فصاخه فصاخه .. مصاخه .. قلة حيا .. من هالبنات والشباب

الموضوعات العامه التي لاتندرج تحت أي قسم من أقسام المنتدى إرسال إلى Facebook ارسال الى تويتر
  1. فصاخه فصاخه .. مصاخه .. قلة حيا .. من هالبنات والشباب

    السلام عليكم ورحمة الله وبركاته

    ومساءكم الله بالخير والصحه والسلامه

    تاتي اهتمماتنا وفق سلم معين
    ولعل في اول هذا السلم هو [ المجتمع ]

    هنا اطرح ظاهره نراها في الاسواق من شبابنا وبناتنا الافاضل
    وهي حديث الشباب العاملين بالمحلات مع البنات
    سوالف .. وضحك .. وتميلح .. ومياعه ... إلخ من اساليب قلة الحيا

    انتشر في الفتره الاخيره عمل الشباب السعودي في المحلات بالاسواق
    وقلنا شئ جميل يظف الشباب العاطل خصوصا ان الرواتب ماهب شينه
    وقلنا برضه شئ حلو ان ولد هالبلد هو اللي يبيع على بناتنا .. يحترمهن ويقدرهن
    ولكن للاسف للاسف للاسف .. اي شخص يروح للاسواق يشوف بإم عينه
    مدى قلة الحيا اللي وصل لها هالشباب والبنات
    سوالف دون اي احترام .. ضحك بالمحل ولا عليهم با احد
    تميلح من الشباب والبنات
    حتى اصبح هدف الوظيفه امن اغلب هالشباب هو التعارف ع البنات

    وانا بتكلم هنا من الواقع المنظور اللي اعرفه زين

    واحد اعرفه توظف من ثلاث سنوات في احد هالمحلات
    كان ولد وش حليله ماله بعلوم البنات ابببببببدا
    من دخل هالوظيفه .. الولد انقلب فوق تحت
    وش لبس .. وش شكل ..
    لبس طيحني وقلة الحيا
    شكل لاشنب والشعر ما ادري وشلون مسويه

    يعني الرجوله انفقدت من ملامحه
    وانقطعت عنه اكثر من سنه
    وقابلته مره بالصدفه .. قعدت اسولف معه واخذ اخباره
    وللاسف للاسف كل كلامه عن البنات .. قابلت البنت اللي ما ادري شلون شكله
    وخويي يعرف ما ادري كم بنت .. وقصص وقصص من اللي تصير في هالمحلات

    والله اني رحت من عنده وكلي اسف على حاله
    وقبل ما اروح قلت له انتبه على روحك ترا الرجوله شرق وانت غرب
    قال يارجال الدنيا الحين كذا << شوفوا العذر
    لاحول ولاقوة إلا بالله بس


    وشخص ثاني اعرفه من ايام الثانوي
    برضه متوظف في حد هالمحلات
    قابلته مره بالسوق عند المحل اللي متوظف فيه
    رغم انه تزوج لكن للاسف كل يومه بنات وبنات
    قلت له انت تزوجت يعني خلاص حرام عليك .. اعقل
    قال يا ابوي ايش اسوي .. يجو هنا بنات فتن
    هي اللي تتكلم وتضحك وتتميع
    قلت له ماهب عذر هاذ .. انت انهرها وكشر عن ناب الحميه
    لو سويت تسذا راح تستحي على حالها

    وكنت عنده بالمحل وقدام عيني
    تدق بنت تسال عن فلان [ موظف بالمحل ]
    ^
    قمة السفاله

    وللاسف مابنقول هاذي حالات شاذه
    بالعكس هاذ حال 80% من الشباب اللي يشتغلون في هالمحلات
    شباب فقد لمعالم الرجوله .. فقد النخوه والعزه والكرامه
    والله لو فيهم واحد عنده من علوم الرجال مثقال ذره
    تسان استحى على حاله وماسمح للبنت تتمادى في الكلام
    تسان احترم عمله وحافظ على نفسه واحترمها
    لكن للاسف

    وطبعا السبب الاول والرئيسي بهالظاهره هو البنات
    شلون تسمح لنفسها بتجاوز الاخلاق والضحك مع شخص غريب

    يعني وصل الحال لحد ان الولد الفلاني بالمحل الفلاني
    تلقى بنات كثير يقولون نعرفه ويعرفن اسمه
    وفلانه تقول لفلانه ايوه انا اعرفه وما ادري وشو


    مشكله تعكس الواقع المر اللي يعيشه كثير من الشباب والبنات
    مشكله يندا لها الحرف بعرق الاسف

    لكن اقول اخيرا

    السبب بتجاوز الشباب للاخلاق .. هو فقدان الرجوله بشخصياتهم
    لو فيهم رجوله كان استحوا على حالهم
    الرجوله تمنع الشخص عن دنايع الامور

    والسبب الاخر والرئيسي
    تميع بعض البنات وقلة حياهم بالمحلات
    وفقدانها للحيا والعفه والكرامه

    وفيه سبب مهم جدا
    هو ذهاب البنات للاسواق بلحالهن
    لو كان معاها اخوها او ابوها ما كان تجرات ولا تجرا العامل بالمحل بالسوالف
    لكن للاسف الحين كل بنت تشل خطاها وتروح للسوق بلحالها
    اما مع سواق ولا اخوها يحطها ويمشي

    نفتقد النخوه والرجوله في شبابنا
    سواء العاملين بالمحلات او بمن يترك اهله يروحون للاسواق بلحالهم

    اسف اسف اسف على هالحال
    وليت الشباب ماتوظفوا
    [ شباب مستحيييييييل ياخذ الشئ من الناحيه الحسنه .. لااازم يتجه للجانب السيئ ]

    عفا الله عنا جميع واصلحنا إن شاء الله
    هلاليه مووت

  2. ههههههههههههههه

    معاج حق اختي

    الله يهدي الجميع
    دمعه فرح


  1. 09-08-2010, 08:08 PM
  2. 25-05-2009, 12:50 PM
  3. 25-12-2008, 06:23 PM
  4. 12-04-2008, 01:21 PM