همس الاعضاء على جسر الشعر

مجنون خالد

Active member
السلام عليكم

كيفكم يا احلى واجمل اعضاء

انا جبت لكم موضوع من تأليفي واتمنى يعجبكم


وهو يجي العضو الاول و يكتب بيتين شعر سواء من تاليفة او نقل

ويقوم العضو الثاني يرد عليه بشرط اذا كان العضو الاول كاتب البيت من تاليفة يقوم العضو الثاني يرد علية
بعد من تأليفة وبنفس الموضوع والقافية واذا كان العضو الاول جايب البيت نقل بعدها على كيف العضو الثاني
سواء يرد بنقل او تاليف اهم شي بنفس الموضوع ولا تهم القافية بالرد على بيوت النقل


يعني

البيوت اللي من تاليف العضو ... لازم ترد عليها من تاليفك ونفس موضوعة وقافيته..
والبيوت اللي جابها العضو نقل ... على كيفك ترد عليها بتاليف او نقل بس اهم شي نفس الموضوع

ملحوضة //// تكتب بس بيتين سواء بالرد او بالتجديد وتعرفها إذا كانت لك او نقل ولا تنسون ترى يقدر العضو انة يرد اكثر من مره كل ماوجد نفسه فاضي يرد على اخر واحد كتب او جدد
وطريقة التسلسل كيف ..!!
طبعا يكتب العضو الاول البيتين... يرد علية العضو الثاني ببيتين ويقوم العضو الثاني بكتابه بيتين جدد سواء نقل او تاليف
للعضو اللي بعده اللي هو الثالث وبعدين يرد العضو الثالث على الثاني ويكتب بيوت جدد للعضو اللي بعده اللي هو الرابع ... والرابع يرد على الثالث و يجدد للخامس والخامس يرد على الرابع ويجدد للسادس وعلى هالموال فهموتوا

قولو لا ...!! المهم للي فهم انا راح اكون اول عضو يبتدي ..!





إن قلت لك مرتاح والله أنا كذاب
وإن كان روحي سرها البعد كذابة
الشوق يدني ربع من طولو غياب
والشوق يذبح لو تباطوه غيابة

منقولة
 
إرفع جروحك عن وصال الخناجر
نزفك عزيز ومثلك النجم لاطاح
ولاتنحني للريح والذّل فاجر
والخوف ساس الذل والغبن ذبّاح
مادام لك عن خفضة الهام زاجر
إمّا إنكسر ولا تعدّاك الارياح

،،،،،،،،،،،،،،،،،،،،،

مادري الرد كذا مناسب اولا

،،،،،،،،،،،،،،،،،،،،،،،

ليٍتكْ مٍعّي يوٍمْ الهوٍى نوٍد نسْناس
مٍن الفرٍحْ وٍالله ما تدمع العٍين
ناس عًلى تَعذيٍب ناس لهم ناس
وٍهًذا الهوٍى ياخٍذ قُلوٍب المُحبيٍنْ
لًكنْ لا يٍطرٍي عًلى بالٍك الياسّ
ذوٍق الهوٍى دامكْ تعيًش العمٍرٍ حيْن
خذْ مٍن عطرٍ وٍرد مًع طٍيب الانفاس
وإقْطف مٍن أثمار الهوٍى فيّ البساتين


للي بعدي

وشكرا لك مجنون خالد على الفكره الحلوه
 

رد

إسأليني قبل تجرحك الضنون ---وإسمعيني قبل يتعبك الغضب
أدري باللي فيك يالقلب الحنون---النوايا بيض والغيرة تعب
علميني كيف من حبك يخون---كيف أخونك وإنتي من نفسي أحب
خاطرك غالي وحبي لك جنون --- والعمر مابين رمشين وهدب
همك اللي ذاب في سود العيون --- صدقيني ماله بقلبك سبب
ماسواك احدٍ على روحي يمون --- وماسوى حبك على قلبي إنكتب
مانشدت الشمس بعدك وش تكون--- وما سألت الريح من وين المهب
عاتبيني حب والدنيا تهون--- وشهو احلى من الرضى عقب العتب

- - - - - - -



للي بعدي

بين المحال وبين تحقيق الامال --- مثل اللذي بالظبط بيني وبينك
بين الشقا والجرح والدمع والحال --- عشرة متينه وثقتها سنينك
عزفت في روحي من الوجد موال --- روح تلاعبها بأنامل يدينك
أحيي خيالك في خيالي وتغتال--- حلم جمعنا خايف ما يبينك
دايم تعذبني ودايم على البال --- الحب غلا فيك زينك وشينك
كان المحال يخون في لحظة وصال--- درب المحال امشية من شان عينك
 
التعديل الأخير:
رد

الغلا قصه عجيبه تبتدي بضحكة عيون....
قصه فارسها مشاعر نابضه بأغلى غرام....
نصها كلمة (أحبك) ياحبيبي للجنون......
تنطلق من قلب عامر بالمحبه والسلام....
هذي هي قصة حبي يوم جيتك ياحنون....
مابقي شي بكياني غير حبك بإحتدام؟؟



،،،،،،،،،،،،،،،،،،،،،،،،

للي بعدي

لي ضلوع أوقات تصبح من ح طب
و الع يون أحيان ماتبكي .. تنوح ..}
ضقت في كل الوسيع ه والرحب
مالتفت الا وقدامي صروح ..
هذا حالي للفرح أبغ ى سبب
وين ماوديت هم ي مايروح ..}
صاح بي اخركلامي بنسح ب
بترك اللي راح وابدا ب النزوح ..
صاح بي خذها نصيحه لاتحب
وان تمرد بك خ فوقك لاتبوح ..}
 
رد

ان عنيت اليوم باكر ما عنيت ---- الهوى ما عادني ونفسي فزعت
الهوى ذقته بوقته وإكتفيت ---- وما بقى من الحال له روحي رعت
الحقيقة إني بوقتي سليت ---- الدقايق وقتها لي طاوعت
إبتديت بطيب وبنهي ما خطيت --- حلوة الذكرى الى منها طبعت
كان مني ياغريبة لك حكيت --- الحروف لبعضها جملة تبعت
القصد لاشي ولا لحاجة سعيت --- الضروف اللي على الصدفة سعت
ياغريبة كان أنا منك خذيت --- العطايا حبالها منك قطعت
أشتري من يشتريني وان عطيت --- أعطي عيوني بنظرة ما خدعت



للي بعدي

خذي من أيام الهنا في حياتي ---- وأعطيني أيام الشقاء في حياتك
مابي من البسمة أثر في شفاتي ---- يكفي أشوف الإبتسامة بشفاتك
وان حارب النوم عيوني في مباتي ---- يغفى بعيناك المنام في مباتك
يا ناشدة عني ترى ذي صفاتي ---- أخذتها من طابع في صفاتك
حلوة لي أيامي ومعك ذكرياتي ---- وحلوة لك أيامك ومعي ذكرياتك
إخذي من أيام الهنا في حياتي ---- وأعطيني أيام الشقاء في حياتك
 
التعديل الأخير:
x.png


x.png
 
رد
كثر ماقلت في نفسي باحاول هجرك و أنساك
الاقي الروح ياروحي تغيب بلحظة غيابك

تخيل حتى لو بأنسى نسيت اني أبنساك
تطمن كل شي فيني يموت ويعشق ترابك


،،،،،،،،،،،،،،

للي بعدي

اليوم لك ثاني مع راحة البال
وانا بعد همي له اليوم ثاني

اليوم تاركني اناظر بالاطلال
صورة رساله حلم جرح واماني

ليلي قضيته بين هم و غربال
واقول في نفسي حبيبي نساني
 
رد
لمت نفسي ولامني حظي معاك .... أشتكي من هم وابكي من الم

ياخطاي اللي توافق مع خطاك .... لا سلم حبك ولا حبي سلم

انت اعز الناس ما تجهل غلاك .... ما أعتقد هالحب يأتي من عدم

كل ما مرو على هذا وذاك .... كلهم لاشيء وانت اللي أهم

ما نساك القلب لحظة ما نساك .... من كرم قلبك تعود ع الكرم

وش دعاني للخطاء وش هو دعاك.... ذي شروع الحب ما فيها حكم






للي بعدي

خلاص أنا وإنت اخر دربنا مسدود ... حبل جمعنا قطعة الياس وانفلّي

دمعة وعبرة وحرمان عليه شهود ... وأحلام عمرٍ قهرها الوقت ياخلّي

أيامنا البيض نقطة في سنين سود ... وأمراً عقد كنت أحسبه يوم ينحلّي

وأثر البخت ضايعٍ ياحظي المقرود ... أدري نساني الفرح والعود منسلّي

صبرٍ قفا صبر يالله لا يجينا زود ... حلمك وش العمر ياخذ ويش بيخلي

ترى العزى في حياتي ما بلغه حدود ...علي حملٍ ثقيل كيف ينشلّي
 
التعديل الأخير:
قال الوداع وقلت هذا مكاني
حلفت لو طال الزمن ماتعداه
اما ليامنه رجعله لقاني
وإلايكفيني مكانه وذكراه
 
رددد

انا مثل اللذي تايه خلق همه معه رفقه
تقاضا فية وقتة من غرابيل وقع فيها
تورد به هموم كثار تصدر به على طرقه
حياته كلها ترحال حاضرها وماضيها
شتاي اقبل وبردة شين واخايل بالسماء برقة
وروحي العارية منهو على بردي يدفيها
دفى حب دفى تحنان دفى نفس لها شفقه
ابي الفرحة ولا عينت بايعها ومعطيها


للي بعدي


وهج في خافقي من نور حبك ماتناسيته
ولابه من هواك اليوم مخلاص ينجيني
عرفتك في حياتي انسان اغليتة وحبيته
رضيتك بد خلق الله تامرني وتنهيني
فيك من الشعر اكتب ومثلة فيك غنيته
سبقني صوتي لوصلك غناوي يامعنيني
اغيب من البشر عاذر ودونه باب صكيته
واقول اهواك ياروحي ومنك رضاك يكفيني
 
رد...​

جمال الحب مايكمل بدون مشاهده و وصال
وترى قلب المحب جايع اذا ماشبعت عيونه

وجو الشوق متقلب ولا مره استمر في حال
وهذي قمة اللذة في بال اللي يعرفونه​



للي بعدي....​

ياصاحبي ياعز من على اقدامه مشا
ياحاجتي في هالزمن ياشف بالي و طلبي

البارحه حزني هجدني و ابتلاني من عشا
واصبحت ماقدر مشاريهي و ضيقي و تعبي​
 

صبرت وقلت تتْعدل ولكن الصبر مافاد..
على شانك تأكد صابر ٍ ماهو على شاني..

هقيت إنك تبادلني غلاي وفي شعورك جاد..
واثاريك إتّسلا والغلا حق واحد ٍ ثاني..

عظيمه كانت الصدمه على ماقيل جبت اعياد..
لعبت بحسبة أشواقي واحاسيسي ووجداني..

منقوله




وللي بعدي لي ,,,,وابغاه يرد على نفس الوزن والقافيه ان امكن

في كل يومن اجي يم دراك مشيك
لاصار لالي ولالك رقم جوالي

ماغير ادووُج بحيك لعنبوا حيك
وماغير اسولف على حالي وانا لحالي

امشي برث الهدوم وإلا انت متشيك
ارفق بحالي لطش الثوب وعقالي

يا........؟ الا مشكاي ياخيك
اللي على بالهم ماهو على بالي
 
رد..

وش حيلة اللي تعثر بالهوى زيّك
ماغير يشكي همومة ماله الوالي

يمشي مع الناس ويناظر ندى فيّك
ويشرب من الريح رشفة تشغل البالي

ياكثر ما أضم طيفه مانقض طيّك
يدمي جروحة بلمسة دمّها سالي

ياهيه لا تنكسر لحظة على غيّك
من كان مجروح يرجع والهوى غالي

مجنون خالد



للي بعدي ..




لله ماريد الا السلام
ورد السلام واجب على مسلّمه

ياظالمةحسنك والله حرام
وطبعك لنور حسنك مظلّمه

مثلي رجا ردك لا مايلام
وش من ضرر لوك متكلّمه

عينك حواها سود الظلام
يشفع مشاهدها وهي مسلهمة
 
الرد

حكمة الله ماعلى خلقه ملام
والسيوف مجرده ومثلمه

لويذم الصمت ويباح الكلام
ماشكى الطالب لظلم معلمه

الهوى بيًن مثل روس العلام
ليتك ان شفته تجي وتعلمه

فالحقيقه يارفيقي كم عام
والمشاعر في هواه متيمه

يكفي انه لانظر لي بإحترام
قمت كلي من وفاه مشيمه


ياهيه لا تنكسر لحظة على غيّك[/
من كان مجروح يرجع والهوى غالي


صح لسانك مجنون خالد ؟؟
انا كتبت على القافيه بس
,,,,,,,,,,,,,,,,,,,,,,,,,,


للي بعدي


قم ياقصيدي بالعجل لاتعزويت
قم ياقصيدي طال فيك البروكا

اكتب ليامن ساح بال وتقهويت
اكتب فدتك اقلام باركر وروكا

بي حزن مثل الدمع في عين تكريت
وامجاد طارق يوم راحت تروكا

قولولها ترجع ترى ماترديت
وحبي لها بالقلب يلوك لوكا


الابيات لي
 
التعديل الأخير:

رد

والله ماسوي مثل ماإنت سويت
لو في طريقي جمرحارق وشوكا



خلٍ نساني ماأتبعة يوم حنيت
خله يعرف اني غريب الحكوكا



ماقام عندي حب كاذب ولاجيت
اتبع هوى اللي غارقٍ بالشكوكا



دامه تناساني أنا له تناسيت
انا ابيع اللي بغالي شروكا


كلمات /مجنون خالد





للي بعدي


رح للذي غرك عسى الله يهنيك
ماعاد لي رغبة بحبك حبيبي



لاتحسب اني بالليالي أحاتيك
لقيت منهو فيه جرحي يطيبي



أعطيتك احساسي وانا كنت شاريك
واليوم حبي هاوياً للمغيبي



مع السلامة رح حبيبك يناديك
اسف نسيتك غصب عني حبيبي



كلمات / مجنون خالد



 
الأخ العزيز ..مجنون خالد..
صح لسانك ولسان الأخت مزون ..أعجبتني الفكره جدا..واعجبتني امكاناتكم على التباري مع الأخوه الأعضاء ..الله يجزيكم الف خير على مثل هذه المبادرات ..وأتمنى ان يكون للشعر الفصيح نصيب من مبادراتكم الرائعه لأن الغرض منها هو تنمية القابليات على سرعة البديهيه بالتباري الرائع
..تقبلوا مروري المتواضع
 
عودة
أعلى