نكت عراقيه

الأسدي

New member
واحد من الناصريه سوه حفلة زواج.. وزع بطاقات بيهه الجمره الخبيثه.

واحد من الناصريه إشتغل مدير دار الأيتام..كاللهم راح أسوي أجتماع مجلس الاباء.

حرامي من الناصريه طب لبيت يبوك مالكه شي..خابر رقم بأمريكا وخله السماعه مرفوعه للصبح.

صرصر من الناصريه عزم جماعته عالعشه يمه..أول ما إجوا..سحب السيفون عليهم.

واحد من الناصريه طب للجنه قفل الباب وراه.

واحد من الناصريه عينوه مدير شرطه غير رقم النجده من 111 الى 3235015409875632541 0

واحد ناصريه ببرنامج طلبات الاغاني كال: وأهديها الى صديقي بمناسبة وفاة والدته.

واحد ناصريه... طرده أبوه من البيت... كتب عالباب: مقر حزب الدعوه الرئيسي.

ناصريه شاف واحد يحترك .. إنتظر شويه وراح طفاه.. كال: حته يعيش مشوه.

ناصريه فتح شركة بيبسي كتب عالبطل: رج القنينه جيدا قبل الاستعمال

واحد ناصريه أتصل بيه جورج قرداحي ، كال له: معنا صديقك وصل نصف مليون ريال ومحتاج مساعدتك كال : كل له نايم.

واحد أمه من الناصرية اخذ دبة الغاز يعبيها كاللها : إدعي لي يمه، كالت : الله يفتحها بوجهك وليدي

ناصريه دخل بالشته يبوك فد بيت ، ما لكه شئ بس لكه عجوز أمكرمه وبردانه ومتلحفه باللحاف.. كام فتح المكيف عله أعلى درجه وطلع

واحد ناصرية يرجم الشيطان وهو متلثم سألوه الناس ليش؟؟ كاللهم: يمكن أحتاجه فد يوم

ناصرية لكه حراميه يتقاسمون كال انطوني حصه وما ابلغ عنكم هالإسبوع

واحد ناصريه سكن بالنجف، يوميه يإخذ المسجل مالته ويروح للمكبره، يفتر بين الكبور إمعلي صوت المسجل على اغنية (الحياة حلوة

واحد من الناصرية إسمه رزق الله.... صار عنده ولد سماه كاطع

شباب من الناصرية أبوهم إشترالهم شبح، طلعوا بسفره ... هوه ومرته بالكوريللا وهمه بالشبح... مروا من يمه يغنون: هيه.. هيه.. بابا راكب بالكوريللا... وراكبه يمه الغوريللا

واحد ناصريه ديموت.. باخر نفس ويوصي ولده بالخباثة... أخير شي راد يتشاهد، كام الزغير سد حلكه

ناصريه شاف واحد يصيح: راح أغرك الحكلي يمعود ... كاله: أخي هذا يومك وهذي إرادة رب العالمين... تعذرني

قاضي بالناصرية حكم على أحول يلظم أبر خياط مؤبد

جريده بالناصرية نشرت صورة واحد يعبر فد أعمى الشارع، كتبوا جواهه (متى تنتهي هذه الظاهرة؟

شيخ جامع من الناصريه قرريسوي محاضره للعميان عنوانهه: نعمة البصر

...... او تحياتي لهل الناصريه ......
...... الهوه بصدري وعبرت الناصريه عليهم هههههههه.....
 
التعديل الأخير بواسطة المشرف:
عودة
أعلى