صرت شاعر

شعر, قصيد, شعراء, قصائد مسموعة إرسال إلى Facebook ارسال الى تويتر
  1. صرت شاعر

    ما اكتب شعر ..
    ولا اطرب ويه الناس ..
    ولا اخلي الگلب من غيرچ ..
    ايعاشر ..
    اشگد آنه اكتبت ..
    بس مو شعر محسوب ..
    ومن أكتبت عنچ ..
    أي صرت شاعر ..!!
    تغفه اگبال عينچ ..
    كل الحچايات ..
    وتفززهن ارموشچ ..
    چن سحر ساحر ..!
    اچذب من احبچ حب
    مثل هالناس ..؟
    حبي وياچ ..
    ماظن بالبشر صاير ..
    الطفل من يحب امه .. الفطره تبدي وياه
    وتكبر يوم ، يوم .. وما يضل حاير
    وأنه احتاريت بيچ ..
    وبالكبر حبيت ..
    بس چني طفل ، واكسر الف خاطر
    ما چذب عليچ .. وعاشرت اشكال ..
    انهي اليوم قصة ..
    وابتدي اباچر ..
    اواعد هاي هسه ..
    وذيچ بعد ايام ..

    وتمشي وياي وحده ، وثانية اتناطر
    بس لمن لگيتچ كلشي بيه انهار
    ردت بس گلبي اروضه ..
    واني ما گادر ..
    اذا اغسل اذنوبي ..
    اباب گلبچ عود ..
    هم ابقى آنه مذنب ، واعتبر كافر ..؟؟

    اهداء الى نصفي الثاني

    امبراطور الغرام

  2. هالكلمات لك والا منقولة ؟؟؟

    اذا منقوله ياريت تكتب منقول للامانه الادبيه

    يسلمووو على الطرح

    الله يعطيك العافيه

    تحيتي لكم
    بنت زآيد

  3. صح لسانك امبراطور ..... اذا صدق العنوان

    قصيدة جميله ورائعة بدايه موفقه

    بس لو تكتب القصيدة بالعامية احسن واوضح لان بعض الكلمات تغير معناها باللغة العراقية

    مشكور وما قصرت وننتظر الجدييييييييييد

    تحياتي لك
    مجنون خالد