الفلاحه قايلة لامي منيرة لا تجيب حلا من برى ابي انا الي اسويه
مشاعل : هههههههههههههههههههههههههه عزالله محد ذاق الحلا اليوم
ريم وهي تدفها : يالله بس من زين حلاك
مشاعل : لا والله اجل مراح ازين
ريم : تكفين يا مشاعل انقذيني
مشاعل : بما انك ترجيتيني اوكي
ريم : لا والله اقول يالله بس عطيتك وجه انا
مشاعل صارت تسوي حلا القهوه وحلا بارد مع العشا : ريم هاتي نستله من الثلاجة
ريم وهي تحك راسها : قضت
مشاعل : روحي شوفي في شنطتي فلوس نادي السواق وخليه يجيب بسرعه ويجيب أناناس بسرعة
ريم : الله يعيني صرت شغالتك
مشاعل : ههههههههههههههههههههههههههههه
جت ريم بعد ما طلبت الطلبات : اقول مشاعل حرام خربت كشختك
مشاعل رافعه شعرها فوق وكان عليها فستان احمر كت وعقد فضي على شكل قلبين داخلين في بعض وحلق دائري كرستال وفيه كرستالة حمراء بالوسط طالع شكله حلو
مشاعل : ولا يهمك اصلن انا جيبة معي اغراض لاني راح اجلس عند امي منيرة يومين
ريم : بالله اجل احسبي حسابي معك
مشاعل : الله يعيني نشبه
ريم : نشبه نشبة ولا يهمك على قلبك
مشاعل : هههههههههههههه الا اقولك وين البنات غريبة ما جو
ريم : دانه صاحبة العزيمة مراح تجي الحين تبي تتكشخ قبل ومها تقول بتجي معها تعرفين صارت زوجة اخوها وروان بكلمها الحين وخليها تجيني مو عاجبتني الأيام هذي كله سرحانه والحزن مبين في عيونها
مشاعل : ياقلبي روان عاد ما اتخيل شكلها الا وهي تبتسم وتضحك بس غريبة ليش وش صاير
ريم : والله مدري عجزت وأنا اسألها بروح اكلمها عشان تجينا تساعدنا وتغير مزاجها شوي
مشاعل : اوكي في انتظارك

جا يمشي بسرعه وشاف السواق برى ومعه طلبات الي طالبتها ريم عرف ان اخته جالسه بالمطبخ تسوي حلا حب يدخل عليها ويسولف معها شوي قبل ما ياخذ الملف الي جاي عشانه دخل المطبخ ومشاعل كانت منزلة راسها للصينيه وتزينها بالفستق والأخت مندمجة وتغني

ارجوك يكفي غياب ورد لي حالا.. تعبان محتاجلك يالله متى ترد لي
لا تقول مدري ولا يمكن ولا لكن.. الحين ترجع لي يعني الحين ترجع لي
يا عمري معقوله قلبك للقى ماحن ..والشوق ما جننك في بعدنا مثلي

وقف سعود من الصدمة الي ماخذه قلبه وعقله قدام عيونه سعود راعي المبادئ ما تحرك صار يطالعها ويبتسم وهي تدندن وما حست فيه والله انا الي محتاج لك شكلها طالع خيال وهي محيوسه مع الحلا وماهي يمه رفعت عيونها
مشاعل : ريم اقول ليش السواق تأخر "" فتحت فمها وقعدت تطالعه لها فوق سبع شهور ما شافته وتحققت امنيتها صارت ترمش اكثر من مره هو ما نزل عيونه وهي من الصدمة ما عرفت وش تسوي يمكن تقريبا قعدو على هالحاله خمس دقايق لحد ما جت ريم ونصدمت وهي تشوف اخوها ما نزل عيونه من على مشاعل ومشاعل صاير وجهها احمر وباين عليها انها ترتجف
ريم بصوت عالي : يابو الشباب
سعود يوم سمع صوت ريم ارتبك ودنق وحط الأغراض على طاولة المطبخ وطلع
لحقته ريم : سعود .. سعود
التفت عليها سعود جا يمها وهو يضحك وجلس يدور بها وهو يضحك وريم تضحك وفي الأخير ضمها : اليوم اسعد يوم بحياتي
ريم وهي كان ناويه تهاوشه ما توقعت ابد سعود يكون قلبه قلب طفل يعني الحب يغير
طلع في الشاعر يشوف الأشجار والشوارع كيف هاديه ونسمة الهوا تغيرت صار يشوفها بعين ثانيه لها مهجه غير خلاص مقدر استحمل لازم لازم اطلبها من أبوها الليلة اليوم بس تأكدت أني اعني لها شي نظراتها تقول ههههههههه الحين صرت خبير نظرات يا خوفي انصدم بس لالا حتى ولو ما تحبني يكفي احبها وخليها غصب عنها تموت فيني
" والي ما يعرفه سعود أن مشاري ولد عمها بيتملك عليها الأسبوع الجاي"
%%%%%%%%
ساره : لالا تكفون مقدر أهدى ابوي ابوي اشوفه يوم صارت تتقلب فيه السياره وبعدها ماعاد حسيت بنفسي وصارت تصارخ مره ثانية
ام محمد : لا حول ولا قوة إلا بالله
مها : ساره استغفري وذكري ربك ان شاءلله الشباب مراح يقصرون انتي ما تدرين كلهم مع عيال عمك بين مستشفيات خاصة وبين حكومية ومراكز شرطة وان شاءلله بأذن الله راح يلقونه
ساره : مقدر مقدر يا مها فيه نار شابه في قلبي شوفي متى انا جيتكم وكم لي صرت فاقدة الذاكره عندكم وابوي من يهتم فيه اذا كان حي او هل هو ميت يارب ارحمني بس عيال عمي ليش ما بحثو عنا ليش مانتبهو لغياب ابوي ذولي مافي قلبهم ذرة رحمة
ريم وهي تصيح : ما تدرين يا ساره وش الظروف يمكن هم دوروا او توقعوا انكم بتتأخرون
ساره : مدري مدري
روان اول مره تنطق في جلستهم : وكلي امرك على الله وما ضاع من التجئ له
ساره : الله يستر ولا يخيب رجاي

%%%%%%%%%%%%
"" الشباب كانوا متفرقين في الرياض بعد رجوعهم من الشرقية كل اثنين في مكان تركي وسعود تكفلوا با اقسام الشرطة في منطقة الرياض طلال وماجد بالمستشفيات الخاصة مشاري واخوانه المستشفيات الحكومية وعيال عمهم راحوا يسألون أمن الطرق ""

سعود : اصبر يا تركي لا تستعجل
تركي : لنا عندهم نص ساعه وهم يبحثون في الكمبيوتر
سعود : يابن الحلال الحوادث كثيرة وش يخلون وش يبقون الله يعينهم

جا الشرطي المسئول شوفو فيه 15 حاله مسوين حادث وبالمستشفى 7 حالات توفوا 8 حالات اربع في العناية المشددة والأربع الباقين في التنويم العادي محد سئل عنهم الي ميتين نبي نبلغ اهلهم عشان نقدر ندفنهم وإلى الان وحنا نبحث عنهم تبون تجون معي للمستشفى الي اهم فيه عشان تتعرفون عليه
سعود حس ببرودة بكل جسمه يحس بعرق بجبينه ومع ذلك برودة مو طبيعية : والله يا خوي ما نعرف شكله حنا
الشرطي : كيف ما تعرفون شكله وانتو جايين تدورون عنه
تركي : حنا جايين فزعه مع اهلة
الشرطي : طيب اتصلوا على احد من الي يعرفونه وخله يجينا هناك بالعسكري
سعود يناظر تركي : اتصل على مشاري انت وبلغه
تركي يناظره مستغرب : عطني رقمه
"ونقل سعود تركي الرقم واتصل عليه وبلغه يجيهم بالمستشفى "

%%%%%%%%%
كانوا في حالة خوف وترقب
الشرطي : تبون نبدا بالثلاجات
سعود بسرعة : لا قسم التنويم
راحو لقسم التنويم لكن كان المصابين بين مراهقين وحرمه وجا دور العناية المشددة كانت الأجهزة على المرضى مو مبينة اشكالهم
الدكتور المسئول و الممرضة عن حالات العناية المشددة كانوا واقفين وهم يشوفون شرطي وعه مجموعه شباب والخوف مبين في عيونهم ومسوووده مره
الدكتور كان سعود : هلا والله وش اخدمكم فيه
الشرطي : نبي نشوف الحالات إلي ماسئلو عنها أهلها
الممرضه بتعاطف مره : شوف حدرتك هو فيه شخص مره صعبان عليا دايم يئن ويبكي ياعيني << وش رايكم بلهجتي المصرية J
راحو للشخص الي قالت عنه الممرضة كانوا تقريبا شايلين منه بعض الأجهزه وما باقي غير أنبوب موصل للأنف كلهم وقفوا وجلسو يطالعون مشاري لي تقدم خطوتين وقف وهو شاد على يده بقوة وقرب من الشخص حمر وجهه وحارت دمعه في عينه وما نزلت التفت عليهم هذا عمي محمد
كلهم : الحمد لله الحمد لله

%%%%%%%%%%%

جت ريم مسرررررررررعه : ساره ابشرك ابوك طيب وبخير
وقفت ساره وهي تبكي وتضحك بنفس الوقت وتمسكها مع كتوفها وتهزها صادقه يا ريم صادقة
ريم : قسم بالله اني صادقة توني مسكره من سعود وقالي ابشرك وبيجون الحين

فرحت ساره يمكن ما تقاس برجعة ابوها لها وبرجعة الذاكرة :: لازم اروح اشوفه
ريم : اصبري لحد ما يجي سعود والباقين
ساره : وش يصبرني ابي اشوف ابوي ابي اطمن عليه بنفسي

الان عرفنا سر الغريبة وكيف فقدت الذاكرة وكيف عرفت مكان ابوها استقرت حياتها لكن الغريبة لم تعد الان غريبة اصبحت جزء من العائلة التي احتوتها بكل حب لم تهتم لنسبها لكن أخلاقها هي الدافع الأساسي لمحبتهم لها هل سوف تستمر ساره مع هالعائلة وتكون جزء منهم وزوجة لسعود او سوف تتزوج من مشاري وتكتفي بمكالمتهم او زيارات من فترة لفترة تابعو البارت لتتعرفوا ماذا سوف يكون مصير ساره وباقي ابطال قصتنا


:::::::::::::::::::::::::::::::::::::::::::::::::::::::::::::

شكلي حلو تكفين هيا وش رأيك
هيا : يا بنت الناس وربي شكلك موت الله يعين اخوي اليوم
ناظرتها فوز : يعني صدق شكلي حلو
نوف بعصبية : لاحول كم مره قلنا يهبل
فوز وهيا يناظرون بعض ويناظرون نوف هيا تكلمت : من يوم ما خطبك طلال وانتي معصبة
نوف : اوف مدري حمد متقطع عنده ويمدحه كنت متوقعه انه يرفضه لكن استغربت يوم يقنع اموي وامي كان ماتبي واحد غريب لكن حمد قاعد يقنعها ويمدح فيه

فوز : طيب وش مخوفك
نوف : بس هو مغازلجي
هيا وفوز : هههههههههههههههههههههههههههههه
فوز : وعشان كذا تبين ترفضينه يا حبيبتي مافيه ولد ما يكلم بس فيه فرق فيه عيال ما خذينها لعبة بس تسلية كلام لكن فيه شباب يطلعون وخرابيط هذي خافي منهم وابتعدي عنهم لكن لو حمد شايف شي على طلال ما قبل فيه ويعرف اهله وهو رجال يصلي والي يصلي ويحافظ على الصلاه لا تخافين منه واعرفي انه بيصونك
نوف : ياربي ابي اقول لحد ويقولي لا توافقين
فوز : الولد متشقق ويبيك وحالته حاله وانتي رافضة
نوف : وهذا الي مخوفني هو ماشافني الا بالعباية يمكن ما اعجبه
هيا : وربي انك خبله انتي ما تعجبينه يحمد ربه انا نوف بس تقبل فيه لا طول ولا جسم ولا شكل كلك على بعض جنان وربي لو لفلاح اخو ما اخليك تروحين برى عايلتنا
نوف : أي أنا ما أتخيل نفسي اطلع برى عائلتنا
فوز : أي أي جابت اسباب عشان ترفض
هيا: فوز وين الحلق ليش ما لبستيه
فوز وتطق راسها ياربي نسيته بالسيارة
هيا : نوف روحي بسرعة هاتيه
نوف : الله يعيني عشانك اليوم عروس راح اجيبها لك
فوز : ههههههههههههههه يابنت روحي بدال ها المحاضرة كلها وتجملي ازين لك
نوف وهي تضحك : الساني متبري مني
وجت تمشي بسرعه وتنادي سواق فوز عشان يفتح السيارة وما نتبهت لطلال كان جاي يساعد حمد بس طلع برى عشان يكلم برى وشاف نوف كيف تكلم الهندي ابتسم وفكر في فكرة وجا وراها وهي جالسه تدور الكيسة الي فيها حلق فوز وتسبها
ضحك طلال في نفسه دايم وهي تسب وقف على طول وراها وهي طلعت بسرعة من السيارة وصدمت فيه لدرجة انه طاح على ورى
نوف شهقت بقوة وهي تشوفه وطاحت الكيسه الي بيدها وحطت يدينها على فمها من الصدمة في الوقت الي طاح اعقال وشماغ طلال في الأرض وما بقى غير الطاقية
طلال وهو يوقف : اووووف شوي شوي ليش انتي عنيفة
نوف استحت مره : من قالك تعال وراي
طلال وهو يكذب: وش دراني انه انتي انا جاي ادور الهندي ارسلناه يجيب لنا ماء من برى وشفت الباب مفتوح جيت
نوف وهي تتكلم بسرعة وتتلعثم : مو مبررر لك يوم شفت عباية بنت ليش ما رحت او عشانك مغازلجي صار عادي
طلال انصدم من تفكيرها اذا هذا تفكيرها عني عز الله ما وافقت
رد طلال بعصبية ويحاول يسيطر على نفسه : مو انا الي يناظر خوات صديقة او يتعرض لهن واكبر مثال اني طقيت الباب ما لعبت عليك
نوف خلاص انفشلت شالت الكيسة وراحت تمشي بسرعة ودخلت على البنات وجهها صاير احمر وعيونه فيها دموع على طول رمت الكيسة وراحت للحمام تبكي فيه
نوف وهيا يطالعون بعض : وش فيها
فوز : لا حول إذا مو مرتاحة للزواج ترفض
هيا : الله يقدم الي فيه خير وبعدين انتي لا تحرقين اعصابك بتجي الحين تضحك ويكفي انها توها ما سوت المكياج


:::::::::::::::::::::::::::::::::::::::::::::::::::::::

روان وهي معصبة : مالي خلق اروح
مها : حرام عليك بتشوفين خطيبة اخوك ونتعرف عليهم اكثر
مشاعل : تغير جو روان وش فيك ما خبرتك كذا وش غيرك
روان بدت تدمع عيونها : والله مالي خلق
ريم : شوفي بنروح واذا معجبك الوضع نطلع ونكمل السهره في بيتنا
ردت مشاعل : واخوانك
مها :أي حبيبتي اخوانك في البيت
ريم : وش فيها نروح لغرفتي
دانه : وش تبون في السهر مضر للصحة
روان اول مره تتكلم : ههههههههه عشانك تزوجتي صار مضر للصحة
البنات بصرخة : اخيرا ضحكتي
ريم : ياشينك ما يليق عليك دور الحزينه
مشاعل : أي والله صادقة ريم
مها : ايوى خلونا نروح لزواج ونفلها
روان : انا مراح اروح للمشغل قصة شعري ما يحتاج لها ستشوار كثير ولا تسريحة ومكياجي حبيبة قلبي ميشو بتسويها لي
مشاعل تاشر على عيونها : من عيوني

"" في الزواج ""

ريم : وهي تأشر على مها شوفي البنات شلون يشوفونك
مها : وربي نظراتهم عادي واخلاق بعد
مشاعل : أي والله شوفي كيف ستقبلونا مشاءلله عليك ياروان راح تجيك بنت جنان
روان وهي منبهره بنوف : أي والله تهبل صح ان طلول مزيون بس حرام ياخذ هذي
ريم : ههههههههههه مالت عليك هذا اخوك
روان وهي تناظر ريم : تبين الصراحه انا كنت اتمناه ياخذك انتي
البنات انصدمو وريم على طول جا على بالها تركي مدري ليش وعلى طول ريم تبي تروح الأحراج الي بين على البنات : الله يوفقة وربي البنت هذي تدخل القلب وحمد الله انها بتصير زوجة اخوك
مها وهي تكلمهم : بنات خلاص جت اختها الكبيرة لنا اسكتوا او خلونا نجلس مع امهاتنا على طاولتهم
روان وهي تستخف بحركتها : لا يا ماما اذا جلست جنب امي كل شوي بتقول اثقلي لا ترقصين حنا بعرس اغراب وانا من اسمع الطق خلاص افقد شعوري ارقص وانا قاعده
البنات : ههههههههههههههههههههههههههههه

هيا وهي تبتسم لهم : السلام عليكم
البنات : وعليكم السلام حياك تفضلي
هيا : زاد فضلكم انا اخت المعرس والكبيرة مقدر اجلس لازم اشرف على كل شي
ريم : الله يوفقهم يارب
مها : ليش ما جت نوف ودنا نسولف وياها
هيا : ههههههههههه مستحيه البنت
ريم : لالا قوليلها ما تستحي لو تجي عندنا شوي راح ترمي الحيا وتشوفينها تزعجنا بسوالفها
روان وهي تناظر ريم وتناظر هيا : هيا لا تشرهين على بنت خالتي ما تعرف تعبر
هيا والبنات : ههههههههههههههههههههههههههه
وقالت هيا: عندنا وعندكم خير
جا وقت زفت العروس ودخلت فوز وكان شكلها خيال البنات ما غير يقولن مشاءلله الله يستر عليها وفعلا الله يستر عليها من كل عين حاسد كانت تبتسم خوف على رجفه لحد ما وصلت للكوشة وجلست وكل شوي ترفع يدها للخصل توخرها عن عيونها من الأرتباك
نوف : حرام عليك بتخربين التسريح وانتي تمطين خصلك
فوز : تكفين يا نوف لا تحرجيني زيادة
هيا : يالله الحين بندخل حمد
شهقت فوز : تو بدري حرام عليكم
هيا : فوز مزعجني له ساعه

اعلنوا الحريم يتغطون بيدخل المعرس

الكل مستغرب شلون يدخل بدري والي يضحك ويقول ما يقدر يصبر وتعليقات الحريم الي ماتخلص

دخل حمد وهو يبتسم وطالع مشاءلله كأنه شيخ شكله مره رهيب له هيبة وكان بس يطالع جهة الكوشة ويمشي بسرعة شوي
وفوز ترجف ومنزله راسها يوم صار قريب وقفت وباسها على راسها وكانوا يصورونهم وجابو التورته وكانت من خمس طبقات وخلوهم يقصونها ويد فوز ترجف وحمد ما نطق ولا بكلمة حتى كلمة مبروك ما قالها لفوز إلا يوم مسك يدها عشان يقصون الكيكه

%%%%%%%%%%

طلع حمد وفوز وتوجهوا للفندق الي حاجز فيه حمد
يا الله قدرت فوز تمشي من فستانها الي يحاول يخفي حمد ضحكته عليها وكيف متوتره وكيف ترفع الفستان بهد عناء كبير وصلوا لجناحهم جلست فوز على اقرب كرسي قدامها وهي تحس بربكه شوي على احراج حياء عروس وما سكه بقوة بمسكتها وقف حمد يطالعها شوي وضحك : شوي شوي على المسكه بتنكسر بين يديك
فوز رجفت شفتها السفلى الي يشوفها بيقول خلاص بتبكي الحين
عرف حمد انها منحرجه وجا يمشي وجلس جنها وحط يده على راسها وجلس يدعي عن عمرو بن شعيب عن أبيه عن جده- رضى الله عنهم - عن رسول الله - صلى الله عليه وسلم - قال: إذا تزوج أحدكم امرأة أو اشترى خادماً فليقل "اللهم إني أسألك خيرها وخير ما جبلتها عليه وأعوذ بك من شرها وشر ما جبلتها عليه"

هدت فوز شوي وطلع حمد منها عشان تغير وترتاح شوي وتخف من توترها

يوم طلع حمد راحت على طول وبدلت على السريع وارحت الله يكرمكم للحمام وتوضت وجلست تصلي ركعتين وتدعي الله فيهم ان يبعد عنهم كل شر حاسد ويوفقهم في الوقت الي حمد يتلهف يدخل عليها يبي يملي عيونه منها وفي نفس الوقت يعاتبها على حرقة الاعصاب الي سوتها فيه


""حب انتهى باستقرار نتمنى ان يدوم ""


::::::::::::::::::::::::::::::::::::::::::::::::::::::::::::::::::::


من زمان وانت عن لعيون غايب
وبغيابك كم صابتني مصايب


وش يسلي النفس في بعدك حبيبي
كل دقيقة تمر في قلبي لهايب


حكمة الأقدار تبعدنا وتجرح
اه ليتنا على الدنيا قرايب


وين يرحل وين تسري به سنينه
من غدى في سحرك الفتان ذايب


من زمان وانت عن لعيون غايب
وبغيابك كم صابتني مصايب


في دلالك و الحسن محد مثلك
والبراءة في نظرتك فيها العجايب



من جمالك تنعش العيون والله
وسهمك الجراح بالإحساس صايب


شعرك المنثور يا فاتن إسرني
والظلام ينام في سحر الهدايب


من يحبك تاه في عتمت جروح
مالقى في دنيته غير الغرايب


من زمان وانت عن لعيون غايب
وبغيابك كم صابتني مصايب



يا خفيف الروح يا عذب المعاني
وين تلقى مثلنا والله حبايب


من عشقك عينك بإحساسه وقلب
عاش امن لو تحدته الصعايب


من زمان وانت عن لعيون غايب
وبغيابك كم صابتني مصايب


وش يسلي النفس في بعدك حبيبي
كل دقيقة تمر في قلبي لهايب


من زمان وانت عن لعيون غايب
وبغيابك كم صابتني مصايب

مشعل : من طلعنا من السعوديه وانت مهموم وكل شوي تسمع من زمان انت ما تمل
ماجد : اه جعلك تذوق الحب وعذابه يا مشعل
مشعل : لا ابشرك انا ما اعرف شي اسمه حب انا خاطب بنت عمي واذا رجعت تملكت عليها
ماجد : الله يهنيك
مشعل : ومن يقول وبعدين اذا انت تحب البنت روح اخطبها
ماجد : خطبتها بس رفضت
مشعل : بعوضك عنها والي راح تسعدك
ماجد : مابي الا اهي بس اذا ما تزوجتها مراح اخذ غيرها
مشعل : الله يعينك حتى جو تركيا والخضار والأنهار ما نسوك
ماجد وهو يتنهد : الا زادني حنين اشتقت لهم حيييييييييييل
مشعل : طيب اتصل على الأهل و تطمن يمكن ترتاح
ماجد كان مشعل يصحيه على طول شال جواله ودق رقم عبد الله قبل
عبد الله : هلا وغلا شخبار جوكم
ماجد : هلابك اكثر والله جونا ما يسوى جو الرياض
عبد الله : يابن الحلال لو تشوف جو رياض والله ان ترجع بنفس طيارتك للتركيا حر فضيع المكيفات ماعاد نفعت
ماجد : ابيها بحرها وبردها
عبد الله : ايوالله وصرت شاعر
ماجد : هاه وش صار على موضوعي
عبد الله : والله يا ماجد اصبر لا ترجع الحين اخذ شهر بعد
ماجد : شهر عبد الله مقدر اصبر شهر بعد كل خوياي رجعو ما بقى معي الا مشعل لأنه عنده اجازه ست اشهر وبيرجع بعد عشانه بيعرس
عبد الله : طيب انت لا تتهور يمكن نجيك كلنا عائلتنا لا تستعجل
ماجد : ياخي كيف تجوني انا ابي الي اجيكم
عبد الله : والله انك نذل تبطح في ذا البراد وتبي تحرمنا منه
ماجد : خلني اجيكم ونروح سوا لأبها
عبد الله: لا أنا ابي اغير ابي تركيا
ماجد : تصدق انك بلشة
عبد الله : ههههههههههههههههه وش اسوي اذا ماتبينا نجيك خلني اتزوج وروح وخليكم مع مها
ماجد : عشان احش رجولك زواجي وزواجك بيوم واحد
عبد الله وهو منقهر : وانا وش دخلني فيك
ماجد وهو يضحك : ماعلي منك مها اختي ومراح تعرس الا اذا اعرست
عبد الله : الله يعيني والله عشانك الي سعيت بخطبتي من مها ولا كان ما علي منك ورحت لأعمي وتمتت كل شي
ماجد : أي ادري ما اهون عليك .. يلا خسرتني بقفل
عبد الله : اقول ما كأنا متقاسمين الخساره حتى انت خسرتني
ماجد : وش خبار الأهل
عبد الله : ما عليهم خلاف شفهم سهارين بزواج حمد ولاطعينا هنا احتريهم متى يخلصون يدقون علي
ماجد : وانت ليش ما رحت معهم
عبد الله : توني جاي من الشرقية وتدري استغل الأيام الي اجي فيها لرياض مع الأهل وطلعات اخوياي وش أبي في العرس
ماجد : زين الله يوفقهم يالله فمان الله
نسى ماجد ان حمد كان بيتزوج مها وهذا اكثر سبب يخلي عبد الله ما يروح زواجه ومنقهر من مها الي راحت ولا على بالها
ماجد: الحين اتصل على مها اكيد روان معها شوف حاضره الزواج واكيد تضحك وانا هنا معذب نفسي بتصل وامري على الله
في الوقت الي يتصل ماجد على مها البنات مستعدين وطالعين في مكان ثاني برى القاعه بعد ما فوز وحمد طلعوا يبون يرحون عشان يكملون السهرة في بيت ام سعود مع اعتراض مها بس محد عطاها وجه دق جوال مها
وبشهقة متعمدة عشان روان جنبها : ماجد فديت قلبه متصل
على طول روان التفت عليها وتعلقت عيونها في مها الي انتبهت لحركة روان
مها : هلا والله و مرحبا
ماجد : هلابك زود السلام عليكم
مها : وعليكم السلام والرحمه
ماجد : هاه وش اخباركم وش اخبار الأهل كلهم
مها : ما عليهم بخير وتطمن العروسه وان شاءلله وبتوافق كانت تقصد روان بس روان راح بالها للبعيد للنجلاء وحست بحرارة بجوفها وقهر الحين بس عرفت انها غلطت يوم ردت ماجد
ماجد ابتسم : روان عندك عرف ان اخته تعمد تسوي كذا عشانه
مها وهي تضحك : أي وشفت وجها وشلون هههههههههههههههههه
ماجد عرف انها تقصد روان : ياويلك لو تضايقينها تراى ما تهون علي ما احب اشوفها زعلانه يضيق صدري
مها : لا كل الوقت سرحانة والحزن مخيم
روان تكلم نفسها ونجلا ليش سرحانه وحزينه وهي بتاخذ ماجد << غبية J
ماجد : مها مشتاق اسمع صوتها
مها : ولا يهمك
ورمت على روان الجوال كلمي ماجد يبي يسلم عليكم وحده وحده وانتي اقرب لي
روان مسكت التلفون وتطالع فيه وطالع البنات منحرجه ترفض وبيفسرونه انها غايره من خطوبته قلبها يتقطع يعني الحين من زين وجهه يبي يكلمني وهو خاطب على طول رجعت روان الخبله من جديد
روان : الحين ليش تبي تلكمنا وانت خاطب خلاص ما يجوز
ماجد : ههههههههههههههههه واذا كنت خاطب " ماجد حس بفرحة مالها مثيل وهو يشوفها كيف منفعله رجعت الروح فيه "
روان وهي ما تدري وش تقول : لا المفروض خلاص ما تسولف مع احد
ماجد : الحين هذا جزاي لأني في غربة وابي اسلم عليكم ومشتاق لكم
روان وحست بالأحراج : الله يسلمك يارب شلونك
ماجد وهو يبي ينرفزها : ابد ما علي خلاف بنات حلوات وجو روعه
روان : مافيه احلا من بنات السعوديه
ماجد : انا ما شفت بنات السعوديه بعبياتهم ما اقدر احكم
روان : أي عباياتهم سر حشمتهم ولا الي تجيك مخليها جسمها وجهها لخلق الله ما تسوى ريالين ليش ربي فرض علينا الحجاب للحكمه سبحانه
ماجد : ايوى يا فيلسوفه والله وصرتي تفتين وتحكمين
روان : أي يا قلبي انا من زمان وانا حكيمه ما حست انها قالت قلبي لانها تقولها بعفوية مادرت ان لها تاثير على ماجد
ماجد وهو يتنهد ياليت فعلا اكون قلبك
روان ستغربت ليش يتنهد وعلى طول سئلته : ماجد وش فيك
ماجد : ابد مشتاقلك
روان انحرجت : تبي شي ثاني او اعطي الجوال البنات تسلم عليهم
ماجد : لالا يكفي سمعت صوتك انتي
روان : يلا باي وسكرت السماعه وهي ترتجف
" البنات ما نتبهو لها ويسولفون الا مها الي تراقب حراكاتها وشافتها شلون راحت تمشي تبي تشرب ماء "
روان وهي تبي تبعد عن البنات عشان ما تنفضح وصاير وجهها احمر ياربي احبه وشلون بقدر اعيش من دونه وجلست تصيح وتنزل دموعها مسكت كاس المويه بيدها رغم برودتها الا حراره يدها ما حست فيها تبي تبرد قلبها الي صار يشاعل حرارة جاها صوت مها وراها : وش فيك يا روان
روان وهي تناظرها وتمسح دموعها : مافيني شي
مها : لا تلعبين علي انا اشوف في عيونك حزن ومكالمة ماجد زادتك حزن
روان وجلست تبكي بصوت شبه مسموع
مها : روان استغفري ربك وقوليلي ليش تصيحين عشان ماجد صح صح انتي تحبين ماجد يا روان
روان وهي ترفع راسها والدموع كيف نازله على عيونها : شوفي يا مها صح انا كتشفت اني احبه واموت فيه بس خلاص هو الله يوفقه بيعرس ما يجوز اني افكر فيه
مها : يعني لو ماجد رجع يخطبك راح توافقين
روان : كلمة لو تدخل عمل الشيطان وانا كنت غبية يوم رفضت ماجد بس خلاص ما ينفع الندم
مها وهي تبتسم الله يكتب الي فيه الخير
 
الجزء الثاني والعشرون


مشاري بعصبية : كيف تسمح لها ياعم تروح عندهم
ابو عبد المجيد وما عجبه اسلوب مشاري : لا تنسى انها جلست عندهم فوق ثمان شهور واهتموا فيها وصانوها مثل بنتهم وتحاسبني على يومين
مشاري : محشوم ياعم ماحاسبتك بس اول يوم تجلس عندهم مضطرة بس الحين لها اهل وعزوة وش بيقولون عنا
ابو عبد المجيد : انا اعرفهم زين ومراح يقولون عنا شي شين ناس أجواد أهل دين وانت ليش معصب
مشاري : يا عم هي بحسبة زوجتي الحين
ابو عبد المجيد : والله يا ولدي مدري وش اقولك لكن البنت تصيح ما تبيك
مشاري وهو منقهر: الحين ما تبيني وليش ما قالت من قبل
ابو عبد المجيد : انت عارف من قبل انها ما تبيك مع ذلك اصريت عليها وهي وافقت عشان خاطري
مشاري وهو منصدم : يعني يا عم افهم من كلامك انك رافضني
ابو عبد المجيد : لا حول يا ولدي انا ما رفضتك انا ودي اشوفك متزوجها اليوم قبل بكره بس مشاعل ما تبيك
مشاري : اجبرها
ابو عبد المجيد : حنا باي عصر عشان اجبرها
طلع مشاري معصب

""في العزيمة قبل يومين ""
سعود : انا يشرفني يا عم اناسبك وانا عارف ان من الأصول اني اروح لكم في الشرقية واطلب مشاعل منك بس بغيت أشوف رايك في البدايه وبعدها راح يجون عماني وخوالي معي
انصدم ابو عبد المجيد من طلب سعود تردد بغى يقول انها بتاخذ ولد عمها وبتتملك عليه بس ما يدري ليش انربط لسانه والمفروض يستشير مشاعل ويشوف رايها مشاعل ماتبي مشاري وانا شفت في عيونها ميل لسعود انا رجال وافهم في العيون وما راح عن بالي المعه الي شفتها في عيون مشاعل لازم ما استعجل في اتخاذ قراري وخلي مشاعل هي الي تختار مع اني اتمنى تكون قريبة مني ومقدر استغني عنها ومشاري انسب لها بس مشاعل لها الحق في اختيار الي بتكون شريكة له طول عمرها صح ان سعود شخصية قريبة من مشاري يارب عونك انا في حيره
سعود خاف من صمت ابو عبد المجيد وتوتر مره لدرجه ان وجهه يتقلب كل شوي لون تردد يبي ينبه ابو عبد المجيد بعدين تردد
تكلم اخيرا ابو عبد المجيد : شوف يا ولدي انا بقول لمشاعل وراي الأول والأخير لها هو متكلم فيها ولد عمها وخاطبها وهي رافضة لكن انا بقول لها واشوف
سعود عرف انه يقصد مشاري وعلى طول تمنى لو يضربه
سعود : الي يريحك يا عم وانا في انتظار ردك
ابو عبد المجيد : الله يكتب الي فيه خير
""مشاري ""
"" طويل وجسمه رياضي كلمه حلو شوي عليه و أخلاقة عاليه الكل يحبه ويحترمه الا مشاعل الي من وعت على الدنيا وهم يقولون انها لمشاري ويمكن هذا الي كرهها فيه يعني يعتبر منافس قوي لسعود لكن مشاري يحب مشاعل بجنون وهذا نقطة ضعفه "
مشاري : مشاعل لي مراح اسمح لحد يقرب لها ولا يمس شعره من راسها
شافه اخوه متعب معصب : الحين ابي افهم وش تبي في وحده ما تبيك
صار مشاري يضرب على صدره : ابيها يا متعب ابيها
متعب : يا مشاري خل عندك عزة نفس وتركها هي الخسرانه انت كلن يتمناك
مشاري : بس انا مابي إلا مشاعل
متعب : طيب شلون تقبلها وهي ما تبيك اسمع مني يا خوك واتركها مصيرها في يوم راح تندم انت ولد عمها وتحبها مراح تلقى مثلك
مشاري : انا داري ليش رافضة تبي سعود
متعب : لا حول وش تبي انت في سعود "" خاف على اخوه يتهور ويذبح سعود "
مشاري : من عرفتهم وهي رافضة الزواج ولا قبل كانت موافقة على الملكه وكان بتصير زوجتي
متعب : قبل موافقة عشان خاطر ابوها ما تتذكر يوم قالت لك اكرهك يا مشاري جعلك الموت ما رضيت فيك الا عشان ابوي
مشاري وهو يناظر اخوه ومنقهر : لازم يعني تذكرني
متعب : أي لازم اذكرك انت مشاري الي الكل يحترمك ويقدرك تهين نفسك عشان بنت الي خلقها خلق مليون غيرها
مشاري : طيب يا متعب شور علي تكفى انا خلاص ما اتحمل في صدري نار شابه ابي احد يطفيها
متعب : اترك مشاعل وخلها تروح في سبيلها وخلني اروح وياك ونسافر تغير جو وتنساها
مشاري : يعني اذا سافرت بنساها يا متعب انا احبها احبها وجلس على الأرض وهو حالته حاله مدري ليش تكرهني وانا احاول قدر الأمكان ابين حبي لها مدري ليش ماتبيني
متعب : صدقني يا مشاري لو تسافر معي انا وخوياي ونقنص في موريتانيا وتلتهي عن مشاعل وغيرها معي خويا راح ينسونك نفسك بعد فيهم شعار واخلاقهم عالية
مشاري وهو خلاص منهار : خلاص يا متعب احجزلي معكم وصرخ بصوت عالي بس انا ولد عمها احق فيها ليييييييييييش
متعب : لاحول ولا قوة الا بالله هونها وتهون يا مشاري ورب البيت لو تبعد شوي وتريح نفسك ان تدري انه حب مراهق
مشاري وهو يحط يدينه على راسه : انا احبها من كنت في المتوسط تعرف متى يوم توها ببتدائي لحد وقتك هذا ما نسيتها يا متعب

راح متعب منه وهو منقهر من حال اخوه وملزم يحجزله معهم عشان ينسى مشاعل وفي نفس الوقت منقهر من مشاعل كيف ترفض مشاري الي يموت فيها من يوم ما كانت صغيره وحبه لها يكبر مع الأيام : بتخسرين مشاري يا مشاعل بتخسرينه مراح تلقين الي يعوضك فيه

وقرر متعب يقول لعمه ابو عبد المجيد ان مشاري راح يسافر معه وانه خلاص بيترك مشاعل وماراح يغصبها
::::::::::::::::::::::::::::::::::::::::::::::::::::::::::
اسمعيني زين محد يدري اني جيت انا بالفندق زين وبجي عند الباب وبعطيك اشياء وانتي عطيها اياه زين
مها : والله انك متهور وبتخرب خطتي
ماجد : وش عرفك انتي انا بس بعطيك الأشياء وعطيها اياه وهي مراح تدري منو مرسل لها زين
مها وهي تافف : زين الله يعيني
ماجد : هم الحين عندك
مها : أي يوم سهرنا البارح عند ريم عزمتهم يتعشون عندي ويسهرون عشان مشاعل بكره بتسافر
ماجد : لا والله مشاعل موجوده خساره ودي اسلم عليها
مها : خيرها بغيرها
ماجد : ودي اقولك سلميلي عليها وخابرك خبله بتروحين تقولينه ويمكن تشك روان اني انا الي مرسل الأغراض لها
مها : تصدق انك خبل وخطتك فاشلة بتقول وش عرف ها الانسان اني في بيتكم
ماجد : وهذا السر سا خبله اقول وش دراك انتي يالله استعدي انا الحين عند الأشاره الي قريب من بيتنا اطلعي في الحوش

جا ماجد وعطى مها الغرض وطلع بسرعة ما يبي احد ينتبه له دخلت مها وهي شايله الصندوق وتنادي روان
روان كانت هي والبنات ازعاج ويلعبون اونو
روان : هاه
مها : هويتي في بير تعالي فيه صندوق مكتوب فيه يسلم إلى روان
روان : مهاوي ترى انا عارفه حركاتك ليكون مسوية فيني مقلب ويطلع لي وجه وحش الحين
مها في خاطرها الله يعينك يا خوي بتاخذ بزر ولا وش عرف ذي بحركات الرومنسيه / اقول روانوه افتحيه بدال هالكلام
مشاعل جت تمشي : ايوى حركات يا روان منو مرسل لك
ريم : انا الي راح افتحه
روان وهي تحط يدها على خصرها : يا سلام اتوقع مكتوب عليه يسلم إلى روان ما قال ريم
ريم : أي غلط لان حروف اسامينا تبدا بحرف الراء
مشاعل : هههههههههههههههههههههههه حلوه لا تعيدينها
جلست روان تفتح التغليفه الي مغلفة الصندوق وكانت شي مميز وفي نفس الوقت ودها ما تخربها لكن تبي تعرف وش داخل ها الصندوق
لقت ورقة صغيرة على قفل الصندوق فتحتها : حاسبي على قفل الصندوق ترى هذا قلبي ابيك تفتحينه وتعرفين الأسرار الي داخله قطبت روان حاجبها ورجفت يدينها ستغربت اسلوب الي كاتب وزاد فضولها تعرف وش داخل الصندوق والبنات واقفين يناظرونها فتحت الصندوق ولقت ورد مو مجفف لا ورد احمر كثيييييييييييييييرمالي الصندوق وفيه بطاقات كثيرة قفلت الصندوق وشالته : مها ابي اروح لغرفة بروحي تبي تقرا البطاقات بنفسها
مها : تعالي مافيه الا غرفة ماجد وماجد مسافر اجلسي واقري على راحتك واذا خلصتي قولي لنا عشان نجي نقراها
وصارت روان تهز راسها تبي تخلص من مها تبي تعرف وش الأسرار الي بالصندوق
دخلت غرفة ماجد شدها ريحة عطرها وكانت الغرفة مرتبة وصور ماجد مالية الغرفة في صوره مبتسم وتبتسم معها وفي صوره مكشر وكانت تضحك على شكله وفي صور يسوي حركات نست الصندوق وقعدت تتأمل الصور لكن رجعت تنتبه لنفسها خلاص يا روان الحين بيصير ملك غيرك والتفتت على الصندوق صحت من حلمها ورجعت تفتح الصندوق وفتحت اول بطاقة

رجفت يدين روان وهي تقرا صارت تتنفس بسرعة وحطت البطاقة الأولى على جنب ورجعت تشيل البطاقة الثانية الي موزعة بشكل عشوائي في الصندوق بعضها فوق الورد والباقي داخل الورد

(( أنا((

المجنون في حبك

وعلى حبك أنا مفطور

ولقيت الصمت يحكمني

إذا جاء للهوى طاري

يبان العشق في عيني

واحسبه داخلي مغمور

ويفضحني مع العالم

ولاينفع به إنكاري

"" ارحميني ""

بيد ترجف فتحت بطاقة ثالثة

"" أمانه""

ما شكيتي من الوله بين المحاني ؟

ما جزعتي من الفراق وكبر غله ؟

ما تحسي انك فقدتي إنسان غالي ؟

ما يمل القرب منك ولا تمله ؟

كان تذكرني مع الخلوه ثوانييي

أنت في بالي ترى العمر

.... كله .....

روان من هذا منهو

كل شوي تفتح بطاقة وتتفاجأى في الي فيها وترجع تقراها وتغوص يدها اكثر للصندوق وطلع شوي بطاقة وشوي دبدوب احمر مره وعليه عبارات باللون الأبيض احبك وترجع تدخل يدها اكثر في الصندوق ويطلع لها علبة عطر بعد مزينه بشرايط حمرا وبيضا ومكتوب عليها انتي لي بس لا تفكرين احد ياخذك غيري
من هذا الي متعمد يسوي فيني هالحركات معقولة ماجد لا ماجد مسافر وقفت على طول وراحت
تفتح دولابه ومالقت الا شوي ثياب معلقة أي هذا مسافر اجل منو يرسل لي هالكلام وش قصده جاها صوت من وراها معقولة ما فهمتي
روان بشهقة : ماجد وعلى طول شالت جلالها الي في يدها وتغطت فيه
ماجد وهو مبتسم : حافظك زين حتى لو تغطين كان مسكر عليها الباب
روان : طيب ابعد بروح
ماجد : افا هذا قدري عندك وهديتي بتخلينها مرمية كذا على الأرض وبعدين ما قلتي وش رايك في كل كلمة فيها
روان خلاص تحس نفسها مختنقة وتتنفس بصعوبة ما ردت عليه
ماجد : الحين افهم من سكوتك يا روان انك منحرجه مني يمكن كنت احب امزح معك اعصب لكن يا روان انا احبك مو بس احبك انا اموووت فيك صدقيني اليوم الي ما اشوفك فيه احس ماله داعي احس فيه نقص حتى لو اسمع اخبارك حتى لو اتذكر مواقفك يوم رفضتيني تحطمت ما كنت متوقع انك ترفضيني صح كنت متأمل انك توافقين يمكن ما تحبيني مره بس قلت يمكن تقبل فيني وبخليها تموت فيني غصب بس يوم سمعت رفضك حسيت اني بفقدك للأبد وانا معاهد نفسي محد راح ياخذك غيري لا يوم سمعت سبب رفضك حسيت فعلا بزر او وين روان العاقلة الي تنصح الكل يوم جا وقت تنصح نفسها صارت بزر
وروان ساكته ودموعها تنزل وصاده شوي عنه ولا تكلمت ولا كلمه
ماجد رجع يتكلم شوفي ياروان انا يمكن كنت أناني وافكر في نفسي يوم ابي اتملكك لي بس لكن الحين لك انتي الخيار انا مابي الا انتي وراح انتظر ردك وعطي الرد مها أي وقت يعجبك معك سبوع
وطلع وخلاها بالغرفة بلحالها زي ما دخل بغرابة زي ما طلع بغرابة اكبر جلست روان على السرير وهي تشوف البطاقات ورجعت تقراها مره ثانية وتطلع الباقيات وتقراها وتشوف الهدايا الي بوسط الصندوق وكيف على كل هدية عبارة حلوه ابتسمت روان اول مره تكون هاديه وما ترد على ماجد يمكن خوف انه يبتعد ويخليها كانت خلاص معزمة تقول أي ابيك انت وبس بس ما حبت تتسرع بقرارها تبي تقول لمها زي ما طلب منها ماجد

راحت وهي تبتسم وجلست عندهم بعد ما قلت الصندوق شافوها البنات وجو بسرعة يبون يشوفون وش في الصندوق
روان : لا حبايبي ما اسمح لا احد يطلع على الي فيه
ريم : روان ترى توني طالبه من البقالة وربي ماتذوقين الي راح نجيبة
روان وهي ترفع حواجبها وتنزلها لها بشكل يقهر : مابي شبعانه
مها الي عارفه وش سر فرحة روان لكن الي ما تدري عنه ان ماجد قابل روان لأنها علمته انها خذت الهديه وراحت للغرفته وهو استغل الفرصة وجا وقالها كل الي يبي
مشاعل : وهون عليك يا روان ما اشوف
روان وهي تبوز وتطالعهم : ما تعرفون هذي اسرار او انتو مافيه احد يهدي لكم
مها وهي تبي تقهرها : فيه وكثير يتمنون بس نظر من عيونا
ريم وهي تناظر مها وتناظر مشاعل : تكلمي عن نفسك انا محد يحبني اهي اهي
"" ريم ما بعد قالها سعود عن خطبة تركي لها ""
مها وهي تغز لريم : علينا علينا وراعي الدلة
ريم ارتبكت : أي دله واي خرابيط الحين البنات بيصدقونك وربي انك خبله
مشاعل وروان وهم يناظرون وجه ريم الي صار احمر
نطت مشاعل لمها : تكفين يا مها شكل فيه سالفه قولي لنا والدليل وجه ريم
ريم وهي معصبة : قسم بالله انكم سخيفات
روان : منهو سعيد الحظ
مها : لالا مراح اقول حبيبة قلبي ريمو تبون افتن عليها سوري خياتو
مشاعل : صدق ريم وربي تقهرين هذا وانتي تعرفين عني كل شي
والتفتت مها وروان على مشاعل : الله بدت الأسرار تطلع اقول شكل الليلة سماري لازم تعرف كل الأسرار
مشاعل وهي تناظرها : الحين انتي رافضة نشوف صندوقك المقربع وتبيني اعلمك يالله بس مناك
روان : أي مقربع ويلك بس عليه تتمنين لو حبيب القلب مرسله لك
مشاعل : لا حبيبتي انا ما اقبل باي هدية الا بعد الخطوبة باي صفة يهديني هدية
روان وهي صدق فاتتها الحركة هذي : اصلن انا ما قبلت بس قلت بشوف وش فيها ومراح اخذها معي للبيت بخليها عند مها
ريم وهي تناظر مها وتغمز لها : اجل بنام عند مهاوي الليلة
مها : ههههههههههههههههههههههه كله عشان تشوفون الي في الصندوق
روان : احس الي بداخل الصندوق شي خاص محد له حق يفتحه
مها : خلونا من الصندوق ويالله فتحو قلوبك وعلمونا بالمستخبي
مها : اتوقع ميشو تحب ولد عمها مشاري
مشاعل شهقت : كش عليك ما لقيتي الا الي اكرهه كره العمى
مها : بالله عليك مو كنتي بتتملكين عليه
مشاعل : كنت موافقة قبل عشان ابوي بس الحين خلاص قايله لابوي مراح اتزوجه ورافضة ويوم جا ابوي امس بيروح للشرقيه قلت له يقول للمشاري اني مراح اتزوجه مابيه
مها : ياقلبي تلقينه الحين متعذب
ريم : والله وفيه ناس بعد متعذبة
ناظرت مشاعل ريم وابتسمت لها
روان وهي حاسه بشي من زمان وحبت تقهر مشاعل : اقول ريم ليش ما تزوجون سعود من بدرية بنت عبد الله مشاءلله عليها مزيونه وموظفة شكلها يناسب سعود مره
ريم يوم سمعت روان ماتت ضحك : ههههههههههههههههههههههههههههه
ومشاعل صارت تاكل شفتها التحتيه من القهر وما حبت تبين لروان الي تناظرها وتضحك
مها : لالا بدريه صح حلوه بس فيه وحده اتوقع تناسب سعود اكثر
ريم وروان بنفس الوقت : من هي
ومشاعل تناظرهم وجها يتقلب الاوان ومنقهره مره وكل شوي تاكل اضافرها وشفتها
مها وهي تاشر على مشاعل الي شهقت : انا
البنات : ههههههههههههههههههههههههههههههههه شوي شوي على ايدك حاسبي على اللحم واضح انك طايحه ومحد سمى عليك
مشاعل : اقول نقطونا بسكاتكم وبعدين ماقلتي منو راعي الدلة
مها : ريم اقول
ريم : لا يمها وربي راح اذبح
مها تناظرهم وتناظر ريم : مقدر اقول هذا بيني وبين صديقتي الصدوقة ريم
مشاعل : أي زين ريموه تشوفين
ريم : ياناس مافيه شي انا بغيت اطيح القهوه وفيه احد ساعدني وحطت مها قصة حب بالله وش رايكم مو خبله وناقصة عقل
مها : أي خبله وجهك صاير طماطه وكل ما نجيب طاريه يتغير شكلك
روان بدلاخة : ليكون اخوي طلال وهو ناوي يعرس
مها خلاص ماتت ضحك : هههههههههههههههههههههههههههههههه روان قسم بالله تحفة لا مو اخوك وبعدين وش فيك غصب تلبقينهم في بعض
ريم : اقول خلونا بس من الكلام هذا وقولي لنا ياميشو وش كنتي قبل تسوين قبل ما يصير عليك الحادث
ميشو تناظرها وتقلب عيونها: يعني تبين تضيعين السالفه
روان : لا من جد نبي نعرف عنك وعن حياتك قبل ما تفقدين الذاكرة
مشاعل صارت تحكي لهم وش كانت قبل كانت وحيدة ابوها وامها توفت وهي صغيرة ورباها ابوها مالها بنات عم ابد لأن عمها ما جاب غير عيال كلهم كانت تقريبا عايشة وحيدة ما ترتاح الا يوم كانت في الجامعه مع انها كونت صديقات لكن يوم تخرجو تعرفون كل وحده التهت عن الثانية والي اعرست والي توظفت وانشغلت وبقت مشاعل تعاني من الوحده وهم زواجها من ولد عمها كانت بس حياتها على التلفزيون او النت تقرا قصص رومنسية وتتمنى تعيش قصة وما توقعت يصير لها قصة لا وبعد بسمها ويكون عنوانها الغريبة و تعيش قصة حب ما تدري وش تنتهي عليه وتعرف على بنات ويكونون مثل خواتها واكثر

روان : يا قلبي انتي مثلي انا مالي الا الله ثم بنت خالتي ما عندي خوات
ريم : حتى انا ما عندي خوات
روان : عندك مها الي صاجتنا فيها
مها : هههههههههههه مدري ليش هالبنت منقهره مني

وقبل ما يطلعون البنات من عند مها قالت روان للمها :ريحي ماجد وقولي له اني موافقة
اخيرا يا روان ياويلك وش ناوي عليه ماجد راح تتمنين انك ما رفضتيه
"" وقضت السهرة في تذكر الماضي وفي بناء المستقبل ""

::::::::::::::::::::::::::::::::::::::::::::::::::::::::::::::::::
ابو عبد المجيد بدون حتى ما يقول للمشاعل عن خطوبة سعود وبدون ما يعلمها ان مشاري سافر رد على سعود وقاله انه موافق ويجيب اهله

تصرف من ابو عبد المجيد غريب
سعود وهو يقفل منه ويناظر عبد الله الي جنبة قاعد يقرا الجريدة : عبدالله
عبد الله ترك الجريدة : سم
سعود وهو يبتسم وبنفس الوقت يحس بخوف : ترا خطبت مشاعل من ابوها وافق ونبي تكون الخطبة رسمية يعني بكره برنوح كلنا لهم
عبدالله جا وحب خشمة : له له يا رجال مبرووووووووك ولا علمتنا ولا قلت تشتغل من ورانا
سعود وهو يبتسم : ما توقعت يكون الرد بالسرعة هذي
عبد الله : أي البنت طيحتك من بعد ما شفتك يوم تتطاق ويا ولد عمها وانا اقول هذا سعود الي دايم يعصب علي اذا تهاوشت مع ربعي او تطاقيت مع احد
سعود : ههههههههههههههههههههه لا تذكرني بس مدري وش صار على ولد عمها
عبد الله : انا سمعت انها بتاخذه غريبة ابو عبد المجيد قبل فيك
سعود : وانا اقول شفتني خايف
عبد الله : يارجال خل عنك هونها وتهون وان شاءلله يكون زواجي وزواجك وماجد بيوم واحد
سعود : هههههههههههه ولا تنسى طلال
عبد الله وهو منقهر شوي : بيحضر حمد الزواج
سعود : هههههههههههههههههههههههههههههههههههههه اكيد بيحضر اخوها وبعدين يا رجال عشان كان خاطب مها
عبد الله : مدري ليش ما احبه
سعود : اقول بروح اعلم امي
عبدالله : لا تقول امي ماتدري
سعود : اكيد تدري انا ما اسوي شي الا برضاها بس ببلغها الموافقة
وقف عبدالله ومسك شماغه بفمه يبي يسبق سعود الي جا يركض وراه ويمسكه عند الدرج ويكتفه ويسبقه ويرجع عبد الله ويقف ويركض يبي يلحق يعلم قبل اخوه وصلوا عند غرفة امهم وكانت تسولف هي وريم وتفاجاو بسعود وعبدالله وهم يركضون وشكلهم يخوف كان شي صاير
ام سعود بخوف : بسم الله الرحمن الرحيم يالله يكفينا الشر
جلس سعود يضحك هو وعبد الله وكل ما جا ينطق عبد الله ويعلمهم حط سعود يده على فمه وهذا يسوي نفس حركته وريم تضحك على خبالهم وقامت تفزع لسعود حبيب قلبها واخيرا قدر سعود ينطق : يمه ابو عبد المجيد وافق
ام سعود : هههههههههههههههه الله يتمم على خير يارب وكل ذا الصياح والازعاج عشان تعلمونا اكيد بيوافق هو بيلقى احسن منك
عبد الله : أي بيلقى احسن ولا عشانه ولدك
ريم: لا حبيبي مافيه مثل سعود
عبد الله ورجع يشوف ريم وتذكر يوم تفزع مع سعود وقام لها وهي شافته يوم اتجه لها على طول
ريم : سعوووود تكفى افزعلي
سعود وهو يضحك : قرب وشوف
ريم : اخيرا بتجي مشاعل في بيتنا الحمدلله بس وش صار على ولد عمها مشاري
سعود : مدري عنه
ريم : أي مشاعل قالت لابوها انها ماتبيه ورافضته
عبد الله : أي عشان كذا ابو عبد المجيد وافق
سعود : الحمدلله وبعدين لا تستانسين مره انتي بعد بتروحين وتخلينا
ريم فتحت ثمها : هاه
عبد الله : سكري فمك لا يدخل ذبان
ريم : تناظره سخيف
سعود : هههههههههههههههههههه يمه ما علمتي ريم ان تركي خطبها
خلاص تعالوا دورا ريم صار وجهها اشارة مرور
عبدالله : مو لايق عليك دور المستحية ابدن
سعود :هههههههههههههههههه اقول خل بنتي الحين لا اتوطى في حوض بطنك
عبد الله : والله اني اموت فيك يا سعود الا اذ جيت تدافع عن ريم
ريم : ياربي من الغيره يا ناس الله يعين مها مدري وش شايفه فيك
سعود: هههههههههههههههههههههههههههه
عبد الله : يوم اقول الحيا مو لايق شفتوا ان معاي حق مسرعه ونست
وكانه يذكر ريم الي على طول راحت لحجرتها وكلمت مها وعلمتها بخطوبة سعود لمشاعل وبخطوبتها لتركي

وجلست تفكر بتركي
::::::::::::::::::::::::::::::::::::::::::::::::::::::::::::::
"" اهل حمد ""

" وافقت نوف على طلال بعد ما وضح لها حسن نيته وراح يكون زواجهم مع زواج الباقين "
"وفوز راحت مع حمد لماليزيا يقضون شهر العسل "

::::::::::::::::::::::::::::::::::::::::::::::::::::::::::
"" ابو عبد المجيد ""

تغيرت نفسية مشاعل وصارت طول الوقت تضحك وتساعد في شغل البيت وترتب بعد ما راحت لهل الرياض دخل ابوها عليها وهي جالسه ترتب التحف الي بالمكتبة الي بالصاله

ابو عبد المجيد : مشاعل تعالي ابيك
جت مشاعل وحبة ابوها مع خشمة وجلست جنبه : انت تامر امر
ابو عبد المجيد : شوفي يا مشاعل انتي قلتي انك ماتبين مشاري وانا بلغته وهو الرجال سافر مع اخوه متعب وخوياه للقنص وقال الله يوفقها مع غيري
مشاعل تتنهد برتياح : الحمدلله
قعد ابوها يطالعها: بس فيه خبر ثاني
مشاعل بفرح: وشو اخبارك اليوم كلها حلوه
ابتسم ابوها وكمل : خطبك سعود وانا ما وافقت
الصدمة واضحة على مشاعل ما تكلمت ولا قالت شي بس الي يشوف وجهها يتوقع انها سامعه خبر محزن يغم
ابوها وهو يبتسم لها : انتي بنتي الوحيدة ومابيك تروحين بعيد عني
مشاعل مع ابوها ماتبي تبعد عن ابوها وكيف وهو ضحى عشانها وراها بلحاله وما رضى يتزوج غير امها
مشاعل وهي خلاص شوي وبتصيح وتحاول ما تطيح دموعها قدام ابوها : الي تشوفه يبه
ابتسم ابوها وكمل : بس لاني احب سعود فانا بنقل كل شغلي الرياض وبفتح فرع هناك وراح اديره وبسكن قريب منك
مشاعل تغمض وترجع تفتح عيونها وتهز راسها تبي تتأكد هذا حقيقة او حلم جلست تناظر ابوها وعلى طول ابوها سحبها له وضمها وهي كانت تتمنى الحظة هذي وجلست تبكي في حضنه يمكن نص ساعه من الفرحه اني الي تمنت راح يتحقق

::::::::::::::::::::::::::::::::::::::::::::::::::::::::::::

::::: العرسان ::::::
العرسان سته سعود وخوه عبد الله فهد وخوه طلال تركي وماجد لذا قرروا يكون عشاء كبير فقط بدون زفه ولا شي خايفين على عيالهم مع ان ابو عبد المجيد كان خاطره يسوي عرس لبنته الوحيده بس اقتنع بوجهة نظرهم واهم ماعليه صحة بنته وسلامتها
%مواقف العرسان بعد ما دخلوا %


:::: موقف طلال ونوف :::

نوف كانت مستحيه مررررررره وما رفعت راسها
طلال حب يحرجها : طيب ارفعي راسك بشوف المكياج الي انتي تاعبه عليه حرام ما اشوفه
نوف خلاص تعالوا دوروها منحرجه وزاد احراجها
جا يمها ورفع ذقنها وشافه وجهها كان مكياجها بسيط وفي وجهها برائه سبحان الله وعيونها تلمع من الدموع
طلال وهو يبتسم لها : لالا مابي اشوف دموعك ومراح اسمح انك تنزلينها لا اليوم ولا باقي الأيام
نوف حست بالراحه من كلامه وابتسمت شبه ابتسامة
كشر طلال : يالله كمليها وابتسمي
نوف ابتسمت غصب عنها
ضحك طلال : حرام عليك تبين تحرميني ها الابتسامة الحلووه



:::: تركي وريم :::

تركي دخل وهي جالسه مو عارف وش يقول ويتمنى لو يكلم سعود يسعفه لكن قال مالك الا نفسك يا تركي محد يمك اليوم
كانت ريم عليها فستانها ناعم مره ومكياجها ناعم جلس تركي يطالعها وقرب منها ومسك اطراف اصابعها وقفها وهي تسوي مثل ما يطلب منها لحد ما وقفت رفعت عيونها له وابتسم لها : غيري ملابسك عشان افرجك على الشقة
هزت ريم راسها
تركي : هههههههههههههه لا مابي حركات الهنود ابي اسمع صوتك
ريم : فتحت فمها وحمر وجها الله ياخذه يطنز هو وشكله
تركي : هههههههههههههههههه خلاص توبه مراح اعيدها روحي بدلي بعدين اسمع صوتك
راحت ريم للغرفة وبدلت وهي مقهوره منه وتتوعد له انا اجل يشبهني بالهنود مالت عليك هذا واول لليلة هين خلني اورية وما بدلت في قميص بدلت في فستان سهره مره حلو لونه احمر طالع عليها خيال وفكت شعرها الي كان مسويه له تسريحه بسيطه مره وطلع شعرها يوم فكته حلو لانهم ما رشو عليه مثبت كثير صارت تحركه عشان ينزل اكثر على ظهرها وتعطرت وطلعت كان تركي جالس في الصاله الي فيها التلفزيون يقلب في القنوات يوم شافها فتح فمه وبتسمت اهي على شكله شوفو صدق من الهندي
تركي جا يمها ومسك يدها وشبك اصابعه بيدها تعالي اوريك ذوقي

:::: فهد وحنان ::::

فهد فعل مثل ما فعل الرسول واتبع سنته صلى ركعتين ووضع يده على رأسها عن عمرو بن شعيب عن أبيه عن جده- رضى الله عنهم - عن رسول الله - صلى الله عليه وسلم - قال: إذا تزوج أحدكم امرأة أو اشترى خادما فليقل "اللهم إني أسألك خيرها وخير ما جبلتها عليه وأعوذ بك من شرها وشر ما جبلتها عليه"

فهد امنيته تحققت اخذ له حافظة للقران والي راح تربي عياله على كتاب الله وسنة نبيه



:::: عبد الله ومها :::

عبد الله وهو يضحك : مابغت تفكنا هالمصوره " يبي يروح الإحراج عن مها"
مها ترجف يدينها وتحاول تشدها اكثر عشان ما تبان الرجفه بس غصب واضحه وضوح الشمس
مسك عبدالله يدها وشد عليها وقال بضحك: لا تخافين ما اتوقع اني اخوف لهدرجه " مها هذي الحظة الي تمنها تكون اهي وعبدالله مع بعض وكانت كل لليلة تحلم فيها لكن خوفها ورجفتها خلتها مو قادره تسيطر على نفسها ""
عبدالله وهو يبتسم وما زال ماسك يدها : يعني بتخليني اكلم نفسي
اخيرا رفعت مها عيونها وجت في عيونه ابتسم لها عبدالله وهي تبي تبتسم مو قادره بس تقطب حواجبها ضحك عبدالله ومد يدينه لحواجبها : افرديها ولا توترين قرب منها وقعد يناظر شعرها عيونها خشمها فمها وضمها له وباسها



::: ماجد وروان :::


روان على غير العادة مكياج غير وشعرها ماتقدر تسويه تسريحه تركته على قصته وكان فسانها غريب نوعا ما كأنه فسان الفرنسيات القدامى والطرحه مسويتها مثل العصبة على الراس بشكل غريب ولابسة عقد عليه اسم ماجد وهو الي اصر عليها انها تلبسه ومكياجها مثقلته اكثر من العاده دايم روان تحب تخفف مكياجها بس اليوم غيرت طالع شكلها اثيري ومسكتها عباره عن هلال ذهبي والورد ذهبي ومرشوش بخاخ ذهبي يلمع كالسكر واحمر بعد على الهلال نفسه وينزل منه سلاسل ذهبية وكا اسواره تلبسها في يدها والهلال نازل للأسفل يعني الي يشوف روان اليوم على طول يحس انها متغيره عن روان الي قبل بالف مليون مره
ما كنت محرجه مره بسبب تعليقات ماجد وكيف يعلق على الشباب الباقين ما خلا لها فرصة تستحي
دخل وجلس يلعب في مسكتها ويناظرها وهي تناظره وجلس يشيل من المسكة ورده ويلعب فيها في وجه روان الي صارت تبعد وجهها عنه لانه يأذيها وخذت روان ورده اهي وسوت نفس حركته
ماجد : ههههههههههههههههههه قلنا عروس يمكن تستحي
وفعلا كلام ماجد احرجها وذكرها انها عروس وتوردت خدودها مد ماجد يدينه على خدودها ومسكها بقوة
روان : اي
ماجد : خليك تحسين شوي عبالك بنسى وش سويتي فيني
روان وهي تفتح عيونها : وش ناوي عليه
ماجد : ناوي على اشياء واجد بنروح لشهر العسل وانتي تدفعين حقها
روان : لاتفرح كثير
ماجد وهو يبتسم : لا تحديني ترى تعرفيني زين
روان: وش بتسوي يعني
ماجد وقف : وش بسوي ومشى بسرعه وعلق بشته وجا يم روان وشالها وصار يدور فيها وماسكها من الخصر ومخلي يدينها وراسها على تحت شوي وهي تصيح وتمسكت في ثوبه وقربت اكثر منه خايفه تطيح
ماجد : تبين ابين لك بعد شي من الي بسوية
روان وهي مبرطمه : لا
ماجد : خلاص لا تصحين ولا سويت اكثر
روان : طيب مافيني ضحكة وش اسوي
ماجد : بوسيني
روان وهي تفتح عيونها : تبطي
ماجد : اجل انا الي ببوسك
روان : طيب استح القراء قاعدين يطالعون
ماجد : طيب هم يبون هالحركات وش اسوي
روان : لا محد ابيه يطلع على اسراري مع زوجي
ماجد وهو يسحب الستاره
طيب وانا ما يحق لي ادري بإسراركم ولا أنتي يا غيوم يعني طردني مثلكم هذا اخرتها وانا الي جمعتهم مع بعض قولولي وش اسوي فيهم ارجعهم يتضاربون مع بعض J

::: سعود ومشاعل :::

نجي لأبطال قصتنا للحب العذري السامي الي مهما صار فيه من عواصف ورياح قدروا يتغلبون عليها << صارت نشرة جوية J
كانت أحلى عروس بليلة عرسها وزايد عليها حياءها كانت تراقب سعود وهو يسولف مع الهندي الي واقف عند جناحهم بالفندق وتنقل نظرها للفندق وشافت قدامها ورد بكل مكان
سعود وهو يبتسم : اعجبك تصميمي ترى ما لي خبره مره بس قلت خلني اغامر
مشاعل ابتسمت له
سعود : مسكها من عند خصرها وقربها له شوي صدقيني يا مشاعل اختيارك لي مراح تندمين عليه طول العمر باذن الله
مشاعل وهي تبتسم له : ان شاءلله
سعود : يلا غيري ناوي اسهر انا وياك بمكان برى الفندق
مشاعل حركت عيونها ستغربت تصرف سعود
سعود : ههههههههههههههههه اتوقع مراح انام وانتي مراح تنامين وبكره مو سفرنا بعد بكره فأنا مسوي لك مفاجأة
راحت مشاعل واحتارت وش تلبس في الاخير استقر الامر على ثوب اصفر حرير كت ترددت تغير مكياجها او تبقى بمكياج العرس بس في الاخير قررت تخلي مكياج العرس والتسريحه لانها مره رايقه بس لبست حلق اصفر طويل بدون عقد ولبست عبايتها وجت تمشي لمه
سعود وهو يبتسم لها : خلصتي
مشاعل وهي تهز راسها : أي
سعود شبك يده بيدها وسحبها معه وطلع برى الفندق كان حاجز لهم طاولة بمطعم ومزينينها بالشموع الحمراء ورد احمر وحاط علبة هديه لها
انبهرت مشاعل وهي تشوف الطاولة
سعود : ههههههههههه هذي عاد من تصميمهم شفتي كيف حلوه
ومشاعل تبتسم له
سعود واخذ الهديه ومده لها : تفضلي
مشاعل بحياء وجها صاير احمر : مشكور
سعود : العفو ياقلبي بس افتحيها ابي اشوف ذوقي يعجبك
مشاعل وهي تفتحها شافت عقد الماس ناعم مره ابتسم : حلو مره
سعود : زين مالبستي عقد خليني البسك اياه
مشاعل وفتحت فمها ونطقت بكلمه :اوه
سعود : ههههههههههههه لا اوه ولا غيره ملبسك ملبسك وجا يمها من ورى وكان شعرها مرفوع اغلبة وباقي شوي منه على شكل خصل على ورى وجلس سعود يحوس شوي ويا الخصل عشان يوخرها من طريقة ولبسها العقد وبرودة ايدينها سببت رجفه لمشاعل
لبسها : يالله وريني الله والله انه احلا عليك منه كذا وباسه على خدها بقوه لدرجه ان مشاعل خلاص صار وجهها احمر ورايح فيها
سعود : ههههههههههههههههههه كل هذا من بوسه
مشاعل تطالعه بعتب
سعود : وش اسوي مقدر امنع نفسي منك وانتي الحين ملكي حلالي وش احسن من الحلال





وانتهت قصة ابطالنا او بطلتنا ساره
 
ابداع
قصة رائعة بمعنى الكلمة :eek::
والاروع كاتبتها وناقلتها
شكرا لكى على تعبك ومجهودك الاكثر من رائع
ما فى كلمات تعبر عن روعة القصة
التى عشنا احداثها المفرحة والمحزنة مع ابطالها لحظة بلحظة وكلمة بكلمة
والحمد لله كانت نهاية قمة فى الرووووووووعة


 
ابداع
قصة رائعة بمعنى الكلمة :eek::
والاروع كاتبتها وناقلتها
شكرا لكى على تعبك ومجهودك الاكثر من رائع
ما فى كلمات تعبر عن روعة القصة
التى عشنا احداثها المفرحة والمحزنة مع ابطالها لحظة بلحظة وكلمة بكلمة
والحمد لله كانت نهاية قمة فى الروعة
 
رد: الغريبه..روايه سعوديه ..رومنسيه.. جنااااان

"واو:"واو:

روعه بمعنى الكلمه

رهيبه رهيبه رهيبه

وربي يعطك الف عافيه
 
رد: الغريبه..روايه سعوديه ..رومنسيه.. جنااااان

يعطيك العافيه ع الطرح الجميل
 
رد: الغريبه روايه سعوديه رومنسيه جنان

رائعه اول مره اقرا روايه مافيه حركات غريبه
كل اللي فيها ادب وحياء يسلمو
 
رد: الغريبه روايه سعوديه رومنسيه جنان

قريتها من اولها لاخرها.

القصه جنان مارا حلوه ~

يعطيك الف عافيه يالغلالا . "
 
رد: الغريبه روايه سعوديه رومنسيه جنان

جدا رائعة هالرواية

يعطيك ألف عافية على إكمالها

=)
 
عودة
أعلى