لكن حبيبي حيّ مع ذا ..رثيته !!

.
,
أقول بنسى .. وأحسب أني نسيته
الحب الأول صعب نسيان .. راعيه


عانيت من بعده كثر ما .. هويته
لا أحتلت في قربه ولاني .. بناسيه



له منزله في وسط روحي .. بنيته
جدرانه ضلوعي وهو ساكن .. فيه


دورت له بين الضلوع .. ولقيته
خلف الضلوع يبين ما طاع .. خطاويه



واليوم يوم احتجت له .. مالقيته
حتى الأثر بين الأضلاع .. ماحيه



ما فيه شخص في حياتي .. بكيته
إلا الذي مات مانيب .. راجيه



لكن حبيبي حي ومع ذا .. رثيته
من قلبي اللي أحسن الله .. تعازيه



حملت قلبي بالهموم .. ورجيته
كني ما أعرف إلا غيابه .. وأحاتيه



أقول بنسى و أثرني .. ما نسيته
الحب الأول صعب نسيان .. راعيه
.
.
م\ن
 
أنا حاس بك وعارف ومجرب هذا الشعور

تقبلي مروري

مع فائق تقديري واحترامي لك

أخوك أبو سامي
 
عودة
أعلى