مجموعه اشعار عراقيه

هذه اشعار عراقيه
او بالحره لون من اللوان الشعر العراقي المسى ب العتابه
العتابه هي لون من اللون الشعر وهي تتكون من ثلاثه اشطر كلها على نفس الوزن
والشطر الرابع يخالف الثلاثنه الاوله
هذه تعرفين بسيط عن العتابه
واغلب الشعراء اللي يقولون عتابه هم في وسط وجنوب العراق
واختر لكم مجموعه من شعراء مختلفين


اظل اكتب شعر للزينين ونشد
وسأل على الصاحب دوم ونشد
واصير حزام وقت الظيق ونشد
لك عزيز وغالي عليه

يطارش لو رحت لهناك مرهان
وخبرهم تراني بسجن مر هان
ان كان الزاد عندكم حلومرهان
شحلات الزاد لو تقعد سويه

دليلي انسحن عالخلان ونظر
ونحل جسمي بجفاكم حيل ونظر
ادير العين عالدربين وانظر
لاجوني ولا دزو جواب اليه

سكاني الدهر من فرقاك بس مر
وشهد ماشفت من دنياي بس مر
رمش عيني فراش لك بس مر
وترد الرومح من تسأل عليه

جروحك للشمس ياقلب شرهن
وليالي السهر ماينحمل شرهن
الك عمري رهنته بعد شرهن
اذا حتى العمر ماعاد اليه

هجم حبك على سنيني وغزلها
وروحي بمغزل السحرة وغزلها
القصايد بس الك لايق غزلها
شكثر افرح لو تسأل عليه

حبيبي مابدله بالذهب لو مال
وصيرله سند للحمل لو مال
خاف تقول تعب مني لو مل
اظل وياك لاخر نفس بيه

يلقدامك علي مايوم خطت
عليك اقلام قلبي شواق خطت
اريد اعلن عليك اليوم خطت
زئير الاسد يلمبعد عليه


نشم عطرك يغالي من هوانه
ونحب كلمن يحبنه من هوانه
اشتظن نقدر نعوفك من هوانه
لو عفتك مصيبه تحل عليه

اكص قلبي بجفاكم ان تهاوين
واظل اسأل ودور انته ها وين
قذيفه اصبحت انا ونته هاون
وشضيه اصبحت ماتلحق شضيه

حبك بالضلع مسمار مندق
وحس قلبي يسولف بيك من دق
كمت اركض على الجوال من دق
لان ادري العزيز اتصل بيه

ركيت جبال ماتشرف عليهم
ودمع العين مابطل عليهم
يطارش لو رحت سلمنه عليهم
وشوفهم نسوني لو بعد بيهم رجه

يغالي الذهب مايرهم وصف لك
وكتب شعر من قلبي وصف لك
تعال بقلبي مدرستك وصف لك
اذا تاخذ صفر انطيك ميه


كتايب جيش لعيونك وشرطه
علي احكام مفروضه وشرطه
لشق ثوبي على فراقك وشرطه
دكلي بيا ذنب تحكم عليه



مع تحيات اخوكم النادر













 
التعديل الأخير:

هجم حبك على سنيني وغزلها
وروحي بمغزل السحرة وغزلها
القصايد بس الك لايق غزلها
شكثر افرح لو تسأل عليه
نشم عطرك يغالي من هوانه
ونحب كلمن يحبنه من هوانه
اشتظن نقدر نعوفك من هوانه
لو عفتك مصيبه تحل عليه


الله الله الله
كلها تجنن بس اخترت هاي لحبيبي وزوجي

يسلمو على النقل الرائع
 
يغالي الذهب مايرهم وصف لك
وكتب شعر من قلبي وصف لك
تعال بقلبي مدرستك وصف لك
اذا تاخذ صفر انطيك ميه

يسلمووووووووووو
 

رش الدرب تيزاب حافي أعتني لَك
جا شٌلي بالرجلين الما تجي لك

لو ترِش مو تيزاب لو تزرع ألغام
اللحم خلٌه إيروح أوصلٌك إعظام

مشكوووور اخي النادر على القصيدة الاكثر من رائعة

تقبل مروري

اخوك المهاجر
 

رش الدرب تيزاب حافي أعتني لَك
جا شٌلي بالرجلين الما تجي لك

لو ترِش مو تيزاب لو تزرع ألغام
اللحم خلٌه إيروح أوصلٌك إعظام

مشكوووور اخي النادر على القصيدة الاكثر من رائعة

تقبل مروري

اخوك المهاجر


تيزاب احط بالعين وتلف نظرها
جا شلي بالدلال يمشي بأمرها


يعطك العافيه المهاجر

مرور رائع
تسلم على هالدارميات الرائعه

تحياتي
 
ينادر لا تهَيج الجرِح خَلّه

شيداوي الينطعن بيدين خِلّه

أخوك المرفأ المابيه خِلّه

غدر جرحوه بسهام المنيّه

تسلم يانادر على هذه النوادر وتقبل مني هذه الأبيات التي هي محاوله ليس الاّ ..مع حبي
 
عودة
أعلى