قصيدة ما درت عن حبها - فيصل اليامي

ما درت عن حبها ياليتها تدري ليتها ياليتها لو قدرت مره
ان قلبي من كثر شوقي ملا صدري وان صدري من كبر قلبي نفذ صبره
من صباح الخير لين الشمس ما تسري ومن مساء الخير لين نصير في بكره
والغلا في داخلي مثل النهر يجري ليتها تدري بغلاها داخلي شكثره
هي تحسب اني طلبت الشهره بشعري والله ان حبي لها نساني الشهره
من يقول ان الشعر بيزيد من قدري بس انا شعري لها بيزيد من قدره
ليتغزلت بحلاها يصطفق بحري والقصيد يروق لي في عجزه و صدره
وان بديت الوصف دوم اختار في امري م الجبين او م العيون او أ وصف الغرة
والخدود اللي من الله لونها زهري وفمها من زود زينه زاد في صغره
مشيها لو هو فتني والله بعذري قدها المياس يشبه ميلة ألزهره
كل شي فيها من الله خلقته مغري وقلبها خيره يغطي دايماُ شره
العطر هو يشتريها لو نوت تشري وردة والورد دايم يعرف بعطره
هي هواي وهي بعد لي قلبي وعمري وابتسامة خاطري لو خانت العبرة
ليتها تدري عن اللي يدور في صدري وليتها تدري بغلاها داخلي شكثره
 
التعديل الأخير بواسطة المشرف:
كل شي فيها من الله خلقته مغري وقلبها خيره يغطي دايما شره
العطر هو يشتريها لو نوت تشري وردة والورد دايم يعرف بعطره


صح لسانه ولاهنتم
 
عودة
أعلى