قصيدة تعال وأسالني - فزاع

*مزون شمر*

عضو مؤسس
مفروض لقلت عني سالفة قلني
مع فعول الرجاجيل اذكر اسماها

ما أبيك لا أنت ولا غيرك يجاملني
أنا اكبر من النفوس ومن محاباها

في خاطرك شي لي تعال واسألني
لا تحكم بغيب نفسك وترضاها

لا تنوي انك بأسلوبك تقللني
ترى الله يحاسب الناس بنواياها

وتراك ما أنت بتفرحني وتزعلني
لان الحقيقة حقيقة لو تناساها

به فرق بين تتجاهلني وتجهلني
كبر البسيطة من أقصاها لأدناها

أنا اللي عقول مثلك ما تحللني
الله خلق خلقه وميز مزاياها

خلقني بهالزمان اللي معلمني
كثرة حكايا الرجال وقلة احلاها

تنزيل مثلك لقدري ما ينزلني
ما كل حاجه تمناها بتلقاها

في عيون بيض الوجوه الله مجملني
أنا أحشم أشنابها وأدس ملحاها

لا تعتذرلي ولا ترجي تواصلني
ولا تلحق الذم مدح ولا تقصر اخطاها

مدايح اللي سواتك ما توصلني
لو تمطر الارض ما وصل السما ماها​
 
عودة
أعلى